Рыбкина

Рувики лопаста
Веле
Рыбкина
Рыбкина
Архангел Михаилонь церькавсь Рыбкина велеса
Архангел Михаилонь церькавсь Рыбкина велеса
54°15′38″ с. ш. 43°46′12″ в. д.GЯO
Странась  Россия
Федерациянь субъектсь Мордовия
Велень эряма васта Рыбкинскяй
Историясь и географиясь
Ушетф 1622
Частонь каркссь UTC+3:00
Эряйхне
Эряйхне 605 ломань (2005)
Национальносттне мокшане, русские
рыбкинэряйхть
Официальнай кяльсь Мокшень и эрзянь, рузонь
Цифрань идентификаторхне
Почтовай индекссь 431330
Код ОКАТО 89229867001
Код ОКТМО 89629467101
Номерсь ГКГН 0085518
Рыбкина на карте
Рыбкина
Рыбкина
Рыбкина на карте
Рыбкина
Рыбкина

Рыбкина (руз. Рыбкино) — Российскяй Федерациянь Мордовия Республикань Ковылкинскяй райононь веле[1]. Рыбкинскяй велень эряма вастонь центра.

Рыбкинскяй велень администрацияв сувсихть Церямаз (269 ломань), Боркат (230), Варана (24), Кирляй (12), Лосевка (13), Од Дерган (31), Пинекедь (145), Каргоншей (9 ломатть).

Географиясь

Ащи Мокшеть трваса, 31 вайгяльбе вастса районнай центрать и Ковылкина машина кинь станциять эзда, 3 вайгяльбень вастса Ковылкина  — Краснослободск автомобильнай кить эзда.

Эрямопингсь

Содаф, што Рыбкинась ульсь ни 1628-це кизоня[2] Лемоц, фкя версиять коряс, сотф Мокшеть лангса калса козя угодьятнень мархта, омбоцеть  — макф первого поселенца Рьба лем мархта васенце эряйть лемса.

Дачань алфавитса Генеральнай межань явомань Планти 1784-це кизоня ули сёрматфкс: "Рыбкино село с деревнями владения из мордвы удельного имения крестьянов". Няфтьф 1606 алянь ваймонь эрямась. Фалу сявондевсь мяльс аньцек алянь населениясь.

«Пензенскяй губерниянь ошнень и велетнень лемлувксса» (1869) Рыбкинась — Краснослободскяй уездонь 63 пирьфста казеннай веле (418 ломань); ульсь Михаило-Архангельскяй церькав, коса ульсть Никольскяй и Трехсвятительскяй приделхт (1858), волостной правления, поташнай завод, базар. 1914-це кизонь тяштьфкснень коряс Рыбкинаса ульсь 148 кудбирьф (1 019 ломань); земскяй школа, вармань меленця, ярхцама васта. Эряйхне ульсть 1670-1671, 1773-1775, 1918-1920 кизонь гражданскяй войнатнень эса[3].

1918-це кизоня ульсь пуроптф волостной партийнай ячейка. 1928—1963-це кизотнень Рыбкинась — Рыбкинскяй райононь центра. 1928-це кизоня ульсть пуроптфт Чкаловонь лемса, Кировонь лемса, «Борец» колхосне, 1950-це кизоня — оцюлготф «Путь Ленина», 1997 кизоня — СХПК «Рыбкинскяй».

Инфраструктурась

Велеса средняй школа, идень сад, библиотека, Культурань куд, связень отделения, дневной стационар, поликлиника, лавкат; Великай Отечественнай войнаса шавф воиттненди мялямгев.

Рыбкинать видеса — кшнинь веконь городища (исследовандазе А. А. Спицын) и 17 — 18 веконь мокшет могильник. (исследовандазе И. Н. Смирнов 1892-це кизоня).

Эряйхне

Эряйхнень лувкссна
19592002[4]2009[5]2010[6]2012[7]2020[8]
1596↘616↘588↘587↘576↘383
500
1000
1500
2000
1959
2020

сяда ламотне мокшет.

2025-це кизоть пес эряда лувондови 425 ломань, сяконь лувксса 6 кизоди молемс шабада — 42 ломань, школьникта 7 кизоста сявомок 17 кизоти самс — 50 ломань, од ломаньда 18 кизоста сявомок 29 кизоти молемс — 51 ломань, 30 кизоста сявомок 60 кизоти — 183 ломань, сире ломаньда 60 кизоста сявомок — 93 ломань, 80 кизода сире ломаньда — 6 ломатть[9].

Ульцятне

  • Больничнай
  • Больничнай (переулка)
  • Кирова
  • Кооперативнай
  • Ленинонь
  • Лесничества
  • Мирнай (переулка)
  • Мокшанскяй
  • Молодёжнай
  • Нагорнай
  • Од веле
  • Почтовай
  • Садовай
  • Советскяй[10]

Содаф ломаттне

  • Кудашкин П. Г. — Саранск ошса РФ-нь государственнай фельдъегерскяй службань отделонь начальниксь.
  • Миронкин Н. Ф. — актёрсь и журналистсь.
  • Родькин С.И. — мокшень писательсь, поэтсь, прозаиксь, ётафтысь, Писателень союзу сувафтфсь. (шачсь 1918-це кизоня. Шавовсь 1944 -це кизоня Великай Отечественнай войнаса Ленинград ошть араламста.
  • Шукшин, Владимир Семёнович (шачсь 1959-це кизоня) — политическяй наукань докторсь (2020 к.). «Отечествать инголе са сатфксонкса» орденонь II и IV степенень, «Мужествань» орденонь и «Почетонь тяштень» орденонь кавалерсь.
  • Учкина, Валентина Николаевна (шачсь 1944-це кизоня) — Мордовия Республикань заслуженнай учительсь (2000 к.), народнай просвещениянь отличниксь, трудонь ветеранць

Лятфтамат

  1. ↑ Административно-территориальное деление Республики Мордовия (рус.) (11 октябрьста 2023). Дата обращения: 24 ноябрьста 2025.
  2. ↑ Лютов А. Краснослободские истории.
  3. ↑ Список населённых мест Пензенской губернии 1869 (рус.). Цифровой архив госфинансов и госуправления. Дата обращения: 22 ноябрьста 2025.
  4. ↑ Численность и размещение населения Республики Мордовия. Итоги Всероссийской переписи населения 2010 года.
  5. ↑ Сведения о численности постоянного населении на 1 июля 2009 года Рыбкинского сельского поселения.
  6. ↑ Численность и размещение населения Республики Мордовия. Итоги Всероссийской переписи населения 2010 года.
  7. ↑ Сведения о численности населения Рыбкинского сельского поселения по состоянию на 1 января 2012 года.
  8. ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
  9. ↑ Население села Рыбкино Ковылкинского района Республики Мордовия (рус.). Статистика России и мира 2025. Дата обращения: 22 ноябрьста 2025.
  10. ↑ Система «Налоговая справка»(недоступная ссылка — история).

Литературась

  • Бахмустов, С.Б. Православные приходские храмы Мордовии. Словарь-справочник. — Саранск: Респ. тип. «Красный Октябрь», 2015. — 361 с. — ISBN 978-5-7493-1817-3.
  • Инжеватов, И.К. Топонимический словарь Мордовской АССР. — Саранск: Мордов. кн. изд-во, 1979. — 221 с.
  • Энциклопедия Мордовия, В. П. Ковшов, И. И. Шеянова.
Сявф"https://mdf.ruwiki.ru/w/index.php?title=Рыбкина&oldid=372499"-ста