Кузнецов, Юрий Фёдорович

Юрий Фёдорович Кузнецов
Юрий Фёдорович Кузнецов
Шачсь	27-це июньцта 1936-це кизоня
Шачема вастоц	Мокшень Пишля, Рузаевскяй районць, Мордовскяй АССР[d], Средневолжскяй крайсь[d], РСФСР, СССР;
Кулось	4-це сентябрьста 1981-це кизоня (45 кизоц)
Калмама вастоц	Саранск ошсь, РСФСР, СССР;
Гражданство (подданство)	СССР;
Образованиясь	Н. П. Огарёвонь лемса Мордовскяй государственнай университетсь;
Тевтиемань родсь	писатель, литературнай критик, журналист, редактор
Сёрмадомань кяльсь	Мокшень кяль

Юрий Фёдорович Кузнецов (27-це июньцта 1936-це кизоня, Мокшень Пишля, Средневолжскяй крайсь^[d] — 4-це сентябрьста 1981-це кизоня, Саранск ошсь) — мокшень писатель, литературнай критик, журналист и редактор. СССР-нь Журналистонь союзса (1965, 1976) и СССР-нь Писателень союзса ащись (1977)^[1]^[2].

Эряфонь киц

Юрий Кузнецов шачсь 27-це июньцта 1936-це кизоня тяниень Мордовия Республикаса Рузаевскяй райононь Мокшень Пишля велеса педагогонь семьяса. 1958-це кизоня шумордазе Мордовскяй государственнай университетонь филологическяй факультетть. Нинге студентокс улемстонза сашендоль литературнай опуромксу, конань вятезе народнай поэтсь Артур Моро^[2]. Улемок национальностьс коре мокша ломанькс, сон тяфта жа содазе эрзяннеть и аф кальдявста содазе немецень кяльть^[2].

1958 кизоста сявомок (армияса служама лоткафтомста) покодсь «Мокшень правда» газетать редакцияса. Сяда меле заочна аделазе Кялень, литературань, историянь и экономикань мордовскяй научно-исследовательскяй институтть аспирантуранц (МНИИЯЛИЭ). 1971-1981-це кизотнень Ульсь редакторкс Мордовиянь книгань издательствань.

Кузнецов няфтезе прянц кода пяк шарьхкоди и тевонь содай редакторкс (руз.) (мок., кона макссесь оцю лезкс ушеткшни авторхненди — кода мокшэрзяннетненди, станя, стане и русненди. Сонь профессиональнай лезксоц лездсь теест сатомс кемама эсь творчестваснонды^[2].

1965 и 1976-це кизотнень ульсь прняндаф СССР-нь Журналистонь союзу, а 1977-це кизоня — СССР-нь Писателень союзу.

Кулось 4-це сентябрьста 1981-це кизоня Саранск ошса эряфонь 46-це кизонц лангса, калмаф тязк жа^[2].

Творчествац

Литературнай тевятеманц Юрий Кузнецов ушедозе 1950-це кизотнень песта шнамань-сядломань статьянь, заметкань, очерконь сёрмадома мархта, тястоконь лисенди печатьса. «Ичкоздень семафор» (руз. «Дальний семафор») азксонь и повестень васенце кярьмазоц лиссь Саранск ошса 1972-це кизоня и ульсь шнаф и максф сери питне шнайхнень-сялдыхнень и литературоветтнень ширде^[2].

Меле ульсть нолдафт:

«Коряй пайгонят» (руз. «Звенящие колокольчики») (1973);
«Сембось ушеткшни киста» (руз. «Всё начинается с дороги») (1975);
«И снова лето» (1976);
«Сёксень пизелхт» (руз. «Осенние рябины») (1979);
«Ожудова, вишке коволхт» (руз. «Подождите, быстрые облака») (1981);
«Полдень» (1981);
«Чистые ключи» (1983, куломдонзамеле)^[2].

Прозанц колга

Кузнецовонь прозаса башка ширекс ащихть психологическяй анализсь и современникть потмонь миронц панжемац. Азкснень и повесттнень эса авторсь токсесыне морально-нравственнай прябалатнень, шарфнемок мяль геройхнень духовнай вешендемаснон лангс. Кепотьксонди, «Коряй пайгонят» (руз. «Кальдерди пайгонят») повестьса лирическяй азондомать вельде идькс пингонь и одкс пингонь шачема васттнень колга писательсь пуропнесы поэтичностть персонашненди нравственнай вешфкснень мархта, путнемок синь нравственнай кочкамань ситуациятнень инголи.

Ётафтфонза

Юрий Кузнецовонь ламоц произведениянза ётафневсть рузонь кяльс мокшэрзянь содаф писательхнень мархта и лисендсть аф аньцек Саранскяйса, но и Москуса. Нолявсть синь тяфта жа финно-угрань кой-кона кяльс ётафтфста^[2].

Лятфтамат

↑ Писатели Мордовии Текст : биобиблиографический справочник : в 2 т. / сост.: А. И. Брыжинский, Л. П. Бойнова, Е. И. Чернов А - К (рус.). Национальная электронная библиотека. Дата обращения: 28 мартста 2026.
↑ ¹ ² ³ ⁴ ⁵ ⁶ ⁷ ⁸ Кузнецов Юрий Фёдорович (неопр.). Централизованная библиотечная система Рузаевского муниципального района. Дата обращения: 13 мартста 2026.

Ссылкатне

Статья в «Мокшень правда»

[1] Писатели Мордовии Текст : биобиблиографический справочник : в 2 т. / сост.: А. И. Брыжинский, Л. П. Бойнова, Е. И. Чернов А - К (рус.). Национальная электронная библиотека. Дата обращения: 28 мартста 2026.

[рузбибл-2] ¹ ² ³ ⁴ ⁵ ⁶ ⁷ ⁸ Кузнецов Юрий Фёдорович (неопр.). Централизованная библиотечная система Рузаевского муниципального района. Дата обращения: 13 мартста 2026.

[1]

[2]