Голенков, Николай Борисович

Николай Голенков
Покодемань тиендемац	сёрмадысь, валморайсь, прозаиксь, драматургсь

К:РУВИКИ:Статьи без изображений (тип: не указан)

Голенков, Николай Борисович Голенков, Николай Борисович — содаф мокшень драматургсь, сёрмадысь, поэтсь.

Эряфонь киц

Голенков, Николай Борисович шачсь 1958 кизонь 17-це августста, Зубово-Полянскяй райононь Булдыга велеса. Велень школать аделамдонза меле тусь тонафнема эстонь пингонь Ленинграду. 1982-це кизоня аделазе Ленинградскяй государственнай университетть журналистикань факультетть. Меле кота кизот покодсь корреспондентокс «Мокшень правда» газетаса. Сёрматкшнесь зарисовкат, очеркт, фельетотт. Эста ушедсь варчсема виензон тяштемаса.

1988-це кизоня Николай Голенков ётась покодема «Якстерь тяштеня» идень журналу. Иденди сценканза, пеетьфти азксонза лисендихть журналть пцтай эрь номерсонза.

Тяштемац

Инь удалаф пеетькшнеманза сувасть мокшень сатирикнень и юмористтнень «Тон-Тейнь, мон…» марстонь сборникозост, кона нолдафоль 1986-це кизоня Мордовскяй книжнай издательстваса. Пингонь ётазь Николай Борисович ушедсь варчсемост творческяй виензон драматургияса.

Пьесанза тусть мяльс, ламотне путфтольхть велень клупнень и культурань куттнень сценаса. 1989 кизоня Мордовскяй книжнай издательстваса нолдафоль книгац«Кеподьсаськ занавесть», тяза сувасть Н. Б. Голенковонь драмань произведениянза. Мокшень содаф поэтть поэтть А. Ф. Ежовонь и композиторть Н. В. Кошелевать мархта сёрмадозь «Сиянь эрьхке» ёфксть, кона путфоль Мордовиянь государствань музыкань театраса.

Голенков Н. Ф. суваф Россиянь журналистонь союзти, Россиянь Писателень союзти.

Книганза

• Голенков Н. Б. Учимся ​думать и говорить по-мокшански, по-эрзянски. Учебное пособие. — Саранск: Книга, 2009. — 80 с. — ISBN 978-5-7493-1186-0;
• Голенков Н. Б. Уроки мокшанского, эрзянского. Саранск: Книга, 2009. — 80 с. — ISBN 978-5-98344-111-8;
• Голенков Н. Б., Иванова С. Ф. Говорим по-мокшански. Корхтатама мокшекс. Разговорник. — Саранск: Изд. дом «Книга», 2009. — 80 с. ISBN 978-5-7493-1186-0;
• Голенков Н. Б. «Кеподьсаськ занавесть». — Саранош: Мордовскяй книжнай издательствась, 1989. — 160 л. ISBN 5759501259 ;
• Голенков Н. Б. «Варсиень лувихть». Азкст, пеетькст, сценкат, ёфкст / Младшай класса тонафнихненди. — Саранош: Мордовскяй книжнай издательствась, 1995. — 112 л. ISBN 5759510150;
• Голенков Н. Б. «Зрнянь сельмоветть». Кафта действияса ёфкс. — Саранош: Мордовскяй книжнай издательствась, 2005. — 149 л. ISBN 5-7493-0882-0;
• Голенков Н. Б. «Мокшень панар». Ёфкст, азкст, пьесат. — Саранош: Книга, 2008. — 247 л. ISBN 978-5-7493-1311-6;
• Голенков Н. Б. «Тюштянь торамац». — Саранск: Мордовскяй книжнай издательствась, 2008. — 79 л. ISBN 978-5-98344-077-3;
• Голенков Н. Б. «Эрьготьф букват». Книга-раскраска. — Саранск : Книга, 2008. — 24 с.;
• Зубово-Полянскому муниципальному району 80 лет / сост. Н. Голенков. — Саранск: Книга, 2008. — 39 с.

Лятфтамат

Литературась

Ссылкатне