Якшама Атясь

Якшама Атя
ЯкшамАтя
Мифология	Мокшэрзянь мифологиясь
Местность	Мордовия
Толкование имени	зимний персонаж, олицетворяющий холод
Пол	мужской
Связанные события	Од кизось
Атрибуты	байдек, ор, гальцят, сакалхт, пайгонят

Якшама Атя, ЯкшамАтя руз. (Дед Мороз). Кда ваномс валть смузензон лангс: «якшама» + «атя» = рузкс «холодный дед». Сонь эряма-ащема вастоц мокшэрзянь театраса, сяс мес эрь од кизонь карша иттненди ётафневи спектакля лаца вваседема иттнень мархта сонь участиянц мархта. Наряжаф тяфта:прокс акша орса, конань лангса сёрматфт мокшэрзянь сёрматфкст-узорхт, прясонза акша вазь и варягат. Пильгсонза якстерь кямот. Кяме прянза мянтьфт вяри. Кядьстонза пцтай аф нолнесы цингорды пайгоня мархта байдеконц. Мзярда Якшама Атясь ётни масторть ланга, байдек пряса цингорды пайгонятне эса няфнесазь, што сон малаткшни. Теенза ялгакс ащи Ловонь стирнясь. Сон васьфнесыне инжихнень, каванясыне, весялгофнесыне и лезды Якшам Атяти казендемс од кизонь казнетнень.

Мокшэрзянь национальнай драматическяй театрась

Мордовия Республикаса Мокшэрзянь национальнай драматическяй театрась ащи этническяй искуссствати вятикс. Театрать репертуарса эсь лацонь эрь кодама жанрань 45 спектакля аф аньцек мокшэрзянь драматургиять, но и рузонь, омба масторонь. Синь няфневихть рузонь кяльс синхроннай ётафтомать коряс, а кой-конат аньцек рузонь кяльса. Тя спектаклятне ладяфт эрь кодама эряфонь кизоса ломаненди, кода эряфкшуфненди, станя и ёмалтненди.

Театрась Од кизонь карша иттненди

2019-це кизоня театрать оцюняц Дорогайкина С.И. тись «ЯкшамАтять резеденцияц» мокшекс эряма-ащема вастоц или Кудоцтеварьсефкс.

Сяда меле эрь кизоня Од киза карша Якшама Атять эряма-ащема вастсонза руз. Резеденция Мокшэрзянь национальнай драматическяй театраса иттненди ётафневи спектакля лац од кизонь васьфнема, конань пингста синь «повихть ёфкс потмос». Эрь кизоня ёфксть сюжетоц лия.

Тяда башка шабатнень мархта налхксезь тонафневихть мокшень и эрзянь валхт, серцек тяниень пингонь рузонь морнятнень и кштиматнень башка морсевихть мокшэрзянь моронят и кшишендихть мокшэрзянь кштимат. Орта лангса сафнень васьфтьсазь Якшама Атять лездыенза, конат няфтьсазь кить Якшама Атяти. Ки лангса синь учсесазь мялень салай чудат: заданият, апак учсек перяфкст, апак шарьхкотть кяшемат-юмамат, фокуст, соламс содама ёфкс и стак тов. Якамась-шяямась ёфксть эзга аделави «Якшама Атять» эряма-ащема Кудсонза.

«ЯкшамАтя» теварьсефксть вятемац

Мордовия Республикаса тя теварьсефксть тевс нолдамац и вятемац лезды эрь кодама национальностень эряйхнень фкя-фкянь мархта ладямаснонды, межэтническяй ялгаксшити и тяса эряй эрь кульураснон козякодоманцты.

Теврьсефксть программац

Теварьсефксть программац нежетькшни мокшэрзянь уликс койхнень-обуцятнень лангс и пяшкотькшнесыне историко-этнографическяй, культурно-познавательнай и весялготкшнемань-кеняртькшнемань тевфнень. Якшаматясь и ёфксонь лездыенза, Кудатясь руз. (домовой), Ведявась руз. (богиня воды), Вирявась руз. (богиня леса), содафтсазь иттнень и оцюфнень мокшэрзятнень койснон-обуцяснон, налхксемань эсь лацонь шиснон мархта. Тяза сафне содафтыхть щамонь, карьсембялень, ярхцамабялень эсь лацонь ширетнень мархта. Шабатне кепотьф мяльса, кода эсь семьясост, ётафтсазь пингть.

Тя теварьсефкссь шарфтф-аноклаф, васендакиге, Мордовия Республикань эряйхненди, кода ёмлатненди станя и оцюфненди, эряфкшуфненди и Мордовияв саф туристтненди, туристическяй группатненди и сембе инжихнеди. Якшама Атять Кудозонза повоманкса эряви рамамс или заказамс билет. Иттненди рамаф билетть питнес сувай и «ламбама казнеть» питнец. Программась аноклаф и вятеви рузонь кяльса. Моли 1 част 10 минутат.

Мокшень и эрзянь кяльса экскурсиясь вятеви аньцек снярда, кда ули тяфтама мяльсна синцень сафнень.

Ссылкатне

мордовского Деда Мороза «ЯкшамАтя» [1] [2]