Кинякин, Сергей Васильевич

Сергей Кинякин
Сергей Кинякин
Марнек лемоц	Сергей Васильевич Кинякин
Шачсь	24-це сентябрьста 1937-це кизоня
Шачема вастоц	Моску, СССР;
Кулось	16-це майста 2019-це кизоня (81 кизоц)
Гражданство (подданство)	СССР; Россия;
Тевтиемань родсь	России XX века
Казненза
	© Произведения этого автора несвободны

Кинякин, Сергей Васильевич (руз. Кинякин Сергей Васильевич; шач. 24.9.1937, Моску ошсь — кул. 16 майста 2019) — мокшень поэтсь и ётафтысь, Мордовиянь заслуженнай поэтсь (1987 к.), Мордовиянь Комсомолонь казнень лауреат (1971 к.), Государственнай Гимнань текстть автороц Мордовия Республикать. 1998-це кизоня казьф Почетонь орденца руз. орден Почёта ^[1].

Эряфонь киц

Сергей Васильевич Кинякин шачсь 1937-це кизоня 24-це сентябрьста Моску ошса рабочаень семьяса. 1941-це кизоня мрдась шачема ширезонза — Пичпанда вели Мордовия Республикань Зубово-Полянскяй району.

1960-це кизоня аделамок Мордовскяй государственнай университетть филологического факультетть покодсь Мордовскяй книжнай издательстваса художественнай литературань старшай редакторкс, «Мокша» журналса ответственнай секретарькс.

1988-це кизоста сявомок — Мордовиянь писателень Союзонь председателень полафтысьз 1971-це кизоста СССР-нь писателень Союзу сувайсь.

Творчествац

Мордовия Республикань Гимнать автороц «Шумбрат, Мордовия!» руз. (Здравствуй,Мордовия!), музыкась Кошелева, Нина Васильевнать. Сёрматфонза лопа лангса ушедсть лисендема 1957-це кизоста сявомок: васенце стихотворенияц «Миронь гуляня» руз. («Голубь мира») лиссь «Мокшень правда» газетаса.

1967-це кизоня Мордовскяй книжнай издательстваса лиссь васенце стихонь книганяц «Эряфсь и кельгомась» руз. («Жизнь и любовь»), коса няевихть поэзиянц эсь лацонь ширенза, конат меле озазь-озасть сембе сонь сяда товолдонь поэтическяй творчествасонза. Мельдень кизотнень мокшень кяльса ульсть нолдафт поэтическяй сборниконза: «Инь мазысь» руз. («Самая красивая») 1970, «Кизот-вайгяльбет»руз. («Годы-версты»), 1973, «Ялгакшинь седь»руз. («Мост дружбы»), 1976. «Шачень эряма павазукс» руз. («Рожден жить счастливо») 1987, «Сизеф алашань вайгяль» руз. («Голос уставшей лошади»), 1997.

Рузонь кяльса лиссть стихонь сборниконза: «Тревожусь» (1971), «На свете нет тебя дороже» (1975), «Первопроходцы» (1977).

С. В. Кинякин ётафтозе мокшень кяльс «Калевала» карело-суоминь эпость, рузонь литературань классикнень (А. Пушкинонь, С. Есенинонь, А. Полежаевонь, Н. Некрасовонь и лиятнень) сёрматфснон.

Лятфтамат

↑ Президента Российской Федерации от 31.08.1998 г. № 1038 • Президент России

Литературась

Мордвась (мокшет, эрзят) : очеркт мокшэрзянь народть историянц, этнографиянц и культуранц колга. — Саранск, 2006,— 839 с.
Воронин И. Д. Литературные деятели и литературные места в Мордовии. — Саранск: Мордовское книжное издательство, 1976. — 336 с.

Ссылкатне

https://www.somb.ru/index.php?option=com_content&view=article&id=1864:literatura-respubliki-mordoviya&catid=188&Itemid=865/Литература Республики Мордовия

[1] Президента Российской Федерации от 31.08.1998 г. № 1038 • Президент России

[1]