Кошелева, Нина Васильевна

Кошелева Нина Васильевна
Кошелева Нина Васильевна
Основная информация
Лемоц марнек
Шачема шиц	1-це июльста 1952-це кизоня (74 кизоц)
Шачема вастоц	Вертелим[d], Сире Шяйгавонь аймак, Мордовскяй АССР[d], РСФСР, СССР;
Странась	Россия; СССР;
Профессиянза	композитор
Казненза
	ninakosheleva.narod.ru

Кошелева Нина Васильевна (Шачсь 1-це июльста 1952-це кизоня, Вертелим^[d], Сире Шяйгавонь аймак, Мордовскяй АССР^[d], РСФСР, СССР) — композитор, Мордовиянь шнама моронь музыкань автор. РФ-нь театрань деятелень Союзу сувафтфсь (2002 кизоста сявомок), мокшэрзянь народть вельмофтемань Межрегиональнай советть исполкомозонза сувайсь (1999-2004). Казнень и премиянь коряс государственнай комиссиять (2002-це кизоста сявомок), МР-нь Оцюнять видеса культурань советть (2003-це кизоста сявомок), авань Республиканскяй союзть советонц; республиканскяй творческяй фестивальхнень и конкурснень эса председатель и жюриса ащись, сяконь лувксса «Шумбрат, Мордовия!», народнай морось М. Н. Антоновать лемса (1999 кизоста сявомок), «Од вий» мокшэрзянь эстраднай моронь Всероссийскяй фестивальть-конкурсть (1999-2005)^[1].

Российскяй Федерациянь искусствань заслуженнай деятель (2008).

Эряфонь киц

Шачсь 1-це июльста 1952-це кизоня Мордовиянь Старошайговскяй райононь Вертелим велеса. Национальностьс коре — мокшава. Семьясост 6 итть. Сон ветецесь.

1968-це кизоня шумордазе фортепианонь классть коряс идень Республиканскяй музыкальнай школать интернатть мархта (Саранск ошсь).

1968-це кизоста сявомок 1972-це кизоти самс тонафнесь Саранскяй музыкальнай училищаса Л.П. Кирюковонь лемса теоретическяй отделенияса. Васенце выступленияц ётась Саранск ошса РСФСР-нь Композиторонь союзть Верхневолжскяй отделениянц выездной заседаниянц концертса, коса морсесь фортепианнай сочиненият (1972). 1972-це кизоста сявомок 1974-це кизоти молемс покодсь Сире Шайгавонь музыкальнай школаса преподавателькс^[2]. 1974-це кизоста сявомок 1979-це кизоти самс тонафнесь Казанскяй государственнай консерваторскяй факультетса (композициянь классь профессорть Б. Н.Трубинонь, оркестровкась — профессорсь Н. Г.Жиганов).

1979-це кизоста Сявомок — Л.П. Кирюковонь лемса Саранскяень музыкальнай училищань музыкально-теоретическяй дисциплинань преподаватель. 1981-це кизоста сявомок 1985-це кизоти самс тонафнесь «Мордовиянь Министронь Советть видеса Кялень, литературань, историянь и экономикань НИИ-нь аспирантураса «СССР-нь нароттнень Фольклорсна» специальностьс коре.

1991-це кизоня Финляндияса ётнесь стажировка органнай исполнительствать коряс (Лоймаа ошсь).

1997-2002-мордовия Республикань композиторонь Союзть Правлениянц полафтыец, а 2002 кизоста сявомок Мордовия Республикань композиторонь Союзть Правлениянц Вятиец. СССР-нь композиторонь Союзу (руз.) (мок. сувафтфсь (Россияса) 1982-це кизоста сявомок.

1990-це кизотнень Вятезе Мордовия ГТРК-в «Моратама марса» (руз. Поём вместе) иденди передачань авторскяй циклать. Музыкальнай культурать виияфнемань кизефкснень коряс прессаса выступлениянь авторсь.

Творчествац

Моронь, музыкань театральнай постановканди (сяконь лувксса музыкальнай ёфксти «Сиянь эрьхке» (руз. «Серебряное озеро») — А.Ф.Ежовонь, Н. Б.Голенковонь пьесаснон коряс, «Козни Ведявы» (А.А.Пудинонь пьесац)), классическяй музыкаань драматическяй спектакляти «Лес шуметь не перестал» К.Г.Абрамовонь, «В пустом доме люди», «Анахореты, или Угол для сироты» А.А.Пудинонь, «Куйгорож» В.И.Мишанинать произведенияснонды авторсь.

Хоровой, камерно-вокальнай и инструментальнай музыкань, моронь, театральнай спектакльхненди музыкань автор. Мордовия Республикань Государственнай гимнать музыканц автороц (валхне: С. Кинякинонь). Сон сёрмадсь «Алёна Арзамасская» мокшэрзянь васенце балетть музыканц, кона сидеста эвондакшни И. М. Яушевонь лемса музыкальнай театрать афишанзон эса; театральнай действать – «Мокшэрзянь свадьбась», народнай музыкальнай картинат, мокшень кяльса духовнай текстса хоронь музыка. Сёрматфонза морсевихть Мордовияса и лия масторса: Москуса, Санкт-Петербургса, Казаньца, Уфаса, Йошкар-Оласа, Ижевскяйса, Чебоксарса, Сыктывкарса, Петрозаводскяйса, Нижняй Новгородса, Саратовса и Россиянь ламоц ошнень эса, а стане жа омба масторса Финляндияса, Венгрияса, Латвияса, Эстонияса. Сон фалу примси участия Поволжьянь композиторонь музыкань фестивальса. Аф весть ульсь «Россиянь композиторхне — иттненди» (руз. «Композиторы России – детям») фестивальхнень эса, «Москувонь сёксе» (руз. «Московская осень») Международнай фестивальса, ульсь «Волга – река мира». 1999-це кизоня лиссь Н.В.Кошелевать «Панжи лайме порась» моронзон компакт-дисксна – «Лаймарень панжемань пингсь» (2002) – хоронь, камерно-вокальнай и инструментальнай музыкань, 2004 – це кизоня-моронь (Саранск)

Почётнай званиятне

Мордовиянь комсомолонь премиянь лауреат (1986);
Д. Д. Шостаковичень лемса Россиянь Композиторонь союзонь премиянь лауреатсь (1988);
Мордовия Республикань искусствань заслуженнай деятель(1991);
Мордовиянь Государственнай премиянь лауреат (1995);
Мордовия Республикань народнай артистка(2002);
Мордовия Республикань Оцюнянь Государственнай премиянь лауреат (2004, 2005);
Российскяй Федерациянь искусствань заслуженнай деятель (2008) — искусствать видеса оцю сатфксонкса^[3].

Эсь эряфоц

Эряй и покоди Саранскяйса. Мирдец – Николай Васильевич Немечкин ( профессияс коре хирург), улихть кафта идьсна Василий и Ольга^[4].

Лятфтамат

↑ Мордовия музыкальная - Кошелева Нина Васильевна (рус.). Мордовия музыкальная. Дата обращения: 1 ноябрьста 2025.
↑ Муниципальное бюджетное учреждение дополнительного образования «Старошайговская детская школа искусств им. Г.И. Сураева-Королёва» Старошайговского муниципального района Республики Мордовия (рус.). Культурный портал Республики Мордовия. Дата обращения: 1 ноябрьста 2025.
↑ Указ Президента Российской Федерации № 824 от 21 мая 2008 года «О награждении государственными наградами Российской Федерации» (неопр.). Дата обращения: 15 сентябрьста 2018. Архивировано 14 августста 2020 года.
↑ Савина Н.С. Гении рождаются в глубинке (рус.). Образовательная социальная сеть (27 январьста 2014). Дата обращения: 1 ноябрьста 2025.

Литературась

Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 727. — 840 с. — ISBN 5-7595-1662-0.
Радзецкая О.В. Истоки творчества мордовского композитора Н.В. Кошелевой // Регионология. — 2014. — № 1(86). — С. 183-192.

Ссылкатне

Редзецкая О.В. Истоки творчества мордовского композитора Н. В. Кошелевой. — С. 183-191.

[1] Мордовия музыкальная - Кошелева Нина Васильевна (рус.). Мордовия музыкальная. Дата обращения: 1 ноябрьста 2025.

[2] Муниципальное бюджетное учреждение дополнительного образования «Старошайговская детская школа искусств им. Г.И. Сураева-Королёва» Старошайговского муниципального района Республики Мордовия (рус.). Культурный портал Республики Мордовия. Дата обращения: 1 ноябрьста 2025.

[3] Указ Президента Российской Федерации № 824 от 21 мая 2008 года «О награждении государственными наградами Российской Федерации» (неопр.). Дата обращения: 15 сентябрьста 2018. Архивировано 14 августста 2020 года.

[4] Савина Н.С. Гении рождаются в глубинке (рус.). Образовательная социальная сеть (27 январьста 2014). Дата обращения: 1 ноябрьста 2025.

[1]

[2]

[3]

[4]