Очижи
| Очижи | |
|---|---|
.jpg) Воскресение Христово (Сошествие во ад) (икона Андрея Рублёва (?), 1408—1410 кизотне) | |
| Типсь | Христианскяй, эрь кона странатнень эса — государственнай |
| Ладяф | Иисус Христсть вельмоманц лемс I векста |
| Ётафневи | христиан ломаттнень мархта |
| Датась | 21-це мартста |
| В 2024 |
31 мартста (католицизм) 22 апрельста (5 майста) (православие) |
| 2025 |
20 апрельста (католицизм) 7 апрельста (20 апрельста) (православие) |
| 2026 |
5 апрельста (католицизм) 30 мартста (12 апрельста) (православие) |
| Празднование | веть или рана шобдава церькафнень эса службат, семья ёткса шра ваксса |
| Традиции | Шинь стяма ширеса — архтф алонь и куличень святиндамась, Ши мадома ширеса — казнет, алонь вешендемась шабатнень ёткса, кафцьконь эса — христосовандамась. |
| Сотф | Маслянцясь, Прощёнай недляшись, Снмбода оцю постсь, Верняйсь, Вознесениясь, Троцясь, Пятрувонь постсь |
 Очижи | |
Очижи руз.: Пасха, эрзянь кяльса Инечи' — оцю илась. Очижи ёткть кунцезь кулофнень, тонашистотнень лемснон. Озондсть атянь атятненди, анасть цебярь сёра, кеме шумбраши сембонди.
Тналонь келеса якасть калмолангс, тоза сявондсть мархтост ярхцамбяль. Тернезь кулоф эсьнень баняса штама, ярхцама. Очижинь карша ёткшиня путнесть атянь пуре. Крьвяснезь атянь штатолть. Атянь штатолть ваксс путнесть атянь вазь. Анасть Очижить и кулоф эсьнень ширде пара арьсемат. Мазоптф шуфтонь тараткянь мархта якасть вири, кунардонь нешкоперезост. Озондсть тоса, симсть-ярхцасть.
Шоподембяли ни сембе марса лисендсть веле пети инжикс сашентф тонашистотнень ильхтема. Ся шири ляцендсть ружьяста, тяфта панцезь атянь атятнень кистост шяйтаттнень. Кулоф шабатнень лемс калмалангть шири кеворясть пидеф алхт. Кой-кона вастова Очижи шиня алятне пуромкшнесть тя или тона юромонь куду, симондсть очижинь пуреда. Тя илати сембонди эрявсь самс аф ялга, лишмоса. Пуреса валондозь лишмоснонга арьсемок теензонга шумбраши.
Кристозшида инголе Очижинь васенце шиня ётафнесть оцю озкс вярдень шкайхнень лемс. Тяфтама оцю озксста вярдень шкайхнень лемс печксесть парна. Вашенять рамсезь инголькиге, полас-полас касфтсть эсонза эсьнень пирьфова. Ётафнесть Очижинь васьфтемань и Очижинь прважамань илат. Очижикс наряжакшневсь стирь или лишме лангса цёра. Лишмось кочксевсь аф равжа, а сяда зрнянь тюсса. Наряжафне сашендсть вели шинь стяма ширде. Синь васьфтемост лисендсть пуре мархта, каванякшнезь, сюконякшнесть тейст.
Очижись(ru) тушендсь шинь мадома шири. Очижить кунардонь мороса лемнезь Вярдень Шкаень идькс, а сонцень Вярдень Шкайть лувондозь Ши лаца. Оцю шинь илат кунардонь пингста ётафнесть тунда, мзярда шить и веть кувалмосна фкя лацот.
Очижинь шиня ульсь пяк лама аф мярьгомада: афольхть мярьге тевонь тиемда, ушедомс од тев, керомс, нарамс шяярьхнень; афольхть мярьге явсемс кулоф ломанть, конань калмалезь очижинь шиня. Меколанкт эряволь очижинь шить кенярдемс — кулоф ломанць пови райти. Афольхть мярьге аватненди якамс кяпе (кулоф атятне куду аф сувавихть), лятфтамс кулоф юронь ломаттнень калмолангса.
Очижинь шитнень сембе велетнень эса колендельхть архтф алса, нюрсесть нюрямса, яксесть радня пяли инжикс.
Кода лувома Очижить самац
Литературась
- Сафонова Н. А. Празднично-обрядовые традиции мордвы в контексте региональной культуры Южного Урала // Культура и цивилизация. 2019. Том 9. № 5А. С. 133—142.(руз.)
Ссылкатне
|
Easter РУВИКИ.медиа |
|---|
- http://www.folklore.ee/rl/folkte/sugri/mordva/ersa/myto2/koi-8/otshizhi.html
- О Пасхе. Завет.ru
- Пасха. Светлое Христово Воскресение. Православие.Ru
- Георгий Чистяков. О Пасхальной радости
- Б. Литтл. Историчность воскресения: нравственный стержень
- Традиции празднования Пасхи в различных странах на tradicii.com
- Рассчитать Пасхалию на любой год: с 325 по 2325 год
- Празднование Пасхи в русской живописи