Тюштя

Рувики лопаста

Ванф Российскяй Наукань Академияса

Logo-ran.png
Ванф
Ванф Российскяй Наукань Академиять видеса
Сяда крхкаста
Aprove.svg

Ванф Российскяй Наукань Академияса

Arrow-Right.png
Logo-ran.png
Ванф
Российскяй Наукань Академиять вельде
Сяда крхкаста
Тюштя
Tyushtya the Great.jpg
Пол аля вайме[d]

Тюштя[1]  — мокшень и эрзянь народть «Тюштя» героическяй эпость центральнай героец, Атямшкайть Литова стирть цёрасна.

Тюштя — мокшень легендарнай оцязор[2], ламоксть ляфтневи мокшетнень устнай народнай творчестваса.[3]. Легендатнень коряс, конат кочкафт-сёрматфт Тамбовскяй краень исследовательть И. И. Дубасовонь кядяла, Тюштя эрясь Зубунь модатнень лангса — вирьхнень эса Ширингуши мокшень эряма вастть ваксса[4][5].

Мифть эвондамац и характероц

Тюштя — мокшень и эрзянь народонь героическяй поэзиянь основной персонажсь, сонь лемонц мархта сотфт мяльхне кунардонь пингонь марс пуроптф мокшень и эрзянь государстватнень эвондамасна-эрямасна и юмамасна-арамасна. Эпосса тя эрямопингсь лемневи «Тюштянь пинге» (руз. «Век Тюштяна») и сёрмадови пингть колга, мзярда народть мяльс туф кочкаф оцязорсь— (руз. царь), а оцязорть мяльс туф кядялонза вятеви народсь.[6]. А. И. Маскаевонь арьсеманзон коряс сонць «Тюштя» лемсь нолявсь тевс кода азорондаень титул[7]. Улема,эрь кодама фольклоронь источникнень эса азондови аф фкя, а мзярошка азорондаень колга. Тяфта сёрмадови-азондови Тюштянь щамонц колга мокшень эпическяй мороса

«Ловда акша панароц, сёрматф якстерь сюреса. Зрняста аноклаф сонь сюлгамоц, сияста кодаф сонь карксоц. Лафтубрянц вельф ёрдаф офтонь кедь, мазы пуняса пункстаф. Види шире серень труба повфтаф, кержи ширде узерец»[3]

.

Ули мифологическяй и сонцень историческяй атрибуцияц, сотсыне мирть-масторть тиеманц колга космогоническяй мифть эпическяй моротнень и сказаниятнень мархта. Ульсь эльбятьксонь версия, што Тюштянь образоц тиевсь феодализмань васенце векнень и сонь тевонзон пингста - эрзянь и мокшень этноснень тиевомаснон пингста и рузонь колонизациять ушедоманц пингста[8]. Тя версиять коряс историческяй персонаж Тюштя эрясь XIII векть кучкаста и кулось 1250-це кизоть малава[9] Сембе сяка, кода содаф, XIII векть васенце пялькссонза каназоркс-(руз. царём) марс пуроптф мокшень княжестватнень эса ульсь Пуреш, эрзятне ульсть пуроптфт инязорть (руз. царя) Пургазть кядьвидеса и ащесть войнань ащемаса мянь Батыйть самань пингонцты 1237-це кизоня. тя пингонь ёткть кодамовок марс сотксонь улемать колга ашель кода и арьсемска. Зрнянь вексь — Тюштянь азорондамаса лувондови — IV и VIII веконь ётксь. Модатне, конат лятфневихть преданиятнеь эса сатнесазь Мокшеть ведень вастонц, Сурать (Равать шудерьксоц), Цна ляйть, Хопрать[10][11].

И. А. Бессоновонь мялензон-арьсеманзон коряс Тюштянь колга эпоссь канды васендакиге мифологическяй эвондама и сотф о чуди (руз.) (мок. народть колга преданиятнень мархта, конат содафт ламоц финно-угрань нароттнень ёткса[12]. Сонь арьсеманзон коряс, Тюштя, васенда преданиятнеь эса няфтевсь кода азорондай ломань кунардонь чудить лангса, народть, кона эрясь тяниень пингонь поколениянь ломаттнень эвондамаснон самс, меле ульсь арьсеф одукс кода эрзянь и мокшень эпическяй князь. Конашкада параллель тя образть мольфтемаса вятеви коми-пермяцкяй преданиятнень эса Кудым-Ошень колга, кона фкя пингста няфтеви кода «чудскяй князь» икунардонь пингонь коми народонь азорондай.[13]

Ламоц Тюштянь колга XIX-це векста моротнень и преданиятнень сёрмадомасна сотф Россияса эряй нароттнень фольклорснон и этнографияснон колга касф мялень саламать мархта. Преданиятнень оцюшкасна ванфтовсь Рава фталдонь мокшетнень и эрзятнень ёткса. Тюштянь азорондаманц Зрнянь веконь пингста — мялень шарфтомась ащесь сянь эзда, мес сон кирди козя материал рузонь-мокшень и рузонь-эрзянь соткснень коряс, эсонза азондови рузонь, мокшень, эрзянь княснень ёткса васедемать колга, мокшень и эрзянь мялень-вятемань союзть историческяй судьбанц колга. А. И. Маскаевонь мяленц коряс, революцияда ингольдень кой-кона эрзя и мокша народонь исследовательхне и синь народнай поэзиясна няфнезь Тюштянонь азоркс, кона няфнезе князень эзда-ёткста лисеманц и азорондамать коряс.[14]. Тюштянди оцю каршек ащикс преданиятнень коряс ульсть — Сарда ханць, рузонь княсне, Владимирскяй княгинясь, эрзянь оцязорсь, кона шачфоль сизьгемонь кизонь удавань эзда.

Тюштянь образоц литератураса

А. М. Шароновонь «Мастораваса» эпоссь Тюштянь колга няфтьф сисем азондомаса. Эсост азондови сембода важнай событиятнень колга содаф геройть эряфста. Тюштянь ингольде оцязоркс лувовихть Кудадей и Тёкшонь.[15] Тюштянь эряфонь киц «Мастораваса» — фкя-фкянь мельге общественно-политическяй мероприятиянь вятема, семейно-бытовой поступкань и воинскяй подвигонь.[16]

Эсонза мольфтеви кафта генеалогическяй мольфтемань кит. Васенцеса — сирешити пачкодемста ётай менели, тядянзонды-алянзонды, кадомок модать лангса эсь колганза лятфнемандисерень труба — Торама, кона азонды сонь волянц колга. Омбоцеса — рузонь княснень (руз.) (мок. люпштамаснон ала народть пяльксонц мархта туй од модатненди, конат казьфт Китай оцязорть вельде, ётамок ведень оцю перяфксть вельф (улема, Равать шималома ширдень трвастонза шинь стяма ширеннети).

Тюштянь колга основной сюжеттне — оцязоркс сонь кочкамац, омба масторонь врьгятить мархта тюремась, шавомасна чудань шачф соперникнень, менели куцемац, од модатненди народть мархта тумац. Эпосса лемтьфт Тюштянь вернай лездыенза — Келу (руз. Священное дерево Берёза), Атямшкай (руз. Бог грома), Иненармонь (руз. Великая птица), Кранч Каназор (руз. Чёрный Ворон с железным клювом), Акша Локсти (руз. Белый Лебедь), Мешаване(руз. Пчелиная Матка).

Историческяй прототипнень колга

Предположениятнень эзда фкясь Тяштянь историческяй прототипонц колга ульсь версия сянь колга, што Тюштя — Пуреш каназорть цёранц лемоц, кона лятфневи Лаврентьевскяй летописьса[17], сембе сяка содаф, што Пурешонь цёранц видексонь лемоц — Атямас[18].

Тюштянь образоц искусстваса

  • Шуфтонь мялямгев Тюштянди путф Саранскяйса, Мокшэрзянь народть сувамац Рузонь государствати 1000 кизонь топодеманц васьфтемста.
  • Тюштя няфть действующай лицакс Иван Апраксинонь «Подменный князь-2. Гибель богов» фантастическяй художественноай романцонза. Коса азондови, што сонь лувондсазь колдункс.[19]
  • Тюштя сатни кучка васта эпическяй сводса A.M. Шароновонь «Масторава» эпосса. Геройть колга сёрмадомста автор нежетькшнесь афкуксонь фольклорнай материалт лангс. няфтьф кода цебярьдонга цебярь оцязор.
  • В. К. Радаевонь «Тюштя» поэмасонза Тюштянь образоц аф малады фолклорнайти и максфт эрь кодама эпическяй героень ширет[20].

Лятфтамат

  1. ↑ Тюштян // Мифологический словарь/ Гл. ред. Е. М. Мелетинский. — М.:Советская энциклопедия, 1990. — С. 543—544 ISBN 5-85270-032-0
  2. ↑ Британская энциклопедия. Волжские финны. Дата обращения: 14 августста 2025. Архивировано 30 сентябрьста 2009 года.
  3. ↑ 1 2 УПТМН: Т.1. Эпические и лиро-эпические песни. Саранск, 1963. С. 360
  4. ↑ Дубасов И. И. Очерки из истории Тамбовского края. Тамбов: Тип. губ. правл., 1890. Вып. 1. 225 с.
  5. ↑ Маскаев А. И. Образ Тюштяна в мордовском фольклоре // Ученые записки Мордовского государственного педагогического института. 1957
  6. ↑ Федосеева Е. А. Образ царя Тюштяна в фольклоре и в эпосе «Масторава» // Мордовский государственный университет им Н. П. Огарева. 17 с.
  7. ↑ Маскаев А. И. Мордовская народная эпическая песня. Саранск, 1964. С. 176—178
  8. ↑ Нуянь Видяз Эрзянь масторонть седейсэ. Имена их бессмертны: Килангонь тешкст, нурька статьят ине эрзятнеде. Саранск, 2007. 86 c. С. 35.
  9. ↑ Мордвась. Очеркт мордовскяй народть историянц, этнографиянц и культуранц колга. Саранск ошсь, 2006. ISBN 5-7595-1685-X
  10. ↑ Юрченков В. А. Мордовский народ: вехи истории. Саранск, 2007
  11. ↑ Мордовия в IV—IX веках: зарождение мордовской государственности (времена Тюштяна). Дата обращения: 15 августста 2025. Архивировано 6 июньцта 2009 года.
  12. ↑ Бессонов И. А. Мордовский эпос о Тюште и русские и финно-угорские предания о чуди // Традиционная культура, 2016. № 4. С. 54-66.
  13. ↑ Ожегова М. Н. Коми-пермяцкие предания о Кудым-Оше и Пере-бога-тыре. Пермь, 1971.
  14. ↑ Маскаев А. И. Мордовская народная эпическая песня. Саранск, 1964. С. 183—184
  15. ↑ Федосеева Е. А. Кудадей как эпико-исторический персонаж (на материале эпоса «Масторава») // Язык, литература, культура: диалог поколений. Материалы Международ. науч.-практ. конф. Чебоксары, 2004. С. 270—273.
  16. ↑ Шаронов А. М. Масторава. Саранск, 1994. 496 с.
  17. ↑ Лаврентьевская летопись / Сост., прим. и указат. А. Г. Кузьмин, В. В. Фомин; вступ. ст. и пер. А. Г. Кузьмина. Арзамас, 1993.
  18. ↑ Мадуров Д.Ф. Волжские земли в истории и культуре России: Материалы Всероссийской научной конференции//Мадуров Д.Ф. События XIII века в истории эрзи и мокши., О сражении на Золотарёвском городище осенью 1237 г., МГУ им. Н.П. Огарева и др.; редкол.: Н.П. Макаркин (гл.ред.) и др., Саранск: тип. «Красный Октябрь», 2004. Ч. I - 264 с. Дата обращения: 14 августста 2025. Архивировано из оригинала 14 августста 2012 года.
  19. ↑ Иван Апраксин. Гибель богов. — Litres, 2017-09-05. — 212 с. — ISBN 5457225658.
  20. ↑ Гурьянов, Иван Александрович. Культурно-историческая основа эпоса о Тюште :Фольклорно-литературные версии. — 2006. Архивировано 22 майста 2018 года.

Литературась

Ссылкатне

Сявф"https://mdf.ruwiki.ru/w/index.php?title=Тюштя&oldid=413114"-ста