Авань международнай шись

Рувики лопаста
Петьф статья
Авань народъётконь шись
Немецкий плакат, посвящённый Международному женскому дню, 8-це мартста 1914-це кизоня
Немецкий плакат, посвящённый Международному женскому дню,
8-це мартста 1914-це кизоня
Ладяф 1910-це кизоня
Ётафневи эрь кизоня
Датась 8-це мартcта
Логотип РУВИКИ.Медиа Авань международнай шись

Авань народъётконь шись руз.: Междунаро́дный же́нский день (8 Ма́рта,англ. International Women’s Day)[1] — праздничнай ши ламоц масторлангонь государстватнень эса ООН-нь-государствань члеттнень и масторлангонь государствань эса. Ушетксоц тя шить сотф автнень тюремаснон и марса ащемаснон мархта эсь видексснон и возможностьснон инкса[2].

Мяльсь тя илать ётафтоманц коряс эвондась авань фкя лаца видексснон улемаснон кирдемаснон инкса ХХ-це векть малава[3]. Инициатором объединения женщин стала [Клара Цеткин — лидер женской группы социал-демократической партии Германии.

18-це декабрьста ООН-ць прняндась резолюция A/RES/3010, конань коряс 1975-це кизось ульсь лемтьф Авань народъётконь кизокс[1]. 1977-це кизоня ООН-нь Генеральнай Ассамблеясь прняндась резолюция A/RES/32/142, конань коряс ульсь кемокстаф Народъётконь тюремань ши авань видекснень (праватнень) и народъётконь сетьмошить инкса государстватнень-ООН-ца ащихнень эса[3][4].

Тя шиня народъётконь пуромксне масторлангонь эрь кодама странатнень эса ётафнихть каршек ащемань акцият и митинкт, конат шарфтфт аватнень видексснон и свободаснон аралмаснонды, кудъётконь наругамать лангса тюремать каршес и фкя лаца видексонь улемать инкса, кой-кона странатнень инкса кирдихть ширеснон аф традиционнай ориентациять коряс ащихнень видексснон[2]: Франции, Индии], Киргизии, Японии, Германии, Великобритании, Таиланде, Бельгии, Италии и др.[5].

Россияса тя шиня ётафневихть илань концертт, всероссийскяй акцият, конат нятьсазь и китькстасазь авать питненц эрявиксшинцэряфса[6]. Ладяфть коряс, 8-це мартста алятне казендихть аватненди панчфт, китькстамок синь вярьгок вастса ащемаснон синь эряфсост и марнек ломаттнень ёткса [7].

Эвондаманц эрямопингоц

[петнемс | Петнемс лисьмапрянц]

Авань народъётконь шить эвондаманцты ульсь кой-кона аватнень каршек ащемасна США-са стакаста покодематнень инкса (Шава кастрялянь марш, 1857 г., Кудазороватнень маршсна, 1901 г.)[8]. 16-це февральста 1908-це кизоня американкась Мод Мэлоун, кона пуроптозе Прогрессивай авань союзть аноклась марш Нью-Йоркса текстильнай промышленностьса покоди аватнень ёткса, вешемок авань видексонь ванфтомаснон и покодемать инкса питненть касфтоманкса[3].  

27-це августста 1910-це кизоня Копенгагенца покоди авань омбоце Международнай социалистическяй авань конференцияса аватнень ёткста лидерсь Клара Цеткин Германиянь социал-демократическяй партияста азсь мяль кемокстамс масторлангса Рокай авань фкя мяльса ащемань ши сэсь видексснон инкса тюремаса [9]. Тя мяльть кирдезь 17 странань эзда ломатть[4].

Койсь васьфнемс тя илать 8-це мартста (23-це февральста сире стильть коряс) кармась кемоксневома сембе вастова сяда меле, кодак 1914-це кизоня Германиянь, Даниянь, Нидерландонь, Швейцариянь, Россиянь, США-нь и лиятне аватне ётафтсть митинкт именна тя шиня[10].

1917-це кизода меле илась васьфневсь, сяда сидеста, социалистическяй странатнень эса. Кепотьксонди, китайскяй коммунисттне васьфнезь сонь 1922-це кизоста сявомок, а испанскяйхне — 1936 -це кизоста сявомок[11].

18-це декабрьста ООН-нь Генеральнай Ассамблеясь прняндась резолюция A/RES/3010, конань коряс 1975-це кизось ульсь лемтьф Авань международнай кизокс, а 1976-це кизоста сявомк 1985-це кизоти молемс пингонь ётксь — авань международнай кемонь кизокс[1]. 1977-це кизоня ООН-нь Генеральнай Ассамблеясь прняндась резолюция A/RES/32/142, конань коряс ульсь кемокстаф Международнай тюремань шись авань видексонь и международнай мирть инкса ООН-у сувафтф государстватнень ёткса[3][4].

27-це ноябрьста 1978-це кизоня Парижса ЮНЕСКО-нь Генеральнай конференциянь 20-це сессияса ульсь прняндаф резолюциясь 20 C/13.2, конань вельде, Народъётконь авань шись ладяфоль васьфнемс 8-це мартста[4][9].

Эвондамац Россияса и СССР-са[петнемс | Петнемс лисьмапрянц]

Авань манифестациясь Петроградонь куротнень эса
23-це февральста 1917-це кизоня

Россияса Авань народъётконь шись сотф петроградскяй покоди автнень демострацияснон мархта 23-це февральста (8-це мартста од стильть коряс) 1917-це кизоня. Именн тя шиня автне большевиконь ЦК-нь партиять серьгядеманц коряс лиссть вешфкс мархта авань фкя лаца видекснень (правтнень) инкса, вачешить и войнать каршес. тя событиятне ульсть Февральскяй революцияда инголе, конат рутсть пе Романовнень династиязост [12].


1921-це кизоня 2-це Коммунистическяй авань конференциять мяленц коряс сафоль мяльс васьфнемс Авань народъётконь шить 8-це мартста 1917-це кизоня петроградскяй демонстрацияса автнень улемаснон мяляфтоманкса[13].

СССР Авань народъётконь шись арась всесоюзнай илакс, кона шнай советскяй авать-коммунисткать, работницать и тядять. СССР-нь Верховнай Советть Президиумонц указонц коряс 8-це майста 196-це кизоня тя шись азфоль аф покодеманнекс[9].

СССР-ть срадомдонза меле 8-це мартсь Россияса станяк ляткшни национальнай илакс иаф покодемань шикс РФ-нь Покодемань кодексть коряс 30-це декабрьста 2001-це кизонь[4]. Валом-валом, тя илась арась сембе авань шумбрандафтома шикс, од стирень и стирнянь и семья ёткса, покодма вастса и тонафнема заведениятнень эса[14].

Масторлангса васьфневомац

[петнемс | Петнемс лисьмапрянц]

Генеральнай Ассамблеянц вельде кемокстаф Народъётконь тюрема шить пингста аватнень видексснон и народъётконь сетьмошить инкса ООН-ца государстватнень-ащихнень[3][4] 1977-це кизоня, ООН-ца эрь кизоня (2000-це кизоста сявомок) ётафневихть мероприятият, китькстаф определеннай темань коряс. Кепотьксонди, 2021-це кизоня — «Женщины на руководящих постах: Достижение равноправного будущего в эпоху COVID-19»[15]; 2022-це кизоня — «Гендерное равенство сегодня ради экологически устойчивого завтра»[16]; 2023-це кизоня — «DigitALL: инновации и технологии для гендерного равенства»[17].

Европаса Антифеминистическяй протесттне, кона лемтьфт 8-це мартти

СССР-ть срадомдонза меле койсь васьфнемс 8-це Мартть лядсь ламоц союзнай республикава — Арменияса, Грузияса, Казахстанца, Киргизияса, Молдавияса, Азербайджанца, Узбекистанца, Украинаса, Абхазияса и Белоруссияса и лия вастова, коса тя шись лувондови аф покодеманнекс Латвияда, Литвада и Эстонияда башка[18][19].

Васьфнесазь Авань народъётконь шить Вьетнамса, Монголияса, Кубаса и ламоц лия масторса. 8-це Мартсь васьфневи и Китайса — тя шиня аватнень покодема шисна кирьфтаф[4][19].

Эмомали Рахмононь Таджикистан Республикань президентть указонц коряс тя илась васьфневи 2009-це кизоста аватнень-тядятнень лемс, од ломанень ёнияфты-пильге лангс стяфтыхнень и лемоц — Тядянь ши[20].

Туркменияса авань народъётконь шись изь васьфнев 2007-це кизоти самса — авань илась ульсь ётафтф 21-це мартста, сполатф [[Навруз|Наврузть мархта — тундань национальнай илать. Сембе сяка, тядянь мялень ваномась кода нежедема вастсь семьяса — туркменонь ломаттнень койчнон ёткста кунардоннетнень эзда фкясь, январьста 2008-це кизоня Туркмениянь президентсь сувафтсь полафткст покодемань коень Кодексти, сясь койсь-обуцясь васьфнемс тя шить мрдась меки[21].

Грузияса 1991-це кизоста сявомок Авань народъётконь шить вастс ладяф Тядянь шинь иласа – 3-це мартста. 2002-це кизоста сявомок странань Парламентсь мрдафтозе меки тя илать. Меколи, Грузияса васьфнесазь и Авань народъётконь шить и Тядянь шитьке[22].

СССР-ть срадомда меле Авань народъётконь шись Латвияса лоткась улемда аф покодеманнекс. 2007-це кизонь апрельста Латвия Республикань Сеймсь тись петькс законти "О праздничных, памятных и отмечаемых днях", конань коряс Авань народъётконь шись арась васьфневи илакс официальна.

Германиияса Авань народъётконь шись ульсь аф государственнай илакс 2019-це кизоти самс, меле — арась аф покодеманнекс, но таньцек Берлинца. Тя шиня ладяф сетьмошинь демонстрациянь ётафнемат авать люпштаманц каршес, аватнень видексснон кирьфтамаснон каршес сембе масторлангса[23].

Италияса 8-це Мартть (Народъётконь покай авань шись) итальянцне васьфнесазь, кода авань покодемань почитандама ши и синь тюремаснон эсь видексснон (праваснон) инкса. Сяс, лама случайста, тя шиня ётафневихть каршек ащемань акцият, митинкт, конат лемтьф аватнень видексснонды[24].

Тятфта жа Авань народъётконь шись лувондови государственнай илакс ламоц оия странатнень эса: Анголаса, Замбияса, Камбоджаса, Кенияса, КНДР-са, Мадагаскарса, Монголияса, Угандаса и Эритреяса. Лаосса тя шись ладяф аф покодеманнекс аньцек аватненди[18].

ООН-ть лезксонц вельде масторлангса васьфневи нинге мзярошка ила, конат сотфт авать мархта: 6-це февральста — Народъётконь ши мялень аф кирдемать коряс авань оргаттнень лангса колаф операциянь тиеманкса, 11-це февральста — Народъётконь ши наукаса авань и стирнянь , 15-це октябрьста — Велень авань народъётконь ши, 23-це июньцта — Народъётконь удавань ши, 11-це октябрьста Народъётконь стирнянь ши, 25-це ноябрьста — Народъётконь ши аватнень лангса наругамань лоткафтоманкса[7].

Васьфневомац Россияса

[петнемс | Петнемс лисьмапрянц]
Тялонь Универсиада 2019

Советскяй Союзть срадомдонза меле Авань народъётконь шись Россияса ляткшни государственнай илакс и аф покодемань шикс[4]. Ладяфть коряс, алялтне аватненди казендихть панчфт и и эрь кодама казнет, китькстамок тянь мархта син эрявиксшиснон ломаньтналть ёткса [25].

Россияса 8-це Мартста ётафневихть кеняртьфти концертт, всероссийскяй акцият, конат лемтьфт авать вярьгок вастса ащеманцты[6]. Кепотьксонди Российскяй Федерациянь сембе ошнень эса ётафневи Всероссийскяй акция «Вам, Любимые!». Активисттне эсь мялень коряс куротнень , вокзалхнень, аэропорттннь пчкафтома куттнень эса и лия вастова казендихть аватненди панчфт, [26].

8-це Мартти «Единая Россия» партияса ащихне туфтсть Всероссийскяй марафон «Мазы аватненди» руз.: («Для милых женщин») и «Тонь тундаце» руз.: («Твоя весна») акция[27].

6-це мартста 8-це мартти самс 2022-це кизоня Россияса ладяфть коряс ётась всероссийскяй акция «Культурнай ваймама шит» руз.: («Культурные выходные»), кона лемтьф Авань народъётконь шити. Мзярошка музейхненди ули кода сувамс уликнень ванондома питнефтома, а 20 циркнень эса (Санкт-Петербургть эзда Владивостоку молемс) ётафневихть питнефтома няфтемат лама идь мархта семьятненди «Павазу тядя» руз.: («Счастливая мама акциять коряс[28].

Эрь кизоня РФ-нь Президентсь 8-це Мартста явонды государственнай казнет Россиянь цебярь тевса содаф аватненди — конат сотфт тя или тона профессять коряс[29].

2022-це кизоня РФ-нь Президенть Владимир Путинонь мярьгоманц коряс, Россияса мрдафтф «Тядя-авагерой» руз.: «Мать-героиня» почётнай лемсь, кона арась высшай государственнай казнетнень ёткста фкясь[30].

Авань народъётконь шись СССР-нь филателияса

[петнемс | Петнемс лисьмапрянц]

1949-це кизоня СССР-са нолдафоль почтовай маркань эсь лацонь серия, кона лемтьф государственнай илати:

  • Серия марок
  • The Soviet Union 1949 CPA 1366 stamp (International Women's Day, March 8. Women in industry).jpg
  • The Soviet Union 1949 CPA 1367 stamp (International Women's Day, March 8. Preschool teaching).jpg
  • Stamp of USSR 1368.jpg
  • The Soviet Union 1949 CPA 1369 stamp (International Women's Day, March 8. School teaching).jpg
  • The Soviet Union 1949 CPA 1370 stamp (International Women's Day, March 8. Farm women).jpg
  • The Soviet Union 1949 CPA 1371 stamp (International Women's Day, March 8. Women sports champions).jpg
  • The Soviet Union 1949 CPA 1372 stamp (International Women's Day, March 8. Political leadership).jpg

СССР-са башка маркат, конат лемтьфт Авань народъётконь шити, нолневсть эрь кодама кизоня (1947-1967 гг.):

  • 1947-це кизось, 15 трёшник

    1947-це кизось, 15 трёшник

  • 1947-це кизось, 30 трёшник

    1947-це кизось, 30 трёшник

  • 1960-це кизось

    1960-це кизось

  • 1967-це кизось

    1967-це кизось

Ванк нинге

[петнемс | Петнемс лисьмапрянц]
  • Россиянь производственнай ковгярькссь

Лятфтамат

[петнемс | Петнемс лисьмапрянц]
  1. ↑ 1 2 3 Международный женский день. ЮНЕСКО (8 мартста 2023). Дата обращения: 4 сентябрьста 2023.
  2. ↑ 1 2 Козлова Н. Н. Международный женский день 8 Марта как инструмент формирования советской политической культуры // Женщина в российском обществе : журнал. — 2011. — № 1.
  3. ↑ 1 2 3 4 5 Международный женский день (8 марта). ООН (8 мартста 2021). Дата обращения: 4 сентябрьста 2023.
  4. ↑ 1 2 3 4 5 6 7 8 История Международного женского дня. ТАСС (8 мартста 2022). Дата обращения: 4 сентябрьста 2023.
  5. ↑ Копчугова А., Полякова В. Акции на 8 Марта в разных странах. РБК (8 мартста 2021). Дата обращения: 4 сентябрьста 2023.
  6. ↑ 1 2 Присоединяйтесь к Всероссийской акции «Вам любимые!» Региональный центр патриотического воспитания (7 мартста 2022). Дата обращения: 4 сентябрьста 2023.
  7. ↑ 1 2 Бобович А. В каких странах 8 Марта – государственный праздник? Аргументы и Факты (7 мартста 2020). Дата обращения: 4 сентябрьста 2023.
  8. ↑ Шпаковский Ю. Г. Главный праздник весны // Вестник Университета имени О. Е. Кутафина : журнал. — 2022. — № 3.
  9. ↑ 1 2 3 Осипян А. 8 марта: как появился день борьбы за женские права. РБК Тренды (7 мартста 2023). Дата обращения: 4 сентябрьста 2023.
  10. ↑ Бондарь В. 8 Марта ежегодно отмечают Международный женский день. Владивостокская централизованная библиотечная система. Дата обращения: 4 сентябрьста 2023.
  11. ↑ Nelson J. International Women's Day: a centenary to celebrate. History Workshop Online (8 мартста 2011). Дата обращения: 4 сентябрьста 2023.
  12. ↑ Андреева Е. М., Жемальдинова А. Ш. РОССИЯ. ГОД 1917: к 100-летию Великой русской революции: библиографические указатели книг. — М.: ЦУНБ им. Н. А. Некрасова, 2017. — 134 с.
  13. ↑ Сидорчик А. Праздник, которому рады не все. Как 8 Марта отвоевывало право на жизнь. Аргументы и Факты (7 мартста 2013). Дата обращения: 4 сентябрьста 2023.
  14. ↑ Радулова Н. День рождения феминизма // Огонёк. — 2008. — № 10 (5037). — С. 62. Архивировано 11 февральста 2010 года.
  15. ↑ Заявление Верховного комиссара ООН по правам человека Мишель Бачелет по случаю Международного женского дня. ООН (8 мартста 2021). Дата обращения: 4 сентябрьста 2023.
  16. ↑ Международный женский день 2022 Гендерное равенство ради устойчивого будущего. ООН (8 мартста 2022). Дата обращения: 4 сентябрьста 2023.
  17. ↑ Инновации и технологии для обеспечения гендерного равенства. ООН. Дата обращения: 4 сентябрьста 2023.
  18. ↑ 1 2 История Международного женского дня. ТАСС]access-date=2023-09-04 (8 мартста 2019).
  19. ↑ 1 2 Международный женский день. РИА Новости (8 мартста 2015). Дата обращения: 4 сентябрьста 2023.
  20. ↑ Международный женский день - «День матери». Таджикский государственный медицинский университет (9 мартста 2021). Дата обращения: 5 сентябрьста 2023.
  21. ↑ Сердар Бердымухамедов поздравил женщин и девушек Туркменистана с 8 марта. Turkmenportal (7 мартста 2023). Дата обращения: 5 сентябрьста 2023.
  22. ↑ Левшиц Н. 8 марта в Грузии официально выходной день. Nikolai Levshits (8 мартста 2022). Дата обращения: 5 сентябрьста 2023.
  23. ↑ 8 марта в Германии. Auf Deutsch (7 мартста 2018). Дата обращения: 5 сентябрьста 2023.
  24. ↑ Международный день трудящихся женщин. Клуб любителей Италии "Моя Италия" (10 мартста 2019). Дата обращения: 5 сентябрьста 2023.
  25. ↑ История Международного женского дня в России. ТАСС (8 мартста 2021). Дата обращения: 5 сентябрьста 2023.
  26. ↑ Всероссийская акция "Вам, Любимые!". Dobro.ru (6 мартста 2020). Дата обращения: 5 сентябрьста 2023.
  27. ↑ «Единая Россия» проводит акции к Международному женскому дню по всей стране. Единая Россия (6 мартста 2023). Дата обращения: 5 сентябрьста 2023.
  28. ↑ Около 6 тысяч мероприятий пройдут в рамках акции «Культурные выходные». Минкультуры России (6 мартста 2023). Дата обращения: 5 сентябрьста 2023.
  29. ↑ Путин вручил женщинам госнаграды. Интерфакс (8 мартста 2023). Дата обращения: 4 сентябрьста 2023.
  30. ↑ Колесников А. Международный женский друг. Коммерсант (8 мартста 2023). Дата обращения: 5 сентябрьста 2023.

Ссылкатне

[петнемс | Петнемс лисьмапрянц]
  • Тядянь шись
Сявф"https://mdf.ruwiki.ru/w/index.php?title=Авань_международнай_шись&oldid=251136"-ста