16-це сентябрьста

← → Сентябрь
Ат Швш Врж Шв Пд Ётк Ндл 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30
2025 кизось

16-це (кемготувоце) сентябрьста — кизоть шиц григорианскяй ковгярьксть коряс. Кизоть моли 258-це шиц, високсонайста 259-цесь. Кизоть шумордаманцты ляткшни 106 ши.

Сентябрь — кизонь вейхксоце ковсь.

Международнайхне

• — Азоновай кувонь араламань международнай шись.

Национальнайхне

•  Сент-Китс и Невис — Героень шись.
•   Мексика — Эсезонза ащема шись.
• Папуа — Новая Гвинея — Эсезонза ащема шись (1975) Австралиять эзда.

Событиятне

• 1931 — тиф-ладяф С.В. Образцовонь лемса някань Государственнай Академическяй Центральнай театрась руз.: Государственный Академический Центральный театр кукол им. С. В. Образцова.
• 1943 — фашистскяй врьгятнихнень эзда мяньф Лозовая и Ярцево ошне.

Шачсть

• 1919 - Янюшкин, Иван Андреевич (к.2005-це кизось) прозаиксь, Россиянь Писателень союзу сувафтфсь (1981), Мордовия Республикань заслуженнай писательсь (1996), шачсь тяниень Мордовия Республикань Ковылкинскяй райононь Кацялай руз.: Кочелаево велеса.
• 1933 - Конурина, Генриетта Васильевна (к. 2012-це кизоня) морайсь, педагогсь, СССР-нь, РФ-нь Театральнай тевтиихнень союзу сувафтфсь (1974), МАССР-нь заслуженнай артисткась (1985).

Народнай ковгярькссь, приметатне и фольклорсь

• Шись лисемдонза меле кяши - пизем туй.
• Шобдавань летьксь алу новоли - манити.

Валмуворксне, валвеляфксне

• Ломанць аф панга, шиста аф касы.
• Кизонь ши - усф ши.