Циликин, Николай Петрович

Рувики лопаста
Циликин Николай Петрович
IMG-20240904-WA0009.jpg
Шачема лемоц Николай
Шачема шиц 7-це октябрьста 1954-це кизоня(1954-10-07) (71 кизоц)
Шачема вастоц Зайця велесь
Гражданствась СССР, РФ
Тевонь тиемац поэтсь, кялень содайсь, ётафтысь
Аляц Циликин, Пётр Петрович
Тядяц Циликина (Спирина) Татьяна Ивановна
Супруга Циликина Анна Павловна
Казненза и премиянза

Мордовия Республикань заслуженнай поэт, Россиянь Писателень Союзу сувафтфсь

Циликин, Николай Петрович Шачсь 7-це октябрьста 1954-це кизоня, Мордовскяй АССР[d] или Ошень аймак, Мордовскяй АССР[d] — мокшень валморайсь, кялень содайсь и ётафтысь, Россиянь Писателень Союзу сувафтфсь — шачсь 1954-це кизонь 7-це октябрьста (паспортс коре 8-це октябрьста)[1].

Эряфонь киц

Шачсь Краснослободскяй аймаконь Зайця руз. Зайцево велеса. Тядянза-алянза (татьяна Ивановна и Пётр Петрович) ульсть сокай-види ломатть. Синь касфтсть-трясть вете итть. Николай ульсь васенц цёрасна. Эсь велесонза 8-це классть аделамда меле тонафнеманц поладозе Ковылкинскяй райононь Рыбкина руз. Рыбкино велеса.

1972 кизоня тердезь военкомату — сась пингсь служамс Советскяй Армияса. Но теенза макстть киза отсрочка, сяс мес стакаль семейнай положениясна (сон рана илядсь тряйфтома-щайфтома. Пяк рана тусь эряфста аляц. И сембе тефне прасть кизос коре инь оцю цёранять лангс). Сон аделась Краснослободск ошса ДОСААФ-нь шофёронь курсат. Но шофёркс покодемс изь сав.

1973-це кизоня сон подготовительнай курсань аделамда меле поступась Н. П. Огарёвонь лемса Мордовскяй государственнай университету филологиянь факультету. Тяни Николай Петрович пенсияса. Эряй эсь Зайця шачема велесонза. Сяда товга тячиеньге сёрмады стихт актуальнай темань коряс. Н. Циликин сувафтф Слобода творческяй пуромксти, кона вятьсы эсь покодеманц Краснослободск ошса.

Студентокс улемац

Омбоце курсса ушедсь якама литературнай кружоку, конань вятезе филологиянь факультетонь преподавательсь Имяреков, Михаил Герасимович. Сон и приметазе цёрать асувонц стихонь сёрмадомаса.1978 кизоня аделазе Мордовскяй университетть филологиянь факультетонц. Нюрьхкяня пингонь ётазь васенце стихонза лиссть университетсяй газетаса мокшень кяльса. А пингонь ётазь стихонза кармасть лисендема «Мокшень правда» руз. «Мокшанская правда» газетаса и ««Мокша» журналаса, «Якстерь тяштеня» руз. («Красная ззвёздочка») идень журналса стихкат иттненди.

Эсь велесонза покамац

Тонафнемада меле мрдась меки велезонза, коса покодсь тонафтыкс. Васенда ульсь завучекс, а меле ёфси школань оцюнякс (директоркс). Школаса покодемста сонць вятсь литературнай кружок. Тонафнезень шабатнень стихонь и азксонь сёрмадома. Шабатне аф весть лисендсть сястькикс школьникнень ёткса литературнай пялькстомаса. Ламоцне эздост тусть тонафтыенц киге и аделасть сяка жа вузть филологиянь факультетонц. Синь ётксост Полина Петряковась, Лена Петряковась, Таня Циликинась и лият.

Тяни Н. П. Циликин пенсияса, эряй шачема велесонза. Касфтсь колма итть. Касыхть вете уноконза. 2024-це кизоня шачсь нинге фкя унок-стирняц. Тянемс сёрматшкни стихт.

2024-це кизонь 8-це октябрьста Н.П. Циликинонди топодсь 70 киза. Эсь юбилеенцты кенерсь анокламс стихонь кафта сборникт: «...И аф аньцек эсь колган»руз. («...И не только о себе»), омбоцесь — «Седиста седис» руз. («От сердца к сердцу»).

А.И. Полежаевонь музейса, кона ащи Саранск ошса, Саранскяень куроса ётафтовсь творческяй васедема[2]. Тяза пуромкшнесть мала ломаненза, ульсть ётксост поэт ялганза - Н.Б. Голенков, Г.С. Гребенцов и лият. Васедемась-илядсь ётасьлямбоста. Поэтсь лувозень эсь стихонзон шачема кяльса и рузонь кяльса, конатнень ётафтозень сонць и Ерёмкина, Надежда Павловна Россиянь Писателень союзу (руз.) (мок. сувафтфсь (2016).

Казненза

2023-це кизоня Н. П. Циликинонди виде ваймоса национальнай литературань ванфтоманкса и кеподеманкса максф «Заслуженный поэт Республики Мордовия» шнамань лемсь.

Покаманза

  • «Седись таколфтсы седить» руз. «Сердце волнует сердце»(1996)
  • «Эняльдезь виденцямат» руз. Искренние откровения (2004)
  • «Ару ваймонь эрьхке» руз. «Озеро чистой души»
  • «Ваймонь серьгятькс» руз. «Зов души»
  • «Чивгонь таньф» руз. «Вкус калины»
  • «Шачема масторть араласаськ»" руз. «Родную землю защитим»(2023)
  • «Седиста седис» руз. «От сердца к сердцу» (2024)
  • «...И аф аньцек эсь колган» руз. («...И не только о себе») (2024)

Галереясь

  • Од сборниконза

    Од сборниконза

  • Г.С. Гребенцов творческяй васедемаса

    Г.С. Гребенцов творческяй васедемаса

  • Н.Б. Голенков азонды поэтть колга

    Н.Б. Голенков азонды поэтть колга

  • Н.Н. Левинась поэтть мархта

    Н.Н. Левинась поэтть мархта

  • В.И. Пронинась и Н.П. Циликин

    В.И. Пронинась и Н.П. Циликин

  • Поэтть стирец морафтсыне алянц стихонзон

    Поэтть стирец морафтсыне алянц стихонзон

  • Поэтсь стиренц и сазоронц мархта

    Поэтсь стиренц и сазоронц мархта

Лятфтамат

  1. ↑ Николай — Мокшанский язык — все произведения автора — Портал национальных литератур
  2. ↑ Музей А. И. Полежаева - туристский портал Мордовии

Литературась

Ломшин, Михаил Иванович. Мокшэрзянь эйкакшонь литература : 5-9 классо тонавтницятненень аволь классо ловномань книга. — Саранск: Мордовской книжной издательствась, 2008. — 454 с.

Ссылкатне

Сявф"https://mdf.ruwiki.ru/w/index.php?title=Циликин,_Николай_Петрович&oldid=393794"-ста