Чекашкин Андрей Яковлевич

Чекашкин Андрей Яковлевич
Шачсь	1913-це
Шачема вастоц	Мордовия Республикась, Россия
Кулось	1941-це
Тевтиемань родсь	сёрмадысь
Направлениясь	поэзия, проза

Андрей Яковлевич Чекашкин (1913-це, Мордовия Республикась — 1941-це) — мокшень кяльса сёрмадысь.

Эряфонь киц

Чекашкин шачсь Ковылкинскяй райононь Порапа мокшень велеса 1913-це кизоня. 1924-це кизоста сявомок 1928-це кизоти самс тонафнесь велень школаса. 1928-це кизоня сась тонанема наровчаискяй вейхкса кизонь школа, но 6-це класса савсь кадомс урмаськодомать инкса. 1930-це кизоня шумордась колма ковонь учителень курсат Саранск ошса и 1934-це кизоти самс покодсь начальнай школань тонафтыкс. Меле поступась тоонафнема Мордовскяй рабфаку, конань шумордазе 1937-це кизоня. Тяка кизонь сёксенда макссь экзаметт А. И. Полежаевонь лемса Мордовскяй пединституту кялень и литературань факультету, но шумордамс учебнай заведениясь из сав, сяс мес ушедсь войнась.

1940-це кизоня ульсь прняндаф СССР-нь Писателень союзу. 1940-це кизоть самс покодсь «Комсомолонь вайгяль» газетать редакцияса ответственнай секретарькс. Тяка кизонь авгутста судендафоль "ёмла хулиганстванкса" кафта кизос. Меле пякстафнень мпрхта прважафоль Житомиру, косатиндсть военнай укрепленият. Тоса сатозе Великай Отечественнай войнась. Фашисттнень фкя бомбардировкаснон пингста сон шавовсь. Теенза ульсь аньцек 27 киза.

Творчествац

Сон сёрмадсь прозаса и поэзияса; сёрмадсь оцюфненди и ёмлатненди. Сёрматфонза печатлакшневсть «Колхозонь эряф» (тяни «Мокша»), «Якстерь галстук» (тяни «Якстерь тяштеня») журналхнень лопаснон лангса, «Мокшень правда» и «Комсомолонь вайгяль» газетатнень эса. Перанц алда лиссь лама стихотворения, но башка книгаса синь исть лисенде.

Лятфтамат

Литературась

• Т. Ф. Сафонова-Телина. Штыком и пером = Штыкса и пераса : Штыкса и пераса = Штыксэ ды перасо : хрестоматия : в 2 ч.(руз.). — Саранск: Изд-во Мордов. ун-та, 2005. — С. 296. — ISBN 5-7103-1197-9.
• Сафонова Т.Ф. Нюрьхкня эряфть оцю страницанза // Мокшень правда. — 1994. — Июнь.
• Пинясов Я.М. Тяфтамкс лядсь мялямсон // Мокшень правда. — 1983. — Июнь. — С. 60-66.
• Самошкин С.А. Лемсна мялямсонк и моросост // Мокша. — 1985. — № 2.

Ссылкатне

• Историческая справка о Парапинском сельском поселении

Сёрматфксонза

• Сиде моронят (1933)
• Ашесть сяське (1935)
• Колхозонь луга (1935)
• Обжаев (1935)
• Сиде морнят (1935)
• Захаронь Трофимсь (1938)
• Богатырень лишме (1940)
• Морайхть (1940)
• Радость (1940)
• Седисон май (1940)
• Учитель народнай (1940)
• Цёрокшть горяц (1940)

Ётафтоманза

• Генрих Гейнень стихотворениянза (мокшекс ётафтозень 1940):
  • Уема (немецонь кяльса 1817—21)
  • Сельмоведьстон монь шачихть пяк лама (немецонь кяльса 1822—23)
  • Чудеснейшай май ковста шуфттне (немецонь кяльса 1822—23)
  • Панде, седи, ольксемс яла! (немецонь кяльса 1823—24)
  • Ётат вакскан, эзон токай (немецонь кяльса 1844)
  • Зойфне седизень кундасть (немецонь кяльса 1844)
  • Золод пильгоняса шашнихть (немецонь кяльса 1844)
  • Колаф седи
• М. Ю. Лермонтовонь стихотворениянза:
  • Ведява (рузонь кяльса 1832, мокшекс ётафтозе 1940)
  • Нюдикс (рузонь кяльса 1832, мокшекс ётафтозе 1940)
  • Узник (рузонь кяльса 1837, мокшекс ётафтозе 1939)
• Тарас Шевченконь стихотворениянза:
  • Он, поэма (украинонь кяльса 1844, мокшекс ётафтозе 1940)
  • Завещания (украинонь кяльса 1845, мокшекс ётафтозе 1939)
• И. А. Куратовонь стихотворениянза (мокшекс ётафтозень 1940):
  • Музазти
  • Беднай цёра
  • Венч
• Акакий Церетели. Од ки (мокшекс ётафтозе 1940)
• Владимир Маяковскяйть стихотворениянза (мокшекс ётафтозень 1940):
  • Владимир Ленин, отрывка поэмаста (рузонь кяльса 1924)
  • Ульцяса (рузонь кяльса 1925)
• Удмуртскяй фольклорста: Ваность, конашкава мазы (рузонь кяльста ётафтозе 1940)