Июль

Рувики лопаста
Июль
Ат Швш Врж Шв Пд Ётк Ндл
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    
2026 кизось

Ию́ль (лат.: Julius — «Цезарень ковсь)», букв. — «кудрявай») — Июль (лат.: Julius — «Ковсь Юлиень (Цезарь)», Шаблон: Буква) — кизонь сисемце ковсь, кона ащи июнть и августть ёткса, юлианскяй и григорианскяй ковгярьксса, сире римонь кизонь ветеце ковсь, ушедомок Юлий Цезарень реформанцты мартста. Сисем кофнень эзда фкясь 31 шинь кувалмоса. Тя, средняйста, кизонь сембода лямбе ковсь Модать Севернай полушариясонза (коса июльсь ащи кизонь омбоце ковкс), и кизонь сембода кельме ковсь Южнай полушариять оцю пялькссонза (коса июльсь — тялонь омбоце ковсь).

Тяниень пингста 20-це июльти самс григорианскяй ковгярьксть коряс шись ащи Кафтазень (руз. Близнец)) тяштьксть ёткса, 20-це июльста сявомок — Ракань тяштень пуромксса[1].

Статистикась и колганза

Июльсь Колвица ляйть лангса

Ковть фкя колмоцекс пяльксстонза панжи пяшесь, омбоце пялестонза — панжи модамарьсь и урядайхть лов алу видеф розть[2]. Кучкастонь векнень июльть мекольце вете шинза лувондовсть сёксети шарксокс, кельме шобдавакс, конат гразясть нльне кельмоса. 1601-це кизонь 28-це июльста Москуса прашендсь лов и кельмофтевсь[3]. Но глобальнай лямботь сюнеда тя верондамась кунара ни юмафтозе эрявиксшинц; меколанкт, климатическяй даннайхнень коряс, июлень мекольце шитне лувондовихть инь пси пингокс кизоти.

Историясь и этимологиясь

Гай Юлий Цезарь

Васенда ковсь лемневсь Quintilis (лат.: quintus — «вете»; кой-коста Quinctilius). Эрадонк инголе 45-це кизоня ульсь лемтьф Гай Юлий Цезарень лемс, кона шачсь тя ковня[4].

Историческяй европейскяй лемонза сувафнесазь сире французонь Juignet («ёмла июнь») лемть и стре германскяй лемонц, Heumonat («месяц сена»), сяс мес июльть лангс прашенды тишень лядемань мольфтемать пец[4]. Кунардонь пингонь рузонь ковгярьксса (христианствать кеокстамда инголе) ковсь лемневсь червен (кочксесть червец), тяфта жа липец (ушеткшнесь панжема пяшесь)[2], народнай ковгярьксонь лемонь лемлувксса — страдник, сенозарник, грозник, сладкоежка. Народнай лемоц — кизондать тёкшец, дословна мала кельтскяй кяльсаgorphenhaf[4].

Июльть лемоц (церковнай книгатнень эса иулий) Русти сась Византияста[4].

Римско-католическяй церькавса ковсь лемтьф Игнатия де Лойолань лятфнеманцты, оиезуитонь орденонь пуроптыти[4].

Лия кяльхнень эса

«Июль» (Джеймс Тиссо, 1878-це кизоть малава)

Европань сяда лама якяльхнень эса июлть лемоц ладяй латинскяй кяльхненди. Себе сяка улихть мзярошка вастт.

Финнонь кяльса ковсь лемневи heinäkuu, лиякс «тишень ков», сяс мес вятевсь тялонди тишень анокламась кудонь жувататненди[5]. Чешскяй кяльса июльсь лемневи červenec červen валть лаца — «июнь», лиякс мярьгомс «ёмла июнь». Хорватскяй кяльса июль — srpanj, — «тарваз» валть эзда, ушеткшнесь нума пингсь. Лепось, кона ушеткшнесь панжема тя пингть, п — ингс коре сяда поздна лия шуфттнень коряс, макссь лем июльти литовскяй и славянскяй кяльхнень эса: украинскяй — липень, белорусскяйса — ліпень, польскяй кяльса — lipiec, литовскяйса — liepa (буквальна — «пяше»)[6]. Турецкяй ковонь лемсь — Temmuz — моли кунардонь ближневосточнай кохнень коряс, конань юрса ащи шумерскяй валста.

Тяниень пингонь китайскяй и японскяйкяльхнень эса июльсь лемневи кода «сисемце ковсь».

Июльсь лия ковгярьксса

  • Французскяй республиканскяй ковгярьксса моли 13 мессидорть эзда сявомок 13 термидорти самс.
  • Вавилонскяй ковгярьксса сашендови дуузу и абу кофненди.
  • Коптскяй ковгярьксса сашендови эпипть лангс и, тяниень пингть, паонить лангс.
  • Кунардонь пингонь индийскяй ковгярьксса сашендови ашадхать и шраванать лангс.
  • Майянь ковгярьксса июльсь ушеткшни 11 кумхуста и меле моли вайебть кувалмоса и шумори 16 попста.
  • Иранскяй ковгярьксса 10 тирста 9 мордадди самс.
  • Еврейскяй ковгярьксса приблизительн ладяй авти.
  • Китайскяй ковгярьксса таргави сячжить кучккаста, сяошуть и дашуть кувалмос, а тяфта жа лицють кучкас.

Международнай шитне

  • 6-це июльста (июльть васенце ёткшиста) — Кооперативонь международнай шись (ООН).
  • 12-це июльста — Надиямань международнай шись (ООН).
  • 15-це июльста — Од ломанень маштомошинь всемирнай шись (ООН)[7].
  • 28-це июльста — Геатитть каршес тюремань всемирнай шись (ВОЗ).
  • 30-це июльста —
    • Ялаксшинь международнай шись (ООН).
    • Ломанень мишендемать каршес тюремань всемирнай шись(ООН)[8].

Лятфтамань шитне

  • 7-це июльста — Рузонь флотть сясомань шись турецкяй флотть лангса Чесменскяй тюремаса (1770 кизось)[9].
  • 10-це июльста — Рузонь армиять сяськомань шиц Пётр Перваень вятеманц кядяла шветтнень лангса Полтавскяй тюремаса (1709 кизось)[9].
  • 15-це июльста — Невскяй битвась
  • июлень мекольце недляшиста —

Илатне

«Июль» (Герцогонь Беррийскяй Великолепнай часословсь, 1410—1490-це)

Сембоц июльста, официальнайста и аф официальнайста, васьфневи 179-да кржа ила. Сембода содавихне эздост:

Международнайхне

  • Ковть васенце ёткшиц — Белоруссияса Днепрань международнай шись, Россияса и Украинаса.
  • 2-це июльста — Спортивнай журналистонь международнай шись (ладяф международна йспортивнай прессань ассоциациянть вельде).
  • 20-це июльста — Шахматонь международнай шись (ладяф Международнай шахматнай федерациять вельде)
  • 31-це июльста — Африканскяй авань шись (ладяф Авань сембе африканскяй конференциеять вельде Дар-эс-Саламса, 1962)[10][11].

Российскияйхне

  • Июлень васенце недляшиста — Россияса морской и речной флотонь покодиень шись.
  • 3-це июльста — Рссияса Госавтоинспекциянь покодиень шись[12].
  • июлень омбоце нгедляшиста —
    • Калонь кундаень шись
    • Российскяй почтань шись
  • июлень колмоце недляшиста — Металлургонь шись.
  • 25-це июльста — Российскяй Федерациянь следствиянь органонь сотрудниконь шись.
  • июлень мекольце ёткшись — Мишендиень-рамсиень покодиень шись.

Национальнайхне

  • 3-це июльста — Беларусь Республикань аф зависемостень шись
  • 26 июля —
    • Национальнай восстаниянь шись Кубаса.

Народнайхне

  • 1-12 июльста — Тишень лядемась
  • 7-це июльста — Иван Купалась
  • 12-це июльста — Пятрусь
  • 14 июля — Кизонь Кузьмась
  • 21 июля — Казанскяйсь кизонданнесь

Религиознайхне

  • OrthodoxCross(black,contoured).svg 7 июльста — Пророкть, Предтечить и Шкаень Кстиндайть Иоаннонь Рождествац
  • OrthodoxCross(black,contoured).svg 12 июльста — Пётронь и Павелонь апостолхнень Славных и всехвальнай первоверховнайхнень

Лятфтамат

  1. ↑ За год Солнце проходит не через 12, а через 13 созвездий. Новый знак зодиака – «Змееносец» (рус.). neznal.ru. Дата обращения: 4 ноябрьста 2025.
  2. ↑ 1 2 В. Д. Грошев «Календарь российского земледельца (народные обычаи и приметы)», — М: МСХА, 1991, С. 36. ISBN 5-7230-0074-8
  3. ↑ Е. П. Борисенков, В. М. Пасецкий «Тысячелетняя летопись необычайных явлений природы», — М: Мысль, 1988, Стр. 325. ISBN 5-244-00212-0
  4. ↑ 1 2 3 4 5 Июль // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  5. ↑ Названия месяцев. Дата обращения: 4 ноябрьста 2025.
  6. ↑ Все про литовский на сайте о языках. web.archive.org. Дата обращения: 4 ноябрьста 2025.
  7. ↑ Всемирный день навыков молодёжи 15 июльста. Официальный сайт Организации Объединённых Наций. Дата обращения: 4 ноябрьста 2025. Архивировано 10 апрельста 2019 года.
  8. ↑ Всемирный день борьбы с торговлей людьми 30 июльста. Официальный сайт Организации Объединённых Наций. Дата обращения: 4 ноябрьста 2025. Архивировано 10 апрельста 2019 года.
  9. ↑ 1 2 Федеральный закон от 13.03.1995 № 32-ФЗ «О днях воинской славы и памятных датах России»
  10. ↑ 31 июля провозглашён днём Африканской женщины
  11. ↑ 31 Июля - Знаменательные события этого дня в истории. web.archive.org. Дата обращения: 4 ноябрьста 2025.
  12. ↑ Приказ МВД РФ от 03.07.2009 № 502 «Об объявлении Дня Государственной инспекции безопасности дорожного движения Министерства внутренних дел Российской Федерации»

Ссылкатне

  • Календарь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Статья Витковского В. В.
Сявф"https://mdf.ruwiki.ru/w/index.php?title=Июль&oldid=383899"-ста