М.М. Бахтинонь центрась
| М.М. Бахтинонь центрась | |
|---|---|
| Эсь лацонь лемоц | руз.: Центр М.М. Бахтина |
| Ушетф | 2015 |
| Ащи |
 |
| Юридическяй адресоц | 430005, Саранск ошсь, Большевистская курось, 68, ауд. 102 |
| Координаты | 54.188824, 45.181926 |
| Сайтсь | mrsu.ru/ru/university/depart/centr-m-m-bahtina/contacts/ |
М.М. Бахтинонь центрась руз.: Центр М.М. Бахтина — Н.П. Огарёвонь лемса Мордовскяй госуниверситетть видеса васта, коса ванфтовихть-няфтевихть учёнайть, мыслительть, философть колга материалхне, конат сотфт Саранск ошса эрямопингоц и научнай тевонь вятеманц мархта. Панжеманц колга мяльсь самась ульсь Мордовскяй гоуниверситетонь Учёнай советонц заседанияса 2015-це кизонь июльста. М.М. Бахтинонь центрац ульсь панчф мыслительть 120 кизонц топодеманцты – 2015-це кизонь 25 ноябрьста – РФ-нь наукань заслуженнай деятельть, философскяй наукань докторть Н.И. Воронинать мялень максоманц коряс.
Памятниксь ульсь панчф 2015-це кизонь 24-це ноябрьста. Скульпторсь - Н.М. Филатов, архитекторсь - В.Б. Махаев.
М.М. Бахтинонь путфксоц наукати
Михаил Бахтинонь ингольдень сатфксоц – Россиять культуранц питнешиц.
М.М. Бахтинонь эрямокинц географияц пяк кели, но сембода кувака пингсь эряфсонза сашендови Саранск ошть лангс, коса сон эрязе векть пцтай нилецекс пяльксонц (1936 –1937, 1945 – 1969), покодемок Мордовскяй пединститутть филологическяй факультетса (1957-це кизоста сявомок – Мордовскяй государственнай университетса) 1936 – 1937 тонафнема кизоть и 1945 – 1961-це ткизонь августти самс.
Диалогсь и культурань диалогсь, поступкась и сталмонь кандомась, карнавалсь и амбивалентнай рамхамась, полифиониясь и хронотропсь – тя шарьхкотьфтематне-китькстаматне, конатнень М. Бахтин панжезень-няфтезень сембонди эсь научнай тевсонза. Эряфоньберьф сон сёрмадсь лама научнай питни работа. Эрь работась канды оцю смузь и арьсема. Кепотьксонди, «Проблемы речевых жанров» тевсь (1953), ХХ-це веконь кялень наукаса арась юркс од шарфтомать стяфтомаса.«Творчество Франсуа Рабле и народная культура Средневековья и Ренессанса» (1965) монографиясь няфтезе эсь лацонь ванфть-няйфть художественнай валть и культурать тонафнемаса.
«Проблемы творчества Достоевского» (1929)/«Проблемы поэтики Достоевского» (1963) книгась казезе сембе масторти Достоевскяень, кода полифоническяй романонь сёрмадыть.
Центрань мемориальнай экспозициясь
М.М. Бахтинонь сёрмадомань шрац
М.М. Бахтинонь центрать сувама вастоц
Эряфстонза факттнень колга
Центрать видеса тонафнихненди озама васттне
Саранскяень квартирань кудботмось
Центраса книгатне
- Бахтиттнень саранскяень эстонь квартирань кудботмонц няфтемац (сёрмадомань шрась, оцю креслась, кона тифоль Саранскяйса, книганди шкафсь, арзясь, пластинка мархта радиолась), сонцень паршинза (сёрмадомань эрь-мезенза, мундштукт, рьвяямань суркссна кувака уськоня лангса медальонць Ксения Миласскаять образонц мархта, кядьбеса каннема авань сумканя;
- Мыслительть сонцень библиотекастонза 1378 книганзон и журналонзон эзда, конат ванфтовихть Саранск ошса А.С. Пушкинонь лемса Республиканскяй библиотекаса, 27 ащихть М.М. Бахтинонь центрасонза. Синь ётксост Б.Ф. Егоровонь, Д.С. Лихачёвонь, Г.Н. Поспеловонь, Л.А. Шубинонь и лиятнень, конатнень лангса путф синь кядьсна сёрматфкс мархта;
- Н.П. Огарёвонь лемса Мордовскяй госуниверситетонь М.М. Бахтинонь лемса научнай библиотекаса 10 книгатнень (О.М. Фрейденбергонь «Поэтика сюжета и жанра», А.Н. Веселовскяень «Историческая поэтика», И.-В. Гётень (13 томса, 8-це томсь) Кочкаф произведенинзон и лиятнень) эса философть путфт морафтыень тяштьксонза.
- 11 пластинка (Р. Вагнеронь операц «Лоэнгрин», В.-А. Моцартонь «Реквием», Л. Ван Бетховенонь «Леонора» увертюрац, «Страсти по Иоанну» илият);
- М.М. Бахтинонь центраса тяфта жа улихть изобразительнай искусствань произведеният: Э. Неизвестнаень, Ю. Селеверстовонь работасна, М.М. Бахтинонь шамафксоц куломда меле (тифт Э. Неизвестнаень мастерскойса).
Центрать задачанза
- М.М. Бахтинонь научнай эрямокинц кочкамац;
- Мыслительть творческяй наследиянц ванфтомац;
- Научно-исследовательскяй, музейно-выставочнай, культурно-просветительнай, библиотечно-библиографическяй и справочно-информационнай тевонь мольфтемасаса условиянь ладямась, кона шарфтф М.М. Бахтинонь ингольде сатфксонц, рузонь философнень и филолокнень творчестваснон тонафнемаснонды;
- Марнек М.М. Бахтинонь тевонц и тевонь вятеманц марс пуроптоманц.
М.М. Бахтинонь центрась аноклакшни и ётафни просветительскяй и тематическяй экскурсият «Бахтинский Саранск» лем ала, ётафни «Дни М.М. Бахтина в Мордовском государственном университете» (кафксть кизоти), «Дни памяти мыслителя» (эрь кизоня 17-це ноябрьста и 7-це мартста). 2019-це кизоста сявомок нолдай «Бахтинский вестник» научнай журнал[1] [2]. 2022-це кизонь сентябрьста ушедомок арась Международнай научнай семинароонь пуроптыкс.
Центрань библиотекась
- М.М. Бахтинонь трудонза масторлангонь эрь кодама кяльса (англань, болгаронь, венгрань, датскяй, китаень, немецоньпольскяй, португалиянь, сербскяй, турецкяй, французонь, японскяй и лия);
- Бахтинонь колга тевонь вятихнень-содайхнень (1960-це кизотнень эзда ушедомок – тячити самс) исследованиясна;
- Материалонь и документонь копият («Личное дело М.М. Бахтина (Мордовский университет)», сёрмат и телеграммат С.Г. Бочаровонь, В.В. Ивановонь, М.Ю.Лотманонь, Л.Е. Пинскяень, К.А. Фединонь, Л.И. Тимофеевонь и лиятнень эзда).
Литературась
Воронина Н.И., Дубровская С.А. Открытие Центра М.М. Бахтина // Феникс. Научный ежегодник кафедры культурологии и этнокультуры. — 2015. — С. 8-12.
Клюева И.В., Лисунова Л.М. Центр М. М. Бахтина в Мордовском государственном университете им. Н. П. Огарева: характеристика мемориальной коллекции // Бюллетень науки и практики. — 2065. — № 7(8). — С. 226-237.
Клюева И.В., Лисунова Л.М. Произведения изобразительного искусства в фондах центра М. М. Бахтина в Мордовском государственном университете // М.М. Бахтин в современном мире. Материалы VI Международных саранских Бахтинских чтений, посвященных 120-летию со дня рождения ученого. — 2016. — С. 338-347.
Осьмухина О.Ю. Бахтина М.М. Центр // Литературные музеи России. Энциклопедия: в 2 т. А-Л. М.: ГМИРЛИ им. В. И. Даля. — 2022. — Т. 1. — С. 99.
Лятфтамат
Ссылкатне
https://natlibraryrm.ru/Главная - Национальная библиотека им. А. С. Пушкина Республики Мордовия https://mrsu.ru/ru/university/depart/nauchnaya-biblioteka-im-m-m-bahtina/Научная библиотека им. М.М. Бахтина — Подразделения — ... — МГУ им. Н. П. Огарёва