Девин, Илья Максимович

Девин, Илья Максимович
Шачема лемоц	Илю
Шачема шиц	20-це июльста 1922-це кизоня(1922-07-20)
Шачема вастоц	Сире Теризморга, Сире Шяйгавонь районць
Кулома шиц	13-це ноябрьста 1998-це кизоня(1998-11-13) (76 кизоц)
Кулома вастоц	Саранск ошсь
Гражданствась	СССР
Тевонь тиемац	поэт, сёрмады
Казненза и премиянза

Девин, Илья Максимович (20-це июльста 1922-це кизоня, Сире Трезморга, Пензенскяй губерниясь^[d] — 13-це ноябрьста 1998-це кизоня, Саранск ошсь) (1922—1998) — мокшень поэтсь, писательсь.

Эряфонь киц

Шачсь июльть 20-це шистонза 1922 кизоня сокай-видиень семьяса Сире Теризморга велеса (тяни Мордовия Республикать Сире Шайгавонь районць). Илья Максимович Девин — мокшень народнай поэт, сёрмады. Сонь кайги вайгялец пачкодсь аф аньцек эсь ломаненьконди, лама стихоц-мороц, басняц, поэмац, азксоц, романоц ётафтф рузонь и лия кяльс. Литературав сась 30-це кизотнень песта. Сёрмадсь оцюфненди и ёмлатненди.

Илья Максимович ульсь 1941-це кизоста сявомок Великай Отечественнай войнаса. Воявась Калининскяй, 2-це Укараинскяй, 2-це Белорусскяй фронттнень эса. Якстерь Армияса улемстонза ётазень Западнай Белоруссиять, Польшать, Восточнай Пруссиять. Войнань толу киттнень-яттнень эзга пачкодсь мяк Берлину. Фронтста кучсезень стихотворениянзон мокшэрзянь мастору, конат 1945 кизоня лиссть "Шобдавань заря" руз. "Утренняя заря" васенце сборниксонза.

Тонафнемац

Школаса тонафнемста кармась варчсема эсь виензон литературнай творчестваса. Васенце стихотворенияц "Сиде моронят" руз. ("Частушки") ульсь печатлаф "Колхозонь эряф" руз. "Колхозная жизнь" журналса 1939-це кизоня. Ушеды од авторть сёрматфонза нолневсть "Якстерь галстук" руз. "Красный галстук" идень журналса, "Мокшень правда", "Комсомолонь вайгяль" газетаса.

Сёрма И.М. Девинонди

Тяни Сире Теризморгань школасаванфневихть И.М. Девинонь эрь кодама книганза, вещанза и ётксост ули тятфама сёрма ялганц эзда.

Покодемац

Покодсь «Советская Мордовия», Мокшень правда газетатнень эса, ульсь редакторкс Мокша журналса, председателькс мокшэрзянь Писателень союзса.

Кзненза

Девин И.М. — народнай поэт, заслуженнай писатель, РСФСР-нь культурань заслуженнай работник, комсомолонь премиянь лауреат, ульсь делегатокс партиянь XXVI съедса. Войнань кизотнень казьф "Якстерь Тяштень" орденца и кафта медальса. 1997 кизоня И.М. Девинонди максф Мордовия Республикань Государственнай премия.

Илья Максимович лама тись мокшэрзянь литературать виияфтоманкса. Тя тевонц инкса Родинась макссь тейнза нинге кафта оцю казнет: "Трудовой Якстерь Знамянь" и "Народонь ялгаксшинь" ордетт.

Нолдаф сёрматфонза

Девин И.М. пцтай 20 поэтическяй и прозаическяй книгадонза. Ётксост:

• "Моим товарищам по счастью"(1953)
• "Стихт" ("Стихи", 1954),
• "Белоручка" (1958),
• "Тунданьке ушедсь" руз. "Начало весны" (1961),
• "Цебярь вайме" руз. "Добрая душа" (1962),
• "Кизот, кизот..." руз. "Годы, годы..." (1964),
• "Иван лейтенантсь"руз. "Лейтенант Иван" (1965),
• "Моли, аськоляй ульцява" руз. "Идёт, шагает по улице" (1974), *
• "Коса келуть шачеманяц"руз. "Где родилась берёзка" (1985) и лият.

Илья Максимович сёрмадозе "Нардише"руз. "Трава-мурава" (1969) романть, кона ётафтф рузонь кяльс.

Кулось И. М. Девин ноябрть 13-це шистонза. Калмаф Саранск ошса.

Колганза мялямсь

Мордовиянь народнай поэтти Сире Теризморга шачема велесонза шачема шистонза панчф-стяфтф мялямгев. Кучка вастса ащи монументсь арай велеть инь содама вастокс, коень ванфтомась-пачфтемась сиретнень эзда оттненди. .

Лятфтамат

Литература

• Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 644. — 840 с. — ISBN 5-7595-1662-0.
• Брыжинский А.И., Пашутина О.В., Чернов Е.И. Писатели Советской Мордовии: Библиографический указатель, — Саранск: Мордовское книжное издательство, 2001.— 592 с.