Ильгянь шись

Ильгянь шись руз. (Ильи́н день) — Христианскяй церькавса Илия шкаймаряйть лятфнемань шиц и традиционнай народнай иласна восточнай и южнай славяттнень, грекнень, грузинттнень и ламоц лия ломаньтналхнень, кит эздост прьняндасть православия. Васьфневи 2-це августста. Славяттне Илья-шкаймаряйти иняруфнень эзда путнезь серцек Николай Чудотворецть мархта.

«Илья Пророк грозящий». XIX в. Россия.

Пророк Илья. Святые Георгий Победоносец, Феодор Тирон, Феодор Стратилат, Димитрий Солунский. Болгария. 1856

Илать колга

Кунардонь коень пинкнень, мзярда мокшэрзятне ульсть аф христиатт, синь ульсь шкайсна Ёндолпаз — ёндолонь шкайсь. Кой-коста васьфневи Ёндол-бабась. Сон лувондови пчкафтома маштыкс. Сире пингонь арьсематнень корява — ёндолсь - пурьгинепазть налоц, кона машфнесыне кальдяв вийхнень. Ёндолпазти сюконякшнесть, пелендсть эздонза, энялькшнесть кучемс лямбе пизем. Штоба ёндолть эзда афольхть крьвязе кудсь, карттне, утопне, капатне, печксесть лама жуватат. Кстиндамда меле Ёндолпазкс кармасть лувондома лувондозь Илья шкаймаряйть. Илиянь шкаймаряйть азорондамац пиземть лангса и коське шить лангса лувондовсь Грецияса и Ближняй Востокса, коса шачсь крестьянскяй культсь. Тя шарьхкодематне сотфт Библияса азфть мархта.

Ильгянь шиста (сире стильть 20-це июльста, од стильть корява 2-це августста) ашезь мярьгондев покодемс, мезевок тиендемс, штоба аф кяжияфтомс пророкть. Мзярда кувать кальдяволь ушесь, Пурьгинепазть и Ёндолпазть лемс печксесть уча, керсесть ёндолста шяйф шуфта.

Лия нароттнень коряс

Коми-пермяконь народсь Ильгянь шиста арнесть ластя алаша лангса. Кунардонь пинкнень жувататне панцевсть пакся и арьсекшнесть, што тя шиня хищникненди Илья шкаймаряйть эзда максови тиемс семботь, мезе синь мяльст. Коми-зырянонь и коми-пермяконь велева, как и славянонь, ульсь жуватань печксемань кой, конань эзда мзяровок эрявсь кандомс церькаву и марстонь ярхцама ляй трваса. Ильгянь шида меле локафневсь кардамась уфазь морай народнай морамбяльса. Тя шиста сявомок мярьгондевсь ушедомс кочксемда вриень имошт, ушеткшнесть сёроть урядама.

Оцю васта Ильгянь шись занцесь сярдонь мельге якайхнень эряфса, кельме ширдень коми-зыряттне и ненецне, кильтф сярдонь мархта пялькстозь арнемат, аноклакшневсь козя. Илать аделамда меле сярдонь мельге якайхне валом-валом ушеткшнесть шаштома ся васттненди, коса кармайхть кирдевома жувататне тялонда.

Тага ватт

• Ведява
• Вармава
• Вирява
• Кардазава
• Куйгорож
• Паксява
• Тюштя
• Юрхтава

Литературась

Мокшин Н.Ф. Религиозные верования мордвы. — Саранск: Мордовское книжное издательство, 1998. — 254 с.

• Орлов Н.П. Этнографические сведения о мордве Красно-слободского и Наровчатского уездов // Пенз. губерн. вед. 1876. (руз.)
• Шахов П.С. Мордовский календарно-обрядовый фольклорно-этнографический комплекс сибирского бытования (осенне-зимний период). Институт филологии СО РАН, Новосибирск (руз.)
• Шахов П.С. Мордовский календарно-обрядовый фольклорно-этнографический комплекс сибирского бытования (весенне-летний период). Сибирский филологический журнал. 2017. № 1. С. 261–276. (руз.)
• Устно-поэтическое творчество мордовского народа. Том 07. Часть 3. Календарно-обрядовые песни и заговоры. — Саранск, 1981. — Т. 7. — С. 272-301. (руз.)
• Девяткина Татю. Мокшэрзянь мифологиясь. Тартунь университет, 2002 ISBN 9985-867-24-6
• Евсевьев М.Е. Избр. тр. Т. 5. Мордовская свадьба. Саранск, 1966; УПТМН. Т. 7. ч. 3. Календарно-обрядовые песни и заговоры. Саранск, 1981.(руз.)