Сюлгам

Экспертиза РАН

Проводится экспертиза
Российской Академией Наук

Мокшень сюлгамсь

Сюлгам (руз. Сюльга́ма), эрз.: сюлгамо, луговомар. ширкама, чуважекс шӳлкеме) — покаряв или овальнай мянькс мархта и якай салмокс мархта пункстама-фибула. Васьфневи ламоц нароттнень ёткса. Тяфта, мокшэрзянь нароттнень щамсост сон ащи мяштьса мазоптомкань декоративнай кучка вастокс. Ули сон стане жа маринь и чувашень мазоптомкатнень ёткса.

Эрямопингсь

III — V-це сядокизотнень пингста ульсть суркс лаца стама сюлгапт, конатнень песна ашкотфтольхть спиральс. Мянькссь сёрматф керсефса и точкань-точкань люпштаф вастса. VI—X-це сядокизотнень пингста спиральхне кувалгодсть, тиевсть бта усат (кувалмосна сидеста сяда кувакат 2—3-сть мяньксть диаметранц коряс).

XI — XIII-це сядокизотнень пингста сидеста васьфневсть мянтьф и лапш пе мархта сюлгапт, а тяфта жа шуваня серенянь ашкоркс мархтот. XIII — XIV-це сядокизотнень эзда сявомок васьфневихть тяйняня 3-шире мархта или лапш колма ужеса каймоня лаца пялькскат керсеф сёрма мархта, XVI — XVIII-це сядокизотнень пингста — каймоня лаца пялькскя мархтот, конат мазоптфт аф виде паморьксса-ожнаняса, повфтаманди аф оцю суркскаса. Сюлгапне, конатнень кели каймоня лаца пялькскасна фкя-фкянди петьфтольхть и кшнинь ярмакста, каури ракакудняста (руз.) (мок., крганяста тиф нюрьгиня мархтотольхть, арасть мокшень аватнень щамснонды эсь лацонь ширекс.

Мордовиянь Зубово-Полянскяй райононь мокшаватне сюлгамснон мазопнезь эрь кодама тюсонь ожнаняса, равжа и сенем стеклярусса (руз.) (мок., сиянь и серень ярмакса, тенькаса. Пензенскяй областень Белинскяй райононь мокшетнень ульсть оцю сюлгамсна (17 — 20 сантиметра), кона тиф серень треугольникста, конанди кемокстаф равжа эчке котфонь пакш, конань лангс сташендовсть ракакудонь рятт, а алудонь трвава — пайгонят. Мокшаватне каннесть ёмла суркс лаца сюльгапт нюрьгиняфтома: кирмиш (Вертелим, Сире Теризморга велетне), щюрхне (Волгапина, Сире Дракина, Кочетовка и Шадыма-Рыскина Мордовиянь Инсарскяй районца), сюлгам (Анаева, Журавкина, Кужа и лия Зубово-Полянскяй райононь велетне). Суркс лаца сюлгапт (вадяфт и аф видекс пяльтьфт) ашкордаф и лапш пе мархта, клянцеконь путфкс мархта васендакиге васьфневихть эрзятнень ёткса. Эрзятнень лаца сюлгамонь группати кандовихть сустуг-сь, или суркс-сюлгамо-сь, теньгушевскяй эрзятнень и (пялькснень эса кой-кодама аф фкаксши мархта) терюшевскяй мокшэрзятнень. Сюлгапнень лоткасть каннемда ингольдень пингонь щапнень эряфста тумдост меле: эрзятнень — XX-це сядокизоть ушетксста, мокшетнень сяка веконь 40 — 50-це кизотнень.

Чувашненди сюльгамсь, кода мазоптомбяль, сась Равкужень финно-угратнень кядьста^[1].

Лятфтамат

↑ Алмантай В. Н. Сувары — предки чувашей. Очерки.— Чебоксары, 2008.— С. 27.

Литературась

Корнишина Г. А., Шитов В. Н. Сюлгама // Мордовия : Энциклопедия : в 2 т. / гл. ред. А. И. Сухарев. — Саранск : Институт гуманитарных наук при Правительстве Республики Мордовия, 2004. — Т. 2 (М—Я). — С. 388. — 704 с.

[1] Алмантай В. Н. Сувары — предки чувашей. Очерки.— Чебоксары, 2008.— С. 27.

[1]