Стешина, Марина Федоровна
| Стешина Марина Фёдоровна | |
|---|---|
 | |
| Шачема шиц | 16-це февральста 1985-це кизоня (41 кизоц) |
| Шачема вастоц | |
| Гражданствась |
 Россия |
| Тевонь тиемац | журналист |
Стешина Марина Фёдоровна (стирень фамилияц Агеева) (Шачсь 16-це февральста 1985-це кизоня, Мордовия Республикась или Навлей[d], Мордовскяй АССР[d]) — мокшень кяльса стихонь и прозань сёрмадысь. Од авторонди Мордовия Республикань Оцюнянь премиянь лауреатсь. Российскяй Федерациянь Журналистонь союзу сувафтфсь (2023 кизось).
Эряфонь киц
2002-це кизоня школать[1] шумордамда меле сась тонафнема Н. П. Огарёвонь лемса Мордовскяй государственнай университету, журналистикань отделенияв, конань шумордазе 2007-це кизоня «Журналистика» специальность коряс.
2014-це кизоня Н. П. Огарёвонь лемса Мордовскяй государственнай университетса 45.04.01 «Филология» направлениять коряс шумордазе магистратурать.
Покодемац
15 кизода ламос покодсь «Вайгель»[2] радиопрграммаса передачань вятикс и корреспондентокс. 2022-це кизонь февраль ковста сявомок «Мокша» журналонь прозань отделонь редактор.
Тяниень пингть пяшкотькшнесыне «Мокша» журналть главнай редакторонь тефнень.
Сёрмады проза и стихотвореният, ётафни рузонь кяльста эрь кодама произведеният. Сёрматфонза лисендсть марстонь кярьмазса. 2008-це кизоня лиссть стихонза «Розбаксянь панчф» марстонь кярьмазса.
2009-це кизонь Альберт Васильев ётафтозень стихонзон маринь кяльс башка книганякс «Шÿдö коло шоныш» мокшекс «Сяда комсь мяль» стихонза.
2012-це кизоня Эстонияса Таллинн ошса лиссь «Коса эряй шкайсь» васенце книгаyzwц[3]. Тя изданиясь моли ниле кяльса (рузонь, англань, эстононь и мокшень).
Редакциянь тефнень тиендемда башка М. Ф. Стешинась «Юрхтава»[4] мокшавань ассоциацияса ащись.
2023-це кизоня лиссь «Мордовская азбука» книгась колма кяльса. Мокшень пяльксть ётафтозе Марина Стешина[5].
Эсь сёрматфонза лисендихть стирень фамилиянц ала — Марина Агеева.
Эсь эряфоц
Туф рьвакс. Касфты кафта итть: цёра и стирь. Эряй и покоди Саранск ошса.
Казненза
Лама кизот виде ваймоса покодеманкса и литературать виияфтоманкса касфтоманкса Стешина М. Ф. казьф:
- Мордовия Республикань Правительстань Почётнай грамота (2016 кизось);
- СМИ-са Мордовия Республикань Печатень и информациянь министерствань Почётнай грамота — лама кизот виде ваймоса покодеманкса (2017);
- Мордовия Республикань Государственнаай Собраниянь Председателень благодарность (2021) — мокшэрзянь народть национальнай культурать, кяльть и коензон-обуцяснон ванфтомаснон и популяризацияснон инкса;
- «Российскяй Федерациянь финно-угорскяй нароттнень ассоциаициясна» общественнай движениянь почетнай грамота;
- Мордовия Республикань Государственнай собраниянь Почётнай грамота (2023);
Лятфтамат
- ↑ Новлейская школа, Республика Мордовия, Инсарского район, с. Новлей (рус.). Рейтинги и отзывы лучших школ России. Крупнейший портал школ. Дата обращения: 10 октябрьста 2025.
- ↑ Национальной радиопрограмме «Вайгель» — 15 лет! (рус.) (Известия Мордовии). Дата обращения: 10 октябрьста 2025.
- ↑ Портал "Финно-угорские библиотеки России". Издательства Мордовии (рус.). Финно-угорские юиблиотеки России. Дата обращения: 10 октябрьста 2025.
- ↑ ООРМ "АМЖ "Юрхтава" г Саранск. ИНН 1326215571: адрес, контакты, реквизиты, телефоны, почта, тендеры, продукция, сайт (рус.). Национальный тендерный портал. Дата обращения: 12 октябрьста 2025.
- ↑ В Мордовии вышла азбука на эрзянском и мокшанском языках (рус.). Офицальный портал Правительства Республики Мордовия (14 октябрьста 2023).
Литературась
- Агеева, М. Kus elab Jumal…/ Коса эряй Шкайсь…/Где живет Бог…/ Where Gold lives… : luuletused / М. Агеева. — Таллин: Kirjastuskeskus, 2008. — 64 с. — ISBN 978-9949-445-07-3.
- Розьбаксянь панчфт : стихт, азкст / В.И. Мишанина. — Саранск: Изд-во Мордов. ун-та, 2008. — 76 с. — ISBN 978-5-7103-1777-8.
- М. Агеева. Шÿдö коло шоныш. — Йошкар-Ола: Марий Эл Писатель Ушем, 2009. — 24 с.
- Осянина Н. Мордовская мокшанская и эрзянская азбука в рисунках, картинках и скульптурах из собрания МРМИИ им. С.Д.Эрьзи / Шапкарин К.. — Саранск:Фонд «Медвежья земля»: Издатель Константин Шапкарин, 2023. — 156 с. — ISBN 978-5-9907966--9-5.