Дунин, Иван Михайлович
| Иван Михайлович Дунин | |||||||
|---|---|---|---|---|---|---|---|
 | |||||||
| Мзярда шачсь | 7-це январьста 1951-це кизоня (75 кизоц) | ||||||
| Шачема вастоц | |||||||
| Странась | |||||||
| Научнай сферась | зоотехния | ||||||
| Образованияц | |||||||
| Учёнай степенец | велень хозяйствань наукань доктор | ||||||
| Учёнай лемоц |
профессор РАСХН-нь академик РАН-нь академик |
||||||
| Казненза и премиянза |
|
||||||
Дунин, Иван Михайлович (Шачсь 7-це январьста 1951-це кизоня, Пурдошка[d], Мордовскяй АССР[d]) — российскяй учёнай велень хозяйствань жуватань и племенной тевонь селекциянь видеса, 450-да лама научнай трудонь автор, 12 селекционнай сатфксонь (породань и велень хозяйствань жуватань типонь), научнай тевонь вятись селекциянь и оцю сюронь жуватань водендамань видеса, ВНИИплемань главнай научнай сотрудник (1990—2021-це кизотнень институтонь директор)[1].
1977-це кизоня шумордазе Н. П. Огарёвонь лемса Мордовскяй государственнай университетть, «Зоотехния» специализациять, 1980-це кизоня шумордазе очнай аспирантурать Всесоюзнай животноводствань институтть, "Велень хозяйствань жуватань вятема и селекция " специализациясь.
1981-це кизоста сявомок — велень хозяйствань наукань кандидат(диссертацияц «Рост, развитие и мясные качества помесей симментальской и красно-пестрой голштино-фризской пород»). 1994-це кизоня аралазе докторскяй диссертациянц "Голштинскяй породать тевс нолдамац Россияса лофцу жуватань продуктивностень касфтоманкса " темань коряс.
1995-це кизоста сявомок — профессор, 1997-це кизоста сявомок — РАСХН-нь член-корреспондент, 2005-це кизонь 16-це февральста кочкаф РАСХН-нь академикокс, 2013-це кизонь 30-це сентябрьста сявомок — РАН-нь академик (государственнай наукань академиятнень реформань сюнеда).
1980—1983-це кизотнень — «Племенной тевонь Всероссийскяй научно-исследовательскяй институтонь» младшай научнай сотрудник;
1983—1984-це кизотнень — «Племенной тевонь Всероссийскяй научно-исследовательскяй институтонь» старшай научнай сотрудник;
1984−1988-це кизотнень — лофцу жуватань касфтомань отделонь вятись, Племенной тевонь Всероссийскяй научно-исследовательскяй институтонь учёнай секретарь;
1988—1990-це кизотнень — «Племенной тевонь Всероссийскяй научно-исследовательскяй институтонь» директоронь полафтысь научнай покодемать коряс;
1990—2021-це кизотнень — «Племенной тевонь Всероссийскяй научно-исследовательскяй институтонь» Федеральнай государственнай бюджетнай научнай учреждениянь директорсь;
2021-це кизотнень — «Селекция, сюру оцю жуватань касфтомань и племенной жуватань вятемань информационнай пяшкодемань» научнай ширень вятись, ВНИИплнень главнай научнай сотрудник[1].
Жуватань и племенной тевть коряс секциять председателенц полафтыец и россиянь Минсельхозть НТС-нц приоритетнай фундаментальнай, прикладной научнай исследованиянь секцияса ащись; «Зоотехния», «Лофцонь и сиволень жуватань вятемась», «РАСХН-нь доклаттне» специализированнай журналхнень редколлегияснон эас ащись, Россиянь жуватань вятиень союзть директоронь советса ащись.
Кучксевсь депутаткс Пушкинскяй ошень совету, «Росагролизинг» ОАО-ть директоронь советса ащикс, «Головной центра велень-хозяйствань жуватань лихтемаса-вятемаса» ОАО-нь директоронь советонь Председателькс, РФ-нь Минобрнаукань ВАК-нь экспертнай советса ащикс, РАСХН-нь «Зоотехния» отделениянь бюроса ащикс.
Научнай тевонь вятемац
2023-це кизоня арась патентообладательхнень эзда фкясь «Российскяй голштинскяй» оцю сюронь жуватань породань (патент № 13052)[2].
Мекольце публикациянзон ёткса — статьясь абердин-ангусскяй жуватать племенной питнешинц шарьхкодемац (2024)[3] и покодемац, кона лемтьф варчсемань сатфксненди «Российскяй голштинскяй» од породать (2026)[4].
Кода научнай руководитель аноклась велень хозяйствань и биологиянь наукань 21 кандидат и 19 доктор.
Казненза
- Мордовия Республикань наукань заслуженнай деятель;
- Российскяй Федерациянь наукань заслуженнай деятель (1998);
- Российскяй Федерациянь Правительствань премиянь лауреат наукать и техникать видеса (2003, 2018);
- « Москуть 850 кизонь топодеманц лятфнеманцты» юбилейнай медаль;
- Российскяй Федерациянь Велень хозяйствань министерствань зрнянь медаль « Путфксонкса Россиянь агоропромышленнай комплексть касфтоманц инкса»;
- Российскяй Федерациянь агропромышленнай комплексонь почётнай работник (2011);
- Российскяй Федерациянь Велень хозяйствань министерствань 4 почётнай грамотат;
- Московскяй областень губернаторонь тяштькне «Оцю путфксонкса Подмосковять социально-экономическяй касфтоманкса» и «Цебяренкса»;
- Почетнай грамотат Московскяй областень, Ставропольскяй краень, Самарскяй областень, Волгоградскяй областень, Мордовия Республикань, Липецкяй областень, Красноярскяй крань Велень хозяйствань министерствань;
- 4 почётнай грамотат РАСХН-нь и РАН-нь Президиумонь;
- 8 зрнянь и 2 сиянь медальхть «СССР-нь ВДНХ-нь и ВВЦ-нь лауреат»;
- Ялгаксшинь орден (2017).
Семьяц
- Рьвяяф, ули стирец и цёрац. Рьвяц Людмила Георгиевна, цёрац Михаил, стирец Юлия.
Лятфтамат
- ↑ 1 2 Академик Дунин Иван Михайлович. Российская академия наук. Дата обращения: 6 апрельста 2026.
- ↑ Академик Дунин сообщил о регистрации «Российской голштинской породы крупного рогатого скота». Федеральный аграрный научный центр (24 ноябрьста 2023). Дата обращения: 6 апрельста 2026.
- ↑ Определение племенной ценности абердин-ангусского скота Российской Федерации по Методике Евразийского экономического союза. Животноводство и кормопроизводство (2024). Дата обращения: 6 апрельста 2026.
- ↑ Результаты испытаний новой породы крупного рогатого скота «Российская голштинская» на отличимость, однородность и стабильность. Аграрный вестник Урала (2026). Дата обращения: 6 апрельста 2026.