Филатов, Николай Михайлович (скульптор)

Николай Михайлович Филатов
Николай Михайлович Филатов
Шачема шиц	27-це августста 1952-це кизоня (72 кизоц)
Шачема вастоц	Поводимова[d], Дубёнкань район, Мордовскяй Автономнай Советскяй Социалистическяй Республикась[d], РСФСР, СССР;
Странась	СССР; Россия;
Жанрась	монументонь скульптура
Тонафнемац	К.А. Савицкяень лемса Пензенскяй художественнай училищась, И.Е. Репинонь лемса художествань Ленинградскяй академиясь
Стильсь	реализм
Казненза
Званиятне	Народный художник Республики Мордовия член-корреспондент Российскяй художествань академиянь (2019)

Никола́й Миха́йлович Фила́тов (шачсь 27-це августста 1952-це кизоня , МАССР-нь Поводимова велеса) — скульптор, РФ-нь заслуженнай художник (2010), Мордовия Республикань народнай художник (2005), Мордовия Республикань Госпремиянь кафксть лауреат (1992,2003), Мордовия Республикань Оцюнянь премиянь лауреат (2008), член-корреспондент РАХ (2019)^[1].

Эряфонь киц

Шачсь 27-це августста 1952 кизоня Поводимова велеса. Николай, национальностьс коре эрзя, шачсь и кассь сокаень-видиень мархта семьяса, коса ульсь вете шабат — колма братт и кафта сазорхт.

Николаень аляц — Михаил Васильевич служась вирень десятникокс, ванць вирень (руз.) (мок. озафтфнень керомаснон мельге, эсь отям тонадозе столярнай ремеслат. Эсь кядь вельде тиезе сембе кудьботмоса паршить — фабричнайхнень коряс аф сяда кальдяфт.

Николаень тядяц — Анастасия Ивановна вятезень кудъётконь тефнень, пирьфсь ульсь пяшксе жуватада и касфтсь идензон эса. Художественнай наукатненди сонь кивок ашезь тонафне, но сон фалу тяряфтсь арьсемс мезевок эсьлацонь. Шапаксста (руз.) (мок. тиендсь мялень салай ракшанят, и шабатневок тиендсть тяфта.

К. А. Савицкяень лемса Пензенскяй художественнай училищав Николаень сявозь начальнай художественнай образованияфтома, тя училищать сон сон шумордазе 1977 кизоня. Училищаса тонафнемста сон васедсь сай пингонь рьвянц Галинань мархта.

1984-це кизоня Николай шумордазе И. Е. Репинонь лемса художествань Ленинградскяй академиятькоса ётазе тонафнемать СССР-нь народнай художникть , профессорть В.Б. Пинчуконь мастерскойса. 1984 кизоста сявомок Филатов Ф. В. Сычковонь лемса Саранскяень художественнай училищань преподаватель и 2003 кизоста сявомок Н.П. Огарёвонь лемса Мордовскяй государственнай университетса преподаватель дизайнонь и рекламань кафедраса. Покоди станковай, монументальнай скульптурань, ёмла пластикань областьса. Тевс нолай материалхнень материалы: бронза, гранит, гипс, сёвонь (руз.) (мок.. Покодема тевонза:«Од механизатор» руз.: «Молодой механизатор» (1984), «Цёраня пине мархта» руз.: «Мальчик с собакой» (1986), «Николай Макушкинонь портретоц» руз.: «Портрет Николая Макушкина» (1987),«Христос» руз.: «Христос» (1992—99). Саранск ошса стяфтф мзярошка скульптуранди автор, конатнень ёткса: Степан Эрьзянди памятникти, кона ащи музейть инголе (1996, соавтор — Г. М. Филатов), Александр Пушкинонди, кона ащи парку валгомста фонтаннай спускть видеса (2001, марса Н. В. Трибушининонь, С. П. Ходневонь), Никон патриархти] (2006), Федор Ушаковонди (2006), Памятник семьяти (Саранск)| (храмть видеса Демократическяй и Советскяй куротнень кирашкса. 2008), а тяфта жа скульптурнай кужети Национальнай театрать инголе — бронзаста тиф ниле фигурат: мокшавась панжи марлювонь тараткя мархта, эрзявась шава мархта, атя, кона нежетьф байдеконц лангс и од цёра, кядьстонза нолдай нармонь (2007).

Филатов авторсь памятникти воиттненди, конат шавовсть Великай Отечественнай войнань кизотнень (1989, Кацялай Кочелаево велесь).

Александр Пушкинонди памятникть инкса Николай Филатовонди максфоль Россиянь Художествань академиянь «Зрнянь медаль» (2004).

Филатовонь покодеманза фалу эрсихть экспонатокс выставкатнень, галереятнень, вернисанень эса: региональнай «Большая Волга. Искусство республик Поволжья» (г. Саранск, 2004 кизось); межрегиональнай «Единение» (г. Н. Новгород, 2007 год); всероссийскяй «Образ Родины» (Вологда ошсь, 2006 год); выставкаса-пялькстомаса «Золотая палитра» (Саратов ошсь, 2007 кизось), скульптурань выставкаса (Липецк ошсь, 2006 кизось); международнай «Победа» ( Москву ошсь, 2005 кизось); «Ялгат» (Саранск ошсь, 2007 кизось). Филатовонь персональнай выставкасонза — Саранск, 1992 кизось.

Филатовонь покаманза ащихть Смоленскяй государственнай музейса-заповедникса, Белгородскяй картиннай галереяса, картиннай галереяса Тульскяй областень Узловая ошса, МРМИИ.

Филатов казьф «Москуть 850 кизонть топодемать лятфтаманцты» руз.: «В память 850-летия Москвы» медальса.

Филатов покоди российскяй флотоводецть Федор Ушаковонь памятниконц анокламанц лангса, кона кармай стятфтф Сочи ошса.

Символическяй рейтингти сембода добрай масторлангонь памятникнень ёткс сувась памятниксь Семьяти кона ащи Саранск ошть кучкаса, конань тиезе Николай Филатов, сатомок ветеце вастть 15 ёткста.

Казьф Славань III степенень орденца (2012)

Произведениянза

Памятник шавф воиттненди Ковылкинскяй райононь Кацялай велеса Мордовия, 1986
Памятник Степан Эрьзянди, (соавторсь —Г. М. Филатов), Саранск, 1996
Памятник Александр Пушкинонди, Саранск, 2002
Памятник Воиттненди-интернационалисттненди, Саранск, 2005
Памятник патриархти Никононди, Cаранск, 2006
Памятник Фёдор Ушаковонди, Саранск, 2006
Памятник Семьяти (храмть видеса Демократическяй и Советскяй куронь ки рашкса), Саранск 2008
Скульптурнай кужа Национальнай театрать инголе — бронзаста ниле фигурат: "Мокшавась" панжи мардювонь тараткя мархта, "Эрзявась" шава- братина мархта, "Сирешись" атясь, кона нежетьф байдеконц лангс и "Одксшись" од цёрась, нолдай кядьстонза нармонь, Cаранск, 2007
Памятник Кириллонди и Мефодиенди, Cаранск, 2015
Памятник философти Михаил Бахтинонди, Cаранск, 2015
Памятник Сетьмошинь аралайхненди-вантыхненди, Саранск , 2019

Художниксь покоди станковай, монументальнай скульптурарань областьса, мелкай пластикаса.

Казненза и почётнай лемонза

1992 - Государственнай премия Мордовия Республикань;
1997 - Медаль Москуть 850 кизонь топодемань лятфнемати «В память 850-летию Москвы»;
1999 – Мордовя Республикань заслуженнай художник искусствать видеса оцю сатфксонкса;
2000 – Шнамань диплом «Русь Православная» акцияса улеманкса, кона лемтьф Христость Шачеманцты 2000-кизонь топодемати;
2003 - Государственнай премия Мордовия Республикань —" А. С. Пушкинонди " монументальнай произведениянь анокламанкса
2004 - Россиянь Художниконь союзонь Секретариатонь диплом «Пялькстомаса сяськихне» лемдемаса «Большая Волга. Искусство республик Поволжья»;
2004 - Зрнянь медаль Российскяй художествань академиянь ^[2] - за памятник Александру Пушкину ;
2005 - Народнай художник Мордовия Республикань искусствать видеса оцю сатфксонь сатоманкса;
2008 – Мордовия Республикань Оцюнянь премия - оцю сатфксонкса художественнай творчестваса и оцю путфксонкса изобразительнай искусствань касфтоманкса;
2009 - Зрнянь медаль Россиянь Художниконь союзонь «Духовность. Традиции. Мастерство» (2009, 2017);
2010 - звания Российскяй Федерациянь заслуженнай художник];
2012 - Славань III степенень орден МордовияРеспубликань;
2016 - Премия Степан Эрьзянь лемса изобразительнай искусствань областьса;
2017 - Медаль Республики Мордовия «За межнациональное согласие»;
2019 - Член-корреспондент Художествань Российскяй академиянь.^[2];
2022 - Медаль «Шувалов» Художествань Российскяй академиянь.

Выставканза

Ленинградонь од художниконь произведениянь выставка «Молодость страны». Ленинград. 1984
Всероссийскяй выставка «Мир отстояли – мир сохраним». Моску. 1985
Всесоюзнай художественнай выставка «40 лет Победы». Моску. 1985
Всероссийскяй выставка «Советская Россия – 6». Моску. 1985
Всероссийскяй выставка «По родной стране». Моску. 1987
Всесоюзная выставка выпускников Академии художеств СССР. Моску. 1988
2-ая Всероссийскяй выставка «Художники автономных, республик, краев и областей России». Моску. 1989
Всероссийскяй выставка «Россия – VIII». Моску. 1993
Всероссийскяй выставка, посвященная 850-летию основания Москвы. Моску. 1997
Всероссийскяй выставка «Россия – IX». Моску. 1999
Всероссийскяй выставка «55 лет Победы». Моску. 2000
Всероссийскяй выставка «Имени Твоему», посвященная 2000-летию Рождества Христова. Моску. 2000
Всероссийскяй выставка «Россия – Х». Моску. 2004
Международнай художественнай выставка, посвященная 60-летию Победы в Великой Отечественной войне. Моску. 2005
Всероссийскяй выставка скульптуры. Липецк. 2006
Всероссийскяй художественнай выставка «Золотая палитра». Саратов. 2007
Международнай художественнай выставка «Ялгат» «Финно-угорскяй народонь культурань международнай фествальть пингста». Саранск. 2007
Россия – XI. Моску, 2009
Скульптурань всероссийскяй выставка. Саранск, 2009
Всероссийскяй выставка «Большая Волга – искусство республик Поволжья». Саранск. 2011
Всероссийскяй выставка «Россия – Родина моя». Саранск, 2012
Всероссийскяй выставка «Россия – XII». Моску, 2014
Всероссийскяй выставка «Лики России». Архангельск, 2016
Региональнай выставка «Большая Волга – XII». Н. Новгород, 2018
Межрегиональнай выставка-пялькстома«Красные ворота / Против течения». Саранск, 2018, 2020

Персональнай выставканза:

Персональнай выставка. Саранск, 1985
Персональнай выставка, кона сотф Мордовия Республикань Государственнай премиянди лихтемать мархта (марса Г. М. Филатовонь мархта). Саранск, 1992

Семьяц

Николай Филатовонь и сонь рьвянц Галинань кафта цёрасна, конат поладозь семейнай династиять, оцюсь Сергей Николаевич (шачсь 1986 кизоня) - скульптор, ёмлась Александр Николаевич (шачсь 1989 кизоня) — скульптор.

Николаень фкя юронь ёмла брадоц: Филатов, Григорий Михайлович — скульптор, Мордовия Республикань заслуженный художник.

Филатовонь покаманза

скульптурнай кужа Национальнай театрать инголе — бронзань ниле фигурат: мокшавась панжи марлювонь тараткя мархта, эрзява шавать-братинать мархта, байдеконц лангс нежетьф атя и од цёра, кона нолдай кядьстонза нармонь
Памятник Патриархти Никононди Саранск ошса
Памятник Ушаковонди Саранск ошса
Памятник А.С. Пушкинонди Саранск ошса
Памятник Бахтинонди Саранск ошса
Семьяти Памятник
Памятник воиттненди-интернационалисттненди
Семья памятник Саранск ошса