Пронина, Вера Ивановна

Пронина, Вера Ивановна

Пронина, Вера Ивановна – Мордовия Республикань А.С. Пушкинонь лемса национальнай библиотекань национальнай и краеведениянь отделонь главнай библиотекарсь.

Эряфонь киц

Пронина, Вера Ивановна шачсь тяниень Мордовия Республикань Сире Шайгавонь райононь Сире Теризморга руз.: (Старая теризморга) велеса 1972-це кизонь 8-це ноябрьста. Сире Теризморгань средняй школать аделамда меле тусь тонафнема М.Е. Евсевьевонь лемса педагогическяй институту. 2002-це кизоста сявомок покоди А.С. Пушкинонь лемса национальнай библиотекаса национальнай и краеведениянь литературань отделса главнай библиотекарень должностьса.

Покодемац А.С. Пушкинонь лемса национальнай библиотекаса

А.С. Пушкинонь лемса национальнай билиотекав работама сась 20 кизода инголе. Тяса сон тонадсь обслуживаниянь эрь кодама метоттнень и форматнень вельде лувихнень мархта цебярьста покодема

Вера Ивановна оцю сатфкст сатсь отделонь фондть кочкамаса и ванфтомаса. Вера Ивановна фалу лисенди мокшень кяльса од куля мархта «Од пинге» руз.: («Новое время»), ГТРК «Сияжар» телеканалса, Мордовиянь Народнай Телевиденияса, «Вайгель» радиоса руз.: («Голос»). Телеинформацияда 2019-це кизоть перьф ётафтсь– 32, 2020-це кизоня – 19, 2021-це кизоня – 21, радиоса куляда пачфтсь 2019-це кизоть перьф – 25, 2020-це кизоня – 10, 2021-це кизоня – 14. Мордовскяй литературать мархта ломаттнень содафтомаснон инкса Вера Ивановна ётафни тев вятемат, конат летьфт мокшень и эрзянь сёрмадыхнень юбилейснонды, нят: творческяйе илятть, литературнай васедемат и стак тов. Эрь кизоня сон ётафни 20-да лама тяфтама мероприятия. Сонь кядьвельденза отделть лия библиотекарензон мархта аноклафт «Девин Илья Максимович», М.Л. Сайгинонь 105 кизонц топодеманцты «Эсь народонь эряфонь сёрмады» иобиблиографическяй указательхне, мокшень кяльса путеводительсь «А.С. Пушкинонь лемса Национальнай библиотекась» руз.: («Национальная библиотека им. А. С.Пушкина»); М.А. Бебанонь творчестванц колга «Тяштец тячемс палы» руз.: «(Его звезда горит и сегодня») методико-библиографическяй материалсь. Литературнай ванфтомать коряс аноклаф кулятне лисендихть «Мокшень правда» газетать, «Мокша», «Народное образование» журналхнень лопаснон лангса.

Общественнай тевятемац

Вера Ивановна ульсь финно-угорскяй народть V-це международнай конгрессонза Ханты-Мансийске ошса, ламоц межрегиональнай, республиканскяй конференциятнень эса, «Мир книг на пензенской земле» II-це Межрегиональнай книжнай выставкаса-ярмаркаса (Пенза ошсь, «Книжный мир Мордовии»презентация мархта); «Шумбрат, Подмосковье!» I-це фестивальсь Московскяй областень национальнай культурасна (Московскяя областсь Химки ошса, «Национальная библиотека им. А.С. Пушкина – хранительница духовного наследия мордовского народа» доклад мархта) семинархнень эса; Межрегиональнай научно-практическяй конференцияса «Роль семьи и образовательных организаций в сохранении родного языка и культуры мордовского народа» (Саранск ошсь, «Роль Национальной библиотеки им. А. С. Пушкина РМ в сохранении и развитии языкового наследия мордовского народа» доклад мархта). Лезнесь Мокшэрзянь народть VI-це Cъездонц ётафтоманц анокламаса и ламоц лия тяфтама тевса.

В.И. Пронинась - Девинскяй лувоматнень руз.: Девинские чтения (Старошайговскяй районць, Сире Теризморга велесь руз.: (Старая Теризморга)), малькинскяй лувоматне руз.: (Малькинские чтения) (Атерень аймаконь Кяшал велесь руз.: (Кешалы), Ельмеевскяй лувоматне руз.: (Ельмеевские чтения) (Рузаевскяй райононь Сузгярьге руз.: (Сузгарье) ётафтыснон-анокласнон эзда фкясь и стак тов. Оцю вий путны «Гордость нации», «Мордовия мастеровая: история и современность» республиканскяй культурно-образовательнай теварьсефкснень ётафтомаснон анокламаса. Оцю путфксоц «Этношкола в библиотеке» республиканскяй образовательнай теварьсефксть эса. Тяфта жа ётафни библиотекань урокт школаса тонафнихнень мархта патриотическяй, историческяй тематнень коряс. Лезни библиотекартхненди, конат покодихть Мордовиять эзда ширдень вастса. Вера Ивановна аф весть ульсь Международной этнокультурнай экспедицияса-фестивальса «Волга — река мира» , «Диалог культур волжских народов», конат ётафневихть эрь кизоня Мордовия Республикань Культурань национальнай политикать и архивнай тевонь министерствать лезксонц-вятеманц вельде. В. И. Пронина библиотекаса покодема тевдонза башка ащи Мордовия Республикать общественнай тевонь вятихнень ёткса. Сон – сувси Исполкома Мокшэрзянь народть Межрегиональнай общественнай организациянц исполкомозонза руз.: (Межрегиональной общественной организации мордовского (мокша и эрзя) народа), сувси «Юрхтава» мокшаватнень ассоциациязост, морси народнай фольклорно-этнографическяй «Ламзурь» ансамбляса.

Казненза

• Почетнай грамота Мордовия Республикань Культурань министерствать эзда (2008);
• Почетнай грамота Мордовия Республикань Писателень союзть эзда (2014);
• Благодарность РФ-нь Президентть видеса Мордовия Республикань Фалу ащи представительстванц Мордовскяй кульурань центранц эзда поэзиянь илядть ётафтоманкса, кона лемтьфоль Р. Орловать творчестванцты Москуса Мордовия Республикань Фалу ащемань представительствать видеса (2015);
• Благодарность Мордовия Республикань Госсобраниянь Председателенц (2016);
• Благодарность Мордовия Республикань Композиторонь союзть (2016);
• Благодарность Саранск ошень городской округонь Оцюнять эзда Главы г. о. Саранск (2017);
• Благодарность Саранск ошень городской округть Пролетарскяй районть эзда (2017);
• Мордовия Республикань Образованиянь министерствать эзда Благодарственнай сёрмаса кяльть ванфтомаса и сяда тов вятеманкса, мокшэрзянь народть национальнай и кульурнай коензон ванфтоманкса и оцю путфксонкса од ломаттнень патриотическяй воспитандаманон инкса (2018);
• Благодарность Мордовия Республикань Оцюнять эзда (2019);
• Благодарственнай сёрма РБА-ть эзда «Путфксть инкса библиотечнай краеведениять касфтоманкса» руз.: («За вклад в развитие библиотечного краеведения России») (2019);
• Макс лем Културань заслуженнай работник (2022)

Ссылкатне

• https://shkolastaroterizmorgskaya-r13.gosweb.gosuslugi.ru/ Школа - Главная страница
• https://mordgpi.ru/Мордовский государственный педагогический университет имени М. Е. Евсевьева
• https://mordoviatv.ru/radio-mordovii/siyazhar/Сияжар | ГТРК Мордовия