Тройцясь

Рувики лопаста
Тройцясь
Троица (Андрей Рублёвонь кядяла рисоваф шкайнясь, XV-це векть ушетксоц)
Троица (Андрей Рублёвонь кядяла рисоваф шкайнясь, XV-це векть ушетксоц)
Типсь Христианскяй, кой-кона странаса государственнай
Лиякс Пятидесятница, Тройцясь
Ладяф апостолохнень лангс Иняру ваймопожфть валгоманц Очижить коряс 50-це шиня
Ётафневи масторлангонь ламоц христиаттнень мархта
Датась 50-це шись (8-це недляшись) Очижить коряс, 10-це дшись Шкайть менели куцеманц коряс
2025 8-це июньцта (католицизм)
26-це майста (8-це июньцта) (православие)
2026 24-це майста (католицизм)
18-це майста (31-це майста) (православие)
2027 16-це майста (католицизм)
7-це июньцта (20-це июньцта) (православие)
Васьфтевомац богослуженият, фестивалият, народнай гуляньят
Сотф Очижить и Иняру Ваймопожфонь Шить
Логотип РУВИКИ.Медиа Тройцясь

Тройця (руз. Пятидеся́тница, или День Святой Троицы; грек.: Πεντηκοστή) — христианскяй ила, кона лемтьф Инярупожфть валгоманцты апостолхнень лангс, конань колга сёрматф книгаса Иняру Апостолхнень деяниясна. Православнай койхнень коряс тяфта жа лемневи Иняру Колмонзафонь шикс. Лемневи Ведьгемоньцексокс, сяс мес, Од Надияфтомать коряс, васьфневи илась ульсь Шавуот (Пятидесятница) иудейский илать пингста Иерусалимса. Васьфневи 50-це шиня Очижида меле. Православияса Пятидесятницась тяфта жа лемневи Тройцякс и ули двунадесятай инь оцю илань статусоц. Католическяй койхнень коряс Тройцянь шись — башка ила, кона эряй Пятидесятницань недяляда меле[1].

Библейскяй азондмась и сонь шарьхкотьфтемац

Иняру апостолхнень тевснон книгаснон азондоманц коряс, Иудеянь Пятидесятницань илань шиня тонафнихне ульсть марса Иерусалимса. Апак учт синь марязь «менельста увфть, бта лии вии вармать эзда» и няезь «явови кяльхнень, бта толоннетнень» (Деян.2:1—13). Книгань авторсь тя уликсть толкавасы, кода апостолохнень пяшкодемасна Иняру Ваймопожфса и корхтай, што тяда меле синь ушедсть корхтама эрь кодама кяльса (получаст глоссолалиянь харизматическяй дар), станя, што синь кяльснон шарьхкотькшнезь эрь кодама масторста илати саф паломникне. Тя улемать авторсь азондсы иудейскяй межзаветнай апокалиптиконь шарьхкодемаса: сон азондсы теофаниять колга азондомать, мезти лездыхть космическяй явлениятне[1].

Сембода ингольдень гомилиясь Пятидесятницань шиня кандови IV-це векти, Григорий Богословонь лемонцты (Валсь 41) и лемтьф действию Иняру ваймопожфть тевонь тиеманцты эрямопингса. Авторсь тяфта жа аф ащи фкя мяльса сятнень мархта, кит аф кемайхть Иняру Ваймопожфть улеманцты-шнаманцты и тердихть христиттнень эса ётафнемс илать духовна[2]. Пяк мала тя пингтии — IV векть песта — кандови и Григорий Нисскяень проповедец, содаф кода азондома «Иняру Ваймопожфть колга». Тоса азондови событиятнень колга христианскяй Пятидесятницать пингста кода библейскяй историять сембода вярьгок вастса ащеманц[3]:

Сяс мес, мезсь идесамазь минь, тя эряфонь максы Вийсь, конанди кематама Алять и Цёрать и Иняру Ваймопожфть лемснон ала. Но кинди апак макст тя асушись тя видешить шарьхкодеманцты сатомшка ваймоть вадявшить эзда эвондаф лафчашить инкса, васендакиге шарфневихне лама шкаень улемать эзда шкаймаряйхнень мархта, и законца тонаткшнихть ванома сембонди фкя Шкайть лангс, и сембонди фкя Шкайть улеманц шарьхкодьсазь аньцек Алять единай виенц, улемок аф способнайкс, кода мон азыне, совершеннай ярхцамбяльти. Тяда меле сяда цебярькс арайхненди законть вельде панжеви Евангелиять и фкя тяка Цёрать вельде; тяда меле тейнек макссеви совершеннай ярхцамбяль минь естестваньконди — Иняру Ваймопожфсь, конань Эса эряфсь.

Аф фкя мялень кирдемати пневматомахаттнень мархта, а тяфта жа азксть Иняру Ваймопожфть тевонь тиеманц Священнай эрямопингса лемтьф проповедсь илать лангс, кона содаф Иоанн Златоустонь. Тоса авторсь няфтьсы, што Ваймпопожфть тевтиемац Церькавть эряфса лувондовихть таинствакс[4].

Латинскяй Шиньмадома ширень кунардонь алятнень эзда илати проповетть кадсть блаженнай Августин, Максим Туринский, Пётр Равеннский и Лев Великайсь папась[1].

Проповеттне, кода Шиньстяма ширеса, станя и Шиньмадома ширеса, пуроптфт сиренадияфтомань обраснень и прообраснень, а тяфта жа Церькаву народонь тердемать перьфке, конань вятнесы Иняру Ваймопожфсь[1].

тяфта жа Иняру Ваймопожфть валгомац и марнек пневматологическяй тематикась панчсеви экзегетическяй труттнень эса, сяконь лувксса Оригенонь эса (Гомилии на книгу Левит), Кирилл Александрийскяень (О поклонении и служении в духе и истине) и Феодорит Кирскяень (Вопросы на восьмикнижие)[1].

Илать ётафтомац

Византийскяй обрядсь

IV-це векти самс «Пятидесятница» лемсь фалу канневсь аф bилати, кона аделсесы Очижинь пингть, а сембе тя пингти. Латинскяй и кельмеширдень Африкань II—III источникне И III—IV веконь сирийскяй источникне лятфнесазь илать тя циклать песта, но шарьхкодемс сонь торжественностенц степененц, а стане жа явфтомс Иняру Ваймопожфть вяри кеподеманц-туманц и валгоманц апостолхнень лангс аф фалу эрси возможнайкс[5]. IV-це векть песта, улема, тапоркснень сялдомаснон сюнеда Македониясь II Вселенскяй соборста 381-це кизоня илась, илась кона лемтьф Иняру Ваймопожфти, арай сембе вастова келиста нолдафокс христиаттнень ёткса[1].

IV-це веконь Иерусалимса, Эгериянь «Паломничестванц» коряс, веть ётафневсь Торжественнай бдения Воскресениянь храмса, шить — Мартириумса Литургия, а шить колмоце частста (9 частть малава шобдава) сембе мольсть Сион (руз.) (мок. пандть пряс, коса лувондовсь азондомась Иняру Ваймопожфть Валгоманц колга и ётафневсь Евхаристия. Шиньгучкать ушеткшнесь службась Елеонскяй пандса, коса ётафневсь литургическяй лятфнема ни Шкаень Кеподемать колга. Тяфта, Пятидесятницань и Вознесениянь илатне ашесть явфтов фкя-фкянь эзда[6].

V-це веконь Иерусалимса Вознесениясь ульсь ни башка илакс, А Елеонца шинь молемась сувафни эсь эзонза плманжа лангса озондомат[7]. Сякось жа кемокстаф Иерусалимскяй Лекционариянь грузинскяй ётафтомаса(VI—VII вв.)[8].

Великай Церькавонь типиконць, кона регламентировандасы Константинополень IX—XI-це веконь соборнай шкайти служамать, няфни Пятидесятницань илати Кстиндамань ётафтомань возможностть лангс, а стане жа корхтай ламоксть мораманц колга византийскяй обрядонь тропарень «Благословен еси, Христе Боже наш» илать. Шобдаваня лувондовсь Григорий Богословонь Пятидесятницанди валоц. Плманжа лангса озондомат аф эрявихть[9].

Монашескяй византийскяй устафне послеиконоборческяй периодста (студийскяйхне) корхтайхть кота шинь праздновандамать колга, а илань карша ёткшиста путнихть кулофнень лятфнема (Троицкяй родительскяй ёткшись). Службань стройсь карнесыне аньцек недляшинь элементтнень, а великай вечерняса сонць праздниконь шиня лувондовихть плманжа лангса озондомат, конат ащихть Пятидесятницань эсьлацонь ширекс. Тя пингста сявомок тага мярьгондевсь тиендемс модать лангса сюконямат и плманжа лангса ащемат, конат аф мярьгондевихть очижинь пингть[1].

Иерусалимскяй (неосавваитскяй) типикоттне, конатненди кандови и Рузонь православнай церькавса покоди богослужебнай уставсь, корхтайхть торжественнай веньберьфонь бдениять колга и няфтихть гимнографиянь максимальнай пяшксе кочкамать лангс, кона характернай инь оцю рангонь илатненди, тяфтапненди кода Господенть Иерусалиму Сувамац или Вознесениясь. Илань шиня илядсь «Сподоби Господи» морамда меле арьси морафтомс плманжа лангса озондомань колма юропт, конат, кода и илань лия полафневи тексттне, печатлакшневихть Лама Тюсонь Триодиса. Озондома сафнень локашинснон инкса тя службась, кода правила, ётафневи аф илять, а литургиять аделамда меле эстокиге. Понедельниконьь карша ёмла повечерияса надияй Иняру Ваймопожфонь канонть лувомац[1].

Омскяень церькаву сафне Пятидесятница илать пингста

Виолакисонь тяниень греконь приходонь Типиконць тяфта жа корхтай оцю илядень колга плманжа лангса озондома мархта Литургиять аделамда меле. Веньберьф бдениясь аф эряви: ингольдень илять ётафневи илань вечерня литияфтома, а Литургияда инголе илань шиня — шобдавань[1]. Духовенствать лангса тюссонь щапне Пятидесятница илать пингста — сянгяря. Россияса ули обуця наряжамс храмть потомнц лятьф тишеса, паечфса и од шуфтоняса. тя тюссь няфнесы Иняру Ваймопожфть эреклафты и одкстопты виенц.

Илать ули шиц, конань васенце шиц лемневи Иняру Ваймопожфть атяньжикс, или Ваймопожфонь шикс.

Римскяй обрядсь

Латинонь озондомаса Пятидесятница (лат.: Dominica pentecostes) ули торжествань рангоц. Илать ули сембе пингс. Тяфта, литургическяй тя шити кандовихть кафта вечернят и кафта мессат. Тевс нолявихть якстерь щапне. Васенце мессась ётафневи пятидесятницань васенце вечерняда инголе или меле ёткшиста илять. Тя мессаса ули кода кстиндафтомс катехуметтнень Васенце морафтомась-Сире заветста. Омбоцесь-Рим. 8: 22-27, Евангелие — Ин. 7:37—39. Мессаса сонцень илань шиня Васенце Морафтомась Тефнень эзда. 2: 1-11, омбоцесь — 1кор. 12: 3b-7, 12-13 (полафтови Гал лангс. 5: 16-25 или Рим. 8: 8-17), Евангелие — Ин. 20:19—23[10][11].

Евангелиять морафтомда инголе Пятидесятницань иласта морафтови зрнянь секвенциясь «Приди, Дух Святой» (лат.: Veni, Sancte Spiritus)[10].

Иняру Ваймопожфть валгомац апостолхнень лангс. Миниатюра Раввулань Евангелияста (VI в.)
латинскяй оригинал рузонь ётафтфсь
Veni, Sancte Spiritus,

et emitte caelitus

lucis tuae radium.


Veni, pater pauperum,

veni, dator munerum,

veni, lumen cordium.

Consolator optime,

dulcis hospes animae,

dulce refrigerium

(…)

О, приди к нам, Дух Святой,

и небесный луч пошли

света незакатного.

О, приди, Отец сирот,

О, приди, Податель благ,

О, приди, сердечный свет.

Утешитель истинный,

Светлый Гость смиренных душ,

и прохлада нежная

(…)[12]

Пятидесятницань вельмамань недляшиса римонь койса аделсеви Очижинь пингсь и ушеткшни Рядовой пингсь (лат.: Tempus per annum). Очижинь штатолсь ётафтови алтарьста кстиндамань купельти, коса эздонза крьвязькшнихть кстиндафнень штатолсна[10].

Иняру Колмонзафнень шисна римскяй обрядса ащи башка илакс и ётафневи недялянь ётазь.

Гимнографиясь

Пятидесятницать полафневи лувоманза и мораманза улихть Цветной Триодиса (Пентикостарияса). Илань основной тексттненди кандовихть: тропарсь «Благославен еси, Христе Боже наш», кондаксь «Егда снисшед языки слия», кой-мзяра самогласнай стихира, сяконь лувксса «Царю небесный», а стане жа шобдавань кафта канотт, конат канневихть Косма Маюмскяйти и Иоанн Арклийскяйти.[1].

Пятидесятницать эсьлацонь ширец византийскяй койса ащихть плманжа лангса озондоматне, конатнень священникне морафнесазь великай вечерняса сонцень илань шиня. Кунардонь византийскяй вечернять рядовой молитванзон мархта (Великай Церькавть Типикононц коряс) синь эздост кафкса молитвань цикла, конат пуроптфт колма кужес. Васенце юромонь васенце озондомать ули каендамань ширец: озксвятихне виденцякшнесазь Шкайть Алянц инголе эсь пежеснон и эняльдихть ужяльдемс синь Христость жертванц инкса. Омбоце юромонь васенце озондомаса ули эняльдема шкайти кемайхненди Шкаень Ваймопожфонь максомать колга. Колмоце кужеса васенце молитвась корхтай Куломать лангса сяськомать колга Христость Вельмаманц вельде и эсонза улихть кулофнень инкса эняльдемат[13][14].

Церковно-славянскяй текстсь Рузонь текстсь
Тропарь Егда́ снизше́д язы́ки слия́,/ разделя́ше язы́ки Вы́шний,/ егда́ же о́гненныя язы́ки раздая́ше,/ в соедине́ние вся́ призва́,// и согла́сно сла́вим Всесвята́го Ду́ха Благословен Ты, Христе Боже наш, / явивший премудрыми рыбаков, / ниспослав им Духа Святого / и через них уловивший вселенную. / Человеколюбец, слава Тебе!
Кондак Егда снизшед языки слия, / разделяше языки Вышний, / егда же огненныя языки раздаяше, / в соединение вся призва, / и согласно славим Всесвятаго Духа Когда сошел Всевышний и языки смешал, / Он этим разделял народы; / когда же огненные языки раздал, / Он к единению всех призвал, / и мы согласно славим Всесвятого Духа
Стихира Царю Небесный, / Утешителю, Душе истины, / Иже везде сый / и вся исполняяй, / Сокровище благих / и жизни Подателю, / прииди и вселися в ны, / и очисти ны от всякия скверны, / и спаси, Блаже, души наша Царь Небесный, / Утешитель, Дух Истины, / везде пребывающий и всё наполняющий, / Сокровищница благ и жизни Податель, / приди и вселись в нас, / и очисти нас от всякой скверны, / и спаси, Благой, души наши[15]

Шкайнянь сёрмадомась

«Апостолхнень лангс Иняру Ваймопожфть Валгомац» библейскяй сюжетть изображениянзон ули эсь источниксна деяниянь книгаста азкс (Деян. 2:1—4). Тяфтама васенце изображениятне ульсть ни хоистианствада ингольдень эпохаста. Сюжетть тиевоманцты лездсь Вознесениять мархта соткссь-Иисус Христость Надияфтомац Кучемс Седиень Озафты[1].

Иняру Ваймопожфть валгомац. XVI векть кучкаста, Великий Новгород. Шкайнясь НГОМЗ-нь Кочкафксста

Сембода кунардонь ванфтови образецсь — Миниатюрась Раввулань Евангелияса (VI-це в.). Тяса 12 апостолхне Шкаень Тядять мархта кучкаса няфтьфт ащезь условнай касыкс и фтала ащиарка видеса, синь нимбаснон лангс валгондыхть толонь кяльхне. Вастсь шарфты панжада вастть или Елеон пандть лангс — Кеподема вастсь[1].

Постиконоборческяй пингста апостолхнень ушедыхть сёрмадома озада. Хлудовскяй Псалтирть миниатюраса (IX в.) И Парижскяй собранияста Григорий Назианзинонь Валонзон рукописьса (879—882) эвондакшни гуляня и сюролданя мархта этимасия (аноклаф Престол), а изображениятнень алува эвондакшнихть «народонь» персонифицированнай фигурат (сирегрек. φυλαι) и «кяльхть» (сирегрек. γλωσσαι). Кенерьф византийскяй искусстваса апостолхне озафт синтрон лангс, и композициясь шары пялекс шарксонь лангс, кона лятфни алтарнай апсидать[1].

Кучкань византийскяй пингста сценась кемоксневи храмонь росписьса. Шкайнятнень эса сяда шуроста няфнесазь этимасиять и нароттнень ронгснон, эста кода книгань миниатюраса тя койсь эряй сяда ламос. Палеологовскяй эпохаста композициянь пяльксне арсихть сяда козякс: эвондакшнихть башнят, колоннадат, велупт, апостолхнень кядьса няфнихть книгат или свиткат. «Нароттнень» вастс эвондакшни символическяй од фигура — коронаса и далматикаса оцязор плата мархта, конань лангса ащихть 12 свиткат, «Мир» (сирегрек. Ο Κόσμος) сёрматфкс мархта. Кунардонь пингонь рузонь искусстваса иконографиясь Иняру Ваймопожфть Валгомац кирдьсы-ванфтсы византийскяй канонтнень (София Киевская, Мирожский монастырь)[1].

XVI-це векть омбоце пялестонза шиньмадома ширдень влияниять ала келемкшни од извод: апостольскяй кругть кучкас путнесазь тронть лангс Шкаень Тядять, а апостолхнень (кой-коста Павел апостолфтома) озафнесазь рядса или ниле ужеса комнатать периметранц эзга[1].

Лятфтамат

  1. ↑ 1 2 3 4 5 6 7 8 9 10 11 12 13 14 15 Э.П.С.; Петров А. Е.; Лукашевич А. А.; Квливидзе Н. В. Пятидесятница // Православная энциклопедия. — Т. 59. — С. 145–158.
  2. ↑ Слово 41. На Святую Пятидесятницу, Слова (изд. 2007 г.) - святитель Григорий Богослов (Назианзин) (рус.). Православный портал «Азбука веры». Дата обращения: 26 майста 2026.
  3. ↑ Слово о Святом Духе - святитель Григорий Нисский - читать, скачать (рус.). Православный портал «Азбука веры». Дата обращения: 26 майста 2026.
  4. ↑ Беседы на святую Пятидесятницу - святитель Иоанн Златоуст(рус.). Православный портал «Азбука веры». Дата обращения: 26 майста 2026.
  5. ↑ 22 // Origenes: Contra Celsum Libri VIII(анг.). — Brill, 2001. — Bd. 54. — С. 539. — (Vigiliae Christianae Supplements).
  6. ↑ Паломничество по Святым местам конца IV века / Пер. И. В. Помяловского. — СПб., 1889. — (Православный палестинский сборник).
  7. ↑ Renoux. Lectionnaire arménien(фр.). — Т. 2. — С. 338—345.
  8. ↑ Tarchnischvili. Grand Lectionnaire(фр.). — Т. 1. — С. § 881-896.
  9. ↑ Mateos J. Le Typicon de la Grande Eglise. Ms. Sainte-Croix no. 40. Introduction, texte critique, traduction et notes(фр.). — Т. 2. — С. 136—140.
  10. ↑ 1 2 3 Римский миссал. — Москва, 2011. — С. 306–308.
  11. ↑ Felix Just, S.J. Lectionary: Easter Sundays & Feasts. catholic-resources.org. Дата обращения: 26 майста 2026.
  12. ↑ Литургическая Тетрадка - Библиотека Конгрегации Кларетинов (рус.). claret.ru. Дата обращения: 26 майста 2026.
  13. ↑ Антонов Н. Р. Храм Божий и Церковныя Службы. — СПб., 1912.
  14. ↑ День Святой Троицы. Пятидесятница - Переводы богослужений, Переводы богослужений. Дата обращения: 18 майста 2026.
  15. ↑ День Святой Троицы. Пятидесятница - Переводы богослужений, Переводы богослужений. Дата обращения: 18 майста 2026.
Сявф"https://mdf.ruwiki.ru/w/index.php?title=Тройцясь&oldid=417604"-ста