Девятаев, Михаил Петрович

Рувики лопаста
Михаил Петрович Девятаев
Михаил Петрович Девятаев.jpg
Шачема шиц 8 июльста 1917(1917-07-08)
Шачема
вастоц		 Торбеево (Мордовия) Спасскяй уездсь, Тамбовскяй губерниясь, Российскяй империясь
Кулома шиц 24 ноябрьста 2002(2002-11-24) (85 )
Кулома
вастоц		 Казань, Россия
Принадлежностсь  СССР
Войскань родсь ВВС
Служама кизонза 1938—1945
Званияц Старший лейтенант ВВС СССР
Частец 104-це гвардейскяй истребительнай авиационнай полксь
Сражениятне/войнатне Великай Отечественнай войнась
Казненза и премиянза
 Отставкаса 1945-це кизонь ноябрьста
Логотип РУВИКИ.Медиа Михаил Петрович Девятаев

Михаи́л Петро́вич Девята́ев (8-це июльста 1917, Торбеево, Спасскяй уездсь (Тамбовскяй губерниясь), Российскяй империясь, тяни — Мордовия, Россия — 24-це ноябрьста 2002, Казань, Россия) — Советскяй гвардиянь старшай лейтенант, лётчик-истребитель, Советского Союзонь Герой.

Ворьгодсь немецкяй концлагерьста ворфтьф бомбардировщикса.

Эряфонь киц

[петнемс | Петнемс лисьмапрянц]

Михаил Девятаев шачсь 8-це июльста 1917-це кизоня Спасскяй уездонь Торбею руз.: Торбеево велеса сокаень-видиень семьяса ульсь 13-це идькс. Национальностьс коря мокша. 1933-це кизоня шумрдась 7 класст. 1934-це кизонь августста ворьгодсь Казани, пелемок, што пякстасазь колхознай паршить саламанкса. Сонь валонзон коряс, лангозонза аноклафоль протокол паксяста тозербрянь кочкаманкса. Тоса поступась Казанскяй речной техникуму. 1938 кизоня аделазе Казанскяй речной техникумть и аэроклубть.

Военнай лётчик[петнемс | Петнемс лисьмапрянц]

1938-це кизоня Казань ошень Свердловскяй РВК-сь тердезе Якстерь Армив. 1940 кизоня аделазе К. Е. Ворошиловонь лемса Чкаловскяй Васенце военнай авиационнай лётчиконь училищать[1].

Фронтса[петнемс | Петнемс лисьмапрянц]

1941-це кизонь 22-це июнь ковста сявомок Великай Отечественнай войнань участник[2]. Воявась Западнай, Юго-Западнай, Центральнай, Степной, 2-це Украинскяй фронтса.

Боевой счётть панжезе 24-це июньцта Минск ошть ала прафтсь Junkers Ju 87 бомбардировщик. Пингонь ётазь бойса смелшинь ширде прянь няфтихнень тердезь Могилёвста Москуву. Лиятнень мархта фкя лувксса казьфоль Якстерь знамянь орденца руз.: (орденом Красного Знамени).

1941- це кизонь 10-це сентябрьста прафтозе Ju-88 Ромныть видеса (Як-1 самолетть мархта 237-це истребительнай авиационнай полкть составса).

Сембоц 1941-це кизонь 23-це июньцта сявомок 1941-це кизонь 16-це сентябрти самс Михаил ётафтсь 180 боевой лийкстама, конатнень пингста аньцек сонць прафтсь противникть 9 самолётонзон[3].

1941-це кизонь 23-це сентябрьста, Киевть ала мрдамок заданияста, лангозонза ушедсть врьгятнема немецонь истребительхне. Фкять прафтозе, но и сонцьке ульсь ранендаф пильгти. Госпитальда меле врачебнай комиссиясь ладязе сонь тихоходнай авиацияв. Служась вень бомбардировочнай полкса, меле санитарнай авиацияса. Аньцек 1944-це кизонь майста А. И. Покрышкинонь мархта васедемста тага арась истребителькс.

Улемок командиркс гвардейскяй истребительнай 104-це авиаполкса (9-це гвардейскяй истребительнай авиационнай дивизиясь, 2-це воздушнай армиясь, 1-це Украинскяй фронтсь), гвардиянь старший лейтенантсь Девятаев 13 июльста 1944-це кизоня Горохов ошть эзда ши мадома шире прафтозе FW-190, но и сонцьке ульсь прафтф и повсь пленц[1].

Пленца[петнемс | Петнемс лисьмапрянц]

1994-це кизоня 13-це июльста лийкстась Bell P-39 Airacobra машфтыень группать лувксса майорть В. Бобровонь команованиянц кядяла вражескяй авиациять врьгятемаснон каршес. Кожфса бойть вятемста Львов ошть вельхксса Девятаевонь самолётоц ульсь токаф и крьвязсь; алу прай истребительть лётчиксь кадозе мекольдень минутатнень, комотемок парашют мархта, но комотемста эрьхтсь самолётть стабилизаторозонза. Модать лангс валгсь ёжефтома, ся васттне противникть кядялольхть и сявфоль пленц[4].

Самолётть марканц колга кизефкссь ляткшни споряманди, соць Девятаев лятфни Bell P-63 Kingcobra колга, а ся пингть (09.05.1945 кизоти самс тевс нолдафоль Bell P-39 Airacobra).

Кизефнемда меле М. Девятаевонь ётафтозь абверонь разведотделозонза, тоста — Лодзинскяй военнопленнаень кирди лагери, коста лия военнопленнайхнень-лётчикнень мархта 1944-це кизонь 13 августста тиезе васенце тяряфнеманц ворьгодемс, тиемок мода потмува шувфкс. Но ворьгодихне ульсть кундафт, лемтьфт кулофокс и кучфт Заксенхаузен кулофтомань лагери. Тоса лагерень пряшяярень нарсить лезксонц вельде (сонцень Девятаевонь лятфнеманзон коряс, пленц повомда инголе ульсь советскяй офицеркс-танкисткс), кона полафтозе стаф номерть лагернай щамть лангса, М. Девятаевонди удалась арамс смертникста «штрафникокс». Меле Степан Григорьевич Никитенко лемть ала сон ульсь прважаф концлагери Узедом острову[1], коса Пенемюнде ракетнай центраса ётафтсть Колмоце рейхть од оружиянь тиемат-варчсемат — пацяв ракетань «Фау-1» и «Фау-2» баллистическяй ракетат.

Советскяй официальнай документтнень коряс, Девятаев ульсь репатриировандаф пленцта 8-це февральста 1945-це кизоня[5][6].

Самолётса ворьгодемась[петнемс | Петнемс лисьмапрянц]

1945-це кизонь 8-це февральста 10 ломаньцта советскяй военнопленнаень групась ворфтьфтезе Heinkel He 111 H-22 немецкяй бомбардировщикть и и вельденза ворьгодсть концлагерьста Узедом (Германия) островса. Самолётть вятезе Девятаев. Немецне мельгаст кучсть истребитель, конань вятезе обер-лейтенантсь Гюнтером Хоб (нем.: Günter Hobohm[7]), сембе сяка самолётть сявф кинц апак содак мумс ульсь, кда аньцек апак учт. Самолётть няезе Даль, Вальтер полковниксь, кона лийсь заданияста, но немецкяй командованиять приказонц «машфтомс ськамонза лии „Хейнкель“» сон изь машта, сяс мес аделавсь боеприпасоц.

Фронтть китьксонц видеса самолётть лангс ляцендсть советскяй зенитнай орудиятне, савсь тиемс вийхца валгома. «Хейнкель» озась пеконц лангс Голлин веленять эзда лямбе шири советскяй 61-це армиять артиллерийскяй частть распоряженияса[8]. Пети самс, лиезь ётамок 300 вагяльбеда цють сяда лама, Девятаев пачфтсь командованияти стратегическяй важнай сведеният кяшф центрать колга Узедомть видеса, коса аноклавсть и варчсевсть тевс нолдамасна немецкяй ракетнай оружиять, «Фау-2» стартовай установкатнень точнай координатаснон, конат ащесть оцю ведть трванц кувалмова. Девятаевонь азфоц ульсь пяк видексонне и лездсть тиемс сатфкст кожфонь врьгятнемаса Узедом (концентрационнай лагерть) лангс.

Пленца ащеманц и ворьгодеманц колга шарьхкодематнень-ваноматнень самс Девятаев ульсь пякстаф СССР-нь НКВДН-нь Проверочно-фильтрационнай лагери — «Заксенхаузен (концентрационнай лагерь)#Спецлагерь НКВД-нь 7»№[9] (которым был бывший немецкий лагерь «Заксенхаузен» (концентрационнай лагерь)), коса кизефнесть и провесесть эсонза[10][11]. 1945-це кизонь мартть песта, пчкамда меле, кемонть эзда сисем воргодихне (Соколов, Кутергин, Урбанович, Сердюков, Олейник, Адамов, Немченко) ульсть сувафтфт 777-це стрелковай полконь ротатнень эзда фкяти, (лия уликснень коряс — 7-це стрелковай ротав 3-це стрелковай батальонть 447-це стрелковай Пинскяй полкть 397-це стрелковай дивизиянь 61-це армиянь[12])[13] и кучфт фронту</ref> (мянь Немченко, кона юмафтозе фкя сельмонц, энялдсь кучемс сонь фронту санитаркс стрелковай ротав).

14-це и 16-це апрельста 397-це дивизиясь кафксть тяряфнесь ётамс Одер ляйть, но мезевок изь лисенде. Именна тя шиня шавовсть: Пётр Кутергин, Тимофей Сердюков, Владимир Соколов и Николай Урбанович. Фёдор Адамов ульсь ранендаф и меле сяка тюрсь бойса. сяда товолдонь шитнень дивизиясь всё-таки сявозе Одер ляйть, арасть тоза и ушедсть шаштома инголи шинь мадома шири, сявомок Фалькенберг ошть. Тя бойхнень эса 21-це апрельста шавовсь Иван Олейник, а 24-це апрельста — Владимир Немченко (Девятаевонь валонзон коряс, Олейник бта шавовсь Дальняй Востокса, Советско-японскяй войнса)[14].

1945-це кизонь майста кемонь воргодихнень эзда шиса илядсь нилесь: госпитальса ащи раненендаф Фёдор Адамовсь и колма офицерхне — Девятаев, Кривоногов и Емец — конат ульсть кучфт 1-це Горьковскяй запасной стрелковай дивизиянь «СМЕРШ» ОКР-ти, коса синь войнать аделавомозонза ащесть аф боевой тевтиемань вятематнень видеса, учсемок воинскяй званияснон кемокстамаснон[12].

1945-це кизонь сентябрьста Девятаевонь музе Королёв, Сергей Павлович, кона путфоль вятемс советскяй программать немецкяй ракетнай техникать содаманц-тонафнеманц, и тердезе сонь Пенемюндса консультациянди[15]. Сяс мес Девятаев служась аэродромнай командаса, а ракетнай полигонць ащесь ичкоздень вастса, мезьге вельф сёпфта азомс ашель мезе, но азозень островса примернай ащемаснон строяф уликснень и эрь клдама объекттнень.

Войнада меле[петнемс | Петнемс лисьмапрянц]

1945-це кизонь ноябрьста Девятаев ульсь нолдаф запасс (тяда инголе аф лама пинге сонь кирдезь колониянь-поселениянь лагерьса Псковскяй областень Невель станцияса)[16][10][11] и ламос, кода пленца улись, васьфнесь сталмот покодема вастонь вешендемста.

Михаил Девятаевонь стирец и цёрац эсь лятфнемаснон эса корхтайхть, што 1945-це кизонь декабрьста, [17][18] сон мрдась Казани (лия вастса азондови, што, сон мрдась аньцек 1950-це кизотнень ушетксста)[10] и мусь покодема васта Казанскяй речной портса вокзалса дежурнайкс, меле тонафнесь капитанкс-механикокс, но мзярс уендсь аньцек служебнай катерса[19][16]. 194 -це кизоста сявомок покодсь «Огонёк» баркасса капитанти лездыкс, 1952-це кизоста сявомок — «Огонёк» баркасса капитанкс, 1955-це кизоста ульсь ётафтф теплоходонь капитанонь должностьс [20]. Кой-кона публикацияса улихть сёрматфт, што Девятаев ся пингть ульсь судендаф «Родинать полафтоманкса» и кучф лагери, а 9 кизода меле повсь амнистия алу[10].

1957-це кизоня Девятаевонь подвигонц колга васенцеда азондсь «Советская Татария» газетань корреспондентсь Винецкий, Ян Борисович.

1950-це кизотнень песта Девятаевонь кядялу максфтольхть тиемс испытаниятне «Ракета (теплоходсь)» — советскяй судатнень эзда васенцеть ведялдонь паця лангса; лама кизот сон покодсь капитанкс ляйса уенди теплохоттнень эса и «Метеор» (теплоходти) ульсь васенце капитанкс [19]. Пцтай эряфонц пенцты ульсь общественнай эряфть потмоса, азонкшнесь лятфнеманзон колга, аф весть ульсь Узедом островса и васетькшнесь пленцта лия ворьгодихнень мархта, эсь эряфонц колга нолдась кафта книгат — «Полёт к солнцу» (1972) и «Побег из ада» (1988).

Советскяй Союзонь Коммунистическяй Партив сувафтф 1959-це кизоста сявомок, эряфонь мекольце кизонзон эрязень Казаньца. Покодсь, мзярс ульсть виенза. 2002-це кизоня кизонда сонь колганза документальнай фильмань тиемста, сон сась Пенемюндса аэродрому, путсь штатолнят эсь ялганзонды и васедсь немецонь пилотть Г. Хобомонь (конанди мярькфоль сатомс и прафтомс пленца ащихнень кядяла вортьф ськамонза «Хейнкельть») мархта.

Девятаевонь калмоц Арскяй калмолангса (Казань)

Кулось Михаил Петрович Девятаев 24-це ноябрьста 2002-це кизоня Казаньца 86-це кизонц лангса. Калмаф Казаньца Арскяй калмолангса, коса ащи мемориальнай комплекссь Великай Отечественнай войнань воиттненди.

Казненза

[петнемс | Петнемс лисьмапрянц]

1957-це кизоня 15-це августста С. П. Королёвонь мярьгоманц вельде Михаил Девятаевонди максфоль Советскяй Союзонь Герой лемсь[21] (по некоторым сведениям, награда была вручена за вклад в советское ракетостроение, за помощь в создании первой советской ракеты Р-1 (ракета)| — кона тиф «Фау-2» немецкяй ракетать лаца).

Казьф Ленинонь орденца и «Зрнянь Тяштя» медальса, Якстерь Знамянь кафта орденца(02.1944)[22]Якстерь Знамянь Орденца [23], Отечественнай войнань орденца I (1985)[24] и II (05.1944)[25][2] степенень, медальса, омба масторонь казнеса (сяконь лувксса «За заслуги перед Отечеством» 2-це степенень сиянь орденца (ГДР)[26].

Мордовия Республикань шнама ломань[27], а тяфта жа: Казань ошень российскяй и немецкяй Вольгаст и Цинновиц ошень шнама ломань[1].

Россияса и Мордовияса ванфтсазь мялямть М. П. Девятаевонь колга

[петнемс | Петнемс лисьмапрянц]

Россияса М. П. Девятаевонь колга тиф-нолдаф художественнай фильма[28]. Мордовияса М.Девятаевонь лемс стяфтф памятникт, панчфт музейхть, лемтьфт курот, школат. Тяфта 2023-це кизоня панжезень кенкшензон Советскяй Союзонь М. П. Девятаевонь лемса Саранск ошень "Центр образования 15-це № «Высота» МОУ-сь. Саранск ошса М. П. Девятаевонь лемс ётафневихть греко-римскяй борьбаса международнай турнирхт[29]. 8-це майста 1975 к. Торбееваса ульсь панчф М. П. Девятаевонь лемса Куд-музей[30].

Девятаев М. П. Лятфнемань пантеонца Сяськомань Паркса (Казань ошса)
  • Михаил Девятаев нолдась эряфонц колга кафта книгат — «Полёт к солнцу» (1972) и «Побег из ада» (1988).
  • Повестть Николай Стуриковонь «Сотый шанс» .
  • Торбееваса (Мордовия), Октябрьскяй куроса, 8-це майста 1975-це кизоня панчф М. П. Девятаевонь Кудоц-музеец Советскяй Союзонь Геройть М. П. Девятаевонь[31].
  • Мордовия Республикань центральнай аэроклубсь каннесы Советскяй Союзонь Геройть М. П. Девятаевонь лемонц.
  • Казаньца М. П. Девятаевонь калмонц лангса Арскяй калмолангса стяфтф бюст (фотось види ширде).
  • Суднась «Восход-72» ведялдонь паця мархта канесы лемть «Герой Михаил Девятаев»[32]. тяниень пингть апак нолдак тевс.
  • Пассажирскяй прогулочнай катамаранць «Волга-3» канни «Герой Девятаев» лемть[33].
  • Казаньца Парк Победы мокшекс Сяськомань Парк Пантеонца Пингфтома толть перьф ладяф маляфтомань седяфкя М. П. Девятаевонь колга, лятфтамок, што Советскяй Союзонь Геройсь максф аньцек 1957-це кизоня.
  • 2002-це кизоня ушетфт художественнай фильмань «Побег в небо. Девятаев» съёмкатне. Съёмкатнень тиема пингсь аф весть полафневсь, васенцеда 2007-це кизоти, меле 2012-це и 2015-це кизотненди. 2017-це кизоня, 15 кизонь ётазь, теварьсефкссь ульсь пякстаф[34].
  • Вологдаса стяфтф памятник «Побег из ада»[35].
  • Саранск ошса 2010-це кизоня ладяф мяляфтомань тяште «Побег из ада» мокшекс «Адста ворьгодема»[36].
  • Полтава ошса ладяф памятник «Побег из ада», кона ащи стелла лаца, воррьгодиень экипажть лемснон мархта.
  • 2017-це кизоня, Советскяй Союзонь Геройти Михаила Девятаевонь 100 кизонц топодеманцты, колганза лиссть кафта од документальнай фильмат — «Побег с острова Узедом» и «Крылатая Казань». Сембоц 1963-це кизоста сявомок тиф 14 документальнай фильма Михаил Девятаевонь эряфонц и подвигонзон колга, конатнень ёткса: «Речники-Герои» Николай Скомороховонь, «Догнать и уничтожить» Константин Орозалиевонь и лиятнень[37][38].
  • Пенемюндса (ФРГ) 2020-це 8-це февральста ётафтовсь торжественнай церемония военнопленнайхнень Советскяй Союзонь Геройть лётчикть Михаил Девятаевонь вятеманц кядяла подвигть 75кизонц топодеманцты. Лятфтамань церемониять пуроптыец ульсь Александр Печерскяень Фондоц, мероприятиясь сувась теварьсефксть «Непокорённые. Сопротивление в фашистских концлагерях» программати[39].
  • 2020-це кизонь февральста-мартста ушедсть «Фау-2. Побег из ада» (пингонь ётазь фильмать лемонц полафтозь «Девятаев» лангс) художественнай фильмань съёмкатне, конат азондсть Михаил Девятаевонь ворьгодеманц колга. Фильмати консультантокс ульсь сонь цёрац — Александр Девятаев, Казанскяй государственнай медицинскяй университетонь профессорсь[40]. Фильмать киноса няфтемац ушедовсь Российскяй Федерациянь кинотеатратнень эса 2021-це кизонь 29-це апрельста сявомок[41].
  • 2021-це кизоня Оренбургса, Парковай проспектть скверса 39-це № школать видеса, кона каннесы сонь лемонц, ладяф бюст, коса Михаил Девятаев няфтьф одста оренбургскяй лётчиконь военнай училищань курсантокс улемста[42].
  • 2023-це кизонь 26-це октябрьста Мокшэрзянь национальнай драмань театраса путфоль  «Побег из ада» Михаил Девятаевонь колга спектакльсь. Пьесать сёрмадозе Мордовиянь народнай писательсь, содаф драмматургсь Валентина Мишанинась. Режиссёрсь Санкт-Петербургста Ольга Парфёновась. «Побег из ада» спектаклясь 2025-це кизоня сувась Россиянь театрань постановкань зрнянь фондс[43]. Россиянь Театральнай деятелень союзсь аноклай тя спектаклятнень-сяськихнень эзда телеверсиянь коллекция, «Триколор» операторсь няфтсыне синь «Большой эфир» каналса.

13 цифрась М. Девятаевонь эряфса

[петнемс | Петнемс лисьмапрянц]

Михаил ульсь 13-це шабась семьяса. 13 кизоса цёранясь ёрась улемс лётчикокс. Ёрась машфтомс фашистонь 13 самолёт. 13-це июльста 1944 кизоня фашисттне воздушнай бойса прафтозь М. П. Девятаевонь самолётонц, коса мокшень цёрась ульсь ранендаф и повсь пленц. Ульсь 13-це баракса, фашистонь самай пелькс концентрационнай лагерьса.

Ванк нинге

[петнемс | Петнемс лисьмапрянц]
  • Лошаков, Николай Кузьмич — советскяй лётчик-истребитель. Повсь пленц, 1943-це кизоня и ворьгодсь немецонь самолетса.
  • Гувер, Боб — американскяй военнопленнай, ворьфтьсь Fw 190 истребитель Нидерланды; фкясь васенцетнень эзда тяниень пингонь аэробатикать.

Лятфтамат

[петнемс | Петнемс лисьмапрянц]
Башка сёрматфкст
Использованная литература и источники
  1. ↑ 1 2 3 4 Кисин С. 95 лет исполняется летчику Девятаеву, сбежавшему из концлагеря на самолёте Архивная копия от 28 ноябрьста 2020 на Wayback Machine // Российская газета. ЮФО
  2. ↑ 1 2 Наградной лист в электронном банке документов «Подвиг народа» (архивные материалы ЦАМО. Ф. 33. Оп. 690155. Д. 355. Л. 18-19).
  3. ↑ Наградной лист Михаила Девятаева на орден Красное Знамя от 20 декабря 1943 года. Дата обращения: 7 майста 2021. Архивировано 7 майста 2021 года.
  4. ↑ Покрышкин А. И. Гвардия громит врага // Познать себя в бою. — М. : ДОСААФ, 1986. — 492 с. — 95 000 экз.
  5. ↑ https://obd-memorial.ru/html/imagelink?path=0ad0aa35-6414-4547-b03d-62e2570e833d
  6. ↑ Девятаев Михаил Петрович, ст. лейтенант Архивная копия от 25 апрельста 2021 на Wayback Machine // ОБД Мемориал
  7. ↑ HOBOHM, Günter (англ.). TracesOfWar. Дата обращения: 5 июньцта 2021. Архивировано 14 январьста 2013 года.
  8. ↑ Михаил Девятаев и He-111H-22 Архивная копия от 16 июньцта 2020 на Wayback Machine.
  9. ↑ Замятин Сергей Семенович. Временные бойцы. Монография. Журнал «Самиздат» (10 майста 2008). — «Сам Девятаев вспоминал об этом так: — „Твой лагерь?“ — спросил меня сопровождавший энкавэдэшник. „Да“, — отвечаю. „А в каком блоке сидел?“ — „В тринадцатом“. А он мне: „Хорошо, здесь и будешь опять сидеть“.» Дата обращения: 28 октябрьста 2017. Архивировано из оригинала 25 сентябрьста 2013 года.
  10. ↑ 1 2 3 4 Беспалова Н., Черепанов М. Личный враг фюрера. Герой Советского Союза Михаил Девятаев пострадал из-за дамского каприза. «Российская газета» — Волга — Урал (16 декабрьста 2003). Дата обращения: 11 январьста 2011. Архивировано 13 ноябрьста 2011 года.
  11. ↑ 1 2 Михаил Черепанов. Подвиг Девятаева: пора рассказать правду // Вечерняя Казань : газета. — 2008. — № 110.
  12. ↑ 1 2 Побег из Пенемюнде. warspot.ru. Дата обращения: 23 апрельста 2021. Архивировано 23 апрельста 2021 года.
  13. ↑ Полет из ада — в бессмертие. Известия Мордовии (5 февральста 2010). Дата обращения: 11 январьста 2010. Архивировано из оригинала 24 февральста 2011 года.
  14. ↑ Девятаев, 1972, с. 270.
  15. ↑ Сонць, сай пингонь советскяй ракетань Генеральнай конструкторсь, тожа ульсь нолдаф пякстаф вастста тя событятнень улемаснон эзда пяле кизода инголе.
  16. ↑ 1 2 Биккинин И. Любовь и жизнь легендарного лётчика // Татарская газета. — 1998. — № 12 от 23 ноября.
  17. ↑ Девятаев, 2015, с. 203.
  18. ↑ Зотикова В. Побег в небо. Сын легендарного летчика Михаила Девятаева рассказал "РГ" о неизвестных фактах биографии отца. Российская газета-Неделя-Средняя Волга (19 мартста 2015). Дата обращения: 18 июньцта 2020. Архивировано 22 июньцта 2020 года.
  19. ↑ 1 2 Кривоногов, 1963, с. 188.
  20. ↑ Девятаев, 2015, с. 160.
  21. ↑ Черепанов, Михаил Валерьевич. Тайна подвига Девятаева // Казанские ведомости : газета. — 2012. — № 98 от 6 июля.
  22. ↑ Девятаев Михаил Петрович :: Память народа. pamyat-naroda.ru. Дата обращения: 5 октябрьста 2021. Архивировано 5 октябрьста 2021 года.
  23. ↑ Наградной лист в электронном банке документов «Подвиг народа» (архивные материалы ЦАМО. Ф. 33. Оп. 686044. Д. 4402. Л. 9-10).
  24. ↑ Девятаев Михаил Петрович :: Память народа. pamyat-naroda.ru. Дата обращения: 5 октябрьста 2021. Архивировано 5 октябрьста 2021 года.
  25. ↑ Девятаев Михаил Петрович :: Память народа. pamyat-naroda.ru. Дата обращения: 5 октябрьста 2021. Архивировано 5 октябрьста 2021 года.
  26. ↑ Девятаев Михаил Петрович :: Память народа. pamyat-naroda.ru. Дата обращения: 5 октябрьста 2021. Архивировано 5 октябрьста 2021 года.
  27. ↑ Указ Главы Республики Мордовия от 10 января 1997 года № 2 «О присвоении почётного звания „Почётный гражданин Республики Мордовия“». Дата обращения: 21 сентябрьста 2016. Архивировано 29 октябрьста 2017 года.
  28. ↑ В Саранске Бекмамбетов рассказал о правде и выдумке в фильме «Девятаев» — Российская газета
  29. ↑ В Саранске стартовали всероссийские соревнования по борьбе среди юниоров памяти Михаила Девятаева| Правительство Республики Мордовия
  30. ↑ Дом-музей героя Советского Союза М. П. Девятаева (П.Торбеево)
  31. ↑ Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 325. — ISBN 5-7595-1662-0.
  32. ↑ Теплоход «Герой Михаил Девятаев» Архивная копия от 2 апрельста 2019 на Wayback Machine на сайте «Водный транспорт».
  33. ↑ Теплоход «Герой Девятаев» Архивная копия от 3 январьста 2014 на Wayback Machine на сайте www.riverfleet.ru.
  34. ↑ Фильм о Герое Советского Союза из Мордовии стал поводом для заказного убийства?! Столица С. Дата обращения: 27 апрельста 2020.
  35. ↑ Пётр Давыдов, Алексей Колосов. Подвиг сбежавших из ада увековечат в Вологде // Красный Север : газета. — 2010. — № 31 (26416) от 25 марта. Архивировано 6 апрельста 2010 года.
  36. ↑ Памятный знак «Побег из ада» в Саранске Архивная копия от 6 январьста 2014 на Wayback Machine.
  37. ↑ В Казани презентовали два новых фильма о Михаиле Девятаеве. www.tatar-inform.ru. Дата обращения: 27 апрельста 2020.
  38. ↑ На крыле. История Михаила Девятаева. Вечерняя Москва. Дата обращения: 27 апрельста 2020.
  39. ↑ В Германии отметили годовщину побега группы Девятаева из концлагеря. РИА Новости (20200208T1708+0300). Дата обращения: 12 апрельста 2020. Архивировано 12 апрельста 2020 года.
  40. ↑ Чередниченко А. Вертикальный взлёт. В Кронштадте стартовали съёмки фильма «ФАУ. Побег из ада» Архивная копия от 24 мартста 2020 на Wayback Machine // Санкт-Петербургские ведомости, 19.03.2020.
  41. ↑ Альперина, Сусанна (2021-02-16). “Фильм «Девятаев» про побег советского летчика из плена выйдет 29 апреля”. Российская газета [рус.]. Архивонь ёткста оригинала 2021-04-16. Дата обращения 2021-04-16.
  42. ↑ В Оренбурге увековечили память летчика-истребителя Михаила Девятаева. Интернет-портал «Российской газеты» (29 сентябрьста 2021). Дата обращения: 1 октябрьста 2021. Архивировано 1 октябрьста 2021 года.
  43. ↑ Спектакль «Побег из ада» Мордовского нацтеатра вошёл в «Золотой фонд театральных постановок России»

Литературась

[петнемс | Петнемс лисьмапрянц]

Ссылкатне

[петнемс | Петнемс лисьмапрянц]
Сявф"https://mdf.ruwiki.ru/w/index.php?title=Девятаев,_Михаил_Петрович&oldid=252046"-ста