Пятрусь

Пятрусь— мокшэрзятнень церьковнай илатне. Пётр и Павелонь шись содаф нинге кунардонь христианствать пингста.

Илать эрямопингоц

Иняру Пётрсь

Святой Петрсь – калонь кундай ломанень цёра, кона лувондови Христость фкя 12 апостолонзон и ученикинзон эзда. Мзярда сон шачсь родителенза макссть Симон лем, но Иисуссь лемдезе Кифа, кона ётафтовсь верати пяк кемамась. Греческяй кяльса лемдеви кода Пётр. Евангелиять коряс Петрсь улсь сембе библейскяй событиятнень эса – тя сон колмоксть шарфнесь эст тонафтыенц эзда, но сяльде шарьхкодезе эсь аф виде шинц и арась христианскяй церькавонь вятикс.

Иняру Павелсь

Святой Павелть лемоц улсь Савл, сон ашель 12 апостолхнень ёткса. Мучениксь нинге лувондовсь христианствань аф кельговии ломанькс. Весть Дамаску молемста вярде менельть эзда мярявсь тейнза вайгяль : «Савл! Савл! Мес панят монь эсон? Эста алясь кеподезе прянц и няезе божественнай валдть и тяка жа пингть сокоргодсь. Кстендамда меле сон кода одукс шачсь и максфоль теенза Павел лемсь. Сяда тов Инярусь кошардсь лама ломаненди шарфтомс мяль христианствать лангс, тись оцю путфкс христианствань богословияти - сонь посланиянза сувасть Новай заветти. Кода пачфневи церковнай книгатнень эса , Пётр и Павел апосталхне арась мученикокс и кулость фкя шиня - 12 июльста.

Пятрунь илань койхне-кирдатне

Кодама койхть, кирдат ванфтовихть тя шиня. Лувондовсь, што Пятрувонь шиня менельса шись валдопневсь эрь кодама тюсса. Пятруда ингольде ломаттне учсезь шинь стямать , куцендсть вяри панда пряс и тя вастса тиендсть толмархт, пицесть кашат, ярхцсесть и весялготкшнесть. Тя ульсь эрь кизонь койкс. Русьса Пятрувонь шись аделсевсь «купальнять» мархта, кона ётафневсь Иван Купала праздниконь шиня 7-це июльста. Нинге ломаттне арьсесть, што тя шиня мазопневи сембе перьфпяльсь, лемнезь сонь «Кизонь афкуксонь самакс», сяс ломаттне озондсть апостолхненди и анасть козя урожай. Нинге тя шиста сявомок шись ушедсь нюрьхкалгодома.Фкясь койхнень эзда – тя плхнемс толмархт. Стадань ваныхне крьвяснесть оцю толмархт и каннезь стадать перьф. Жувататнень, перяфкснень мазопнезь тишеса и панчфса. Тяфтама койсь лувондовсь – кудонь жувататнень ванфтоманкса.

Приметатне

Улихть приметат, конат сотфт Пятрувонь шить мархта.

• Кда Пятрувонь шиня менельсь ару – лувондови сембе кизось кармай улема цебярь.
• Кда шобдава прай раса, то погадась кармай коське, а кда раса аш – туй пизем.
• Кда праздниконь шиня якшама – то кизось кармай вача.
• Кда Пятрувонь шиня маряви цёфкснень морамасна, то тялось сай нинге октябрьста.

Литературась

• Некрылова А. Ф. Круглый год. Русский земледельческий календарь. — М.: Правда, 1991. — 496 с. — ISBN 5-253-00598-6.
• Усов В. В. Русский народный православный календарь. — М.: Издательский Дом МСП, 1997. — Т. 2. — 576 с. — ISBN 5-7578-0028-3.