Мокшень кяль

Рувики лопаста
Мокшанский язык
Сонцень лемоц мокшень кяль
Странатне Россия
Региоттне Мордовия, Татарстан, Башкортостан, Пензенскяй областсь, Самарская область, Саратовская область, Оренбургскяй областсь, Рязанскяй областсь, Тамбовскяй областсь
Официальнай статусоц  Мордовия
Тя кяльса корхтайхнень марстонь лувкссна 228 025 человек[1]
Статуссь есть угроза исчезновения[2]
Классификациясь
Категориясь Евразиянь кяльхне

Уральскяй семьясь

Финно-угорскяй тарадсь
Финно-волжскяй группась
Мокшэрзянь подгруппась
Письменностсь кириллица (мокшэрзянь сёрмадомась)
Кялень коттне
ГОСТ 7.75–97 мок 455
ISO 639-1 —
ISO 639-2 mdf
ISO 639-3 mdf
WALS mmo
Atlas of the World’s Languages in Danger 328
Ethnologue mdf
Linguasphere 41-AAD-ab
LINGUIST List mdf
ELCat 4636
IETF mdf
Glottolog moks1248

Мокшень кяль (руз. Мокшанский язык; тяфта же мокша-мордовскяй[3]; эсь лемоц — мокшень кяль) — мокша народть кялец. Сувси Мордовия Республикань государственнай кяльхнень ёткс, ряцок эрзянь и рузонь кяльть мархта.

Инь мала мокшень кяльти эрзянь кяльсь, сембе сяка улихть аф фкаксшит фонетикань стройса, лексикаса и грамматикаса, конат шоряйхть тя кяльхнень эса корхтайхненди фкя-фкянь шарьхкодемс.

Генеалогическяй и ареальнай информациясь

Мокшень кяльсь сувси уральскяй кялень семьяти; кандови финно-угрань тарадти и (улема) финно-волжскяй группати.

Ладявсь арьсема, кле мокшень кяльсь, кода башка кяль, ушедсь ладявома минь эраньконь 1-це тёжянь кизоста, мзярда мокшень и эрзянь пляматнень модасна явсть фкя-фкянь, конат инголи корхтасть марстонь мокшэрзянь кяльса. Тя тевти шумордамакс лувондови мокшэрзятнень марса улемаснон срадомасна, кона лиссь татаронь-монголонь врьгятнемать (руз.) (мок. пингста[4].

Социолингвистическяй информациясь

Кяльса корхтайхнень лувкссна

«Ethnologue»-ть эзда кулятнень коряс, мокшень кяльса корхтайхнень лувкссна 2010-це кизоня ульсь 133 000 ломань; но мокшень кяльса корхтайхнень видексонь лувксснон содамасна аф тёждя, сяс мес ломанень сёрмадоматнень пингста аф фалу эсь ётковаст явондовихть мокшетне и эрзятне. Синць мокшетне рузкс сидеста лемнесазь эсь кяльснон мордовскяйкс — тя лемсь пуропнесыне марс и мокшень, и эрзянь кяльхнень[5].

Эряень сёрматфтоматнень результатсна

2002-це кизоня ётафтф Россияса эряень сёрматфтомать коряс: 614 260 ломанць сёрматфтозь пряснон «мордовскяй, мокша-мордовскяй, эрзя-мордовскяй» кяльса корхтайкс; 843 350 ломанць сёрматфтозь пряснон мордвакс, тяконь лувксса 49 624 ломанць азозь пряснон мокшекс.

2010-це кизоня ётафтф Россияса эряень сёрматфтомать коряс: 392 941 ломанць сёрматфтозь пряснон «мордовскяй» кяльса корхтайкс, 2025 ломанць азозь пряснон «мокша-мордовскяй» кяльса корхтайкс; 744 237 ломанць кандозь пряснон мордватнень ёткс, тяконь лувксса 4767 ломанць кандозь прянон мокшетнень ёткс.

1926-це кизоня ётафтф эряень сёрматфтомать коряс, Россияса 392,4 тёжянь ломань корхтасть мокшень кяльса[6]. 1989-це кизонь сёрмадомать коряс, аньцек Мордовия республикаса лувондовсь 180 тёжяньда лама мокшеда.

Кода няеви, ломанень сёрматфтоматне лездыхть содамс мокшэрзятнень марстонь лувксснон, конат корхтайхть мокшень и эрзянь кяльса, но аф макссихть содамс, мзяра эздост содасазь мокшень кяльть.

Лингвогеографиясь

Мокшень кяльса корхтайхть Мордовия Республикаса; Пензенскяй, Самарскяй, Саратовскяй, Нижегородскяй, Оренбургскяй, Рязанскяй и Тамбовскяй областтнень эса; Татарстанца, Башкортостанца, а стане жа Сибирьса и Дальняй Востокса. Омба масторхнень эса улихть диаспорат Арменияса и США-са.

Саранск ошса ульцятнень лемсна сёрматфт Мордовиянь колма официальнай кяльса: рузоннеса, мокшеннеса и эрзяннеса.

Функциональнай статуссь

«Мордовия республикань государственнай кяльхнень колга Мордовия республикань законть» [7] коряс, республикань государственнай кяльхне – рузонь, мокшень, эрзянь.

Коса ноляви тевс мокшень кяльсь?

Мокшень кяльсь сидеста ноляви тевс аньцек кафта сфераса: кудса корхнемаса и художественно-публицистическяй сёрмадомаса. Тяфтама ситуациясь кемокставсь нинге 1960-це кизотнень, мзярда СССР-са ётафтовсь школьнай реформа, кона макссесь аф рузонь тядятненди-алятненди эстеест кочкамс кяль, конань лангса кармай мольфтема идьснон тонафневомасна. Сяс мес высшай академическяй образованиясь мольфтевсь рузонь кяльса, ламотне кочксезь тонафнема кялькс школатнень эса рузоннеть, и мокшень кяльса корхтайхнень лувкссна кармась кирема, кирсь и кялень тевс ноляма сферась.

Тяни рузонь кяльсь лядонды инь эрявиксокс мокшетненди. Мокшень кяльсь васток-васток васьфневи аньцек велеса, кржа ноляви тевс ошнень эса. Мокшекс лисендихть газетат и журналхт, мольфтеви радиовещания:

  • радиовещаниясь: радиостанциясь Саранск ошса «Мордовиянь национальнай радиось «Вайгель» - сь, 1061 кГц 14,3% эфирнай пингть занцесазь мокшень и эрзянь кяльса передачатне;
  • газетатне: «Мокшень правда»-сь, конань учредителенза Мордовия Республикань правительствась и МР-нь Государственнай Собраниясь;
  • «Мокша» журналсь — литературно-художественнай и общественно-политическяй журнал мокшень кяльса;
  • «Якстерь тяштеня» журналсь — мокшень кяльса лисенди идень журнал.

Но тяса тяфта жа улихть прябалат: прессать литературнай кялец сидеста аф марнек шарьхкодеви эстеест мокшетненди.

Кяльть тонафнемац школаса

  • 2002/03-це тонафнема кизоть мокшень кяльсь тонафневсь кода предмет Россиянь 121 школаса.
  • Мордовияса 2009/10-це тонафнемань кизоть мокшень кяльса вятевсь 50 школатнень эса 1 класста сявомок 4 классти молемс. Нинге 87 школаса мокшень кяльсь вятевсь национальнай школатнень планонь коряс кода предмет 1 класста сявомок 11 классти молемс. 171 школаса мокшень кяльсь тонафневсь кода предмет рузонь кялень школань планонь коряс. Тяда башка, школатнень видеса мольфтевсь 87 кружок и 40 факультатив мокшень кяльть тонафнеманц коряс.
  • Мордовия Республикань Образованиянь министерствать даннаензон коряс, 2012 кизонь августти ашезь ляда фкявок школа, коса тонафнемась вятеви мокшень кяльса, сон тонафневи кода предмет Мордовиянь 52 школаса, коса сонь, кода шачема кялень и кода аф шачемань, тонафнезь 3556 ломань[8]. Тонафнемась моли факультатив лаца[9]. Мокшень кяльть кода обязательнай предмет тонафнемань плану сувафтомац кагод коряс «лувондови аф законнайкс и колсесыне 18 кизода ёмлатнень конституционнай праваснон, конатнень вельде синь синць кочксесазь кодама кяльса теест корхнема, тонафнема». 2012-це кизонь августти официальнай даннайхнень эса няфневи 22 545 ломанць, конат тонафнесазь мокшень и эрзянь кяльхнень[10].

Мокшеннесь ЮНЕСКО-нь кяльхнень атласса няфневи кода кяль, кона юмама-арама лангса.

Кафта кяльса кохтамась

Мокшетнень ёткса сидеста васьфневи аф отькорьста моли рузонь-мокшень билингвизмась: ломаттне шарьхкодьсазь мокшеннеть, но корхтайхть сидеста рузкс[11].

Диалекттне

  Мокша; M-I Центральнай группась; M-II Лямбе и шинь стямань ширень группась; M-III Ши валгома ширень группась

  • центральнай диалектсь (корхтамась) (кой-коста краснослободско-темниковскяй диалектсь) — келиста васьфневи Мордовиянь мзярошка аймакнень эса оцюшка вастсост:
    • кельме ширень корхтаматнень группасна — Ельникань, Сире Шайговань и Темниковань аймакне;
    • кельме и ши валгомань ширень корхтаматнень группасна — Атерень и Темникавонь аймакнень пялькссна;
    • ши валгомань корхтаматнень группасна — Атерень аймаксь;
    • лямбе и шинь стямань ширень корхтаматнень группасна — Ковылкина аймакть оцюшка пяльксоц;
    • кучкань корхтаматнень группасна— келемкшнихть Краснослободскяйть - Сире Шайговать - Рузаевкать ёткса. Синь улихть и лия диалектонь ширесна;
  • ши валгомань ширень диалектсь (корхтамась) — Зубу аймаксь и Торбею аймакть пяльксоц;
    • кельме и ши валгомань ширень корхтаматнень группасна
    • лямбе и ши валгомань ширень корхтаматнень группасна
  • лямбе и ши валгомань ширень диалектсь (корхтамась) — Инсарань, Кадошкинань, Ковылкинань и Рузаевкань аймакне;
  • переходнай диалектсь (корхтамась) — васьфневи ши валгомань и лямбе-ши стямань ширень диалекттнень ёткса, эсонза улихть кафцьке корхтаматнень ширесна;
  • шоряф корхтаматне — мокшень корхтаматне, конат васьфневихть аф Мордовияса, конат ащихть шабракс эрзянь корхтаматнень мархта или башка эздост.

Сёрмась

Мокшень кяльса мокшэрзянь сёрмаса ноляви тевс кириллицась. Тяниень пингонь сонь вариантоц мезьсонга аф яви рузонь алфавитть эзда; ванфтовихть рузонь орфографиянь правилатне, мезть сюнеда аф лисенди видеста няфтемс сёрмаса [ə] и [æ] фонематнень, конат ашет рузонь кяльса. Революцияда ингольдень изданиятнень эса тевс нолявсь кириллическяй алфавитсь эрь кодама лигатура мархта. Кепотьксонди, Иоаннонь эзда Иняру Евангелиять 1901 эса, конань аноклазе Николай Барсов, нолявсь тевс лигатурась, кона тиевсь «я» и «е» букватнень марс сотомаснон эзда [æ]. [ə] фонемать няфтеманди тевс нолявсь «ъ». 1924-це кизоня тифоль кириллическяй од алфавит лигатура мархта, кона ладяфоль 1927-це кизоти самс.

1924 —1927-це кизонь кириллическяй мокшень алфавитсь
Латинскяй мокшень алфавитсь, кона сявфоль тевс 1932-це кизоня[12]

1932-це кизоня официальна прьняндафоль латинскяй алфавитсь, но сембе сяка кодамовок издания лангсонза ашесть ноля. 1993-це кизоня примафт орфографиянь нормат, конатнень коряс [ə] редуцированнайсь валть ушетксса и васенце пякстаф слогса няфневи «ъ» букваса: ърьвяня — /ərʲvænʲæ/, кърга — /kərga/.

Лингвистическяй характеристикась

Фонетикась и фонологиясь

Гласнайхне

Подъёмсь Рядсь
Ингольдень Кучкань Фталдонь
аф лабиализованнайхть лабиализованнайхть
Вярдень i (ɨ) u
Кучкань e ə o
Алдонь æ a  

Согласнайхне

Мокшень кяльса сидеста васьфневи согласнаень палатализациясь.

Признакне  Трвань Альв. Постальв. Палат. Веляр.
Шалхконь калготт /m/ /n/      
ляпт   /nʲ/      
Взрывнойхть калготт /p/ /b/ /t/ /d/     /k/ /g/
ляпт   /tʲ/ /dʲ/      
Аффрикатат калготт   /ʦ/      
ляпт   /ʦʲ/ /ʨ/    
Щелевойхть калготт /v/ /f/ /s/ /z/ /ʃ/ /ʒ/   /x/
ляпт   /sʲ/ /zʲ/   /ç/  
Трнатыхть калготт   /r̥/ /r/      
ляпт   /rʲ̥/ /rʲ/      
Боковойхть
и скользящайхть 		калготт   /l̥/ /l/      
ляпт   /lʲ̥/ /lʲ/   /j/ /ȷ̊/  

Морфологиясь

Мокшень кяльсь канневи агглютинативнай кяльхненди агглютинативнай кяльхненди (руз.) (мок., конатнень эса нолявихть тевс лама суффикст.

Мокшеннеса, кода и сембе финно-угрань кяльхнень эса, аш родонь категория. Сидеста васьфневи «няфтемань склонениясь», кона сидеста путневи постпозитивнай артиклять ваксс (кепотьксонди, аля «мужчина» — алясь «этот мужчина»; ванома «зеркало» — ваноматне «эти зеркала»). Мокшень кяльть ули эсь лацонь притяжательнай склоненияц, кона стане жа васьфневи финно-угорскяй лия кяльхнень эсовок (кепотьксонди, сёрмазе — сёрмаце — сёрмац). Кяльть пяк козя падежень системац. Тяниень 12-да башка, марса шуроста васьфневихнень и сиретьфнень мархта лувондови 20-да лама падеж.

Тяниень кяльса нолявихть тевс глаголонь 4 пинкт: тяниень пингсь, сай пингсь, кафта ётаф пинкне и сложнай сай пингсь. Аш глагол, кона няфти кинне тя или тона паршись, но кона ули индоевропейскяй кялень семьяса; тянь вастс ноляви тевс местоимениятнень родительнай падежсна, кода и рузонь кяльса: монь кафта кудне. Аш модальнай глаголхт, но синь вастозост улихть глаголонь эсь лацонь пет (кепотьксонди: молемс — молевомс — мон аф молеван). Явондовихть аф объектнай («аф переходнай») и объектнай («переходнай») глаголонь спряженият, конат васьфневихть аньцек угорскяй кяльхнень эса (кепотьксонди: келькте, кундасайне).

Падежень категориясь

Мокшень кяльса ули 12-шка падеж. Кода и сембе синтетическяй кяльхнень эса, падежга склонениясь лисенди валонь пень поладомать вельде. Ала максфт 13 падежень пет, тол валсь сявф кепотьксоньди.

Мокшень кялень падешне
Падежсь Фкя лувксонь петне Лама лувксонь петне Тевс нолдамань

кепотьксне

Рузкс
Номинатив - -т тол/толхт «огонь/огни»
Генетив -нь -(т)нень толонь/толхнень «огня/огней»
Датив -ти (-ди) -(т)ненди толти/толхненди «огню/огням»
Аблатив -та (-да) толда «огня, от огня»
Пролатив -га/-ва - толга «по огню»
Иллатив -с/-у/-в толс «в огонь»
Элатив -ста толста «из огня»
Инессив -са толса «в огне»
Компаратив -шка толшка «как огонь»
Абессив -фтома толфтома «без огня»
Транслатив -кс толкс «огнём»
Каузатив -нкса толонкса «за огнём»
Комитатив -нек толнек «с огнём»
  • Суффиксне и петне ламода кувалгофнесазь валхнень и нльне тиемс фкя валста валрисьме, кепотьксонди: Покамафтомольхть. «Синь ашель тевсна».
  • Комитативсь ноляви тевс литератураса и корхтамаса, хуш и лятфневи аньцек высшай грамматикаса и падежнай системати аф сувафневи.

Грамматикань смузень няфтемань воляшинь степенць

Мокшень кяльсь — синтетическяй кяль. Граммематне няфтевихть аффикс вельде валонь формать эса.

  • jalga-ftəmə-t'i                              
  • друг-CAR-DEF.SG.DAT
  • «тому, у кого нет друзей»  

Кяльса улихть аналитизмать кой-кона ширенза: кепотьксонди, сай пингсь няфтеви конструкцияса, кона тиф karmams, usnavams или ušədəms глаголста (сембонь синь смузьсна «арамс», «ушедомс») и смузень канды глаголонь инфинитивста[13].

  • mon      karm-an                           veš-əmə             taks'i
  • я            начать-NPST.1SG          искать-INF        такси
  • «Я буду искать такси».      

Стане жа кяльса улихть лама валмельгакст. Валмельгаксонь конструкциятне нолявихть тевс падежнай форматнень мархта ряцок и кой-мзярда нльне сяда сидеста васьфневихть, косвеннай падешнень коряс[14].

  • pit'irburk           oš-s'                    ašč-I                                   n'eva-t'                           lank-sə
  • Петербург        город-DEF.SG   находиться-NPST.3[SG] Нева-DEF.SG.GEN      верх-IN
  • «Петербург стоит на Неве».

Морфематнень ёткса ётконь ширетне

Мокшень кяльса няфневи кода агглютинациясь, стане и кумуляциясь. Улема, лемонь валонь полафнемать эса агглютинациясь (руз.) (мок. няфтеви сяда келиста глагольнайть коряс. Мокшень кяльса васьфневихть грамматикаса определенностень и посессивностень категориятне, сянкса кяльса явфневихть колма склоненият: аф определеннай, определеннай и посессивнай. Агглютинативнайкс няфтевихть аф определеннай склоненияса числань и падежень граммематне, фкя лувксонь граммемась или падежень граммемась (лама лувксонь существительнайхненди) определеннай склоненияса, падежонь граммематне притяжательнай склоненияса.

  • jalga-t'n'ə-n'd'i (jalga «друг»)
  • друг-DEF.PL-DAT
  • «(этим, определенным) друзьям»    

Глаголонь валонь полафнемать эса ламоц граммематне няфневихть кумулятивностень коряс — кепотьксонди, лувксонь, лицань и пингонь граммематне аф объектнай спряжениянь презенсса. Объектнай спряжениянь личнай и лувксонь показательхне няфтьсазь кода субъектть лицанц и лувксонц, стане жа объектть и лицанц, и лувксонц, а стане жа пингть.

  • r'ɛfcəd-əz'ə
  • толкнуть-PST.3SG.O.3SG.S
  • «{она} толкнула {парня}»                         

Агглютинативнай и кумулятивнай спосоптнень марстонь соткссна няфтеви таблицаса:

Лемонь основной морфологиясь Форматне Агглютинативнай няфтемась Кумулятивнай няфтемась
Аф определеннай склоненияса лепнень падежнай формасна Лувксонь и падежень граммематне

(фкя лувкссти — нулевой показатель)

-
Определеннай склоненияса лепнень падежень формасна
  • Фкя лувксонь граммематне
  • Падеженди граммемась лама луксса существительнайхненди
  • Падежень и фкя луксса определенностень граммематне
  • Лама лувксонь и определённостень граммематне
Притяжательнай склоненияса лепнень падежень формасна Падежень граммематне
  • Именительнай, родительнай и дательнай падежса: обладательть лицань и лувксонь грамематне
  • Лидыкс падежса: обладательть лицань и лувксонь граммематне
Глаголонь основной морфологиясь Аф ётай пингсь
  • Объектфтома спряженияса:
    • лама лувксонь граммематне
  • Объектфтома спряженияса:
    • фкя лувксонь, лицань, презенсонь граммематне
    • лицань и презенсонь граммематнелица (лама лувкссотненди)
  • Объектнай спряженияса: субъектть лицань и лувксонь граммеманза, объектть лицань и лувксонь граммеманза, презенсонь граммематне
Ётай пингсь -
  • Аф объектнай спряженияса:
    • субъектть лицань и лувксонь граммеманза, презенсонь граммематне
  • Объектнай спряженияса:
    • субъектть лицань и лувксонь граммеманза, объектть лицань и лувксонь граммеманза, презенсонь грамемматне
Имперфектсь Имперфектонь граммематне Имперфектть форманзон тиевомста нолявихть тевс сяка валпетне, кода и претеритса
Кондиционалиссь Кондиционалисонь граммемась Тевс нолявихть индикативонь системать пингонь петне
Оптативсь Оптативонь граммемась

Залогонь, актантнай деривациятнень и видонь показательхнень эса кумуляциясь аф васьфневи. Кепотьксонди, путк серцек пунктивонь формать «улемс капотьфокс» и пассивнай формат:

  • kap-əd'-əv-i
  • глотать-PNCT-PASS-NPST.3[SG]
  • «будет проглочен»

Мокшень кяльса стане жа улихть сандхи-тне сандхи-тне (руз.) (мок. — тя полафнемат, конат лисендихть морфематнень фкя-фкянди педемста.

Кепотьксонди, лама лувксонь формань тиемста -t- аффиксть вельде валъюрхттнень эзда, конат аделавихть k, g, t, d + гласнайсь, юрста гласнайсь прашенды, кайги согласнайсь арси аф кайгикс [15].

kurgo — kurk-t                

pešt’e — pešt’-t’                 

Маркированиянь локуссь посессивнай именной группаса и предикацияса

Посессивнай именной группати доминирующайкс ащи кафтонь-крдань маркированиясь.

Снярда, мзярда зависимайсь содаф и сяс маркировандаф или посессивнай, или определеннай генитивса, посессивнай маркерть улемац вяре фалу эряви[16].

  • d'ɛd'ɛ-z'ə-n'                                   sumka-c                           ašč-i    
  • мать-1SG.POSS.SG-GEN             сумка-3SG.POSS.SG      находиться-NPST.3[SG]
  • skomn'ɛ-t'                       lank-sə.
  • скамья-DEF.SG.GEN      верх-IN
  • «Мамина сумка лежит на скамейке»              

Мокшень кяльса глаголсь фалу ащи стама жа формаса кодамоса ащи подлежащайсь, лувксть и и лицать коряс[17]. Каноническяй подлежащайти эряви улемс номинативонь формаса. Дополненияти улема или генитивса, и номинативса (DOM), но «прототипическяй» виде дополнениякс мокшень кяльти лувови лемсь генитивсае[18]. Мокшень кяльса глаголсь сотф виде дополнениять мархта, кона сёрматф определеннай или посессивнай склонениянь генитивонь показательса (или дополненияса-личнай местоименияса).

Тяфта, прототипическяй маркированиясь глагольнай предиацияса кафтонзаф.

mon     n'ɛj-in'ə                                           šuft-t'.

я            видеть-PST.3SG.O.1SG.S          дерево-DEF.SG.GEN    

«Я увидел (это) дерево»

mon      ton'                     n'ɛj-̊ t'ɛ.

я            ты.GEN              видеть-NPST.2SG.O.1SG.S        

«Я вижу тебя»

Кода азфоль сяда вяре, дополнениясь стане жа может улемс номинативонь формаса (кда сон аф определеннай). Тяфта, номинативсь мокшень кяльса аф лувондови падежкс, маркированиясь конань эряви аньцек именной группати подлежащайнь позицияса (кода, кепотьксонди, рузонь кяльса). Тяфта, кой-мзярда аф переходнай глагол мархта конструкцияса или переходнай глагол и аф определеннай дополнения мархта конструкцияса-глагольнай предикацияса маркированиясь лувондови вярденнекс.

mon      n'ɛj-ən'                              šuftə.

я            видеть-PST.1SG.S          дерево

«Я увидел (какое-то) дерево»

Валхнень фкя-фкянь мельге молемасна

Корпусонь коряс исследованиясь[19], кона лемтьф мокшень кяльса валхнень фкя-фкянь мельге молемаснонды, няфтезе, што SV (subject — verb) валхнень фкя-фкянь мельге молемасна васьфневи сяда сидеста, VS (verb-subject) коряс: сон ноляви тевс 74 случайста 100-ста. Кда корхтамс предикатть относительнай порядканц и виде дополнениять колга, то VO и OV варианттне васьфневихть фкя лаца. Сяка, ламонц контекстне ОV — валрисьмонь порядка мархтотне — валрисьмотне, коса подлежащайсь аф азф.

Тяфта, корпусонь исследованиять результатонзон коряс, мокшень кяльса валонь базовай порядкакс можна лувомс SOV (subject — object — verb). Но лия сёрматфкснень коряс[20], базовай порядкакс лемневи SVO.

Лисенди, мокшень валрисьмоса валхнень фкя-фкянь мельге молемасна лувови вариативнайкс: аш кеме перяфкст, конат сотфт подлежащайть и виде дополнениять вастснон мархта.

S                         V                                        O

pin'ə-s'               kand-əz'n'ən'                  tapəčka-nzə-n.

собака-DEF.SG нести-PST.3PL.O.3SG.S тапочек-3SG.POSS.PL-GEN

«Собака принесла тапки»

S           O                                                      V

I            mon      s'ora-z'ə-n'                                     kɛl'gən'd'-in'ən'

и            я            парень-1SG.POSS.SG-GEN         обмануть-PST.3.O.1SG.S

«И я сына обманула»

Кялень сембода няеви эсь лацонь ширьхне

Падежень инновациятне

Мокшень кяльса падешне (руз.) (мок. фкат эрзяннеть мархта, ули аньцек фкя аф фкаксши: мокшень кяльса ули каузалисонь падеж, кона няфти кодамовок тевонь туфталть лангс. Падежнай маркерсь грамматикализовандавсь inksa послелогста «инкса», «туфталонкса» смузь мархта[21].

  • son      pozdanda-z'ə                                avar'ija-nksə
  • он         опоздать-PST.3SG.O.3SG.S        авария-CSL
  • «Он опоздал из-за аварии»

Синтетическяй именной предикациясь

Мокшень кяльса, аналитическяй именной предикаттнень мархта ряцок («Вася был врачом» рузонь конструкциятнень лаца), улихть синтетическяйхть — эста именной юромть тёкшенцты полаткшневи единица, кона няфтьсыне глаголонь пингть, лицать и лувксть[22].

  • s'in'      jalga-t-əl'̥-t'
  • они       друг-PL-IMPF-[3]PL
  • «Они были друзьями»

Ассоциативнай и антиассоциативнай лама лувкссь

Мокшень кяльса лама лувксть ули дополнительнай смузенза, кода кепотьксонди ассоциативнай и антиассоциативнай. Ассоциативнай лама-крдась «няфти лама ломань, конат сотфт референтть мархта, лемтьф существительнайкс, васендакиге сонь семьянц»[23]. Кепотьксса сяда ала лама лувксонь показательсь «Мария» лемть эса шарьхкодеви кода семья, коза сувси Мария.

  • mar'ɛ-t'n'ə       sa-j-̊ t'                                pɛl-nək                             užana-mə
  • Мария-DEF.PL  прийти-NPST.3-PL          у.LAT-1PL.POSS               ужинать-INF
  • «Мария с семьёй придут к нам на ужин»

Антиассоциативнай лама лувкссь няфти ломанень юром ся вастть коряс, коса синь эряйхть[24] . Кепотьксса сяда ала лама лувксонь показательсь Ардашево велеть лемонц лангса няфти тя велень эряйхнень лангс.

  • praz'n'ək-t'i                    sa-s'-t'                               ordaš-t
  • праздник-DEF.SG.DAT прийти-PST.3-PL             Ардашево-PL
  • «На праздник пришли ардашевские»

Кирьфтафкснень лемлувкссна

  • A — агенсонь роль мархта переходнай глаголонь актант
  • P —переходнай глаголонь актантсь пациенсонь роль мархта
  • SA —аф перходнай глаголонь фкя сяка актантсь агенсонь роль мархта
  • SP — аф переходнай глаголонь фкя сяка актантсь пациенсонь роль мархта
  • S — субъект/подлежащай
  • V — предикат
  • O — объект/ виде дополнение
  • 1, 2, 3 — 1, 2, 3 лицась, CAR — каритив, CSL — каузалис, DAT — датив, DEF — определённость, GEN — генитив, ILL — иллатив, IN — инессив, INDEF — неопределённость, INF — инфинитив, LAT — латив, NPST — аф ётай пингсь (презенс), O — объект, PASS — пассив, PL — лама лувкссь, PNCT — пунктив, POSS — посессивностень няфти, PST — ётай пингсь (претерит), S — субъект, SG — фкя лувкссь.

Лятфтамат

  1. ↑ Федеральная служба государственной статистики. — Население Российской Федерации по владению языками. Дата обращения: 22 сентябрьста 2025. Архивировано 16 июньцта 2020 года.
  2. ↑ UNESCO Atlas of the World’s Languages in Danger. Дата обращения: сентябрь 2025. Архивировано 12 августста 2014 года.
  3. ↑ Советский энциклопедический словарь / Гл. ред. А. М. Прохоров. — 4-изд. — М.: Сов. энциклопедия, 1989. — С. 832. — 1632 с. — 2 500 000 экз. — ISBN 5-85270-001-0.
  4. ↑ Основы финно-угорского языкознания / Ред. коллегия: д-р филол. наук В. И. Лыткин [и др.]. — Москва: Наука, 1974. — 253 с.
  5. ↑ Элементы мокшанского языка в типологическом освещении / Ред. С. Ю. Толдова (отв. ред.), М. А. Холодилова (отв. ред.), С. Г. Татевосов, Е. В. Кашкин, А. А. Козлов, Л. С. Козлов, А. В. Кухто, М. Ю. Привизенцева, И. А. Стенин. — М.: Буки Веди, 2018. — С. 6.
  6. ↑ Козлов В. И. Расселение мордвы — эрзи и мокши//Советская Этнография 1958. — № 2
  7. ↑ Закон республики Мордовия о государственных языках республики Мордовия(руз.) (1998). Дата обращения: 22 сентябрьста 2025. Архивировано 7 декабрьста 2021 года.
  8. ↑ Министерство образования республики Мордовия. Дата обращения: 22 сентябрьста 2025. Архивировано из оригинала 22 декабрьста 2015 года.
  9. ↑ Голос МГУ. Языки умирают… Дата обращения: 23 январьста 2012. Архивировано из оригинала 17 июльста 2012 года.
  10. ↑ Более 22 тыс. школьников изучают в Мордовии мокшанский и эрзянский языки. vestnik-rm.ru. Дата обращения: 22 сентябрьста 2025. Архивировано 15 апрельста 2021 года.
  11. ↑ О. Пуссинен Особенности языковой ситуации и русского языка в Мордовии / Slavica Helsingensia, ed. A. Mustajoki, E. Protassova, N. Vakhtin. Vol. 40. P. 113
  12. ↑ Аитов Г. Новый алфавит. Великая революция на Востоке. Саратов, 1932
  13. ↑ Элементы мокшанского языка в типологическом освещении / Ред. С. Ю. Толдова (отв. ред.), М. А. Холодилова (отв. ред.), С. Г. Татевосов, Е. В. Кашкин, А. А. Козлов, Л. С. Козлов, А. В. Кухто, М. Ю. Привизенцева, И. А. Стенин. М.: Буки Веди, 2018. С. 406
  14. ↑ Основы финно-угорского языкознания [Текст] / Ред. коллегия: д-р филол. наук В. И. Лыткин [и др.]. - Москва : Наука, 1974. С. 288
  15. ↑ Грамматика мордовских языков : Фонетика, графика, орфография, морфология. Учебник для нац. отд-ний вузов / [А. П. Феоктистов, С. З. Деваев, Н. С. Адушкина и др.]; Под ред. Д. В. Цыганкина. - Саранск : МГУ, 1980. С. 146
  16. ↑ Элементы мокшанского языка в типологическом освещении / Ред. С. Ю. Толдова (отв. ред.), М. А. Холодилова (отв. ред.), С. Г. Татевосов, Е. В. Кашкин, А. А. Козлов, Л. С. Козлов, А. В. Кухто, М. Ю. Привизенцева, И. А. Стенин. М.: Буки Веди, 2018. С. 288
  17. ↑ Элементы мокшанского языка в типологическом освещении / Ред. С. Ю. Толдова (отв. ред.), М. А. Холодилова (отв. ред.), С. Г. Татевосов, Е. В. Кашкин, А. А. Козлов, Л. С. Козлов, А. В. Кухто, М. Ю. Привизенцева, И. А. Стенин. М.: Буки Веди, 2018. С. 578
  18. ↑ Элементы мокшанского языка в типологическом освещении / Ред. С. Ю. Толдова (отв. ред.), М. А. Холодилова (отв. ред.), С. Г. Татевосов, Е. В. Кашкин, А. А. Козлов, Л. С. Козлов, А. В. Кухто, М. Ю. Привизенцева, И. А. Стенин. М.: Буки Веди, 2018. С. 552
  19. ↑ Элементы мокшанского языка в типологическом освещении / Ред. С. Ю. Толдова (отв. ред.), М. А. Холодилова (отв. ред.), С. Г. Татевосов, Е. В. Кашкин, А. А. Козлов, Л. С. Козлов, А. В. Кухто, М. Ю. Привизенцева, И. А. Стенин. М.: Буки Веди, 2018. С. 551
  20. ↑ Колядёнков М. Н. 1954. Грамматика мордовских (мокшанского и эрзянского) языков. Ч. II. Синтаксис. Саранск: Мордовское книжное издательство.
  21. ↑ Основы финно-угорского языкознания [Текст] / Ред. коллегия: д-р филол. наук В. И. Лыткин [и др.]. - Москва : Наука, 1974. С. 292
  22. ↑ Элементы мокшанского языка в типологическом освещении / Ред. С. Ю. Толдова (отв. ред.), М. А. Холодилова (отв. ред.), С. Г. Татевосов, Е. В. Кашкин, А. А. Козлов, Л. С. Козлов, А. В. Кухто, М. Ю. Привизенцева, И. А. Стенин. М.: Буки Веди, 2018. С. 616
  23. ↑ Элементы мокшанского языка в типологическом освещении / Ред. С. Ю. Толдова (отв. ред.), М. А. Холодилова (отв. ред.), С. Г. Татевосов, Е. В. Кашкин, А. А. Козлов, Л. С. Козлов, А. В. Кухто, М. Ю. Привизенцева, И. А. Стенин. М.: Буки Веди, 2018. С. 75
  24. ↑ Элементы мокшанского языка в типологическом освещении / Ред. С. Ю. Толдова (отв. ред.), М. А. Холодилова (отв. ред.), С. Г. Татевосов, Е. В. Кашкин, А. А. Козлов, Л. С. Козлов, А. В. Кухто, М. Ю. Привизенцева, И. А. Стенин. М.: Буки Веди, 2018. С. 76

Литературась

  • В. П. Гришунина. Диалектная лексика мокшанского языка / Научный редактор - доктор филологических наук профессор М. В. Мосин. Лексикографический и лингвогеографический аспекты исследования. — Саранск: Издательство Мордовского Университета, 2015. — С. 172. — ISBN 978-5-7103-3021-0.
  • Грамматика мордовских языков (фонетика, графика, орфография, морфология) / под ред. Цыганкина Д. В.. — Саранск: Мордовское книжное издательство, 1980. — 430 с.
  • Грамматика мордовских (мокшанского и эрзянского) языков. Ч.1. Фонетика и морфология / под ред. Коляденковой М. Н., Заводовой Р. А.. — Саранск: Мордовское книжное издательство, 1962. — 376 с.
  • Имяреков А. К. Мокшанско-русский словарь. — Саранск: Мордовское книжное издательство, 1953. — 127 с. — 3000 экз.
  • Поляков О. Е. Русско-мокшанский разговорник. — 2-е. — Саранск: Мордовское книжное издательство, 1993. — 159 с. — 7000 экз. — ISBN 5-7595-0822-9.
  • Поляков О. Е. Учимся говорить по-мокшански. — Саранск: Мордовское книжное издательство, 1995. — 198 с. — 5000 экз. — ISBN 5-7595-0965-9.
  • Феоктистов А. П. Мордовские языки // Основы финно-угорского языкознания / отв. ред. Лыткин В. И., Майтинская К. Е., Редеи К.. — М.: Наука, 1975. — Т. 2. — С. 248—345.
  • Феоктистов А. П. Мордовские языки // Языки мира. Уральские языки / ИЯ РАН. — М.: Наука, 1993. — С. 174—178. — 396 с. — 1100 экз. — ISBN 5-02-011069-8.
  • Феоктистов А. П. Мокшанский язык // Языки мира. Уральские языки / ИЯ РАН. — М.: Наука, 1993. — С. 178—189. — 396 с. — 1100 экз. — ISBN 5-02-011069-8.
  • Феоктистов, А. П. Очерки по истории формирования мордовских письменно-литературных языков. — Саранск: Мордовское книжное издательство, 2008. — 392 с. — 1000 экз. — ISBN 978-5-7595-1753-5.
  • Щанкина В. И. Мокшень-рузонь валкс — Русско-мокшанский словарь. — Саранск: Мордовское книжное издательство, 1993. — 448 с. — ISBN 5-7595-0578-5.

Ссылкатне

Сявф"https://mdf.ruwiki.ru/w/index.php?title=Мокшень_кяль&oldid=417751"-ста