Сура (ляй)

Сура ляйсь
Сура ляйсь
	Сура ляйсь Алатырть ваксса
Характеристика
кувалмоц	841 км
Бассейн	67 500 км²
Ведень ётафтомась	260 м³/с (в устье)
шудемац
Ушедомац
• Ащема вастоц	Сурские Вершины велесь
• Координатанза	53°23′41″ с. ш. 46°56′27″ в. д.GЯO
Прама вастоц	Чебоксарскяй водохранилищась
• Ащема вастоц	Васильсурск посёлкась
• Координатанза	56°07′23″ с. ш. 45°58′21″ в. д.GЯO
Ащема вастоц
Ведень системась	Чебоксарскяй водохранилищась → Рава → Каспийскяй оцюведсь
Масторсь	Россия;
Регионць	Ульяновсконь аймак, Алаошонь аймак, Пензань аймак, Мордовия, Чувашмастор
Код ГВР	08010500112110000035062
	исток устье
	Сура

Сура́ (руз. Сура), (чуважекс Сăр, горномар. Шур, эрз.: Сура лей)^[2] — оцю ляй, Рав ляйть виде ширень шудемац. Шуди Ульяновскяй, Пензенскяй и Нижегородскяй областтнень эзга, Мордовиять, Марий Элть и Чувашиять эзга.

Сурать бассейнац

Ляйть кувалмоц — 841 вайгяльбе^[3], ведень вастоц — 67 500 км²^[2]^[4]. Ляйть прама вастсонза ведень ётафтомать кучка показателец — 260 м³/с^[5].

Сявсы ушетксонц Приволжскяй возвышенностьса Ульяновскяй областень Сурские Вершины велеть маласта и шуди васенда шивалгома шири, а меле кельме шири. Алуце вастонзон эса эзганза уевихть оцю венчт. Тевс ноляви промышленностень лемс ведень кандомаса. Сура ляйть лангса инь оцю ошсь — Пензась. Сурать лангса тяфта жа ащихть Сурск, Алатырь, Ядрин, Шумерля ошне, ляйть прама вастсонза ащи Васильсурск пристанць, Курмыш велесь. XVI-це векть самс Сурать эзга ётнесь Московскяй княжествать шинь стяма ширдень масторкитьксоц.

Ляйсь тевс ноляви валондоманди, ведень пачфтеманди и рекреациянди^[6].

Топонимикась

Сурась — тяза-тоза мянцеви ляй и сонь шудефксоц тиенди крута шаркст. Горномаринь кяльса «шур» валсь стане жа няфти «сюра» (ракшань сюра)^[7]. Улема, этимологиясь моли тя валть эзда.
Лия версиясь:

Мокшэрзятне ляйснонды мярьгихть Сура, кой-коста Суро, горнай мари кяльса Шур, путсаськ удмуртонь кяльса шур «ляй» валть ваксс, чувашень шор, шур «шяй», коминь шор «шудерькс». Тя сембось корхтай сянь колга, што Сура гидронимсь лиссь «ляй» терминцта Рав кужень кулоф финно-угрань кяльса.
— Масторонь географическяй лепне: Топонимическяй валкс. — М: АСТ. Поспелов Е.М. 2001

Колмоце версиясь:

Лемть эвондаманц колга ули мокшэрзянь айнема: «Кунардонь пингть ламоц нароттне ётнесть эряма вастста вастс. Мзярда мокшэрзятне састь тяза, Равть ваксса эрясь ни кодама-бди народ. Мокшэрзятне састь Рав ляйти, но сят, кит тоса эрясть, ашезь нолда синь молемс алу ляйть эзга. Мокшэрзятне мрдасть меки, но вярге, Равть эзга; якасть тов-сей, вешендсть, коса эрямс. Састь стама вастс, коса лямбе ширде Равти шуди лия ляй. Атятне марса кармасть арьсема: месендема, коза сяда тов молема? Фкя инь сире ломанць мярьгсь: „Вага тя ляйсь, кода сур, кона няфнесы, коза молемс. Тейнек эряви молемс тя ляйге и тоса эрямс“. Сонь кулхцондозь и тусть вяри тя ляйть эзга, тоса лия наротт эста ашельхть, кивок ашезь эря. А вастсь охотендаманди цебярель, вирьда ламоль. Тяфта синь и лядсть тязк эряма. А ляйти кармасть мярьгома Сур — сон, кода кядень сур, теест няфтезе, коса эрямс. Сурсь мокшень и эрзянь кяльса — „кядень сур“».(«Мокшэрзянь народть устно-поэтическяй творчествац», том X. — Саранск, 1983, с. 230)
— Пензенскяй крайть сире пингонза топонимикань ваномаса^[8]

Нилеце версиясь:

…татаронь кяльса ули «соры́» вал (тяфта лемнесазь Сура ляйть ся вастонь татархне), кона няфти уле тюс, самай стама тюсоц Сура ляйть
— Нижегородскяц татархне: этническяй юрхне и историческяй судьбатне^[9]

Характеристикац

Ведензон пяшкодемасна эрь кодама, сяда лама солаф ловть эзда. Шадаведсь апрель — май ковста. Эйндакшни ноябрьста — декабрьста, лисенди эйть алда мартть песта — апрельста.^[5] Сурскяй водохранилищать строямдонза меле ляйть шудемац кирдеви.

Эрямопингоц

XVI-це векста Сура ляйсь лувондовсь масторкитьксонь ведень шудема вастокс. Дипломатсь и путешественниксь С. Герберштейн, кона сашендсь Россияв 1517 и 1526-це кизотнень, сёрмадсь: «Сура ляйсь явондсыне Москувонь и Казанень оцязорхнень модаснон, сон шуди лямбе ширде и, шарфтомок шинь стяма шири, прай Равти комсь кафксува миль вастса сяда ала Новгородть эзда. Волгать и Сурать марс педемстост, фкя ляй трваса, Василий оцязорсь стяфтсь ваксарош и лемдезе эсь лемонсонза Василёвгородкс (Basilowgorod)»^[10]. Тя ваксарошть путомдонза меле русне сявозь эсь кядялост пцтай марнек ляйть.

1557-це кизоня, мзярда А. М. Курбский князсь сась Казанть лангс Иван Грознаень походонц пингста Сурав, лемдезе сонь «оцюдонга-оцю ляйкс, коса пяк лама калда»^[11]. XVII-це векста Сурать и сонь притоконзон лангса строяфтольхть ваксарошт: Саранскяйсь (1641-це кизоня), Пензась (1663-це кизоня) и лият. Улема, васенце лятфнемакс Сура ляйть ихтиофаунанц (руз.) (мок. колга ульсть кулятне Пенза ошть колга Геральдическяй конторав 1728-це кизоня: «А тя ошсь строяф Пенза и Сура ляйхнень видеса… А азф ся ляйхнень и эрьхкнень эса калхт: ведьгаст, тутка калхт, ментюкт, сигалхт, вирьгалхт, сярьгонят, судакт, лещат, пиштемгалхт, кярякат»^[11].

Сурать бассейнаса васенце исследовательскяй работать ётафтозе П. С. Палласонь экспедицияц 1768-це кизоня. Сонь киц ётась Нижегородскяй и Пензенскяй губерниятнень эзга.

Климатсь

Ляйсь ащи умеренно континентальнай климатса, конань кельмот тялонза и сатомшка психть кизонза. Ляйть аймакоц ащи умереннай широтань пожфнень вийснон ала, конатнень каннесазь сей-тов тяса азорондай ши валгома ширень варматне. Кучкастонь температурась сембода пси ковста, июльста — 18-19 °C; сембода кельме ковста, январьста — 11-12 °C. Марнек кизеньберьфонь кучка температурась 4 °C малава, летьксь — 75 %. Ловть серец латцеви ноябрть 15-20 шистонза и кирди 150—160 ши^[12].

Касыксне и ракшатне

Сура ляйсь Сурское посёлкать ваксса

Тяниень пингонь калхнень видснон составсна Сурань бассейнаса ащихть 50 таксонста (руз.) (мок., синь эздост туводнайкс ащи 37 видсь, интродуценткс (руз.) (мок. — 13, ётай-потай виттне тяниень пингс апак васьфнект. Виттнень ламошкасна васьфневихть Сура ляйть шудефксса (42) и оцю шудерькснень (притокнень) эса (34). Сурать бассейнаса ули эрьхкнень, ведень шудематнень эса васьфневихть аньцек калонь 7 витт: ведьгазсь, верховкась, обыкновеннай голецсь, сиянь кярякась, сярьгонясь и пиштемгалсь. Ламоц ляйхнень эса карпсь васьфневи сяс, мес повонды эзост прудонь хозяйстватнень эзда. Аньцек Сура ляйса васьфневи 5 витт: тюлька, угорь, синец, берш. Аньцек прудса и ведень ванфтома вастса васьфневихть 3 витт: акша амурсь, буффало и сёрмав толстолобиксь. Но ламоц интродуценттне «ворьготькшнихть» хозяйстваста, сяс синь эвондакшнихть ляйхнень эса. 2008-це кизоня ГосНИОРХ-нь покодихне Сура ляйть алуце шудема вастсонза (28 вайгяльбень вастонь ведть коряс вяри молемста) тяштькстазь бычок-круглякть улеманц. 37 виттнень эзда, конат сувафтфт региональнай Якстерь книгатненди, Сурскяй бассейнаса эряйхть и/или эрясть 29 вид^[2].

Лофцта потяйхнень эзда васьфневихть: ведьбинесь, ведьгатось, норкась. Кой-коста перьфке касы вирьхнень эзда ведьта симома лисендихть вирень тувот.

Амфибиятне: прудонь и эрьхконь ватракшне, шуроста васьфневихть модаватракшт.
Риптилиятне: сере пря куйсь.
Сукст-унжат: салмоксонь салайень эрь кодама витт, зёлфонь ведьунксни (руз. водомерка прудовая).
Моллюскатне: беззубкатне, перловицатне, прудовикне. Васьфневихть ракатка.

Сура ляйть лашмоса Алатырскяй районть моданзон лангса (9025 га) ащи «Присурский» заповедникть оцюшка пяльксоц.

Сура ляйть лашма вастсонза Большеберезниковскяй районть моданзон лангса (1 тёжянь га) ащи Симкинань пярьфпялень парксь.

Ихтиофаунась

XIX-це векть песта Симбирскяй губерниянь Алатырскяй, Курмышскяй, Ардатовскяй уезттнень эса калонь кундафкснень эса васьфневсть: пиштемгалсь, судаксь, лещась, урхкась (руз. голавль), стерлядьсь, вирьгал, музьгал (руз. сазан), кярякась, ведьгазсь, сярьгонясь, ментюксь, белугась, туткась, осётрась, сельдьсь, сигалсь и подустсь^[13].

Сура ляйть ушетксонза сатомшка ашуфт ихтиофаунать лувкссонц коряс и лувондови аньцек калонь 9 витт: ляень гольянць, верховкась, ведьгазсь, пиштемгалсь, ментюксь, обыкновеннай подкаменщиксь, усав голецсь, сибирскяй и обыкновеннай щиповкатне. Мекольдень кизотнень ведьбинеть тевонзон инкса, конат полафнесазь перьфпяльть, Сурань Вярдень гидрорежимсь ламода лиякстомсь. Тиендеви типично «ручьевой» реофильнай фаунать полафтомац лимнофильнайть лангс. Кда инголи 90 % сембе калонь кундаматнень эса ульсь ляень гольянць, то тяни сембода лама тяса усав голецта, пиштемгалда и верховкада^[2].

Явлейка велеть эзда сявомок Чаадаевкати молемс ихтиофаунась нинге канни реофильнай «характер», а лимнофильнай виттнень лувкссна мзярс аф пяк оцю. Реофилхнень эзда васьфневихть тяфтама калхт: урхкат, елецт, быстрянкат, подустт, уклейкат, волжскяй шуварбект. Сатомшка лама лувкссна сярьгонятнень, пиштемгалхнень, ведьгаснень^[2].

Чаадаевкаста сявомок Колдаис велети молемс ихтиофаунась канни сяда няеви лимнофильнай ширет. Виттнень ёткса, конатнень оцю лувкссна, ули кода явфтомс сярьгонятнень, уклейкатнень, пиштемгалхень, лещатнень. А. В. Янкинонь даннаензон коряс тяса эряй калонь 28 вид, а кда сявомс лувксс старицатнень — 31 вид^[14]. Тя вастса ихтиофаунать тяфтама оцю козяшиц шарьхкодеви Сурскяй водохранилищань плотинать инкса^[2].

Сяда кржа эрь кодама видта вярдень участкаса, инь лама — ляйть прама вастонц ингольдень участкаса. Тяниень пингста Сурать вярдень шудемасонза — 33 вид, кучкастоннеса — 29, алудоннеса — 35. Сембода лама и сидеста васьфневихть ляйть тя вастсонзон эса белдопне и сярьгонятне, а сембода шуроста — куень калхне, музьгалхне, стерлядсь и бершсь. Марнек, ляйса васьфневи калонь 41 вид, конат сувсихть 14 семействань тъналс^[2]:

Украинская минога/Eudontomyzon mariae
Стерлядь/Acipenser ruthenus
Черноморско-каспийская тюлька/Clupeonella cultriventris
Ведьгаз/Щука/Esox lucius
Речной угорь/Anguilla anguilla
Лещ/Abramis brama
Белоглазка/Ballerus sapa
Синец/Ballerus ballerus
Русская быстрянка/Alburnoides rossicus
Белдом/Уклейка/Alburnus alburnus
Жерех/Aspius aspius
Густера/Blicca bjoerkna
Зрнянь кяряка/Золотой карась/Carassius carassius
Сиянь кяряка/Серебряный карась/Carassius gibelio
Волжский подуст/Chondrostoma variabile
Музьгал/Сазан/Cyprinus carpio
Волжский пескарь/Gobio volgensis
Верховка/Leucaspius delineatus
Урхка/Голавль/Squalius cephalus
Вирьгал/Язь/Leuciscus idus
Елец (рыба)/Leuciscus leuciscus
Пеель/Чехонь/Pelecus cultratus
Обыкновенный гольян/Phoxinus phoxinus
Обыкновенный горчак/Rhodeus amarus
Белопёрый пескарь/Romanogobio albipinnatus
Сярьгоня/Обыкновенная плотва/Rutilus rutilus
Якстерь паця/Краснопёрка/Scardinius erythrophthalmus
Тутка кал/Линь/Tinca tinca
Усатый голец/Barbatula barbatula
Сибирская щиповка/Cobitis melanoleuca
Обыкновенная щиповка/Cobitis taenia
Куень кал/Обыкновенный вьюн/Misgurnus fossilis
Сигал/Обыкновенный сом/Silurus glanis
Ментюк/Налим/Lota lota
Обыкновенный ёрш/Gymnocephalus cernuus
Пиштемгал/Речной окунь/Perca fluviatilis
Обыкновенный судак/Sander lucioperca
Волжский судак/Sander volgensis
Бычок-кругляк/Neogobius melanostomus
Ротан/Perccottus glenii
Обыкновенный подкаменщик/Cottus gobio

Сура ляйть прама вастоц и ляйть алуце шудемац ноляви тевс калонь кундаманди^[2].

Сурав прай ляйхне

Сурав прай инь оцю ляйхне нят — Уза, Алатырь, Пьяна и Барыш.

Кержи ширде прай ляйхне

Труёв
Сюзюмка
Кадада
Колдаис
Вежняньга
Уза
Пенза
Пензятка
Шелдоис
Колоярка
Шукша
Кутля
Пелетьма
Вьяс
Репьевка
Умыс
Синяш
Нерлейка
Большая Кша
Чермелей
Штырма
Лаша
Чеберчинка
Промза
Большая Сарка
Малая Сарка
Мокрый
Алатырь
Явлейка^[15]
Ичикса
Елховка
Меня
Киша
Медяна
Пьяна
Курмышка
Урга
Белавка
Семьянка
Огневка
Чугунка

Види ширде прай ляйхне

Час
Качимка
Метлей
Шкудимка
Тешнярь
Катмис
Юловка
Ишимка
Шнаево
Медовка
Вядя
Иванырс
Айва
Инза
Аргаш
Тала
Беловодье
Барыш
Иреть
Кувалда
Бездна
Люля
Атратка
Пикшара
Сиявка
Киря
Алгашка
Мыслец
Кумашка
Кумажана
Уревка
Выла

Галереясь

Сурась Рав ляйти прамстонза. Васильсурск ошсь.
Сурась Пензаса.
Сура ляйсь Качелай велеть ваксса.

Лятфтамат

↑ Ресурсы поверхностных вод СССР: Гидрологическая изученность. Т. 10. Верхне-Волжский район / под ред. В. П. Шабан. — Л.: Гидрометеоиздат, 1966. — 528 с. (руз.)
↑ ¹ ² ³ ⁴ ⁵ ⁶ ⁷ ⁸ Ручин А. Б., Артаев О. Н., Клевакин А. А. и др. Рыбное население бассейна реки Суры: видовое разнообразие, популяции, распределение, охрана(руз.). — Саранск: Мордов. ун-та, 2016. — 272 с. — ISBN 978-5-7103-3217-7.
↑ Сура // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.
↑ Sura River / river, Russia (англ.). — статья из Британская энциклопедия Online. Дата обращения: 21 сентябрьста 2022.
↑ ¹ ² Сура (река) // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
↑ Сура // Словарь современных географических названий / Русское географическое общество. Моск. центр; Под общ. ред. акад. В. М. Котлякова. Институт географии РАН. — Екатеринбург: У-Фактория, 2006.
↑ Большой марийско-русский словарь (1990—2005): Марий йылме мутер = Словарь марийского языка в 10 томах. Йошкар-Ола: Марийское книжное издательство, 1990—2005 (неопр.). Дата обращения: 10 ноябрьста 2025. Архивировано из оригинала 9 декабрьста 2014 года.
↑ М. С. Полубояров. Древности Пензенского края в зеркале топонимики: Москва, 2010 (рус.). inpenza.ru. Дата обращения: 10 ноябрьста 2025. Архивировано 8 январьста 2020 года.
↑ Орлов А. М. Нижегородские татары: этнические корни и исторические судьбы. Нижний Новгород, 2001 (рус.). mishare.narod.ru. Дата обращения: 10 ноябрьста 2025. Архивировано 30 ноябрьста 2019 года.
↑ Сигизмунд Герберштейн. Записки о Московии, в 2 тт.(руз.) / А. Л. Хорошкевич, пер. А. И. Малеина, А. В. Назаренко. — М.: Памятники исторической мысли, 2008.
↑ ¹ ² Лебедев В. И. Верхняя Сура в 16–18 вв. // Пенза. Из истории области. Очерки краеведов. — 1993. — Вып. 4. — С. 64–71.
↑ Географический атлас Республики Мордовия(руз.) / А. А. Ямашкин, С. М. Вдовин, Н. П. Макаркин и др.. — Саранск: Мордов. ун-та, 2012. — 204 с.
↑ Рыболовство в России в 1900 году: По материалам, полученным от хозяев, состоящих корреспондентами Отдела Сельской Экономии и Сельскохозяйственной Статистики и от учреждений, ведающих дела по рыболовству(руз.). — С. Петербург, 1901. — 122 с.
↑ Янкин А. В., Янов Д. Г., Ильин В. Ю. Особенности ихтиофауны верхнего течения реки Суры. — Известия ПГПУ. Естественные науки. — 2006. — Вып. 1 (5). — С. 89–91.
↑ Лист карты N-38-46-A-a — ФГУП «ГОСГИСЦЕНТР»

Ссылкатне

О мѣстахъ сліянія рѣкъ Пензы и Суры въ XVIII—нач. XX вв. (неопр.) sites.google.com.

[1] Ресурсы поверхностных вод СССР: Гидрологическая изученность. Т. 10. Верхне-Волжский район / под ред. В. П. Шабан. — Л.: Гидрометеоиздат, 1966. — 528 с. (руз.)

[Ручин-2] ¹ ² ³ ⁴ ⁵ ⁶ ⁷ ⁸ Ручин А. Б., Артаев О. Н., Клевакин А. А. и др. Рыбное население бассейна реки Суры: видовое разнообразие, популяции, распределение, охрана(руз.). — Саранск: Мордов. ун-та, 2016. — 272 с. — ISBN 978-5-7103-3217-7.

[3] Сура // Большая российская энциклопедия : [в 35 т.] / гл. ред. Ю. С. Осипов. — М. : Большая российская энциклопедия, 2004—2017.

[4] Sura River / river, Russia (англ.). — статья из Британская энциклопедия Online. Дата обращения: 21 сентябрьста 2022.

[bse-5] ¹ ² Сура (река) // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.

[6] Сура // Словарь современных географических названий / Русское географическое общество. Моск. центр; Под общ. ред. акад. В. М. Котлякова. Институт географии РАН. — Екатеринбург: У-Фактория, 2006.

[7] Большой марийско-русский словарь (1990—2005): Марий йылме мутер = Словарь марийского языка в 10 томах. Йошкар-Ола: Марийское книжное издательство, 1990—2005 (неопр.). Дата обращения: 10 ноябрьста 2025. Архивировано из оригинала 9 декабрьста 2014 года.

[8] М. С. Полубояров. Древности Пензенского края в зеркале топонимики: Москва, 2010 (рус.). inpenza.ru. Дата обращения: 10 ноябрьста 2025. Архивировано 8 январьста 2020 года.

[9] Орлов А. М. Нижегородские татары: этнические корни и исторические судьбы. Нижний Новгород, 2001 (рус.). mishare.narod.ru. Дата обращения: 10 ноябрьста 2025. Архивировано 30 ноябрьста 2019 года.

[10] Сигизмунд Герберштейн. Записки о Московии, в 2 тт.(руз.) / А. Л. Хорошкевич, пер. А. И. Малеина, А. В. Назаренко. — М.: Памятники исторической мысли, 2008.

[Лебедев-11] ¹ ² Лебедев В. И. Верхняя Сура в 16–18 вв. // Пенза. Из истории области. Очерки краеведов. — 1993. — Вып. 4. — С. 64–71.

[12] Географический атлас Республики Мордовия(руз.) / А. А. Ямашкин, С. М. Вдовин, Н. П. Макаркин и др.. — Саранск: Мордов. ун-та, 2012. — 204 с.

[13] Рыболовство в России в 1900 году: По материалам, полученным от хозяев, состоящих корреспондентами Отдела Сельской Экономии и Сельскохозяйственной Статистики и от учреждений, ведающих дела по рыболовству(руз.). — С. Петербург, 1901. — 122 с.

[:0-14] Янкин А. В., Янов Д. Г., Ильин В. Ю. Особенности ихтиофауны верхнего течения реки Суры. — Известия ПГПУ. Естественные науки. — 2006. — Вып. 1 (5). — С. 89–91.

[15] Лист карты N-38-46-A-a — ФГУП «ГОСГИСЦЕНТР»

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]