Левжа

Левжа
	Эряма васта
Левжа
	руз. Левжа
	54°05′04″ с. ш. 45°00′35″ в. д.GЯO
Странась	Россия
Федерациянь субъектсь	Мордовия
Велень эряма васта	Левженскяй
Оцюнясь	Забиякин Владимир Иванович —аф сембе пингс Левжань велень оцюнянь тевонь пяшкодемань тиендись
Историясь и географиясь
Ушетф	XVII вексь
Тядонгольдень лемоц	Богдашкина
Площадсь	29 км²
Частонь каркссь	UTC+3:00
Эряйхне
Эряйхне	▼1001 ломань (2017);
Национальносттне	мокшэрзят, руст
Конфессиятне	православие
	левжеряйхть
Официальнай кяльсь	Мокшень и эрзянь, рузонь
Цифрань идентификаторхне
Телефоннай кодсь	+7 83451
Почтовай индекссь	431464
Код ОКАТО	89243836001
Код ОКТМО	89643436101
Номерсь ГКГН	0075847
	Левжа Левжа

Левжа (мокшекс Левжа) — Российскяй Федерациянь, Мордовия Республикань Рузаевскяй райононь веле^[2]. Административнай центра и фкя тяка велень эряма васта.

Географиясь

Велесь ащи 7 вайгяльбет райононь кучкать и Рузаевка машина кинь станциять эзда. Велеть туркс шуди Тарханка ляйсь. Велеть маласа ащихть 3 прутт: Алупейскяй, Верипейскяй и Какаевскяй. Ня ведю васттнень эса васьфневихть эрь кодама калхт. Велеть маласа ащи Левжань вирсь. Вирть видеса ули лихтибря.

Эряйхне

Эряйхнень лувкссна
2002^[3]	2010^[4]	2012^[5]	2013^[6]	2014^[7]	2015^[8]
1005	↗1036	↘1026	→1026	↗1037	↘1028
2016^[9]	2017^[10]
↘1019	↘1001

250

500

750

1000

1250

1500

2012

2017

2025-це кизоть пенцты Левжа велень эряйда лувондови 978 ломань, тяконь лувксса 6 кизоти молемс шабада — 98 ломань, 7 кизоста сявомок 17 кизоти молемс подросткада (школьникта) — 116 ломань, 18 кизоста сявомок 29 кизоти молемс од ломаньда — 117 ломань, 30 кизоста сявомок 60 кизоти молемс оцю ломаньда — 421 ломань, 60 кизоста сявомок эряфкшу ломаньда — 213 ломань, а левжа велень ламос эряйда 80 кизода сире — 14 ломань^[11].

Лемоц

Лемоц лиссь тястонь эряйхнень тевонь тиемаснон эзда — левожень (руз. «мочало» валста).

Лемонь эвондамать колга ули ниге фкя мяль: сай пингонь велеть эвондама вастса ульсь шяй, лебоню васта. Лиякс смузец «лебоньшяй», синць "велеряйхне нюрхкалгофтозь «левжа» валкс.

тядонгольдень лемоц Богдашкино тяза саф-озаф васенце ло манть лемса.

Эрямопингоц

2021-це кизоня велеть маласа археолокне тонафнесть мокшэрзянь калмама вастть. Шувфоль 600 малава калма и муфоль 1000-да цють сяда лама ломанень шот. Калмалангсь тя языческяй и лувондови 1690—1730 кизоннекс. Ученайхнень аф кафтолдыхть, што тяса ащихть левжеряйхне и тя кемокснесы ся мяльть, што велесь ушетфоль 17-це векста. Калмолангсь лоткась нолневома тевс тястонь мокшэрзятнень кстиндамда меле 1740-це кизотнень. Эста ульсь строяф васенце шуфтонь храмсь. Но сон эрясь аф ламос, сяс мес 18 векть омбоце пялестонза левжань прихожаттне ульсть сёрматфт Архангельское Голицыно велень храмти.

«Пензенскяй губерниянь эряма вастонь лемлувксса» 186-це кизонь Левжа (Богдашкино) лемневи кода казённай веле Саранскяй уездонь, Зыковскяй волостень. Ульсь фкя община. Лемневсь сон Левженскяйкс. Волостть эзга велесь сатнезе омбоце вастть. Велеса ульсь 141 кудбирьф, эрясь 931 чломань.

1866-це кизоня велеса тага стяфтфоль церькав. Сон Лемтьфоль Никольскяйкс Николай Чудотворецонь лемса. Сонь видесонза панжевсь церковно-приходской школа ниле класс мархта. Школаса тонафнесть аф аньцек Левжань эряйхнень идьсна, но и шабрань Надеждинка велень, кона ульсь Помещицать Коптевать. 1880-це кизотнень храмсь касфтфоль вельхксса, коса иняруяфтозь озама вастть Шкаень Тядять Казанскяй шкаень ликонянц лемс. Церькавть кядьсольхть моданза, конатнень площадьсна ульсь 33 десятина. Храмсь ульсь святиндаф 9-це июльста 1867-це кизоня. Строяф шуфтста. Цёрань лувкссь 728, авань 709. Приходсь ащесь Левжа велень и Надеждинка велень эряйхнень эзда. Церькавонь настоятельда ламоль но эряйхненди сембода пяк мяляфтовсь Василий Андреевич Рассказов. Теенза максфоль иереень сан Пензенскяй и Саранскяень епископть Антоний 2 лемста. Василий Андреевич казьфоль набедренникса церькавть эзга пяк лац-ряц служаманкса и церковно-приходской школать коряс трудонкса. Эсь учениконзон и прихожанонзон ёткса батюшкась пяк кельгозе, кода афкуксонь пастырь, васенцесь улемс анок самс лезксонь максома. Тяфта 1891-це кизоня, мзярда Поволжьять опаптозь вачашсь, Василий Андреевич аннезень вачедотнень приходской и сонцень сатфксонзон эзда, мезенкса колмоксть, 1891-це, 1892-це и 1883-це кизотнень макссевсь архипастырскяй бславама (руз.) (мок.. 1893-це кизода меле, мзярда Василий Андреевич ульсь ётафтф Левжи велеста, таки вятезе службать. 1931-це кизоня сонь пякстазь и кучезь ссылкас Коми АССР-у, коса сон и кулось 1933-це кизоня. Реабилитировандаф 19-це апрельста 1989-це кизоня.

XX-це векть ушетксста велеса ульсь вармань 5 меленцят, 5 кирпицень калдаст, 1 кузенця (руз.) (мок., 1 ямксонь тяляма, 2 пожарнай машинат. Ульсь 1 мишенди и пивной 2 лавкат. Рузаевкаса машина кинь эвондамать мархта, кой-кона эряйхненди удалась сиводемс работама стрелочникокс, слесарькс. Ламоцне эздост ульсть 1905—1907-це кизонь ревлюцияса.

1924-це кизонь 1-це декабрьста велеса пуроптфоль «Якстерь сокай» велень хозяйствань кооператив. 1928-це кизоня сон кармась лемневома «Маень заря»

1930-це кизоня велеса сокаень-видиень марстонь пуромксть решениянц коряс, тифоль колхоз «1-це майста». Сон ащесь 1960-це кизоти самс.

Ашесть ёта вакска велеть вакска и сталинскяй репрессиятне. 3 ломатть ляцсть, 22 кучсть тюрьмав.

Великай Отечественнай войнав фронту тусть 300 малава ломань. 127-сь ёткстост меки ашесть мрда. 1937-це кизоня велеса ульсь пякстаф церькавсь. тястоконь священниксь — Кочнев Артём Ильич ульсь ляцьф. 1953-це кизоста сявомок тядонгольдень церькавть зданияса ладяфоль школа. Аф лац ёрдаф сардонять эзда школась 1970-це кизотнень палсь. 1980-це кизоня ульсь панчф од школа. Тяни Левженскяй школась средняй общеобразовательнай учреждения, Кирди соткст-договор Н. П. Огарёвонь лемса Мордовскяй государственнай университетть филологическяй факультетть мархта. Эрь кизоня студенттне сашендыхть тяза практикань ётама. 1960-це кизоня велеса стяфтсть клуб, а 1965-це кизоня — библиотека.

2003-це кизоня велеряйхнень вийсонон вельде ульсь стяфтф аф оцю храм.

2015-це кизоня 29-це августста велеса ётась национальнай культурань 1-це межрегиональнай фестивальсь, кона няфнезе пидемань-панемань асушить^[12].

2015-це кизонь декабрьста ульсь панчф культурань од куд 480 м² келеса, 150 васта мархта ваныенди, библиотека, искусствань идень школань классонди вастонь мархта. 2020-це кизоть песвелеса лувондови 440 кудбирьф, эряйда 1000 ломань.

Инфраструктурась

Велеса средняй школа, библиотека, Культурань куд, лавка и медпункт. Гудга ётафтф перьфпяльдень газ. Рузаевкаста Левжав и Левжаста Рузаевкав ломаттне ули кода пачфнемс автобусса.

Содаф эряйхне

Антонова, Мария Николаевна(1926—2020) — сембе Россиять келес содаф артистаксь.
Учватов, Николай Иванович — писательсь и журналистсь.
Учватов, Павел Иванович (1928—1983) — актёрсь.
Учватов, Николай Ильич — хранитель мордовской народной песенной культуры и традиций села.
Заводов Николай Павлович (1923—1979) — участник Великай Отечественнай войнаса улись Казьф «За отвагу» медальса «Орден слав 3 степени».

Литературась

Мордовия : Энциклопедия: В 2 т.(руз.) / А.И. Сухарев и др.. — Саранск: Мордов. кн. изд-во, 2003—2004. — ISBN 5-7595-1543-8.

Лятфтамат

↑ http://web.archive.org/web/20170731141731/http://www.gks.ru/free_doc/doc_2017/bul_dr/mun_obr2017.rar
↑ Административно-территориальное деление Республики Мордовия (рус.) (11 октябрьста 2023). Дата обращения: 5 декабрьста 2025.
↑ Численность и размещение населения Республики Мордовия. Итоги Всероссийской переписи населения 2010 года (неопр.).
↑ Численность и размещение населения Республики Мордовия. Итоги Всероссийской переписи населения 2010 года (неопр.).
↑ Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года (неопр.).
↑ Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов) (неопр.).
↑ Оценка численности постоянного населения Республики Мордовия на 1 января 2014 года и в среднем за 2013 год (неопр.).
↑ Численность населения Российской Федерации по муниципальным образованиям на 1 января 2015 года (неопр.).
↑ Численность населения Российской Федерации по муниципальным образованиям на 1 января 2016 года (неопр.).
↑ Численность населения Российской Федерации по муниципальным образованиям на 1 января 2017 года (неопр.).
↑ Население села Левжа Рузаевского района Республики Мордовия (рус.). Статистика России и мира 2025. Дата обращения: 5 декабрьста 2025.
↑ В Мордовии испекли самую большую ватрушку (рус.). Новости Саранска-Про город Саранск (1 сентябрьста 2015). Дата обращения: 5 декабрьста 2025.

[_04cf995df9d42d91-1] ttp://web.archive.org/web/20170731141731/http://www.gks.ru/free_doc/doc_2017/bul_dr/mun_obr2017.rar

[2] Административно-территориальное деление Республики Мордовия (рус.) (11 октябрьста 2023). Дата обращения: 5 декабрьста 2025.

[3] Численность и размещение населения Республики Мордовия. Итоги Всероссийской переписи населения 2010 года (неопр.).

[4] Численность и размещение населения Республики Мордовия. Итоги Всероссийской переписи населения 2010 года (неопр.).

[5] Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года (неопр.).

[6] Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов) (неопр.).

[7] Оценка численности постоянного населения Республики Мордовия на 1 января 2014 года и в среднем за 2013 год (неопр.).

[8] Численность населения Российской Федерации по муниципальным образованиям на 1 января 2015 года (неопр.).

[9] Численность населения Российской Федерации по муниципальным образованиям на 1 января 2016 года (неопр.).

[10] Численность населения Российской Федерации по муниципальным образованиям на 1 января 2017 года (неопр.).

[11] Население села Левжа Рузаевского района Республики Мордовия (рус.). Статистика России и мира 2025. Дата обращения: 5 декабрьста 2025.

[12] В Мордовии испекли самую большую ватрушку (рус.). Новости Саранска-Про город Саранск (1 сентябрьста 2015). Дата обращения: 5 декабрьста 2025.

[1]

[2]

[3]

[4]

[5]

[6]

[7]

[8]

[9]

[10]

[11]

[12]