Сузгярьге

Веле
Сузгярьге
54°07′ с. ш. 44°55′ в. д.
Странась	Россия
Федерациянь субъектсь	Мордовия
Историясь и географиясь
Частонь каркссь	UTC+3:00
Эряйхне
Эряйхне	▼722 ломань (2025)
Официальнай кяльсь	Мокшень и эрзянь, рузонь
Цифрань идентификаторхне
Почтовай индекссь	431461
Код ОКАТО	89243864001
Код ОКТМО	89643464101
Номерсь ГКГН	0085726
Сузгярьге Сузгярьге

Сузгярьге (мокшекс Сузгарье) — веле, Рузаевскяй районца велень администрациянь центра. Эряйда 850 ломань (2001), сяда ламотне мокшет.

Ащи 7 вайгяльбень вастса Рузаевка (станция) машина кить эзда. Велеть лемонц эвондамац сотфт «сувози» мокшень валть эзда руз. «глухарь» и ширеса ащи эряма васта (буквальна — «сувозиень пизоса эряма васта»).

Пурпотф (арьсемань-лувксонь коряс) 17-це векть песта: в «Книге оброка с пчельных заводов ясашной мордвы» (1704) азф, што эряйхне «Сюзгарьге велень эряйхне» мандсть оброк мешкуднятнень инкса. «Пензенскяй губерниянь эряма вастонь лемлувксса» (руз. «Списке населённых мест Пензенской губернии») (1869) Сузгарье — велесь казённай Инсарскяй уездонь 120 пирьфста. 1913-це кизонь пирьфонь лувксть оду сёрмадомста Сузгярькса ульсь 284 пирьф; 1931-це кизоня  — 415 пирьф (1 947 ломань). Сузгярьгонь мокшэрзятне кстиндафтсть 1743-це кизоня императрицать Елизавета Петровнань указонц коряс, но меле пяле векта малава сувсесть Рузаевка велень приходти. Сонцень шуфтонь Никольскяй церькавсь строяфоль аньцек 1793-це кизоня. 1863-це кизоня храмсь тифоль одукс и ламода полафтфоль. XIX–XX векть ушетксста приходсь ащесь 1300-да лама ломаньцта; ня кизотнень велеса стяфтфоль кевонь Никольскяй храмсь (можна мярьгомс, А.Е. Эренбергонь проектонц коряс, ланга ваномс Посопса храмсь, конат строяфт сонь проектонц коряс). Ульсь церьковно-приходской оцю школа. Революцияда меле шуфтонь храмсь пякстафоль и машфтфоль, кевоннеть эса панчфоль школа, кона палсь мекольдень кизотнень. Приходсь ульсь ладяф меки; службась вятневсь церькавонди шары кудботмоса, тяниень пингть строяф од кевонь храм, кона святиндаф Ингольдень Никольскяй лем мархта. 1930-це кизотнень ульсть пуроптфт Н.Б. Амбаевонь лемса и «Од ки» (руз. «Новый путь») колхосне, 1950-це кизоста сявомок — «Путь к коммунизму», 1963-це кизоста сявомок  — «Ключарёвскяй» совхозть отделенияц, 1993-це кизоста сявомок — «Ключарёвское» ТОО-ть лувксса, 1999-це кизоста сявомок — «Ключ-Сузгарьевскяй» СПК.

Тячиень велеса — средняяй школа, библиотека, велень клуб, лавка; церькав Николай Святительть (2000).

2025-це кизонь 1-це октябрти Сузгярьге велеса эряйхнень лувксса 722 ломань, сяконь лувксса 6 кизоти молемс итть — 72 ломань, 7 кизоста сявомок 17 кизоти молемс од ломатть — 85 ломань, 18 кизоста сявомок 29 кизоти молемс од ломатть — 86 ломань, 30 кизоста сявомок 60 кизос молемс оцю ломатть — 311 ломань, 60 кизоста сявомок сире ломатть — 157 ломань, а Сузгярьге велень эряфкшуфт 80 кизода сире — 10 ломань.

Содаф ломаттне

Сузгарьяса шачсть тяфтама содаф ломаттне:

• Миронов Г. Н.— советско-партийнай покодись;
• В. Я. Ельмеевонь — учёнайсь;
•  Трощевать М. П. — филологическяй наукань кандидатсь, 80-да лама научнай трудонь сёрмадысь, 10 эздост —учебниконь и учебнай пособия. Покодсь Кубаса и Германияса тонафтсь омба масторонь студентт рузонь кяльти;
• Ельмеев Г. И. — поэтсь;
• Ершков Н. В. — художниксь;
• Качалов И. П. — Мордовия Республикань велень хозяйствань заслуженнай работниксь;
• Русскин С. А. — РСФСР-нь школань заслуженнай тонафтысь;
• Киреев В. Л.— МАССР-нь школань заслуженнай тонафтысь, национальнай школань тонафнихненди учебниконь сёрмадысь.
• Миронова, Марина Николаевна – высшай квалификационнай категориянь тонафты, Мордовия Республикань заслуженнай тонафты.

• 

  Сузгярьгсь

• 

  Велеть куроняц

Лятфтамат

Литературась

• Инжеватов, И.К. Топонимический словарь Мордовской АССР(руз.). — Саранск: Мордов. кн. изд-во, 1979. — С. 184. — 221 с.
• Церкви, причты и приходы Пензенской епархии(руз.). — Пенза, 1896. — С. 52-53..
• Пензенская епархия: Историко-статистическое описание(руз.). — Пенза, 1907. — С. 112..
• Бахмустов, С.Б. Православные приходские храмы Мордовии. Словарь-справочник(руз.). — Саранск: Респ. тип. «Красный Октябрь», 2015. — 361 с. — ISBN 978-5-7493-1817-3..

Ссылкатне

• Портреты на базальте: в селе Сузгарье создали Стену Памяти из фотографий участников войны