Иненармунь
Иненармунь руз.: (Великая птица) мокшекс Шкайнармонь [1].
Модать шачемац
Мокшэрзятнень шарьходемаса ведсь максы ушеткс сембе уликсти. Сон ащесь вастокс, конань эса ульсь модать-масторть лисьфоц. А ся кие лездсь модати шачемс-эвондамс, ульсь Иненармунць. Мокшетнень и эрзятнень мифологияса Иненармунть образоц занцесь башка васта. Иненармунькс ульсь кода путомс и мацись, локстись и яксяргсь. Синь вельдест шарьхкодема колма ушеткснень марса сотовомасна: нармонць (машты якама), ведсь (уемась), кожфсь (лиемась).
Мокшэрзянь мифологиясь козя азондомаса Иненармунть колга. Иненармунць чёпафты иневедть потмаксс и тоста таргай модань и илонь пакшкат, конань эзда тиеви коське вастсь. Полатксокс чёпафты нармонть колга арай сюжетсь модать-масторть эвондаманц колга. Иненармунть алонзон эзда, конань пизоц Великай шуфтть лангсоль. Колаф алть вярде пяльксстонза тиевсь менельсь, алудоннеть эзда — модась, тюжянц эзда — шись, алакшеть эзда — ковсь. Лия алонзон эзда эвондасть шкайхне, ракшатне, ломаттне и лиясь[2].
Мудрайшить няемац-варчсемац
Иненармонць варчсесыне сиретнень мудрайшиснон, максомок теест содамс содама ёфкст, сконат сотфт Масторлангонь шуфтть мархта. Тя китькстасы сотксть космость ладяфонц и одксшить сяськоманц сирешить лангса.
- Иненармунть содама ёфксонза
- Кодама нармонць пацяфтома лии? — Шись.
- Кодама жуватась пильгфтома ласьки? — Ведсь.
- Кодама тишесь унксфтома касы? — Ломанць.
Иненармунць археологияса
Фкаксши ули кода мумс финно-угрань лия нароттнень мифсонон эса. Мокшэрзянь народть шарьхкодемаса Иненармунть колга улемась няеви и кемокстави археологиянь уликснень вельде. Тяфта, ламоц шувондоматнень (раскопкатнень) вельде муф сияста тиф карксонь пря (бляха), коса рисовандаф нармонь. Тяфтама карксонь мазоптомкатнень (бляхатнень) каннезь рьвакс туф аватне пекснон видеса, кона аралакшнезе авань шачфтома вастть кальдявда и сельмодемада. Тяфтама каркс прятне (бляхатне) символизировандасазь аф аньцек нармонть, но и шить.
Тячиень шиста
Иненармунть образоц арась символкс Мордовиянь культурнань мероприятиятнень эса. Саранск ошса Иненармeнць арась 2018-це кизонь мастор лангонь Футболонь символкс.
2023-це кизонь декабрьста Мокшэрзянь национальнай драматическяй театраса Саранск ошса ётафтовсь васенце Межрегиональнай «Иненармунь» пялькстомась мазышинь и смузь шинь коряс. Пялькстомась ульсь аноклаф и ётафтф «Юрхтава» мокшавань ассоциациять лядяманц вельде Мордовия Республикань Национальнай политикань и архивнай тевонь культурань министерствать лезксонц мархта. Сценать лангса пялькстсть мокшень и эрзянь стирнятне минь странастонк эрь кодама ошнень эзда (Москуста, Пензаста и лия ошста)[3].
Литературась
- Алешкин, Андрей. Боги мордвы : герои мордовской мифологии. — Саранск: Издатель Константин Шапкарин : Фонд "Медвежья земля", 2022. — 46 с. — ISBN 978-5-9907966-9-0.
- Шаронов А.М. Мордовский героический эпос:Сюжеты и герои.. — Саранск: Мордов. кн. изд-во, 2001. — 207 с. — ISBN 5-7595-1515-2.
- Маркелов М. Т. Мордва // Религиозные верования народов СССР. — Т. 2.- М., 1931. — С. 190—212.
- Маскаев А. И. Мордовская народная сказка. — Саранск: Мордов. гос. изд-во, 1947. — 185 с.
- Мельников П. И. (Андрей ПечерскиЙ). Очерки мордвы. Саранск, 1981.
- Мокшин Н. Ф. Религиозные верования мордвы. Саранск, 1968.
- Мокшин Н. Ф. Религиозный синкретизм у мордвы // Мировоззрение финно-угорских народов. — Новосибирск, 1990. — С. 49-57.
- Мельников П. И. Очерки мордвы. — Саранск, 1981.
- Шуляев А. Д. Народные песни // Сказания о мордве. — Саранск, 1996. — Т. 2.
- Юрчёнкова Н.Г. Мордовская мифология и искусство. — Саранск, 1996.
- Юрчёнкова Н. Г. Иненармунь (Великая птица) в древнемордовской мифологии // Актуальные проблемы литературоведения и методики преподавания литературы.
Лятфтамат
- ↑ Воронина Н. И., Сиротина И. Л. Птица-река эрзянки Л. Д. Левиной // Финно-угорский мир. — 2021. — № 3.
- ↑ Мифология мордвы (традиционная картина мира и образ мышления)
- ↑ В Саранске на конкурсе «Иненармунь» выбрали мордовскую красавицу. Вечерний Саранск Медиа (11 декабрьста 2023). Дата обращения: 15 октябрьста 2024.