Евдокимова, Ольга Васильевна
| Евдокимова Ольга Васильевна | |
|---|---|
 | |
| Шачема шиц | 23-це февральста 1986-це кизоня (40 кизоц) |
| Шачема вастоц | |
| Гражданствась |
 Россия |
| Тевонь тиемац | журналист |
| Казненза и премиянза |
Мордовия Республикать Оцюнянц Шнама валоц |
Евдокимова, Ольга Васильевна (Шачсь 23-це февральста 1986-це кизоня, СССР) – «Мокшень правда» газетать главнай редактороц. О.В. Евдокимовась 2025 кизоня июнь ковста эсь мяленц коряс валгсь тя вастста.
Эряфонь киц
Евдокимова, Ольга Васильевна шачсь 23-це февральста 1986-це кизоня Мордовия Республикань Атюрьевскяй райононь Кяшал велеса. 1992-2003-це кизотнень тонафнесь Кишалинскяй средняй школаса школаса.
Школать шумордамда меле сась тонафнема Н.П. Огарёвонь лемса Мордовскяй государственнай университетть журналистикань отделениять «Журналистика» специальность коряс.
2003-це кизоня университетть шумордамда меле ушедсь покодема «Мокшень правда» республиканскяй национальнай газетаса Васенда ульсь корреспондентокс, старшай корреспондентокс, отделонь редакторкс.
2022-це кизонь февральста сявомок О.В. Евдокимовась путфоль «Мокшень правда» газетати оцюнякс.
Покодемац
Тяниень покодемасонза сон кирди лангосонза оцю сталма, сяс мес отвечай эрь номерть шачеманц-лисеманц и тоса уликс эрь матреиалть инкса. Эсь маштомошинзон коллективть пуроптомаса-эреклафтомаса сембода пяк Ольга Васильевна няфтезень главнай редакторонь главнай редакторонь вастса арамстонза. Газетать лопанзон лангса кармасть лисендема сяда лама материалда тячиень эряфть вешфксонзон колга. Башка шарфтови мяль (ВК[1], Одноклассники[2], Телеграмм[3]) социальнай сеттнеди, газетать кармась улема сонцень сайтоц [4]
Тяда башка газетать коллективоц кемокстазень соткснень Мордовия Республикань поэттнень, писательхнень и лувихнень мархта. Сонць, О.В. Евдокимовась, газетать эса кепсесыне кизефкснень мокшень кяльть, национальнай печатть, мокшэрзянь культурать и койхнень ванфтомаснон-касфтомаснон колга.
Эрь шиня «Мокшень правдать» электроннай ресурсонзон потмоса сувафневихтьаф фкя кемонь куля. Киза пялеста газетань морафтыхнень лувкссна кассь социальнай сеттнень эса кассь 18-сть.
Аньцек «ВКонтактеса» газетать группасонза 6 тёжяньда лама ломань.
Казненза
Лама кизот видеваймоса покодеманкса и национальнай печатьть ванфтоманкса-ккасфтоманкса Евдокимова О.В. казьф:
- Мордовия Республикать Оцюнянц Шнама валоц;
- Мордовия Республикань Государственнай Собраниянь Почётнай грамота;
- Мзярошка ведомственнай казне.
Евдокимова О.В. — Россиянь Журналистонь союзу сувафтфсь.