Сретениясь

Рувики лопаста
Шкаень Азоронь Сретениясь
Sretenie.jpg
Типсь Христианскяй ила
Ладяф Пиже шабать Иисусть Христость тядянза-алянза кандозь Иерусалимскяй храму
Датась православияса — 2 (15) февральста
католицизмаса — 2 февральста
Сотф Роштувать мархта
Логотип РУВИКИ.Медиа Сретениясь

Сре́тениясь (руз. Сре́тение Госпо́дне,Сретение), (грек.: συνάντησις «васедема»[1]), Храму кандомась (грек.: Ἡ Ὑπαπαντὴ τοῦ Κυρίου, лат.: Praesentatio Domini «Шкайть няфтемац») —христианскяй илась, кона васьфневи историческяй церькафнень и кой-кона протестантскяй конфессиятнень эса[2]. Лемтьф евангелиянь событиять лятфнеманцты, мзярда кандозь Иисус Христос иднять Иерусалимонь храму Роштувада меле 40-це шиня, Торать коряс сембе васенцекс цёраня шачихнень Шкайти лемдеманди.

Православияса тя илась кандови двунадесятай илатнень (руз.) (мок. лувксс. Сретениять васьфнесазь 2-це (15) февральста или 2-це февральста, ваномок сянь лангс, кодама церькавонь ковгярьксонь коряс эряй Шкайти кемаень пуромкссь или церькавсь. Католицизмаса васьфневи тя илась 2-це февральста григорианскяй ковгярьксть коряс, Армянскяй апостольскяй церькавсь — 14-це февральста.

Евангелиянь сюжетсь

Лукать коряс Евангелить коряс 2:22-39, Иосиф и Мария кандозь Иисус Иднять, конанди топодсь нильгемонь шит, Иерусалимонь храму (руз.) (мок. и, пяшкодемок койть вешфксонзон, кандсть ашувонь озксказне — «вирень кафта гуленят или гуленянь кафта лефкст» (Лк 2:24; Лев 12:8). Тянь мархта пяшкотьфоль мярьгомась васенце цёраня идть Шкайти лемдеманц колга.

Илать славянонь лемоц «сретение» (васедема) кандови Иняру Семействать храмса видексшинь Симеон Богоприимецть мархта васедеманцты, кона примазе Иднять кода надияфтф Мессиянь. Симеон азсь валхт, конат тяни арасть христианстваса озондомакс «Ныне отпущаеши» (руз.) (мок.[3]

Тяни, Азор, валцень коряс, Тон нолдасак Эсь урецень тя эряфста озаф седихть, сяс мес монь сельмоне няезь кучф идемацень, конань Тон аноклайть няемс сембе ломаньтналхненди; валдть, кона валдоптсыне сембе ломаньтналхнень, и иневалдть Тонь Израелень ломаньтналцти.

— Лк. 2:29—32

Иосиф и Мария ульсть дивандафтфт ня валхнень мархта. Пшкядемок Мариянди, Симеон азсь пророчества:

Симеон бславазень синь и мярьгсь Мариянди, иднять тядянцты: тя Идсь арай туфталкс Израильса ламотнень прамаснонды и кеподемаснонды. И Сон арай Шкаень тяштьксокс, конань каршес стяйхть ламотне. Тянь вельде панжевихть ламотнень седипотмонь арьсемасна и тонценьге ваймоцень пачк ётай пеель.

— Лк. 2:34—35

Ня валхне путфтольхть Шкаень Тядять «Кяжи седихнень ляпоптемасна» (руз.) (мок. шкайликонянц юрс[4].

Тоса жа васьфтезе Иисусонь и пророчицась Анна, мезьда меле кармась шнамонза Шкайть и азондома сай пингонь идемать колга.

Церькавонь преданиять коряс, Симеон сувсесь «сизьгемонь кафта» ётафнихнень ёткс, конат покодсть греконь кяльти Священнай Писаниять ётафтоманц лангса Птолемей II Филадельфть пингста; тя преданияса тяфта жа корхтави Симеононь кафтолдаманц колга Исаиять пророчестванц коряс, кона корхтай Стирень эзда Мессиять шачеманц колга и ангелть сай пингть азондоманц колга, што сон аф кулы снярс, мзярс аф няйсы пророчествать пяшкодеманц.

  • Дуччо. «Сретение». «Маэста», фрагмент, 1308—1311. Опера-дель-Дуомо музейсь, Сиена
    Дуччо. «Сретение». «Маэста», фрагмент, 1308—1311. Опера-дель-Дуомо музейсь, Сиена
  • Сретение. Рогир ван дер Вейден

    Сретение. Рогир ван дер Вейден

Азондоманц ушетксста евангелистсь шарфни мяль сянь лангс, што Шкаень тядясь (руз. Богородица) и Иосифсь, кода шкайти кемай иудейхть, педа-пес пяшкотькшнесазь Моисеень койть сембе вешфксонзон, конат кандовихть шабань шачемати. Темать тяфта путомац китькснесы сянь, што ваймонь идемать колга од кулясь аноклакшневсь аф Ташта Сотксть (руз. Ветхий Завет) сёпоманц вельде, но ингольдень койти кемамаса (ванк: Мф. 5:17). Тяка пингть азксса лихневи сетявшинь-кулхцондомань темась: Шкаень Тядясь, кеподемок койда вельф Сонцень арушинц вельде, эсь мяленц коряс примсесыне сонь предписаниянзон и тянь мархта няфнесы кемайхненди смирениянь кепотьксть[5]. Эсь инксонза Христосське — Закононь-коень ладяй — пяшкотькшнесы «койть коряс» сянь, мезсь сяда оцю койть коряс, и, ванфнемок ваймопожфть воляшинц, аф аерфнесы эсь эздонза буквати служамать[6].

Колмоксть «закон» валть лятфтомац азксть ушетксонь стихсонза, а меле сонь смузень ширде каршек путомац Иняру Ваймопожфонь (руз. Святой Дух) темати центральнай пяльксса (коса Ваймопожфсь тяфта жа лятфневи колмоксть) шарьхкодеви кода композиционнай прием, кона няфтьсы «закононь эпохаста» «параказень (руз. благодать) эпохати» ётамать[7]. Азондомась Шкай Азорть Сретениянц колга ладяф кода параллель тяка жа Евангелияста лия историяти — иняру Иоанн Предтечинь (руз.) (мок. киськопень керфтоманц (руз. обрезание), теенза лемонь максомать и храму кандоманц колга (Лк. 1:59-80).

Симеон Богоприимецсь и Анна Пророчицась (види шире)

Илать Шкайти служамац

Илать ладямац

Сретениянь илась эвондась Иерусалимса и эвондась тя ошень христианскяй церькавонь службань ковгярьксса IV-це векста. Васенда сон тяштькстазе Богоявлениянь илать меле 40 шинь богослужебнай циклать шумордаманц, коса лятфневсть Роштувань и Кльхченгянь евангельскяй событиятне[8].

Кунардонь историянь свидетельствакс тя илать колга ащи «Эгериянь паломничествац», конань пингоц IV-це вексь.

Эпифаниять эзда нильгемонце шись тяса васьфневи оцю илакс. Тя шиня уленди Процессия Анастасису (Шкайть Азорть Калмонц Храму руз. Храм Гроба Господня), и сембе молихть, и сембось тиеви кода эряви фкя-фкянь мельге оцю илакс, кода Очижиста. Азондыхть Шкаень вал сембе пресвитерхне, и меле епископсь, азондомок фалу Евангелиянь ся вастть колга, коса нильгемонце шиня Иосиф и Мария кандозь Азорть Шкаень куду, и няезь Сонь Симеон и Анна пророчицась, Фануилонь стирец, и синь валснон колга, конатнень синь азозь Азорть няемста, и канксонь кандомать колга, конань кандозь тядясна-алясна. И тяда меле, тиемок семботь кода фалу, ётафнихть Литургия, и меле уленди отпуст.

Иисус Христосонь модалангонь эряфонц иневалдыяфнеманц касомац службань пингста кармась виияма 451-це кизонь Халкидонскяй соборда (руз.) (мок. меле. Римонь церькавса Мариянь Аруяфтомань илать ушедозь ванондомонза V-це векть песта, а Константинопольскяй церькавса Шкаень Азоронь Сретениясь лем ала — VI-це векть васенце пялестонза[8].

Православиясь

Рузонь православнай Церькавса покоди Иерусалимскяй уставть коряс Сретениясь канневи Шкай Азоронь илатнень лувксс[9], но эсонза улихть кой-кодама ширет, конат ладяйхть Богородичнай илатненди. Сретениять ули фкя илань алдонь шиц и илада мельдень 7 шинза, конат стане жа вановихть[10].

Menologion of Basil 037.jpg

Вечерняса морафтовихть Ташта Сотксста колма премият: васенцесь ащи Моисеень вете книганзон эзда сявф пяльксста, конат азондыхть васень иттнень колга (Исход 12:51— 13:3, 11-12, 14-16, 22-29; Левит 12:2-4, 6-8; Числа 8:14-18), омбоцесь Исаия 6: 1-12, и колмоцесь — Исаия 19:1, 3-5, 12, 16, 19-21 Египтать колга. Сретениянь содаф гимнатненди сувси канонць, кона кандови Косма Маюмскяйти и сяда мельдень припевне канонь 9 моротне «Богородице Дево, упование христианом», улема, мзярда-бди сон ульсть башка морокс. Илань стихирхне Иоанн Дамаскинонь, Андрей Критскяень и лиятнень, сяда аф содаф гимнографненди. Литургияса морсевихть изобразительнай антифотт, азондови сувамань стихсь, морсевихть илань тропарсь и кондаксь. Библиянь морафтомась: Евр 7: 7-17. Лк 2: 22-40[10].

Львовскяй соборда меле Рузонь православнай церькавть лувксс греко-католическяй сядонгольдень общинатнень сувафтомаснон инкса, ушедсь нолявома тевс штатолонь бславамань чинць Шкаень Азоронь Сретениянь иласта, тя чинць сась латинонь церькавста[10].

Илать основной Шкаень моронза
Церковнославянскяй кяльса (транслитерация) Рузонь кяльса Греконь кяльса[11]
Тропарь, вайгяль 1[12] Радуйся, Благодатная Богородице Дево, из Тебе бо возсия Солнце Правды — Христос, Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующаго нам воскресение. Радуйся, благодатная Богородица Дева, ибо из Тебя воссияло Солнце правды, Христос Бог наш, просвещающий находящихся во тьме. Веселись и ты, старец праведный, принявший во объятия Освободителя душ наших, дарующего нам воскресение. Χαῖρε κεχαριτωμένη Θεοτόκε Παρθένε· ἐκ σοῦ γὰρ ἀνέτειλεν ὁ Ἥλιος τῆς δικαιοσύνης, Χριστὸς ὁ Θεὸς ἡμῶν, φωτίζων τοὺς ἐν σκότει. Εὐφραίνου καὶ σὺ Πρεσβύτα δίκαιε, δεξάμενος ἐν ἀγκάλαις τὸν ἐλευθερωτὴν τῶν ψυχῶν ἡμῶν, χαριζόμενος ἡμῖν καὶ τὴν Ἀνάστασιν.
Кондак, вайгяль 1[12] Утробу Девичу освятивый Рождеством Твоим и руце Симеоне благословивый, якоже подобаше, предварив, и ныне спасл еси нас, Христе Боже, но умири во бранех жительство и укрепи люди, ихже возлюбил еси, Едине Человеколюбче. Утробу Девичью освятивший Рождением Твоим, и руки Симеона благословивший, заранее, как надлежало, и ныне Ты спас нас, Христе Боже. Но огради миром среди войн народ Твой и укрепи тех, кого Ты возлюбил, Единый Человеколюбец. Ὁ μήτραν παρθενικὴν ἁγιάσας τῷ τόκῳ σου, καὶ χεῖρας τοῦ Συμεὼν εὐλογήσας ὡς ἔπρεπε, προφθάσας καὶ νῦν ἔσωσας ἡμᾶς Χριστὲ ὁ Θεός. Ἀλλ' εἰρήνευσον ἐν πολέμοις τὸ πολίτευμα, καὶ κραταίωσον Βασιλεῖς οὓς ἠγάπησας, ὁ μόνος φιλάνθρωπος.
Задостойник Морзюлма: Богородице Дево, упование христианом, покрый, соблюди и спаси на Тя уповающих.

9 моронь ирмос, глас 3.

В законе сени и писаний образ видим, вернии, всяк мужеский пол, ложесна разверзая, свят Богу. Тем Перворожденное Слово, Отца Безначальна, Сына, Первородящася Материю неискусомужно, величаем.

Морзюлма: Богородица Дева, надежда христиан, покрой, сохрани и спаси надеющихся на Тебя.

9 моронь ирмос, глас 3.

В тени Закона и Писаний образ видим, верные: всякое существо мужского пола, разверзающее утробу матери, посвящено Богу. Поэтому Перворожденное Слово безначального Отца, Сына, перворождаемого не знавшей мужа Матерью, мы величаем.

Морзюлма: <...>

Канононь 9-це моронь ирмос: Ἐν νόμῳ, σκιᾷ καὶ γράμματι, τύπον κατίδωμεν οἱ πιστοί, πᾶν ἄρσεν τὸ τὴν μήτραν διανοῖγον, ἅγιον Θεῷ· διὸ πρωτότοκον Λόγον, Πατρὸς ἀνάρχου Υἱόν, πρωτοτοκούμενον Μητρί, ἀπειράνδρῳ, μεγαλύνομεν.

Лемдемась Величаем Тя, Живодавче Христе, и чтем Пречистую Матерь Твою, Еюже по закону ныне принеслся еси в храм Господень. Славим Тебя, Податель жизни, Христос, и чтим Пречистую Твою Матерь, Которой Ты по закону сегодня был принесён в Божий храм. <…>

Кда Сретениясь прашенды Оцю постонь васенце седмицать понедельниконцты, мезсь уленди пяк шуроста, илань службась, Уставть коряс, ётни ингольдень шити — 1 февральти, Прощёнай недляшити.

Католицизмась

Католиконь церькавса Сретениять (лат.: Praesentatio Domini, лиякс мярьгомс Шкайть Азорть няфтемац храмса) ули илань статусоц (festum), сяда ёмла «оцю илать» коряс; васьфневи 2-це февральста. XX-це векть кучкаста Павел VI-ть реформанзон ингольде илать лемоцоль Мариянь Аруяфтомац. Народнай лемоц: «штатолонь ши», сяс мес тя шиня VI векть ушетксста моли койть коряс ётафневи штатол мархта молемась, а тяфта жа штатолонь иняруяфтомась[13][10].

Сретениянь иласта озкс вятихнень литургическяй щамсна — акшет, кода и лия иласта, конат лемтьфт Идити и Икаень Тядяти.

Мессада инголе Сретениянь шиня ётафневихть штатолонь бславамась и штатол мархта молемась. Бславамась ушеткшни сянь эзда, што службаса сембе пуромфне крьвяснихть штатолхт антифононь (руз.) (мок. морамать коряс. Озксвятись ушетксонь валда меле ётни храмть эзга, пркшсесыне озондыхнень, конатнень кядьса штатолхт, иняру ведьса. Тяда меле Озксвятись стане жа сявондьсы теенза аноклаф штатолть и ушедсы крёстонь ходть валса: «Аряда сетьмошиса, штоба васьфтемс Шкайть». Крёстонь ходть пингста морави Симеононь Мороц. Крёстонь ходть аделамда меле озондыхне мртцихть церькаву эсь вастозост, матнесазь штатолхнень, и мессась моли станя, кода ладяф[14].

Шкай ликонянь рисавамась

Ингольдень христианскяй искусстваса Сретениянь сценась няфтьф ни Римса Санта-Мария-Маджоре триумфальнай аркань мозаикаса (432—440), коса сон сувафтф Христость Идькс пингонц колга циклав и сотф Мариять кода Шкаень Тядянь почитандаманц кемокстаманц мархта. Основной персонажда башка (Мария Пиже шаба мархта, Иосиф, Симеон, Анна пророчицась) рисавсевихть ангелхне, озксвятихне алтарть ваксса и кафта гулянятне, конат кантфт озксказнекс[15]

IX-це векть кучкаста Сретениянь шкайнятне сяда сидеста няфнесазь Христость Симеононь кядьса или, мзярда Мария макссы Иденц Симеонди, тяка пингть няфтеви образть литургическяй смузец кода идеманди озксказне. XI—XII-це сядокизотнень пингста Сретениясь сувси двунадесятай илань циклас (Осиос-Лукас, Неа-Мони, Дафни). Аф симметричнай композициясь, кона лиссь сербтнень эзда, храмть порогонц лангса васедемась, кармась нолневома тевс кунардонь рузонь искусстваса, а XVI—XVII-це векть пенцты сюжетсь стакалгофневи детальса, конат сявфт Четьи-Минеиста (руз.) (мок. и Шкаень морхнень эзда. Шинь валгомань европань койса, XII-це векста сявомок, кемоксневи «штатол мархта молемань» мотивсь, сценась сидеста няфневи тяфта жа готическяй порталнай скульптуракс[15].

Лятфтамат

  1. ↑ Дьяченко Г. М. Полный церковнославянский словарь. — 1899. — С. 655.
  2. ↑ Сретение Господне в протестантской церкви (рус.). ria.ru. Дата обращения: 11 февральста 2026.
  3. ↑ «Ныне отпущаеши». Православная энциклопедия. Дата обращения: 12 февральста 2026.
  4. ↑ Икона Божьей Матери Умягчение злых сердец, Православный Церковный календарь. Дата обращения: 12 февральста 2026.
  5. ↑ Bede the Venerable. Homilies on the Gospels. Book One: Advent to Lent(анг.). — USA: Gorgias Press, 2010. — P. 179–180.
  6. ↑ Исихий Иерусалимский. Две проповеди на Праздник Сретения Господня святого Исихия Иерусалимского // Восток Свыше (духовный, литературно-исторический журнал). — Ташкент, 2019. — Вып. 50, № 2. — С. 62–73.
  7. ↑ Bovon, François. A Commentary on the Gospel of Luke 1:1–9:50 // Luke. — Minneapolis: Fortress Press, 2002. — 96–107 с.
  8. ↑ 1 2 Праздник Сретения Господня в 2026 году, Православный церковный календарь. Архивировано 26 февральста 2011 года. Дата обращения: 12 февральста 2026.
  9. ↑ Лукашевич А. А. Господские праздники // Православная энциклопедия. — М., 2006. — Т. XII : «Гомельская и Жлобинская епархия — Григорий Пакуриан». — С. 173—178. — 752 с. — 39 000 экз.
  10. ↑ 1 2 3 4 Петров А.Е., Желтов М., иер., Квливидзе Н. В. Сретение Господне // Православная энциклопедия. — Т. 65. — С. 643—656.
  11. ↑ Τῌ Β' ΤΟΥ ΑΥΤΟΥ ΜΗΝΟΣ ΦΕΒΡΟΥΑΡΙΟΥ Ἡ Ὑπαπαντὴ τοῦ Κυρίου, καὶ Θεοῦ καὶ Σωτῆρος ἡμῶν Ἰησοῦ Χριστοῦ (рус.). azbyka.ru. Дата обращения: 12 февральста 2026.
  12. ↑ 1 2 Православный Церковный календарь. Февраль, день 2. days.pravoslavie.ru. Дата обращения: 12 февральста 2026. Архивировано 26 февральста 2011 года.
  13. ↑ Праздники Римско-католической церкви. web.archive.org. Дата обращения: 15 февральста 2026.
  14. ↑ 2 феавраля. Литургическая Тетрадка (рус.). claret.ru. Дата обращения: 2 февральста 2026.
  15. ↑ 1 2 Сретение Господне, Церковно-Научный Центр "Православная Энциклопедия". Дата обращения: 15 февральста 2026.

Литературась

Ссылкатне

Сявф"https://mdf.ruwiki.ru/w/index.php?title=Сретениясь&oldid=418006"-ста