Инсарскяй районць

Рувики лопаста
район
Инсарский район
Инсарскяй районць
Инсар. Христорождественская церковь.jpg
53°52′00″ с. ш. 44°22′00″ в. д.GЯO
Масторсь Рузмастор котфоц Россия
Сувси в Мордовия Республикась
Сувафни 5 муниципальнай
тиевомат
Адм. центра Инсар ошсь
Администрациянь оцюнясь Миточкин Алексей Геннадьевич
Историясь и географиясь
Эвондама пингсь 1928
Площадец

968,70[1]

  • (13 вастсь)
Часовой каркссь MSK (UTC+3)
Эряйхне
Эряйхне
  • ▼10 912 ломань (1-це январьста 2022 кизоня)
Цифровой идентификаторхне
ОКАТО 89 224
ОКТМО 89 624
Телефононь кодсь 83449
Официальный сайт
Инсарский район на карте
Логотип РУВИКИ.Медиа Инсарскяй районць

Инса́рскяй райо́нць (руз. Инсарский район) ( тяфта жа мокшекс Инсаронь аймак, эрз.: Инесаро буе) — административно-территориальнай единица и муниципальнай образования (муниципальнай район), ащи Российскяй Федерациянь Мордовия Республикаса.

Административнай центрась — Инсар ошсь.

Географиясь

Инсарскяй районць республикаса ащи сембода лямбе ширеса, ащи республикать кучкаса. Районть лямбе ширдень пяльксоц ащи алгак вастса, кельме ширец — Приволжскяй кепотьф вастть шинь стяма ширесонза. Рельефсь сяда тов кельме ширети ламода валги алу, районть кучкац, коса ащи Инсар ошсь, — инь сери вастсь Мордовиять шинь мадома ширесонза. Масторкитьксонза ётайхть Пензань областть мархта. Районть моданц келец-кувалмоц 968,6 км².

Эрямопингсь

Инсар ошть эвондамац кемоста сотф Рузонь государствать историянц, сонь касоманц и кемокстаманц мархта. Эвондась ошсь 1647-це кизоня кода опорнай военно-административнай пункт лямбе и шинь стямань масторкитьксть лангса.

Васенце кемонь кизотнень Инсарсь ащесь шуфтонь кремляста, или ваксарошста, конань вельхксса кепсевсть менели посадонь оржа пря башнятне. Теенза меле поладсть слободатне. Инсарть эстокиге арась оцю уездонь центракс, коза сувсесть Инсарскяй, Рузаевскяй, Старошайговскяй, Ковылкинскяй тяниень пингонь райоттнень пялькссна, а стане жа марнек Пензенскяй областень Иссинскяй районць.

Инсарть эзда кафцьке шири таргавсть валхнень и вирень засекатнень эзда кемокстаф китькст: фкясь — Ломовть шири, омбоцесь Шишкеевать шири и сяда тов — Саранскяи и Симбирскяи. Ня китьксне, или, кода синь нинге лемнезь, чертатне, ётнесть Москувонь государствать эстонь масторкитьксонзон эзга.

Инсарса васенце эряйхне ульсть служивай ломатть руснень и мордватнень эзда, конат араласть ваксарошть эса и кемокстаф китьксть кочевой ордатнень врьгятемаснон эзда.

Стратегическяй эрявикс вастса Исса ляйть лангса строяф ваксарошсь эстокиге получась ошень статус. Ошень и уездонь (анг.) (мок. эряйхне валомне ушеткшнесть хозяйствань вятема од вастса. Паксятнень эса комболгодсь розсь, а равжа вирьхнень эса ушедсть качадома поташень тиема завоттне (руз.) (мок..

Уездть экономикац сотфоль велень хозяйствать мархта: видемась-сокамась, кшинь касфтомась, жуватань касфтомась и велень хозяйстваса касфть переработкац. Но хозяйствать касомац мольсь сембе сяка помещиконь и купецонь промышленностть вельде. Инсарса ульсь кшнинь шяняфни завод, помещиконь модатнень эса — винокуреннай завотт, котфонь тиенди предприятият, сукнань мануфактурат мануфактурат (руз.) (мок..

Ошеряйхнень пяк стакаста работафнезь тястоконь купецне, кшнинь ноляй заводть азоронза. Сяс покоди ломаттне аф весть кепсесть тюремат. Инсарскяй уездть историяса башка васта занцихть событиятне, конат сотфт Степан Разинонь (XVII вексь) восстаниянц и Емельян Пугачевонь крестьянскяй войнанц мархта (XVIII вексь). Тя аймаконь ломаттне кирдезь ширеснон ня комболдоматнень и отькорьста няфтезь пряснон эсост. Ашезь ёта тевсь ломанень шавомафтомонга. Тюрема кеподихне повфнезь помещикнень, купецнень, попнень, уезднай администрациянь покодихнень. Казнятнень ётафнезь ошть кучка вастсонза, аф ичкозе крепостть стенанзон и ошень инь оцю соборть эзда. Оцязоронь ушмовийхне эсь ширдест кяжиста тюрсть комболдомань кепсихнень каршес. Ошть эса ульсть пяк оцю комболдомат 1812-це кизоня, мзярда тястонь ломаттне отказасть улемс Инсарскяй полконь офицерхнень кядяла и нльне озафтозь синь ошень тюрьмав. Ополченецнень кеподемасна курок тапафоль.

XIX-це сяда кизоста Инсарса эвондасть эрь кодама школат, больниця, ошень библиотека. Ошса оцю вийсна ульсть купецнень. Синь ярмаксон лангс Инсарса стройсевсть мишендема-рамсема вастт, мазы кутт эсь лацонь архитектурно-художественнай отделка мархта. Ошсь арась лац-ряц строяфокс, мазыкс, конань ули сонцень эсь лацонь архитектурац. Инсарти эсь лацонь шамалик макссть церькафне, Свято-Ольгинскяй авань монастырень комплекссь, XX-це векть ушетксста строяф кирпицень гимназиянь зданиясь.

1917-це кизонь революцияда инголе Инсарсь ульсь Пензенскяй губерниянь сетьме уезднай ошекс, коса эрясь 5672 ломань. Эряйхне аф фкя лацотольхть. 200-да лама дворян, 120 ломань духовнай званиянь, 88 купец и содаф ломань, 4000 мещан и 1000 сокай-види ломань. Уездса лувондовсь 166 помещиконь хозяйства. Ошса покодсь 42 кустарно-промышленнай куд, синь ётксост сапонень нолни завод, кузенцят, кши панемань кутт, кафта типографият. Инсарса ульсь 886 куд, тяконь лувксса 49 кевонь, сисем кевонь церькафт, часовня. Торгово-промышленнай куттнень ёткса вете мануфактурнай лавкат, вете баколейнайхть, вете чаень, тняра жа пивань лавкада, фкя винань казеннай лавка, ошень общественнай банк. 1917-це кизонь 11-це апрельста сявомок лисендсь «Инсарская жизнь» газетась.

1917-це кизонь политикань вишке тефне ашезь токсе уездть хозяйственнай эряфонц. Полафтксне ушедсть 1918-це кизоня, мзярда уездонь Советсь кармась одукс ладямост вятихнень-оцюнятнень, экономическяй ширеть. Ушетф гражданскяй войнась ламода кальдялгофтозень ошень и уездонь тефнень. Ушедсь вачашись, тиф урмась тиф урмась (руз.) (мок. лядезь лядсь ломаттнень эса. Аньцек 1925-це кизоти Инсарса тефне ладявсть. Тя пингть уездсь нолдафоль.

1928-це кизоня тифоль Инсарскяй районць. Курок ушедсь велень хозяйстваса марстонь коллективизациясь. Ошса панчфтольхть педагогическяй училища, коноплеводческяй институт, кона меле тифоль велень хозяйствань техникумкс. Промышленностьса васенцекс арасть пенькозаводсь, ваень нолдамань заводсь, типографиясь, МТС-сь. Тонафтыхнень оцю тевснон вельде пцтай машфтфоль ломаттнень сёрмас аф содамасна.

Экономикать и культурать вииямаснон-касомаснон районца лоткафтозе Великай Отечественнай войнась. Инсаронь 9900 ломань тюрсь фронттнень эса. Инсаронь 4600 ломанць шавовсть Шачема масторть воляшинц инкса тюремста.

1944-це кизонь 11-це февральста Инсарскяй аймакть пяльксоц ульсь максф Майдановскяй од районти[2].

1959-це кизонь 11-це мартста Инсарскяй районти сувафтфтольхть Болдовскяй и Кочелаевскяй райоттнень пялькссна, конат нолдафтольхть[3].

60-це кизотнень ушетксста ошса нолдафоль тевс лентоткацкяй фабрикась, оду ладяф помещенияса ушедсь работама электроннай приборонь заводсь, кода ульсь Рязанскяй заводти филиалкс. Няеви полафткст тиевсть пенькозаводса. Сонь вакссонза эвондась целай микрорайон. Сяда тов кассь-виензась Инсаронь тяфтама предприятиясь, кода ваень и сырань тиема заводсь.

Оцю полафткст тиевсть Инсарса XXI-це веконь васенце кемонь кизотнень. Ошень и райононь промышленностень кирдикс арасть «Неон» ОАО-сь, «Ксенон» ЗАО-сь, «Сырань тиенди „Сармич“ заводсь. Ошса строяф мзярошка социальнай объект — 2 № Инсарскяй средняй школась, районнай культурань Кудсь, Центральнай районнай больницянь пчкафтомань корпусне, лама этажса эряма куттне, асфальтса ацафтольхть райцентрань ульцятне.

Эряйхне

Эряйхнень лувкссна
1970[4]1979[5]1989[6]2002[7]2005[8]2006[9]
41 242↘35 097↘29 373↘15 909↘15 183↘14 826
2007[10]2008[11]2009[12]2010[13]20112012[14]
↘14 528↘14 305↘14 004↗14 098↘14 001↘13 796
2013[15]2014[16]2015[17]2016[18]2017[19]2018[20]
↘13 558↘13 308↘13 065↘12 844↘12 491↘12 193
2019[21]2020[22]2021[23]2022
↘11 821↘11 531↗12 008↘10 912
10 000
20 000
30 000
40 000
50 000
1979
2007
2012
2017
2022
Урбанизациясь

Районца эряй ломаттнень эзда ошса эряйхть (Инсар ошсь) 65,96 %.

Административнай явомась

Инсарскяй району кода административно-территориальнай единица сувсихть 1 ош и 4 сельсоветт[24][25].

Муниципальнай району, местнай самоуправлениянь организациять видеса, сувсихть 5 муниципальнай образованият, синь ётксост 1 ошень поселения и 4 велень поселеният[26].


Васенда муниципальнай районца 2005 кизоня пуроптфоль 16 муниципальнай образования, тяконь лувксса 1 ошень поселение и 15 велень поселеният. Мекольцетнень эса 15 велень совет.

2018-це кизонь 17-це маень законть коряс, нолдафтольхть-машфтфтольхть Новлейскяй, Староверхисскяй, Яндовищенскяй велень поселениятне (велень советтне), а эзост сувси велетне пуроптфтольхть Нововерхисскяй велень од поселениякс (велень советкс)[27].

2019-це кизонь 24-це апрельста лисьф законть коряс, нолдафтольхть-машфтфтольхть Нижневязерскяй, Шадымо-Рыскинскяй и Языково-Пятинскяй велень поселениятне (сельсоветтне), а синь эзост сувси велетне сувафтфтольхть Сиалеевско-Пятинскяй велень поселенияти[28].

2020-це кизонь 19-це майста лисьф законть коря, 2020-це кизонь июньцта ульсть нолдафт-машфтфт Верхнелухменскяй, Казеевскяй, Лухменско-Майданскяй, Мордовско-Паёвскяй велень поселениятне (велень советтне) — синь эзост сувси велетне сувафтфт Кочетовскяй велень поселенияти (велень советти), тяфта жа лоткафтфтольхть Челмодеевско-Майданскяй и Ямщинскяй велень поселениятне (сельсоветтне) — синь эзост сувси велетне сувафтфт Рузонь-Паёвонь велень поселенияти (велень советти)[29].

Велетне

Инсарскяй районца 33 веле.

Велетнень лемлувкссна:

Александровка (веле) — Нововерхисскяй велень поселениясь
Арбузовка (веле) — Кочетовскяй велень поселениясь
Васина Поляна (веле) — Сиалеевско-Пятинскяй велень поселениясь
Венера (посёлка) — Нововерхисскяй велень поселениясь
Верхняя Лухма (веле) — Кочетовскяй велень поселениясь
Жегалино (посёлка) — Нововерхисскяй велень поселениясь
Заря (посёлка) — Инсар ошень поселениясь
Засечная Слобода (веле) — Русско-Паевскяй велень поселениясь
Казеевка (веле) — Кочетовскяй велень поселениясь
Кашаево (веле) — Сиалеевско-Пятинскяй велень поселениясь
Кириклеевский Майдан (веле) — Кочетовскяй велень поселениясь
Козловка (веле) — Русско-Паевское велень поселениясь
Кочетовка(веле) — Кочетовскяй велень поселениясь
Красная Поляна(веле) — Кочетовскяй велень поселениясь
Кульмеж(веле) — Русско-Паевскяй велень поселениясь
Лухменский Майдан (веле) — Кочетовскяй велень поселениясь
Мордовская Паёвка (веле) — Кочетовскяй велень поселениясь
Нижняя Вязера(веле) — Сиалеевско-Пятинскяй велень поселениясь
Новлей (веле) — Нововерхисскяй велень поселениясь
Новые Верхиссы (веле) — Нововерхисскяй велень поселениясь
Потуловка(веле) — Сиалеевско-Пятинскяй велень поселениясь
Русская Паевка(веле) — Русско-Паевскяй велень поселениясь
Русское Яндовище (веле) — Кочетовскяй велень поселениясь
Свобода (посёлка)— Русско-Паевскяй велень поселениясь
Семёновка (веле) — Сиалеевско-Пятинскяй велень поселениясь
Сиалеевская Пятина(веле) — Сиалеевско-Пятинскяй велень поселениясь
Старые Верхиссы(веле) — Нововерхисскяй велень поселениясь
Усыскино(веле) — Нововерхисскяй велень поселениясь
Челмодеевский Майдан (веле) — Русско-Паевскяй велень поселениясь
Шадымо-Рыскино(веле) — Сиалеевско-Пятинскяй велень поселениясь
Языкова Пятина(веле) — Сиалеевско-Пятинскяй велень поселениясь
Ямщина(веле) — Сиалеевско-Пятинскяй велень поселениясь
Яндовище(веле) — Нововерхисскяй велень поселениясь

Юмаф велетне:

1995-це кизоня юмасть Горки, Гремячий, Фёдоровка посёлкатне и Леплейка велесь[30].

2001-це кизоня Новая Орловка велесь[31].

2003-це кизоня Старая Петровка велесь[32].

2004-це кизоня Турчаниновский посёлкась[33].

2007-це кизонь 13-це сентябрьста учетнай даннайхнень эзда нардафт Лухменско-Майданскяй велень советонь Старая Александровка поселкась, Мордовско-Паевскяй велень советонь Михайловка велесь, Мордовско-Паевскяй велень советонь Сенгилейкась, Нижневязерскяй велень советонь Тумола и Новлейскяй велень советонь Жедрино велетне[34].

2009-це кизонь 13-це июльста лихтьф учетнай даннайхнень эзда Мордовско-Паевскяй велень советонь Свистовка велесь[35].

Экономикась

Инсарскяй районць — аграрно-промышленнай. Кой-кона предприятиятне тиендсазь велень хозяйственнай производствань продукциять.

Инь лац покоди промышленнай предприятиякс лувондови «Неон» ОАО-сь, кона ноляй полупроводниковай и электровакуумнай приборхт, «Ксенон» ЗАО-сь, «Сыронь тиенди завод „Сармич“» ООО-сь.

Районтть содаф ломаненза

  • Болдин, Иван Васильевич (1892-1965) — советскяй военачальник, Великай Отечественнай войнань командарм, генерал-полковник. Шачсь Высокая велеса.
  • Мухин, Герасим Васильевич (1900-1943) — советскяй военнай тевонь тиись, Генерал-майорсь (1943 кизось).

Лятфтамат

  1. ↑ Республика Мордовия. Общая площадь земель муниципального образования. Дата обращения: 26 сентябрьста 2025. Архивировано 12 июльста 2018 года.
  2. ↑ Информационные сообщения : [арх. 5 декабрьста 2021] // Ведомости Верховного Совета СССР. — 1944. — № 11 (271). — С. 8.
  3. ↑ Ведомости Верховного Совета СССР. № 11 (943), 1959 г.
  4. ↑ Численность и размещение населения Республики Мордовия. Итоги Всероссийской переписи населения 2010 года.
  5. ↑ Численность и размещение населения Республики Мордовия. Итоги Всероссийской переписи населения 2010 года.
  6. ↑ Численность и размещение населения Республики Мордовия. Итоги Всероссийской переписи населения 2010 года.
  7. ↑ Численность и размещение населения Республики Мордовия. Итоги Всероссийской переписи населения 2010 года.
  8. ↑ Численность населения Республики Мордовия.
  9. ↑ Численность населения Республики Мордовия.
  10. ↑ Численность населения Республики Мордовия.
  11. ↑ Численность населения Республики Мордовия.
  12. ↑ Численность постоянного населения Российской Федерации по городам, посёлкам городского типа и районам на 1 января 2009 года.
  13. ↑ Численность и размещение населения Республики Мордовия. Итоги Всероссийской переписи населения 2010 года.
  14. ↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года.
  15. ↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов).
  16. ↑ Оценка численности постоянного населения Республики Мордовия на 1 января 2014 года и в среднем за 2013 год.
  17. ↑ Численность населения Российской Федерации по муниципальным образованиям на 1 января 2015 года.
  18. ↑ Численность населения Российской Федерации по муниципальным образованиям на 1 января 2016 года.
  19. ↑ Численность населения Российской Федерации по муниципальным образованиям на 1 января 2017 года.
  20. ↑ Численность населения Российской Федерации по муниципальным образованиям на 1 января 2018 года.
  21. ↑ Численность населения Российской Федерации по муниципальным образованиям на 1 января 2019 года.
  22. ↑ Численность населения Российской Федерации по муниципальным образованиям на 1 января 2020 года.
  23. ↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более.
  24. ↑ Закон «О порядке решения вопросов административно-территориального устройства Республики Мордовия». Дата обращения: 26 сентябрьста 2025. Архивировано 2 октябрьста 2018 года.
  25. ↑ Конституция Республики Мордовия. Дата обращения: 3 октябрьста 2018. Архивировано 2 октябрьста 2018 года.
  26. ↑ Закон Республики Мордовия от 28 декабря 2004 года № 119-З «Об установлении границ муниципальных образований Инсарского муниципального района, Инсарского муниципального района и наделении их статусом сельского поселения, городского поселения и муниципального района». Дата обращения: 26 сентябрьста 2025. Архивировано 3 октябрьста 2018 года.
  27. ↑ Закон Республики Мордовия от 17 мая 2018 года N 41-З «О преобразовании Новлейского, Яндовищенского и Староверхисского сельских поселений Инсарского муниципального района, Новлейского, Яндовищенского и Староверхисского сельсоветов Инсарского района Республики Мордовия и о внесении изменений в некоторые законы Республики Мордовия». Дата обращения: 26 сентябрьста 2025. Архивировано 2 апрельста 2019 года.
  28. ↑ Закон Республики Мордовия от 24 апреля 2019 года N 26-З «О преобразовании Нижневязерского, Сиалеевско-Пятинского, Шадымо-Рыскинского и Языково-Пятинского сельских поселений Инсарского муниципального района, Нижневязерского, Сиалеевско-Пятинского, Шадымо-Рыскинского и Языково-Пятинского сельсоветов Инсарского района Республики Мордовия и о внесении изменений в некоторые законы Республики Мордовия». Дата обращения: 26 сентябрьста 2025. Архивировано 16 июньцта 2020 года.
  29. ↑ Закон Республики Мордовия от 19.05.2020 № 29-З «О преобразовании Верхнелухменского, Казеевского, Кочетовского, Лухменско-Майданского, Мордовско-Паевского, Русско-Паевского, Челмодеевско-Майданского и Ямщинского сельских поселений Инсарского муниципального района Республики Мордовия, Верхнелухменского, Казеевского, Кочетовского, Лухменско-Майданского, Мордовско-Паевского, Русско-Паевского, Челмодеевско-Майданского и Ямщинского сельсоветов Инсарского района Республики Мордовия и о внесении изменений в некоторые законы Республики Мордовия». Дата обращения: 26 сентябрьста 2025. Архивировано 16 июньцта 2020 года.
  30. ↑ Республика Мордовия Административно-территориальное деление на 1 октября 1997 года. — Саранск: типография "Красный Октябрь", 1998. — 272 с. — ISBN 5-7493-0132-Х.
  31. ↑ Постановление Государственного Собрания Республики Мордовия от 23.03.2001 N 397-II "Об исключении из учета административно-территориального деления Республики Мордовия деревни Новая Орловка Кочетовского сельсовета Инсарского района, деревни Карлино Булаевского сельсовета и поселка Пильня Сатисского сельсовета Темниковского района" Мордовия" | ГАРАНТ. base.garant.ru. Дата обращения: 26 сентябрьста 2025. Архивировано 14 февральста 2021 года.
  32. ↑ Справка — Инсарский район. Мордовско-Паёвское сельское поселение. Дата обращения: 26 сентябрьста 2025. Архивировано 31 мартста 2017 года.
  33. ↑ Закон Республики Мордовия от 01.10.2004 № 70-З - Сейчас.ру. www.lawmix.ru. Дата обращения: 26 сентябрьста 2025. Архивировано 10 февральста 2021 года.
  34. ↑ Закон Республики Мордовия от 13 сентября 2007 года № 97-З «Об исключении из учётных данных административно-территориального устройства Республики Мордовия населённых пунктов по отдельным районам» (рус.). docs.cntd.ru. Дата обращения: 26 сентябрьста 2025. Архивировано 9 январьста 2015 года.
  35. ↑ Закон Республики Мордовия от 13 июля 2009 года № 56-З «Об исключении из учётных данных административно — территориального устройства Республики Мордовия деревни Свистовка Мордовско-Паевского сельсовета Инсарского района» (рус.). docs.cntd.ru. Дата обращения: 26 сентябрьста 2025. Архивировано 13 февральста 2021 года.

Ссылкатне

Сявф"https://mdf.ruwiki.ru/w/index.php?title=Инсарскяй_районць&oldid=418078"-ста