Дорогайкина, Светлана Ивановна
| Дорогайкина, Светлана Ивановна | |
|---|---|
| Шачема лемсь | Светлана |
| Шачема вастсь | МАССР, Сире Синдру велесь |
| Гражданствась | СССР, РФ |
| Покодемань тиендемац | директор |
| Казнет |
Памятная медаль «За вклад в проведение чемпионата мира по футболу» (2018) |
К:РУВИКИ:Статьи без изображений (тип: не указан)
Дорогайкина Светлана Ивановна – Мокшэрзянь национальнай драматическяй театрать директороц, Мордовия Республикань «Юрхтава» мокшень аватнень Ассоциацияснон председателец
Эрфонь киц
Дорогайкина С.И шачсь 1970-це кизонь 15-це августста Сире Синдру руз.: Старое Синдрово мокшень велеса.
Школать аделамда меле 2008-2013-це кизотнень тонафнесь Н.П. Огарёвонь лемса Мордовскяй государственнай университетса филологическяй факультетса.
2009-це кизоста сявомок ушедсь покодема Мокшэрзянь национальнай драматическяй театраса. Тяза сон сявфоль корхтамать коряс тонафтыкс. Сонь эсонза ульсть няйфт эрек ломанень, инголи вяти и ломанень пуроптома-ялгафтома машты ширетне.
2015-це кизоня теенза максф театрань директоронь должностсь.
Нюрьхкяня пингста С.И. Дорогайкинась няфтезе прянц кода грамотнай, тевса шарьхкоди-машты и ёню руководитель аф тёждя коллективса, конань луксс сувсихть актёрхне, режиссёрхне, художникне, производственнай цехонь специалисттне.
Светлана Ивановна фалу, апак лотксек шарфни мяль театрать финансовай ширензон цебярьгофтомаснон лангс, тяфта, сонь вятеманц кядяла марявиста-няевиста кемокстась театрать материальнай козяшинь юроц.
С.И. Дорогайкинать тевтиеманза
Театрать деловой и творческяйста сембе пяльксонзон фкя-фкянь мархта покодемаснон ладямасна вяти спектаклятнень художественнай ширде цебярьста ладямаснонды-путомаснонды, кона максси цебярь сатфкст. Коллективсь эсь лангсонза марясыне театрать эряфса цебярь шири полафтоматнень: эрекласть гастрольс якаматне, ушедсть кемоксневома культурнай сотксне шабрань региоттнень мархта, коса ламоцне эряйхнень эзда мокшет и эрзят.
2022-це кизоня Светлана Ивановна сувафтф Россиянь национальнай театрань Ассоциациянь совету[1]. Ассоциациять лувксс ся пингоня сувафтфтольхть 32 театра Россиянь эрь кодама республикаста и регионцта. Тяса покодемась лезды Мордовскяй национальнай драматическяй театрати марса Россиянь лия театратнень мархта кемокстамс-козякодомс и касомс творческяй ширде.
2022-це кизоня Светлана Ивановна путфоль «Юрхтава» мокшень авань Ассоциацияти председателькс[2]. Тя пуромкссь тяряфни вятемс мокшень кяльть колга ванфнема и сяда тов касфнема-содафнема тефнень. Сонь вятеманц кядяла аноклакшневсть васедемат районца ладяф авань коллектифнень мархта, ассоциацияста аваттне фалу эряйхть мокшэрзянь народть межрегиональнай общественнай организациянь пуромкссост. Эрекста лездсть «Мокша» и «Сятко» журналхнень 95 кизонь топодемань юбилейнай мероприятиятснон анокламаса, «Мокшень щамозе» идень национальнай щамонь пялькстоматнень эса. С.И.Дорогайкинать инициаиванц вельде Ассоциациять видеса ульсь пуроптф «Юрхтава» фольклорнай ансамбльсь.
Казненза
- Памятная медаль «За вклад в проведение чемпионата мира по футболу» (2018)
- Благодарность Главы Республики Мордовия (2022)
- Заслуженный работник културы Республики Мордовия
Театраса вятеви теварьсефксне
Театраса и марнек Мордовия Республикаса Светлана Дорогайкинать кядяла вятевихть эсь лацонь теварьсефкст. Тячиень шиня Мокшэрзянь нациоальнай театрась ськамонза республикаса театрать репертуарса улихть спектаклят, сокор ваныхненди. Тя ульсь кода нолдамс тевс театрать суваманц вельде «Особый взгляд» теварьсефксть эса.
2019-це кизоня театрась сяськозе Культурань Федеральнай Министерствать целевой грантоц «Куйгорож» спектаклять путоманцты Валентина Мишанинать пьесанц коряс. Эреклафтозень цебярьста ушедозень таколфтома ваныхнень «Резиденция мордовского Деда Мороза «ЯкшамАтя» теварьсефкссь.
2023-це кизоня национальнай театрать «STOP Фашизм» теаврьсефксоц сяськозе Россияйскяй Федерациянь Культурань министертвать грантонц, конань вельде театрать сценанц лангса путфоль Советскяй Союзонь Геройть, легендарнай лётчикть, Мордовияса шачфть Михаил Девятаевонь колга историясь.
2023-це кизонь республикати сембода оцю событятнень ёткста фкясь ульсь «Театральная осень» Россиянь национальнай театратнень Ветеце фестивальсна, конань эса вишкоптыкс и ладяйкс ульсь Светлана Ивановна[3]. С.И.Дорогайкина вяти оцю тев мокшэрзянь национальнай театральнай искусствать содафтоманц колга кода республикаса, станя и марнек сембе Россиять эзга. Сонь кядялонза вятемать вельде Национальнай театрась сувси Саранск ошть и Мордовия Республикать сембе культурно-массовай мероприятиянзонды .
Литературась
Лятфтамат
- ↑ assotsiatsiya-natsionalnykh-teatrov/ Ассоциация национальных театров - Александринский театр
- ↑ Светлана Дорогайкина избрана председателем Ассоциации мокшанских женщин «Юрхтава» | Правительство Республики Мордовия
- ↑ В сентябре в Мордовии пройдёт V фестиваль национальных театров России «Театральная осень»
Ссылкатне
https://www.mordovia-news.ru/news-15-14832.htm Газета "Мордовия" :: «Из ада – к звёздам»: первые репетиции к спектаклю о Михаиле Девятаеве https://russpass.ru/event/606de7a8f83b4e001931ed23 Мордовский национальный драматический театр