Атянин, Фёдор Семёнович
| Атянин, Фёдор Семёнович | |
|---|---|
 | |
| Шачема лемоц | Фёдор |
| Шачема шиц | 6-це (19-це) июньцта 1910-це кизоня |
| Шачема вастоц | Пензенскяй областсь, Мокшень Муромка велесь |
| Кулома шиц | 8-це августста 1975-це кизоня (65 кизоц) |
| Кулома вастоц | Саранск ошсь |
| Гражданствась | СССР |
| Тевонь тиемац | поэт, сёрмады, драматург |
| Казненза и премиянза |
Мордовскяй АССР-нь культурань заслуженнай работник (1968) |
Атянин, Фёдор Семёнович (6-це [19-це] июньцта 1910-це кизоня, Мърня, Пензенскяй губерниясь[d] — 8-це августста 1975-це кизоня, Саранск ошсь) (1907—1935) — мокшень валморайсь.
Эряфонь киц
Атянин Ф.С. шачсь сокаень-видиень семьяса. Рана илядсь тядяфтома-аляфтома, ульсь идень кудса.
Ульсь батракокс, кямонь стаень тонафникс,грузчикокс, портса рабочайкс, 1927—1929 кизотнень ульсь шахтаса.
1932-це кизоня аделазе Мордовскяй рабфакть, 1939 кизоня — Н. Подбельскяень лемса Связень Московскяй академиять. 1939 - 1944 кизотнень служась Якстерь Армияса, Великай Отечественнай войнаса улись [1].
Ётазень Великай Отечественнай войнать кинзон-зиянонзон, коста мрдась 1944 кизоня и кармась покодема мокшень кялень и литературань тонафтыкс Москуса, А. Луначарскяень лемса театральнай искусствань институтса.
1948-це кизоня ётась эряма Саранск ошу, покодсь «Мокшень правда» и «Молодой ленинец» республиканскяй газетатнень эса.
Кулось 1975-це еизоня и калмаф Саранск ошу. Атянин Ф.С. калмолангоц, кона ащи Саранск ошень 1-це № калмолангса, лувондови культурнай наследиянь региональнай объектокс.
Творчествац
Васенце валморонза ульсть нолдафт 1939 кизоня. Ф. Атянин козякофтозе мокшэрзянь литературать валмороса и мороса, поэмаса, азксса, повестьса, ёфксса, пьесаса.
«Мазы пинге» (руз. «Прекрасная пора») стихонь васенце сборникоц лиссь 1954-це кизоня.
Ф. Атянин кельгозе мокшэрзянь фольклорть, кочксезе сонь. Кульф ёфкснень, легендатнень, азкснень нолязень писателень седиень пачк и книганзон вельде пачфнезень лувити.
Ф. Атянинонь произведениянзон эса главнай геройсь - сонць народсь. Сон инь виись, инь ёжусь, инь ёнюсь, кинди аф пелькс или аф тиеви тефт, кие эсь кядьсонза-ёньцонза мазопнесы эряфть, строясы вандыень шить.
Мокшень и рузонь кяльса лиссть книганза: "Сельведь-богатырь", "Тунда"(руз. «Весна»), "Чудо над Мокшей", "Ласточка", "Серебряное озеро", "Поступок Нади", "Гимназист" и лият.
1967-це кизоня Мордовия Республикань Рузонь драматическяй театраса няфтьфоль «Атямсь кельги мокшень стирь» (руз. «Невеста грома») пьесанц-ёфксонц коряс спектакаль, кона тусь ваныхнень мяльс. Тя спектакальсь ётафтф рузкс и няфневи театраса тянемс.
Сёрмадозе «Аргун» (1958) пьесать-ёфксть и драмать "Инь кувака кись" («Самая длинная из дорог») Советскяй Союзонь Геройть М.П. Девятаевонь колга.
Ф. Атянинонь произведениянза ётафтфт странасонк рузонь, а тяфта жа лама народонь кяльс.
СССР-нь Писателень союзу сувафтфсь.
Кочкаф сочинениянза
- стихса повестть
- повестть
- «Мзярда кенерихть марьхне» (руз. «Когда созревают яблоки», (1963)
- «Крута куцемат» (руз. «Крутые ступени»),(1962—1963)
- драма-легенда
- «Атямсь кельги мокшень стирь» (руз. «Невеста грома»), 1965; путф 1967)
- книганза
- «Мазы пинге» (руз. «Замечательная пора», 1954)
- «Сельведь-богатырь» (руз. «Слеза-богатырь», 1956) — иттненди азкст и повесть
- «Пусма панчф» (руз. «Букет цветов», 1956) — иттненди азкст и повесть
- «Тунда» (руз. Весна, 1958)
- рузонь кяльса
- Чудо над Мокшей. — Саранск, 1958
- Ласточка. — Саранск, 1959
- Богатырская трава. — М., 1964
- Серебряное озеро. — Саранск, 1968. Тя инь содаф книгац. Аф весть лисендсь Мордовиянь книгань издательстваса и Москуса.
- В новогоднюю ночь. — Саранск, 1973.
2025-це кизоня Мокшэрзянь национальнай театраса Ф. Атянинонь произведениянц мотивонзон коряс путфоль спектакля «Сиянь эрьхке»[2]
Казненза
- Мордовскяй АССР-нь культурань заслуженнай работник (1968)
Мялямсь
Саранск ошса 47-це кудса Советскяй куроса, коса эрясь Ф. С. Атянин, ульсь ладяф мемориальнай доска [3].
Ф. С. Атянинонь архивса лувондови 60 лама экспонат (фотографият, документт, книгат). 1979 кизоня С.И. Атянинась, сёрмадыть рьвац, максозе архивонц И. Д. Воронинонь лемса Мордовскяй республиканскяй объединённай краеведческяй музеень фонду[4].
Лятфтамат
- ↑ Память народа
- ↑ С премьерой, «Сиянь эрьхке / Серебряное озеро»! (рус.). ВКонтакте. Дата обращения: 17 ноябрьста 2025.
- ↑ Новости Мордовии и Саранска
- ↑ Мордовский республиканский объединенный краеведческий музей им. И. Д. Воронина
Литературась
- Мордовия. Кто есть кто: Энциклопедический словарь-справочник. — Саранск, 2000.
- Савин О. М. Атянин Федор Семенович // Пензенская энциклопедия. — М.: Большая Российская энциклопедия, 2001.
Ссылкатне
- Атянин Федор Семенович (рус.). Библиотека мордовской литературы. Дата обращения: 2 октябрьста 2018.
- Волшебник с берегов «Серебряного озера»: Атянин Фёдор Семёнович (рус.). Мордовская Республиканская детская библиотека (10 ноябрьста 2017). Дата обращения: 2 октябрьста 2018. Архивировано 3 октябрьста 2018 года.</ref>