В.Н. Ржавитинонь лемса тонафнемань ботаническяй садсь
| Ботаническяй сад | |
| В. Н. Ржавтитинонь лемса тонафнемань ботаническяй садсь | |
|---|---|
 | |
| 54°09′49″ с. ш. 45°12′13″ в. д.GЯO | |
| Странась | Россия |
| Ош | Саранск |
| Мзярда пуроптф-тиф | 1960 |
Высшай образованиянь ФГБОУ Н.П. Огарёвонь лемса мордовскяй государственнай университетонь В. Н. Ржавтитинонь лемса тонафнемань ботаническяй садсь руз.: (Учебный Ботанический сад им. В. Н. Ржавитина) ушетф-пуроптфтома 1960-це кизоня профессорть В. Н. Ржавитинонь кядяла. Ащи биотехнологиянь и биологиянь факультетти структурнай подразделениякс. Садть площадец сатни 35,12 гектар мода. Сон ащи эряма васттнень модаснон лангса.
Кочкафксоц
Кочкафкссонза уликсне 2022 кизоти самс лувондови 1835 лама таксон (видта, сорттаи формада) высшай сосудистай касыксонь.
Кочкафкссонза уликсне 2024 кизоти самс лувондови 1840-да лама таксон (видта, сортта и формада) высшай сосудистай касыксонь. Садть ащема вастса касы 44 вид шуроста васьфневи и юмси касыкс. 19 эздост сувафтфт Российскяй Федерациянь Якстерь книгати: кепотьксонди, Радде келусь, маньчжурскяй абрикоссь, перекрестнопарай микробиотась, ягоднай тиссь и лият. Садть структураса 4 отделхт: панчфонь касфтомань отдел, дендрологическяй отдел, флорань и касыксонь отдел, практикас нолдамань отдел.
Перьфпяльдень флорань и цветочно-декоративнай культурань коллекциятне няфтьфт 825 видса и касыксонь сортса. Тяза сувафтовихть фкя кизоннетне, лама кизоннетне, альпийскяй касыксонь экспозиция. Тяза сафненди ули кода содафтомс касыксонь эрь кдама лама шить мархта и тяниень пингонь мазыста ладямань приёмтнень мархта, конат нолявихть тевс сянгярьготфтомань тефнень мархта. Дендрологиянь отделса кочкаф 528 вид и форма шуфтонь лаца касыксонь эрь кодама климатическяй зонаста (Дальняй Востокста, Кельме ширдень Америкаста, Западнай Сибирьста: Маака лаймарькссь, маньчжурскяй пяштсь, амурскяй бархатсь (пробкань шуфтсь) и лият. Сонцень (спонтаннай) флорась лувонды 482 вид аборигеннай и заноснай (дикайкоды) касыкста.
Структурац
Практическяй внедрениянь отделсь лувонды: 3 тонафнемань лабораторият, а тяфта жа производственнай и интродукционай питомникт, коса касфтовихть озафнеманди материал тонафнеманкса и ошть и Мордовия Республикать сембе райононзон сянгярьготфтоманкса .
В. Н. Ржавитинонь лемса тонафнемань ботаническяй садть видеса биотехнологиянь и биологиянь факультетонь и аграрнай институтонь [1] сотрудникне и студенттне мольфтихть тонафнемань и научно-исследовательскяй оцю покодема. Тяса вятевихть покодемат тонафнемань, касфтомань и тевс нолдамань перспективнай видонь и сортонь шуфттнень (туя шимадома ширдень, барбарист, спирейхть, боярышникт, алуда вяри касы касыксса сянгяргофтомат) и мазы панчфонь (флоксат, пиотт, ирист и лия) культурань коряс.
Лятфтамат
Ссылкатне
Литературась
Объекты культурного наследия России по алфавиту