Сире Од кизось

Рувики лопаста

Сире од кизось – Од кизось юлианскяй ковгярьксть коряс (сире стилть коряс). Од кизось сире стильть коряс сашенды веть 31-це декабрьста (13-це январьста) 1-це январти (14-це январти). Тя валзюлмось оксюморононь кепотькс. Тя илать содасазь-ванондсазь ся масторхнень эса, коса Роштувась ванондови юлианскяй ковгярьксть коряс 25-це декабрьста (7-це январьста). Тяфта «Сире од кизось» сашендови Од кизоти юлианскяй ковгярьксть коряс. Тя илать эвондамац сотф сянь мархта, што Роштувась, ковгярьксонь койть коряс, сашенды Од кизоть инголе. Тяда башка, туфталкс тя илати ащи ся, што православнай церькавса Од кизонь илась, кона ванондови григорианскяй ковгярьксть коряс, сашендови Роштувань постти, мзярда аф мярьгондеви аноклакшнемс козя шрат, ярхцсемс сивольда-вайда и весялготкшнемс.

Коса ванондови тя илась

Од кизось юлианскяй ковгярьксть коряс ванондови аф аньцек Советскяй пингонь мельдень масторхнень эса, но и кой-кона лия вастова. Кепотьксонди, тя ся аймакне, конат Сербонь православнай церькавть кядялот – Кельме ширень Македониясь, Сербиясь, Черногориясь. Тяда башка, тя Румыниясь, а Швецарияса и Уэльсса аф сембе вастова. Шотландияса тя илась ванондови 12-це январьста. Тя шить ванцазь Африкань кой-кона нароттневок, конатнень фкат ковгярькссна. [1]

Сире Од кизось кой-кона масторхнень эса

Россияса

1699-це кизонь 30-це декабрьста Россияса Пётр I оцязорсь ётафтозе кизоть ушетксонц 1-це сентябрьста 1-це январти юлианскяй ковгярьксть коряс[2]. Сире од кизонь илась эвондась 1918-це кизоня, мзярда ушедовсь нолявома тевс григорианскяй ковгярькссь[3], тяфта 1-це январсь юлианскяй ковгярьксть коряс арась 14-це январти григорианскяй ковгярьксть коряс. Рузонь православнай церькавсь Сире Од кизоть васенце шиня ванцы Азорть киськопенц керомань илать и Василий Великаень лятфнемань шинц. Тя шись аф лувондови церькавонь кизоть ушетксокс, кона ванондови 1 (14)-це сентябрьста.

Ётай пингонь СССР-са

СССР-ть срадомдонза меле, Россияда башка, Сире Од кизоть станек ванондсазь Беларуссиясь, Казахстанць, Украинась, Грузиясь, Молдавиясь, Армениясь, Киргизиясь. Азербайджанса и Узбекистанца эряйхнень эзда 40% ванцазь тя илать, а стане жа Прибалтикаса и ичкоздень зарубежьяса эряй православнайхне.

Ингольдень Югославияса

Сире Од кизонь васьфнемань койсь ванфтовсь Сербияса и Черногорияса. Серпне лемнесазь тя илать Сербонь Од кизокс. Стане жа Сире Од кизоть васьфнесазь Кельме ширень Македонияса. Сербиянь Республикаса (Босниянь и Герцеговинань ширьхнень эса) 14-це январсь азф ваймамань шикс[4].

Швецарияса

Сире Од кизоть юлианскяй ковгярьксть коряс (Иняру Сильвестрань сире шись, нем.: Alter Silvester) стане жа васьфнесазь Швецарияса немецонь кялень кой-кона аймакса. Тяса тевсь ащесь лиякс Россиять коряс, тя аф церькавсь ашезе прнянда григорианскяй ковгярьксть, а ломаттне (фкя ковгярькста омбоцети ётамась протестанскяй Швецарияса лиссь XVII—XVIII сяда кизотнень пингста).

Алжирса, Мароккоса, Тунисса

Берберхне од кизоть васьфнесазь берберонь ковгярьксть коряс, кона пяк мала юлианскяй ковгярьксти. Алжирса берберонь од кизось сашенды 12-це январьста, а аф январень 14-це шиня. Алжиронь президентть указонц коряс, кона лиссь 2017-це кизонь 27-це декабрьста, 12-це январсь азф ваймама шикс[5].

Японияса

Япониянь Сире Од кизось (яп. 旧正月 кю:сё:гацу) — тя илась «риссюн» (яп. 立春), тундать ушетксоц (стане жа китаень сокаень-видиень ковгярьксть ушетксоц)[6].

Марстонь культураса

Михаил Рощинонь пьесац «Старый Новый год» (1967). Андрей Вознесенскяень валмороц «Старый Новый год» (1975). Олег Ефремовонь и Наум Ардашниковонь художественнай фильмасна «Старый Новый год» (1980, СССР, Михаил Рощинонь пьесанц коряс).

Ванк нинге

  • Цебярь илядь
  • Васильевонь илядь
  • Овсень
  • Посевание
  • Китайскяй од кизось

Лятфтамат

  1. Конюхов А. Постсоветский оксюморон: что такое старый Новый год. Вокруг Света (14 январьста 2022).
  2. Старый Новый год: история, традиции, приметы Старый Новый год: история, традиции, приметы. Inkazan.ru (Инказан.ру) (12 январьста 2024). Дата обращения: 13 январьста 2024.
  3. Декрет СНК гласил: «Первый день после 31 января этого года считать не 1-м февраля, а 14-м февраля, второй день считать 15-м и т. д.» (О введении западно-европейского календаря // Собрание узаконений и распоряжений рабочего и крестьянского правительства. П., 1918, № 19, ст. 289).
  4. 14.ЈАНУАР НЕРАДНИ ДАН. Дата обращения: 8 январьста 2019. Архивировано 9 январьста 2019 года.
  5. Wayback Machine, LA DÉPÊCHE DE KABYLIE, 2006-01-15.
  6. Делби, Лайза Крифилд, «Гейша» (Vintage, 2000, с. 124)

Ссылкатне