Вирява
Виря́ва руз.: (Богиня леса) — мокшэрзянь мифологияса тя вирень шкай, вирень ванфты, вирень азорава. Сон крхтапа, кувака шяярь, кой-коста фкя пильгса, потянза лапотьфт лафтувонзон вельф.
Вирявать образоц эвондась ломаттнень шарьхкодемаса шобда вирьда, вирьса эрьгодемда пелемать эзда.
Вирсь ламода лездсь ломаттненди, андсь, макссесь панкт, имошт, пяштть, вирьса мокшетне и эрзятне кочксесть медь, вирьса охотендакшнесть, аноклакшнесть пенгат, ленгя, и лама лия. Валом-валом ломаттне лоткасть вирявать эзда пелемда, арьсесть, кода ванфтомс пря.
Азонкшнемань коряс, Вирявась ломаттненди няфнесь пря шуроста, вирьса эрьготьф ломанть, теенза озондомда меле, лихнезе кити или, меколанкт, тапарякшнезе кинц, котьфнезе куломшка. Мархтонза васедемста эряви тумс фталу потазь, эста сонць тапаряй, коза вятихть пильгокитне.
Мокшэрзятне кунардонь пингть кемасть, кле баняса шачфтомста, [1] улендсь полафнезь одкс шачить: Вирявась, Ведявась или идемявозсь сонь вастозонза путнезь эсь шабаснон[2].
Нинге ванк
- Албасты (тюркская мифология)
- Леший (русская мифология)
- Овда (марийская мифология)
Лятфтамат
Литературась
- Орлов Н.П. Этнографические сведения о мордве Красно-слободского и Наровчатского уездов // Пенз. губерн. вед. 1876.
- Мокшин Н.Ф. Религиозные верования мордвы. Саранск: Мордовское книжное издательство, 1998. — 254 с. (руз.)
- Шахов П.С. Мордовский календарно-обрядовый фольклорно-этнографический комплекс сибирского бытования (осенне-зимний период). Институт филологии СО РАН, Новосибирск (руз.)
- Шахов П.С. Мордовский календарно-обрядовый фольклорно-этнографический комплекс сибирского бытования (весенне-летний период). Сибирский филологический журнал. 2017. № 1. С. 261–276.
- Устно-поэтическое творчество мордовского народа. Том 07. Часть 3. Календарно-обрядовые песни и заговоры. — Саранск, 1981. — Т. 7. — С. 272-301. (руз.)
- Девяткина Татю. Мокшэрзянь мифологиясь. Тартунь университет, 2002 ISBN 9985-867-24-6
- А. Алёшкин. Боги мордвы. — Саранск: издатель Константин Шапкарин, 2022. — 48с. с.