И.М. Яушевонь лемса музыкальнай театрась

Рувики лопаста
И.М. Яушевонь лемса государственнай музыкальнай театрась
И. М. Яушевонь лемса Государственнай музыкальнай театрась шобдать пингста
И. М. Яушевонь лемса Государственнай музыкальнай театрась шобдать пингста
Тип театра музыкальнай
Ладяф 1-це сентябрьста 1935
Здание театра
Ащи  Россия
 Саранск
Ащема вастоц Б.Хмельницкяень курось, кудсь 36
Руководство
Директор Шарапов Владимир Иванович
Главный дирижёр Акулов Максим Александрович
Главный балетмейстер Выскубенко Юрий Сергеевич
Главный хормейстер Евстифеева Светлана Раильевна
Главный художник Фурсов Владимир Николаевич
Сайт muzteatr-saransk.ru
Логотип РУВИКИ.Медиа И.М. Яушевонь лемса музыкальнай театрась

И. М. Яушевонь лемса государственнай музыкальнай театрась руз.: (Госуда́рственный музыка́льный теа́тр и́мени И. М. Я́ушева) — музыкальнай театра Саранск ошса, Мордовия Республикать пряошсонза. Сонь репертуарсонза опера и балет, оперетта и мюзикл (музыкальнай комедия), спектакльхть иттненди и классическяй музыкань концертт.

Театрать эрямопингоц

[петнемс | Петнемс лисьмапрянц]

Пуроптомац[петнемс | Петнемс лисьмапрянц]

Театрать эрямопингоц ушедсь 1-це сентябрьста 1935 кизоня, мзярда театрась ульсь сявф Мордовскяй АССР-нь Просвещениянь народнай комиссариатть фланкс вятема бюджетонц видес. тяка кизонь 28-це ноябрьста «Ашу студент» руз.: «Нищий студент» Карл Миллёкеронь опереттанц васенце няфтеманц мархта труппась панжезе эсь васенце театральнай сезононц. Театрать аф весть срафнезь, полафнезь сонь статусонц и официальнай лемонц, а тяфта жа профессиональнай вешфкснень и задачатнень.

Вярьгок вастса ащи музыкальнай театрать эрямопингоь лопац скода Оперань и балетонь театра, кона ульсь Саранскяйса 1937 кизоста сявомок 1948 кизоти самс (аф ламос лоткафнеманц мархта Великай Отечественнай войнань кизотнень пингста). Труппать юрса ащесть артисттне странань эрь кодама ошста — нят ульсть морама машты, конатнень ульсь маштомошисна и лама ширдень музыкальнай образованиясна. Сембе сяка, мялень салайкс ульсь национальностьс коре мокша или эрзя од артистонь искусствать лангс ваномась. Солистонь лувксть ёткса ульсь Илларион Яушев — маштмошить коряс шачф музыкант, П. И. Чайковскяень лемса Московскяй консерваториянь шумордайсь.

1969 кизоня сон ульсь явф кафта театрава: Мокшэрзянь драмань государственнай театра Музыкальнай комедиянь театра.

Постсоветскяй пингсь[петнемс | Петнемс лисьмапрянц]

30-це октябрьста 1992 кизоня творческяй коллективсь ушедсь эсь эряфсонза пинге, кода музыкальнай театра. Васенце спектакльть, Джузеппе Вердинь «Травиата» оперась, ваныхненьпяк салазе мяльснон и няфтезе, што аф лама морайхневок, но смузю солистонь труппась маштсть няфтемс стака классическяй операть (руз.) (мок..

2010 кизоня ётась гала-концертсь «Века нам братство подарили», кона лемтьфоль И. М. Яущевонь лемса Государственнай музыкальнай театрать 75 кизонь топодеманцты и ётафтф анокламать пингста моккшэрзянь народть Российскяй государствать народонзон мархта марс шоворемань илати 1000 кизонь топодеманцты.

2011 кизоня ульсь ётафтф «Браво!» классическяй балетонь васенце Международнай фестивальсь[1], а тяфта жа , 75-це кизонь юбилейнай сезонти, музыкальнай театрась получась цебярь казне: мазы од куд. 2011 кизонь сентябрьста театрать труппац ётась эряма 714 ваныенди васта и 400 м² сценань площадь мархта кудти . Залть акустиканц и техническяй ширде эрявикснень аноклазь Россиянь инь цебярь специалисттне. Тя цебярь ширесь касфтозе покодемать лувксонц крхкалма ширенц кода репертуарнай спектаклянь ётафтомась-путомась од сценать лангс, станя и од спектаклянь нолдамась-путомась. Зданиясь ётась сембе ширде одукс петема: тяда инголе театрать вастса ащесь Ошень Культурань центрань кудсь, кона советскяй пинкнень стяфтфоль кода Политичесяй просвещениянь куд. Одкстоптомада меле театрать кудоц няеви кода мазы дворец, конань эса ниле эташт, ваксозонза ладяф нинге вейхкса эташт.

Тяниень пингть музыкальнай театраса аш главнай режиссёр. Режиссёркс-постановщикокс ащи Александр Александрович Челышев.

Мяляфтови шитне театрать эрямопингса[петнемс | Петнемс лисьмапрянц]

  • 1935 — Саранскяйса пуроптф Музыкальнай комедиянь театра. Труппать лувксса 80 малава ломань. Васенце постановкась — австрийскяй композиторть Каарл Миллёкеронь «Нищий студент» мокшекс «Ашу студент» опереттац.
  • 1937 — театрась ладяф кода Мокшэрзянь оперань и балетонь государственнай театра.
  • 1941 — оперань и балетонь государственнай театрась шовордаф марс драмань театрать и моронь и кштимань ансамблять мархта.
  • 1943 — мокшэрзянь национальнай музыкально-эпическяй спектаклянь премьерась — «Литова» драмась П. Кирилловонь пьесанц коряс.
  • 1944 — васенцеда Мордовияса Л. П. Кирюковонь «Несмеян и Ламзурь» операнц няфтемац.
  • 1959 — театрась арась Мордовскяй АССР-нь Государственнай музыкально-драматическяй театракс.
  • 1969 — музыкально-драматическяй театрась явфтф кафта театрава: драматическяй и музыкальнай комедиянь (фкя зданияса марс шовордаф дирекциянь вельде).
  • 1992 — музыкальняй комедиянь театрась лемтьф Мордовия Республикань Государственнай музыкальнай театракс.
  • 1994 — театрати максф РСФСР-нь заслуженнай артистть и Мордовскяй АССР-нь народнай артистть Илларион Максимович Яушевонь театрать сембода машты солистонц лемоц.

Лятфтамат

[петнемс | Петнемс лисьмапрянц]
  1. ↑ MuzTeatr-Saransk.Ru: История театра. Дата обращения: 21 сентябрьста 2015. Архивировано из оригинала 2 июльста 2015 года.

Ссылкатне

[петнемс | Петнемс лисьмапрянц]
Сявф"https://mdf.ruwiki.ru/w/index.php?title=И.М._Яушевонь_лемса_музыкальнай_театрась&oldid=268441"-ста