Кидяев, Виктор Борисович

Рувики лопаста
Виктор Борисович Кидяев
Виктор Борисович Кидяев 2022 кизоня
Виктор Борисович Кидяев 2022 кизоня
Флаг
Федеративнай устройствань и тястоконь самоуравлениянь кизефкснень коряс Комитетонь председатель
Флаг
21 декабрьста 2011 — 5 октябрьста 2016
Ингольденза ащись В. В. Усачёв/В. С. Тимченко
Мельганза улись Алексей Диденко
Шачемац 9-це июльста 1956-це кизоня(1956-07-09) (70 кизоц)
Партиясь 1. КПСС;
2. Единай Россия
Образованияц Н.П. Огарёвонь лемса Мордовскяй государственнай университетсь
Профессияц слесарь-наладчик, экономист
Казненза Орден Дружбы |Орден Славы (Мордовия) III степени
Логотип РУВИКИ.Медиа Виктор Борисович Кидяев

Кидяев Виктор Борисович (руз. Ви́ктор Бори́сович Кидя́ев; Шачсь 9-це июльста 1956-це кизоня, Жуковка[d], Мордовскяй АССР[d]) — российскяй государственнай и политическяй тевонь вяти. Государственнай думань V, VI, VII и Российскяй Федерациянь Государственнай думань VIII тердематнень, «Единай Россия» фракцияса ащись. Федеративнай устройствань тястоконь кизефкснень самоуправлениянь коряс Комитетонь председатель(2011—2016), «Единай Россия» (2016—2021) фракциянь вятиень васенце полафтысь. Экономическяй политикать коряс Государственнвй Думань комитетса ащись (2021кизоста сявомок).

Эряфонь киц

Покодемань тевонь тиемац

Шачсь 9-це июльста 1956-це кизоня Мордовскяй АССР-нь Зубово-Полянскяй райононь Жуковка велеса сокаень-видиень семьяса. 1973-це кизоня шумордазе Ширингушень средняй школать, покодемань кинц ушедозе разнорабочайкс тястоконь суконнай фабрикаса.

1974-це кизоня тертьфоль Советскяй Армияв; 1977-це кизоня запасс нолдамдонза меле поступась работама Зубово-Полянскяй трикотажнай фабрикань Ширингушскяй цеху стамань машинань наладчикти ученикокс. Меле покодсь слесарькс — наладчикокс, цехонь мастерти лездыкс и цехонь мастеркс, КПСС-са ащись, 1978-це кизоста сявомок 1979-це кизоти самс-цехонь начальник. 1979-це кизоня ётась покодема Киселёвскяй деревообрабатывающай комбинату инженеркс-технологокс; тяка пингть заочна тонафнесь Ивантеевскяй техникумса, конань шумордазе 1981-це кизоня. Тяка кизонь мартста сявомок покодсь цехонь начальникокс, а октябрьста арась предприятиянь директоркс[1].

1986-це кизоня путф Зубово-Полянскяй трикотажнай фабрикань директоронь вастти; тяка пингть поступась Н. П. Огарёвонь лемса Мордовскяй государственнай университетонь экономическяй факультетонь заочнай отделенияв. «Бухгалтерский учёт и анализ хозяйственной деятельности» специальностть коряс.

1987-1996-цее кизотнень — Зубово-Полянскяй районнай потребительскяй обществань председатель.

1996-2009-це кизотнень — Мордовия Республикань Зубово-Полянскяй райононь оцюнясь (тя вастти кочксевсь колмоксть)[1].

2009—2011-це кизотнень Государственнай Думань депутат V созывонь, «Единай Россиянь» лемлувксть коряс 2009-це кизонь майста.

2011—2016-це кизотнень Государственнай Думань депутат VI созывонь «Единай Россиянь» лемлувксть коряс[1].

2016-2021-це кизоня Государственнай Думань VII-це созывонь депутатсь «Единай Россиять» лемлувксть коряс, Единай Россиянь фракциянь вятить С. И. Неверовонь васенце полафтысь. Федеративнай устройствань И местнай самоуправлениянь кизефкснень коряс Комитетонь Председатель.

2021-2026-це кизоня VIII-це созывонь Государственнай Думань депутат «Единай Россиять» лемлувксть коряс, экономическяй политикать коряс комитетонь член.

Общественнай тевонь вятемац

2012—2017-це кизотнень годах — «Единай Россия» партиять (руз.) (мок. Генеральнай советонь секретарть С. И. Неверовонь полафтыец[1].«Единая Россия» партиять Высшай советозонза, осембе сяка сувась сонь лувксозонза ротацияда меле, кона ётафтфоль XXII съездса 2024-це кизонь декабрьста[2][3].

2015-це кизонь апрельста сявомок — «Единай общероссийскяй объединения (конгресс) муниципальнай образованиянь» общественнай ассоциациянь президент.

2016-це кизонь январьста сявомок — ТОС-нь Общенациональнай ассоциациянь правлениянь председатель.

2019-це кизонь майста — Национальнай ассоциациянь местнай самоуправлениянь касфтомань высшай советонь председатель[4].

2016-це кизонь февральста кочкафоль «Единай Россия» партиянь Генеральнай советонь секретарти С. И. Неверовонди полафтыкс, отвечась региональнай отделениятнень мархта организационнай покодемать и марстонь покодемать инкса[5].

Госдумаса Пленарнай заседанияса, 2021 кизось

2009-це кизоста сявомок 2019 кизоти молемс, V, VI и VII созывонь Государственнай Думань депутатонь полномочиятнень пяшкодемста, арась авторкс и соавторкс федеральнай закоттнень проектснонды 125 законодательнай инициативань и петксонь тиемань авторкс и соавторкс[6]. 2024-2026-це кизотнень Экономическяй политикать коряс комитетса покодемать видеса ульсь Правительствать отчетонц анокламаса, сувафтомок васедемать экономическяй развитиянь министрть Максим Решетниковонь мархта. Стане жа работась законопроекттнень лангса, конат водендафт связень сфераса мошенничествать каршес тюремати и граждаттнень кредитнай шумоснон ладяманцты[7].

Казненза и званиянза

  • Ялгаксшинь орден[8];
  • Славань орден III степенень (Мордовия Республикась);
  • Иван Калитань орденоц (Московскяй областсь);
  • Российскяй Федерациянь общай образованиянь почётнай работник;
  • Мордовия Республикань велень хозяйствань заслуженнай работник;
  • Российскяй Федерациянь Президентть Почётнай грамотац;
  • РФ-нь Советонь Федерациянь Председательть Благодарностец;
  • Государственнай Думань почётнай тяште «Сатфксонкса Парламентаризмать касфтоманц инкса»;
  • Государственнай Думань Почётнай грамота;
  • Государственнай Думань Председательть Благодарностец;
  • Мордовия Республикань и Мордовия Республикань Государственнай Пуромксонь Почётнай грамотатне.

Санкциятне

Виктор Кидяев ащи Европейскяй союзонь санкциятнень ала (сувафтфт 9 мартста 2022 кизоня)[9] вайгялень максоманкса Донецкяй и Луганскяй народнай республикатнень эсезоста ащемаснон инкса[10]. 2022-це кизонь мартста сявомок сон тяфта жа ащи Великобританиянь санкциятнень ала[11]. Тяда башка, США-нь, Канадань, Швейцариянь, Австралиянь, Япониянь и лия странань санкционнай лемлувкссненди.

Лятфтамат

  1. ↑ 1 2 3 4 Кидяев, Виктор Борисович. ТАСС. Дата обращения: 22 февральста 2026. Архивировано 4 августста 2019 года.
  2. ↑ XXII Съезд «Единой России» произвёл ротацию Высшего совета Партии. Единая Россия (14 декабрьста 2024). Дата обращения: 12 мартста 2026.
  3. ↑ Актуальный состав Высшего совета. Единая Россия. Дата обращения: 10 мартста 2026.
  4. ↑ А. Широков избран в cостав президиума Высшего совета Национальной ассоциации развития местного самоуправления (рус.). Совет Федерации Федерального Собрания Российской Федерации. Дата обращения: 12 мартста 2026. Архивировано 16 декабрьста 2019 года.
  5. ↑ Виктор Кидяев стал заместителем секретаря генсовета «Единой России». Ярославский регион (19 февральста 2016). Дата обращения: 24 февральста 2026.
  6. ↑ Объекты законотворчества :: Система обеспечения законодательной деятельности. sozd.duma.gov.ru. Дата обращения: 12 мартста 2026. Архивировано 26 сентябрьста 2019 года.
  7. ↑ Фоторепортаж: Заседание Комитета по экономической политике. Государственная Дума. Дата обращения: 12 мартста 2026.
  8. ↑ Единая Россия. Виктору Кидяеву вручили орден Дружбы.(руз.). er.tambov.ru (25 апрельста 2011). Дата обращения: 12 мартста 2026.
  9. ↑ Council Implementing Regulation (EU) 2022/396 of 9 March 2022. CSSF (9 мартста 2022). Дата обращения: 12 мартста 2026.
  10. ↑ Council Regulation (EU) No 269/2014. EUR-Lex (14 апрельста 2022). Дата обращения: 12 мартста 2026.
  11. ↑ OFSI Consolidated List of Russia Financial Sanctions Targets. BVI FSC (12 мартста 2026). Дата обращения: 12 мартста 2026.

Ссылкатне

Сявф"https://mdf.ruwiki.ru/w/index.php?title=Кидяев,_Виктор_Борисович&oldid=409499"-ста