Слобода (творческяй пуромкс)

Слобода (творческяй пуромкссь) руз.: Слобода (творческое объединение) — кочкаф-ладяф Краснослободск ошса. Мокшэрзянь масторса пяшксе асу ломаньда. Аф кржа синь эздост и Краснослободскяй районца. Тя модать лангса шачсть-кассть и эряйхть ламоц содаф писатель и поэт. Синь ётксост И. Чигодайкин, Ю. Азрапкин, Н. Циликин, В. Бирюков, Н. Трушкина и ламотне лиятне

Эвондамац

«Слобода» литературнай пуромкссь Краснослободск ошса пуроптфоль 2014-це кизонь декабрь ковста В. В. Бирюковонь поэтть, прозаикть Писателень Союзу сувафтфть мяленц коряс. Тя мяльть кирдезь ламоц тястоконь эряй ломаттне. Литературнай пуромксу сувасть Краснослободск ошень медицинскяй колледжень, школаса тонафнихне, Кочкафоль актив, аноклафоль-арьсефоль Положения литературнай пуромксть колга, ладяфольплан и арьсефоль шнама мора и кочкафоль девиз. Дивизкс сявозь содаф рузонь поэтть Евгений Евтушенконь валонзон Россияса поэтсь – аф аньцек поэт руз. «Поэт в России – больше, чем поэт». Слободать ули сонцень тяштец,эсь пчатец. Литератрунай пуромксу сембе сувафненди максфт удостовереният.

Тячиень эряфоц

Пуромксу сувафтфнень ёткса улихть Россиянь писателень союзу сувафтфт. Тя Н. Трушкина и Н. Циликин. Николай Циликинонь ули «Мордовиянь заслуженнай поэт» лемоц. Литетратурнай пуромксса покодемась вятеви колма ширьге: рузонь прозась, рузонь поэзиясь, мокшень поэзиясь и прозась. Сире Синдру велеса покоди пуромксть филиалоц. Сонь вятьсы Г. И Филиппов («Слободав» сувафтфтсь). Ковти весть литературнай пуромксса вятевихть тонафнемат. Сембе, кинь ули мялец морафтсазь прозаса или стихса эсь сёрматфснон и ётафтови синь лнгсост ваномась-арьсемась. Пингонь ётазь тя пуромксть эвондась цебярь коец: заседанияв тернемс интереснай содаф ломатть. Тяза инжикс сашендсь ни историксь-краеведсь А.В. Лютов, ошень библиотекань библиографне, Краснослободскяй епархияста отец Борис, отец Константин.

Галереясь

• 

  Моли эрек корхнема

• 

  «Слобода» (творческяй пуромкссь) пуромксонц пингста

• 

  «Слобода» творческяй пуромкссь инжихнень мархта Од Синдру велеса

• 

  Циликин Н.П. выставкать видеса

• 

  «Слободаса» васедема

• 

  «Слобода» творческяй пуромксу сафне

Краснослободск ошень литераторхнень мархта васедема сашендсь Мордовиянь народнай писательсь А.М. Доронин , Мордовия Республикань искусствань заслуженнай тевтиись композиторсь В.М. Кисляков. Прянь шнама вастокс «Слобода» литературнай пуромксти арась литературнай музейсь. Сон панчфоль 2019-це кизонь декабрьста. Тяса ули кода нюрьхкяняста содафтомс литераторхнень лемснон и эряфонь киснон мархта, конат эрясть ХIХ, ХХ, ХХI-це векнень. Музейса уликсне, азондыхть аф фкя сяда кизонь эряйхнень эряфснон колга. Тячиень шитнень музейсь – тя краснослободскяй лиетараторхнень васедема вастсна. Тяса ётафневихть тонафнемат и мероприятият, конат лемтьфт рузонь поэттнень и писательхнень мялфтомань кодамовок шиснонды.

Тяза сашендыхть студенттне, школьникне, ошень инжихне, ётафневихть келиста азонкшнемань экскурсият. «Слобода» пуромксть васенце шиста покодеманц ушедомстокиге ушедсть тяряфнема лихнемс книгасна, стихонь кярьмазсна тя пуромксти сувафнень. Тячиень шити 15 авторхнень эзда улихть синцень стихонь кярьмазсна, конатнень лувкссна пачкотькшни 60 малава. Нолдаф стихонь марстонь кярьмаз, конат лемтьфтф районть и ошть эрь кодама содаф и мяляфтома шинцты. Китькстама «Красная Слобода» аналитическяй журналсь, «Краснослободскяй райононь литературань антологиясь, кярьмасне «Знамя победы», «Память победы», «Мелодия слов».

«Слобода» пурмксть авторхнень книгасна ульсть няфтьфт Шумбрат, Мордовия» республиканскяй фестивальса и арасть содафтома вастокс Краснослободскяй районти, сяся мес республикаса кодамовок лия районца тяфтама пуромкст аш. Культурань районнай дврецть сценанц лангса няфтфоль аф фкя концерт. Краснослободмкяй авторхнень стихснон лангс лядяфтольхть морот, конатнень моразь Мокшэрзянь Государственнай филармоиянь и И.М. Яушевонь лемса музыкальнай театрань солисттне. Синь мороснон морсесазь и тяфтамка морайхне. С.П. Сидоровать виень путоманц вельде асу шабатне тяфта жа морсесазь «Слободань» авторхнень мороснон. 2023-це кизоня нолдаф марстонь моронь од кярьмаз «Родины места всего дороже» и тяфтама демса диск. Райононь литераторхне арнесть мялень салай эряма вастова. Ульсть С. Эрьзянь музейса, Темникав ошса, Смидовичень заповедникса, ульсть Ф. Ушаковонь калмонц лангса, Наровчатса А. Купринонь кудсонза-музейсонза, Макровскяй монастырьса, якасть Сире Пиченгуши велеса М.И. Безбородовонь калмонц лангс, сашендсть Явленная Сире Синдрувонь лисьмапряти и ламоц лия вастова. «Слобода» литературнай пуромксть колга содайхть аф аньцек районца, но и республикаса. Эрь кизонь терневихть од авторонь республиканскяй семинарс. Авторхнень творчестваснонды макссеви сатомшка сери питне. 2022-це кизонь майста онлайн режимса республиканскяй семинарсь ётафтвсь Краснослободскяйса литературнай пуромксть видеса «Творческие люди» федеральнай проектть потмоса и республиканскяй фестивальть «Молодые голоса Мордовии». Видесонза ульсть, кода аньцек ушеткшни сёрмалдыхне, станя и Мордовиянь содаф поэттне Н. Рузанкина, Н. Голенков, Т. Мокшанова.

Литературнай пуромксть мяленц азоманц коряс ульсть ладяфт мяляфтома седяфт литераторхненди, коатнень оцю путфксснамокшэрзянь литературать касомаса и, кит кадсть крхка пильгокит шачема модать лангса. «Красная Слобода» газетань редакциять кудонц лангса путф мяляфтома седяф В.Ф. Егоровонди, И. А. Янюшкинонь Мордовиянь заслуженнай писательть кудонц стенанц лангса. Поэтть Ю.Б. Скрипкинонь колга лятфни седяфсь, кона ащи районай библиотекать стенанц лангса. Литературнай музейть сувама вастсонза ладяф лятфнемань седяф В.В. Бирюковонди. Поэттнень-землякнень мяляфтоманкса эрь кизоня ётафневихть Егоровскяй, Бирюковскяй, а Сире Сендруса – Чигодайкинскяй лувомат.

Улихть литературнай премият поэттнень лемснон коряс, конат макссевихть ся литературнай пуромксонь авторхненди, кит эсь творчествасост тисть оцю сатфткст.

Эрь од кярьмазсь – тя оцю и мяляфтови тев. Авторхне васетькшнихть эсь лувиснон мархта и няфнесазь-казендьсазь эсь книгаснон. Тятфама пуромкснень-няфтематнень пингста сашендыхть сёрмады ялгасна, библиотекаста покодихть, студентт, школьникт, райононь оцюнятне, журналистт, радня ломать и сембе сят, кие кельгсы стихонь морафнеманц. Аф шуроста авторхне ётафнихть творческяй васедемат эсь шачема велесост, сашендыхть школав. «Неизвестная родина» теварьсефксса, кона нолдафоль тевс и пяшкотьфоль культурнай инициативань президентскяй фондть лезксонц вельде.

«Слобода» литературнай пуромкссь кирди сотксть Краснослободск ошень и А.С. Пушкинонь лемса библиотекать мархта. Тятфа жа авторхне тииндихть васедемат Саранск ошса А.И. Полежаевонь лемса музейса. «Красная Слобода» районнай газетать лопанзон лангса, лувихне содафнихть авторхнень эряфснон и творческяй киснон колга. Пуромксть сай пингсонза – покодемась од произведениянь лангса. Ули арсемка «Краснослободская глубинка »теварьсефксонь колга. Тя кармай музыкально-поэтическяй программань коряс стихонь и моронь мархта районть велензон колга. Инголеп путфокс ляткшни сякось: мушендомс од смузю ломатть, келептемс-касфтомс эрь авторть асувонц, нежетькшнемок классикнень сёрматфснон лангс. Кандомс мазыши, кельгома литературнай маштомоши, эсь сёрматфснон мархта сргозфнемс кельгома шачема масторти. И, конешна, нолнемс од кярьмаст и кеняртьфнемс лувихнень эсь асу сёрматфснон мархта.

Литературась

Кисляков, Вячеслав Михайлович Мордовские акварели [Ноты] : произведения для оркестра народных инструментов / В. Кисляков [и арранж.]. - Саранск : Изд-во Мордов. ун-та, 2008

Сссылкатне

https://moyaokruga.ru/kras.sloboda/Краснослободский район, Республика Мордовия, Сайт газеты “Красная Слобода” https://search.rsl.ru/ru/record/01004504875 Красная слобода : Краснослободская районная газета Республики Мордовия - Search RSL