Коротков, Степан Фёдорович
| Степан Коротков | |
|---|---|
 | |
| Шачема лемоц | Степан |
| Лемоц марнек | Степан Фёдорович Коротков |
| Шачема шиц | 7-це майста 1956 |
| Шачема вастоц | Мордовия, Ковылкинскяй районць Альте велесь |
| Гражданствась |
 Россия |
| Жанрась | художник, живописец, реставратор |
Коротков, Степан Фёдорович (руз.: Степан Фёдорович Коротков) (1956 — мокшень художниксь, реставраторсь.
Эряфонь киц
Коротков Степан Фёдорович шачсь 7-це майста 1956-це кизоня Ковылкинскяй районца Альтя велеса руз.: Алькино. Ня васттне ёфси серцект Пензань руз.: Пенза областень модатнень мархта. Тядянза-алянза Степанонь учительхтольхть. Стёпа кельгозе рисавакшнеманц, сидеста сашендовсь урокта меле мазопнемс стенгазетат, тяшнемс плакатт.
Тонафнемац
Школада меле тяряфнесь поступамс Н.П. Огарёвонь лемса мордовскяй государственнай университету физико-математическяй факультету. Изь поступав. Мрдась куду колаф мяльхть. Степан кафта кизот тонафнесь Ковылкина руз.: Ковылкино ошса художественнай школаса. Меле служась армияса (1974-1976). Армияда меле цёрась кармась тонафнема Саранск ошса художественнай училищаса[1]. Училищать шумордамда меле покодсь реставтраторкс. Мокшень цёрать кучезь стажировкас академикть И.Э. Грабарень лемса научно-реставрационнай центрав[2].
Покодемац
Училищать аделамда меле кармась покодема Саранскяень музейса реставраторкс. Ф.В. Сычковонь "Иляназонь пуводыхть"руз.: Мяльщицы льна картинасонза появакшнесть срмафкскат, лазфкат. Степан Коротковонь машты кяденза ванфтозь тя содаф произведениять. Меле сон «пчкафтозень» И.К. Макаровонь кой-кона работанзон, ламос «петнезе» А.А. Родионовонь «Мокшэрзянь мастор» руз.: Мордовская земля оцю картинанц. 1991-це кизоня С. Ф. Коротковонь примазь СССР-нь Художниконь союзу. Мокшень художниконьке няфтезень од картинанзон Москуса, а меле Россиянь лия живописецнень мархта Францияса, Реймс ошса. Степанонди максфоль казне «Зрнянь кисть – 92» Москувонь выставкаса. Пингонь ётазь С.Д. Эрьзянь лемса изобразительнай искусствань музейса[1] няфтьфоль С.Ф. Коротковонь сонцень, персональнай выставкац. Выставкать панжемста ламотне азозь фкя и сяка мяльть: эзрай, эряфкшу художникненди кассть цебярь полафтыхть.
Картинанза
Степан Фёдорович аф фкя картина лемдсь Шкайти(ru). Синь ётксост «Михаил Архангелсь» руз.: (Архангел Михаил), «Андрей Рублевонь лятфнемс» руз.: (Воспоминания Андрея Рублёва), «Спасительсь» и лиятне. Лама картинасонза няфтеви шинь валдсь. Ётксост: «Шивалдсь подъездса» руз.: Свет в подъезде (1991 кизось); "Шинять каршеса" руз.: На солнышке (1993 кизось); «Отражение» (1994 кизось) и лият.
Христианствать 2000 кизонцты лемтьф выставкаса Москуса няфневсь минь художниконьконь С. Ф. Коротковонь «Казанская Богоматерь» картинац. Няфневсть сонь работанза Саровса, ичкоздень Сеулса (Лямбе ширдень Кореясь), Магдебургса (Германиясь), Хельсинкаса (Финляндиясь). С. Ф. Коротков эсь картинанзон алу путнесы атянь-атянь тяштть – Ψ (вяри канни шинь сюролданди тяштть).
Казненза
Коротков С.Ф. улендсь ламоксть всероссийскяй, республиканскяй и международнай выставкатнень эса [3]. Ульсь аф фкя сонцень выставкац Москуса и Саранскяйса [4]. Мордовия Республикань государственнай премиянь лауреат (1999). Мордовия Республикань заслуженнай художник (2004). Мордовия Республикань народнай художник (2016).
Лятфтамат
Литературась
Рогожина, В.Ф. Корхтама маштомань касфтома урокти (5-11 классненди) : учебнай пособия. - Саранск, 2005, 64 с. ISBN 5-7493-0806-5
Ссылкатне
- https://natlibraryrm.ru/арт-встреча-солнечные-краски-художн/Арт-встреча «Солнечные краски художника»: к 65-летию С. Ф. Короткова