Физкультурниконь шись
| Физкультурниконь шись | |
|---|---|
| Баку ошсь 1920-це кизотнень. Физкультурниконь шись Баку ошсь 1920-це кизотнень. Физкультурниконь шись | |
| Типсь | Профессиональнай ила |
| Смузсь | спортть колга азонкшнемась и шумбра эряфонь вятемась |
| Ётафневи | эрь кизоня |
| Датась | августонь омбоце ёткшиста |
Физкульту́рниконь шись — профессиональнай ила, кона ётафневи Россияса августонь омбоце ёткшиста. Сон ульсь ладяф 1939-це кизоня и лемтьф спортсметтненди, тренерхненди, физкультурань тонафтыхнеди и сембонди, кие кельгсы спортть. Илань шить ладямац кочкаф СССР-нь Верховнай Советть Указонь коряс № 3018-Х «Праздниконь и лятфтамань шитнень колга» 1980-це кизонь 1-це октябрьста [1].
Илась келиста кармась нолдавома тевс 1920—1930-х кизотнень ушетксста, мзярда сувафтфоль лозунгсь, кона сявфоль Децим Юний Ювеналонь эзда: «шумбра ронгса — шумбра ваймопожф» руз. «В здоровом теле — здоровый дух». Физкультурниконь шись сувсесь илатнень ёткс, конатнень коряс, военнослужащайхненди Рабоче-крестьянскяй Краснай армияст (РККА) макссевсь водка—"наркомовскяй 100 граммсь".
Эрямопингоц
Физкультурниконь шись ладяфоль СССР-нь народнай комиссариатонь Советть вельде 1939-це кизоня шумбра эряфть шнаманц инкса. Васенцеда илась ульсь ётафтф 18-це июльста, а эрь кизоня ётафнема шиц полафневсь. 12 кизонь ётазь сафоль мяльс васьфнемс тя илать августонь омбоце ёткшиста.
Советскяй Союзонь Социалистическяй Республикаса сортсь кармась нолневома тевс пяк келиста и сембе кармасть колганза содама, мезсь вятсь эрь кодама организациянь эвондамати, тяфта эводась «Динамо» и «Спартак», а тяфта жа ГТО-сь. Ётафневсть СССР-нь народонь спартакиада и пялькстомат.
Физкультурниконь шись ляткшни ламоцненди илакс, кона ётафневи-васьфневи ламоц российскяй ошнень эзга. Спортсь шнашендови, кода оттнень станя и сиретнень ёткса. Эрь кизоня 80 миллионть малава ломань странасонк сувси 700-да лама спортивнай событиятненди[2][3].
2024 кизоня 10-це августста ётай сембе Россиять эзга. Илать васьфтьсазь сембе, кие сотф спортть мархта[4].
Илать ётафтомаса койхне
Тя илать кода фалу ётафнезь чемпионатса и пяльксотмань сяськихнень шнашендозь. Сембода няеви ватокс ульсь физкульурникнень массовай парадсна, коса эздост ульсь 45 тёжянть малава ломань сембе странаста. Васенда парадсь ётнесь Якстерь площадьса, а меле Моску ошса Динамо стадионца.
Тяниень пингонь Россияса физкультурниконь шиня панчсевихть спортивнай од площадкат, паркнень эса ётафневихть турнирхт шра лангса тенисса налхкомать коряс, пялькстомат мини-футболть коряс, эстафетат, пялькстомат эсь ширет пиксонь ускомасть коряс, армрестлингть коряс и ламось лиясь. Шумбрандафнесазь тя илать мархта аф аньцек профессиональнай спортсметтнень, но и физкультурань тонафтыхнень, тренерхнень и сембонь, кие вяти спортивнай эрек эряф[5].
Мялень салай фактт
- Спортсь лезды сяськомс стрессть. Физическяй упражнениятне кирьфтасазь стрессть серенц.
- Кожфонь куй руз. Воздушный змей — спортонь профессиональнай вид Таиландса[6][7].
- Древнегреческяй олимпийскяй атлеттне пялькснесть марнек штада. Минь кяльсонк «гимнастика» валсь эвондась сире греконь кяльста «gymos»,смузец «штада».
- СССР-са макссесть тяштенят ГТО физкультурно-спортивнай комплексонь пяшкодеманкса. Тя аббревиатурась ётафтови «Готов к труду и обороне мокшекс Анокан трудти и араламати». 2014-це кизоня Россияса мрдафтозь ГТО-нь тяштенянь максомать. Кой-кона вусне путнихть вельф баллхт абитуриеттненди, кинь ули ГТО-нь зрнянь тятфама тяштеняц. [8][9].
Ванк нинге
Лятфтамат
- ↑ Мутко, Виталий Леонтьевич. Физкультурниконь шить мархта! РФ Спорт-Инфо (7 августста 2012). — Российскяй Федерациянь Спортонь министрть шумбрандафтомац отраслясапокодихненди 2012 кизоня Физкультурниконь шить васьфтевоманц мархта. Дата обращения: 3 июльста 2024. Архивировано 19 августста 2012 года.
- ↑ Российскяй Федерацияса Физкультурниконь шись. РИА Новости (12 августста 2023). Дата обращения: 3 июльста 2024.
- ↑ Кодама шиня кармай Физкультурниконь шись Россияса 2023-це кизоня тянь колга азонды "Рамблер". Рамблер (2022-це кизонь 20-це апрельста). Дата обращения: 3 июльста 2024.
- ↑ Физкультурниконь шись 2024-це кизоня:илань историясь и традициятне. Комсомольская правда. Дата обращения: 3 июльста 2024.
- ↑ Россиса Физкултурниконь шись 2024 кизоня: мольхтяма тренировкатнень эзда сяськомати. Вфокусе (22 февральста 2021). Дата обращения: 3 июльста 2024.
- ↑ 25 интересных фактов о спорте. Мультиурок. Дата обращения: 3 июльста 2024.
- ↑ 14 секрет спортть колга, конат саласазь тинь мялентень. 1gai.ru. Дата обращения: 3 июльста 2024.
- ↑ 25 мялень салай фактт спортть и содаф спортсметтнень колга. sports.ru. Дата обращения: 3 июльста 2024.
- ↑ Физкультурниконь шись 2023: шись и сториясь. РБК Life (11-це августаста 2023). Дата обращения: 3 июльста 2024.