Масторава

Рувики лопаста
«Масторава»
эрз.: Масторава
Масторава морокерьксенть кирьксесь.jpg
Жанр авторский эпос
Автор Александр Шаронов
Язык оригинала эрзянский
Дата первой публикации 1994
Мокшекс ётафтозе М. Моисеев

Масторава — мокшэрзянь народть героическяй эпоссна. Тя тяфтама художественнай произведения, кона крхкаста и видеста азонды масторть лангса мокшэрзятнень сядонгльдень эрямаснон колга. Тя эпоссь — сире пингонь мокшэрзятнень художественнай автобиографиясна.

Кода сюлмаф

«Масторава» эпоссь афкукс народнай произведения. Эсонза азксне кочкафт и сёрматфт литературнай кяльса. "Масторава" эпосонь произведенятненьэса няфтеви мокша и эрзя ломаттнень кунардонь пингонь эряфсна-ащефсна родоплеменной обществань пинкнень эзда сявомок, Казанскяй ханствать сяьскоманц пингс, мзярда мокшэрзятне шоворкшнесть ни рузонь наротдть мархта. Сон эсь ладяфксонц и сёрматфонц коряс мала лия народонь эпосненди: «Калевала»[1], «Калевипоэг», «Витязь в тигровой шкуре» и лият. Эрзянь кяльса «Масторавать» сёрмадозе А.М. Шаронов. Книгать кочкамста сон экпедициянь эсь кочкаф материалдонза башка нежетькшнесь М.Евсевьевонь, Х. Паасоненонь, А. Шахматовонь, А. Кавтаськинонь, В. Радаевонь, К. Самордовонь и фольклоронь лия кочкайхнень материалснон лангс. Теориять кочкамста лездсь А.И. Маскаевонь «Мордовская народная эпическая песня» книгац. Эрзянь ломань морафтыхне «Масторава» книгать эрзянь кяльса морафнесазь 1994-це кизоста сявомок.

Мокшетне 2001-це кизоста сявомок. Мокшень кяльс «Масторава» — героическяй эпость ётафтозе содаф мокшень сёрмадысь М.С. Моисеев (1999-2000-це кизотнень). ХХ-це веконь сизьгемонце кизотнень мокшень кяльса эпосонь аноклама кярьмотькшнесть ламоц учёнайхне (Г.Я. Меркушкин, А.Д. Шуляев и лиятне), нинге ХIХ-це векста эрзянь кяльса эрзянь народть культуранц. эряфонц-ащефонц колга фольклорнай материалть марс пуроптоманц вельде ёрасть няфтемс Самарскяй губерниянь эряйхне С.А. Ларионов, Т.Е. Завражнов. 1969 кизоня эстонь МАССР-нь кялень, литературань, историянь и экономикань научно-исследовательскяй институтти (тяни Мордовия Республикань Правительствать видеса гуманитарнай наукань научно-исследовательскяй институтсь руз. (Научно-исследовательский институт гуманитарных наук при Правительстве Республики Мордовия)) республикань оцюнятнень-вятихнень фкя мяльс самаснон коряс мярькфоль анокламс эрзянь и мокшень кафта вариантт:академическяй и литературнай[2]. Сонь лангсонза ушеткшнесть покодема литературоведсь В.В. Горбунов, драматургсь, историксь Г.Я. Меркушкин, фольклористсь А.Д. Шуляев. 1974-це кизоня эпосонь темати кярьмодсь А.М. Шаронов. Кочкаф материалхнень сон латцезень лиякс, уликсть пяшкодезе одс муф эпическяй произведенияса, макссь теенза козя научнай аппарат. 1991-це кизоня А.М. Шароновонь ладяфонц-кочкафонц Мордовиянь Правительствань комиссиясь мярьгсь нолдамс издательстваса.

Мезьста ащи

«Мастораваса» васенцеда пуроптовсь космогониясь: менелень и мода лангонь шкаень пантеонць; героическяй эпикась — тнярстонь, историческяй азксне-моротне синь оцю геройснон мархта, конатнень ёткса кучка вастса Тюштя оцязорсь: койхне-илатне, пеьфпяльть и эряфть лангс ваномась, эстетикась. философиясь, педагогикась. Эпоссь тячити самс ванфтозень мокшень и эрзянь Шкайхнень и геройхнень лемснон: Шкабаваз (Инешкипазть) — масторть-перьфпяльть тииец-ладяец, Идемявозть, Тюштянь, Нарчаткань, Саманькать, Кастушань Велень шкай, Вармава, Шкайава, Паксява, Юрхтава и лиятнень. Эпосса вете пялькст, эрь пяльксть эса ладяфт азкст:

  • Шкаень пинге (васенце азкссь:Масторть шачемац, омбоце азкссь: Эрма усолонь путома-ладяма);
  • Сире пинге (колмоце азкссь: Од коень-илань касома);
  • Тюштянь пингоц (нилеце азкссь:Ломаттне путыхть оцязор, ветеце азкссь:Тюштя и инекуйхне, котоце азкссь: Тюштя рьвяяй, сисемце азкссь:Масторавань эряфсь-касомась, кафксоце азкссь:Тюштя и Сарда, вейхксоце азкссь:Тюштянь куломац, кемонце азкссь: Тюштянь цёрац оцязор;
  • Врагонь пинге (кефки еце азкссь:Килява,кемгафтувоце азкссь:Нарчатка, кемголмувоце азкссь:Арса, кемнилиеце азкссь:Кастуша, кеветиеце азкссь:Кинява и Вельмака;
  • Од пинге (кемготувоце азкссь:Саманька, кемзисемгоце азкссь:Велень озкс, кегафксувоце азксь:Серень сюра.

Тяфта яфтомась моли кочкаф материалть коряс. Сяс сон аф эряви шоворямс историческяй наукаса периодизациять мархта. Эрь пяльксть смузец пачфневи азксса, конат сёрматфт пяк кунардонь мифнень, моротнень ёфкснень коряс, конатнень тееньк пачфтезь сире пингонь азонкшнихне. Сембоц тяфтама азксонь пялькста М. Моисеевонь ётафтфса 18 (кемгафксува). Сяда лама эздост колмоце пяльксса, сяда кржа омбоцеса и ветецеса.

Эпость шнамац

«Масторава» эпости, кона сёрматфоль А. Шароновонь кядяла эсь пингстонза максфоль оцю питне и шнама валхт азсть аф аньцек минцень учёнаеньке, публицистоньке, но и омба масторонь журналисттне и учёнайхне: Пекка Лентонен[3], Тармо Хаккарайнен[4], Сиркка Сааринен (Финляндия), О. Б. Ткаченко (Украина), Петер Домокош[5] (Венгрия) («Пяк мазыхть „Масторава“ сёрматфне эрзянь, мокшень и рузонь… синь шачфтыхть-максыхть надияма»), Мария Дуганчи (Швеция).

Литературась

  • Устно-поэтическое творчество мордовского народа:Лирические песни. — Саранск: Морд. кн. изд-во, 1965. — Т. Т.II. — 372 с.
  • Устно-поэтическое творчество мордовского народа. Мокшанские причитания. Т.VII /2. — Саранск: Морд. кн. изд-во, 1979. – 360 с.
  • H. Paasonens mordwinisches Wörterbuch // Zusammengestellt von Kaino Heikkilä. Unter Mitarbeit von Hans-Hermann Bartens, Aleksandr Feoktistov und Grigori Jermuschkin. Bearbeitet und herausgegeben von Martti Kahla. Bd 1 – IV. – Helsinki, 1990 - 1996.

Лятфтамат

  1. ↑ Элиас Лённрот (1802—1884) — Создатель «Калевалы»
  2. ↑ Институт гуманитарных наук при Правительстве Республики Мордовия — Энциклопедия Руниверсалис
  3. ↑ Pekka Lentonen. Mastorava on pienen kansan sankaritarina|| Kansan Uutiset. 11.2/1998
  4. ↑ Mastorava, mordwalaisten sankarieepos || HIIDENKIVI. Suomalainen kulttuurilenti. 6|| 1998
  5. ↑ Вордксем кыл (Родное слово) № 5 2008(недоступная ссылка)

Сссылкатне

Сявф"https://mdf.ruwiki.ru/w/index.php?title=Масторава&oldid=395819"-ста