Мордовия Республикань Якстерь книгась

Мордовия Республикань Якстерь книгась (руз. Красная книга Республики Мордовия) — якстерь книга, конань эса кирдевихть сембе кулятне Мордовия Республикань шуроста васьфневи и прокс юмси ракшатнень, касыкснень и панкнень колга.

Книгать кочкамац-пуроптомац

Якстерь лемлувксть васенце целец-кочкамс информация виттнень колга, конат юмсихть, фалу макссихть питне ня виттненди рисконь динамикати и тиендемс ня даннайхнень келиста васьфневомаснон эрь кодама аудиториява. Лемлувксть ули кода нолямс тевс государственнай агентстватненди, перьфпялень ванфтомань организациятненди, НКО-ненди, перьфпялень ванфтомань специалисттненди, педагокненди и сембонди, кие таколфтсы биоразнообразиять киреманц.

Якстерь спискать лама функцияц, тяконь лувксса и:

касфнесы содамошить биологическяй козяшить эрявиксшинц и теенза пелькснень колга; мушенды и пачфни виттнень колга, конат сяда пяк эрявихть араламань мератнень эса, макссемок полнай обзор биоразнообразиять кирьфтаманцты.; ащи кепотьксокс виттнень состоянияснон мельге ваномаса; максы информация тястоконь охранать приоритетонь муманди и ванфтомать коряс мерань планировандаманди.; лезды национальнай и международнай политикать тиеманцты, а тяфта жа пачфти международнай соглашениятнень колга, тяфтапнень кода биологическяйть лама ширень улеманц колга Конвенциясь (CBD) и Конвенциясь международнай торгавамать колга дикай фаунань и флорань виттнень, пякстафнень врьгятемаснон ала (CITES). Задачась — тиемс инь оцю, надежнай и оцюшинь лихтибря ракшатнень и касыкснень юмамаснон колга марнек масторлангса лама ломаттненди. Биоразнообразияти пельксненди питнень максомань новаторскяй системать вельде МСОП-сь цебярьгофнесыне эсь критериянзон и категориянзон.
1968-це кизоня Мокшэрзянь государственнай университетонь ботаникань кафедрась нолдась «Мордовскяй АССР-ть флорац» работа. Стане жа, нолявсть башка брошюрат шуроста васьфневи касыкснень и ракшатнень колга, сводкат шуроста васьфневи карязбакарь мархта ракшатнень колга (1988), касыкснень колга (1992) и нармоттнень (2001). 2002-це кизоня кочкаф материалхнень вельде пуроптфтольхть касыкснень, панкнень и ракшатнень лемлувкссна Мордовия Республикань Якстерь книгать лемс. Ня лемлукссне максфтольхть корхтафтоманди.

2003-це кизонь 25-це февральста Мордовия Республикань Правительствань Постановления вельде кемокстафоль касыксонь, пангонь и ракшань виттнень лемлувкссна, конат канфтфт региононь Якстерь книгав, а стане жа кемокстафоль Положениясь Мордовия Республикань Якстерь книгать колга.

2003-це кизоне стане жа нолдафоль Якстерь книгать васенце томоц: «Шуроста васьфневи касыксонь, вирень нупонень и пангонь виттне».

Омбоце томсь «Ракшатне» нолдафоль кафта кизода сяда меле, 2005-це кизоня.

Мордовия Республикань Якстерь книгав сувафтф организмань лемлувкссне

• Мордовия Республикань Якстерь книгав сувафтф сосудистай касыксонь лемлувкссь;
• Мордовия Республикань Якстерь книгав сувафтф нупонь лацотнень, нюреттнень и вирень нупоттнень лемлувкссна;
• Мордовия Республикань Якстерь книгав сувафтф пангонь лемлувкссь;
• Мордовия Республикань Якстерь книгав сувафтф ракшань лемлувкссь.

Лятфтамат

Литературась

• Красная книга Республики Мордовия. В 2 т. / Силаева Т. Б. — Саранск: Мордов. кн. изд-во, 2003. — Т. 1: Редкие виды растений, лишайников и грибов. — 288 с. — ISBN 5-7595-1560-8.
• Красная книга Республики Мордовия. В 2 т. / Астрадамов В. И. — Саранск: Мордов. кн. изд-во, 2005. — Т. 2: Животные. — 336 с. — ISBN 5-7595-1643-4.

Ссылкатне

• Красная книга республики Мордовия (рус.). Сайт «Природа республики Мордовия». Дата обращения: 26 августста 2025.