Симкинань перьфпялень парксь
| Симкинань перьфпялень парксь | |
|---|---|
 Паркть потмос сувамась | |
| Основной информациясь | |
| Площадсь | 1 тёжянь га |
| Пуроптф | 2001-це |
| Ащи | |
| 54°11′29″ с. ш. 46°01′38″ в. д.GЯO | |
 Аудио, фото ди видео | |
Симкинань перьфпялень парксь (руз. Симкинский природный парк устойчивого развития) — 1 тёжянь гектар лангса природань парксь, кона ащи Симкинань лесничестваса Мордовия Республикань Большеберезниковскяй районть моданзон лангса, Сура ляйть лашма вастсонза, коса касыхть салмоксу и лопав вирьхть, келемкшнихть лугат и шяйхть, лама эрьхкта.
Кодама сон
Проектоц тиф 2001-це кизоня Симкинскяй ландшафтнай заказникть видеса «Сянгяря мир» организациять оцюнянц В. М. Смирновонь инициативанц коряс. Парксь пяк козя касыксонь коряс (40-да лама касыксонь вид, нупонень и пангонь, конат сувафтфт Мордовия Республикань Якстерь книгав — тяконь лувксса плаун трёхколосковый, венерин башмачок крапчатый, пололепестник зелёный, песчанка Биберштейна (Биберштейнонь песчанкась), заразиха бледноцветковая (бледноцветковай заразихась), и Россиянь Якстерь книгав — тяконь лувксса венерин башмачок настоящий, пыльцеголовник красный, надбородник безлистный, ватракшпанчф,вяшки тише, ежовик коралловидный). Козя и и ракшань-унжань коряс (ведьбине, выхухоль, сярда, косуля, вирень тува, европейскяй норка, куница, сувози, вирьзарас, уле карга, уле цапля, «Аполлон» мелавня, махаон, подалирий, поликсена, мешсь-плотниксь). Паркть территорияса работай Мордовскяй государственнай университетонь биологиянь станция, коса эрь кизоня ётнихть паксянь практика университетонь биологическяй факультетонь студенттне, ётафневихть школьникнень экологическяй кочкамасна[1].
Иняру тумось
Симкинань перьфпялень паркть эса, Симкина велеть маласа касы тумось-патриархсь, конанди 2012-це кизонь апрельста «Шуфттне — эрек перьфпялень памятникт» марнек Россиянь программать сертификационнай комиссиянц решениянц коряс максфоль перьфпялень памятниконь статус. Тяка кизонь августста «Шумбра вирь» НПСА-нь шуфтонь коряс экспертизань центрань специалисттне ванозь-тиезь марнек шуфтть, азозь мзяра сонь кизонза, кодамот параметранза и кодама видонди сон кандови[2][3]. Инструмент вельде обследованияда меле содафольхть шуфтть кизонза, 2012-це кизоть кучкастонза теенза ульсь 419 киза[4]. Шуфтть серец — 30 метра, ронгонц келец — 3,75 метра. Кунардонь пинкнень сонь юронзон ваксса ётафневсть языческяй озкс казнень кандомат — тумоть мокшэрзятне лувондозь иняру шуфтокс. Сонь юронза валондовсть лябань (руз. жертвенное животное) верса, тяса жа, койть коряс, калмосезь языческяй озксатятнень. Тяниень пингть ули кемама, кле симкинань тумось максы раштама-шачфтома, тянкса шуфтти сашендыхть идьфтома полатне. Шуфтонь тараттнень лангс повфнефт лентанят и идень налхкшкат, конатнень кадондсазь шуфтти паронь азыхне[5].
Лятфтамат
- ↑ Симкинский чудо-дуб может стать туристическим брендом Мордовии, МордовМедиа - новости Мордовии, Росии и мира сегодня, самые свежие и последние новости онлайн (18 сентябрьста 2015). Дата обращения: 13 декабрьста 2025.
- ↑ Резванова, Юлия. Чудотворный дуб в Большеберезниковском районе признали памятником живой природы | ГТРК Мордовия, ГТРК Мордовия (20 апрельста 2012). Дата обращения: 13 декабрьста 2025.
- ↑ Священный дуб мордвы включен в общероссийский реестр памятников живой природы. 113rus.ru. Дата обращения: 13 декабрьста 2025.
- ↑ В Мордовии появилось официальное Дерево-Памятник, МордовМедиа - новости Мордовии, Росии и мира сегодня, самые свежие и последние новости онлайн (13 сентябрьста 2012). Дата обращения: 13 декабрьста 2025.
- ↑ Симкинский дуб в Мордовии признан памятником природы России - Российская газета, Российская газета (2 августста 2012). Дата обращения: 13 декабрьста 2025.
Литературась
- Тихомиров В. Н., Силаева Т. Б. Конспект флоры Мордовского Присурья. — М., 1990;
- Особо охраняемые природные территории Республики Мордовия (статус, общая характеристика, растительность и животный мир). — Саранск, 1997;
- Красная книга Республики Мордовия. — Саранск, 2003. — Т. 1.
- Энциклопедия Мордовия, Т. Б. Силаева.