Сире Сомай
| Веле | |
| Сире Сомай | |
|---|---|
 | |
| 54°13′ с. ш. 43°41′ в. д.GЯO | |
| Странась |
 Россия |
| Федерациянь субъектсь | Мордовия |
| Историясь и географиясь | |
| Частонь каркссь | UTC+3:00 |
| Эряйхне | |
| Эряйхне | 165 ломань (2025) |
| Официальнай кяльсь | Мокшень и эрзянь, рузонь |
| Цифрань идентификаторхне | |
| Почтовай индекссь | 431328 |
| Код ОКАТО | 89229867011 |
| Код ОКТМО | 89629467156 |
| Номерсь ГКГН | 0085539 |
|
|
|
Сире Сомай, Пакся Сомай (руз. Старая Самаевка) — веле, тядонголень велень администрациянь центрась в Ковылкинскяй районца, тяни — Мордовия Республикань Рыбкинскяй велень эряма вастть лувксса [1].
Эряйхне
1-це октябрти 2025-це кизоти Сире Сомайса эряйда 165 ломань, сяконь лувксса 6 кизоти молемс шабада — 5 ломатть, 7 кизоста сявомок 17 кизос молемс подросткат (школьникт) — 8 ломатть, 18 кизоста сявомок 29 кизоти молемс од ломатть — 20 ломань, 30 кизоста сявомок 60 кизос молемс оцю ломатть — 6 ломатть, 60 кизоста сявомок сире ломатть — 48 ломань, а Сире Самаевка велети 80 кизода сире — 9 ломатть[6].
Эрямопингоц
Сире Сомайть велень администрациязонза сувсесть Сире Дерганць (7 ломатть) и Сире Толкусь (54 ломань).
Ащи Толкуляйть видеса, 35 вайгяльбень вастса райононь центрать и Ковылкинать эзда.
Лем-антропоним: христианствада ингольдень мокшень Самай (Сомай, Семай) лемть эзда, кона ушедозе-пуроптозе тя эряма вастть. Лятфневи 1637-це кизоста сявомок, мезnь колга корхтави 1653-це кизонь актовай кагодса : «В нём жили служилые казаки пятидесятник Степан Федоров сын Мызников с товарыщи 50 человек, которых прибрал Фёдор Сулеманов в 1648 году, да крестьяне Томилка Васильев сын Маскинской с товарыщи 40 человек. В селе церковь Николая Чудотворца. Крестьяне владели землей по набору сытного дворца стряпчего Непыта Сущова 145 (1637) году и по окладу Ивана Касагова 151 (1643) году» (ЦГАДА ф. 132б, оп. 2., д, 674, с. 4).
1869-це кизонь «Пензань губерниянь эряма вастонь лемлувксса» Сире Сомайсь — Краснослободскяй уездонь 78 пирьфста казённай веле.
1913-це кизоня тяса ульсь 134 пирьф (1150 ломань); ульсь кшинь кирдема васта лавка, вармань 2 меленцят, 4 ваень пихтемат и ямксонь дранка, 2 понань сейхтемат, 2 валяльнай завотт, 2 кузенцят, 3 кирпицень калдаст; 1931-це кизоня — 159 пирьф (1 158 ломань). Пуроптф Мичуринонь лемса колхоз, 1974-це кизоста сявомок — «Якстерь знамя» (руз. «Красное знамя»), 1997-це кизоста сявомок — СХПК «Старосамаевский». Велеса ульсь средняй школа (тяни пякстаф), библиотека, культурань куд, лавка и медпункт.
Содаф ломаттне
- В.И. Липатов — учёнайсь-агрономсь, сельскохозяйственнай наукань кандидадсь. Сон лама кизот покодсь Н.П. Огарёвонь лемса Мордовскяй государственнай университетса, сельскохозяйственнай факультетса;
- Шавензов П. В. — журналистсь;
- Бармин В. В. — инженерсь-светотехниксь, изобретательсь и техническяй наукань кандидатсь;
- Липатов С.И. — филологическяй наукань кандидатсь, Н.П. Огарёвонь лемса Мордовскяй государственнай университетса, коса 1991-це кизоста сявомок 1996-це кизоти самс ульсь мокшень кялень кафедрань вятикс.
Примечания
- ↑ Административно-территориальное деление Республики Мордовия (рус.) (11 октябрьста 2023). Дата обращения: 11 октябрьста 2023.
- ↑ Сведения о численности постоянного населении на 1 июля 2009 года Рыбкинского сельского поселения.
- ↑ Численность и размещение населения Республики Мордовия. Итоги Всероссийской переписи населения 2010 года.
- ↑ Сведения о численности населения Рыбкинского сельского поселения по состоянию на 1 января 2012 года.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Население Старая Самаевка Ковылкинского района Республики Мордовия (рус.). Статистика России и мира 2025. Дата обращения: 18 октябрьста 2025.
Литература
- Инжеватов, И.К. Топонимический словарь Мордовской АССР. — Саранск: Мордов. кн. изд-во, 1979. — 221 с.
- Шмырёв Н.П. Ковылкино. — Саранск: Мордов. кн. изд-во, 1969. — 238 с.
- Географический атлас Республики Мордовия / редкол.: д-р геогр. наук проф. А.А. Ямашкин (пред. кол.), С.М. Вдовин, Н.П. Макаркин [и др.] — Саранск: Изд-во Мордов. ун-та, 2012. — 204 с.