Маци
Маци (лат.: Anser) — яксяргонь тналстонь эзда фкясь[1][2].
Кода няевихть
Мацихнень нярьсна ушетксса сяда оцю серьс келенц, нярец аделави аф оцю кенженяса оржа край мархта. Нярьть крайгя ётайхть оржа ёмла пейнят. Кргаснон кувалмоц аф пяк кувака (сяда кувака яксяркнень, но сяда нюрьхкяня мацихнень коряс), сатомшка сери пильге мархтот, конат ащихть ронгть кучка видесонза, пацянц мянькссакалгода комбаня.
Толгадост и пухтост лама Атя мацихне пцтай фкя лацот ава мацихнень мархта, аньцек атя мацить шалхка кандорсонза оцю пакарькс ащи горбоння и ронгс коря сяда оцю мароц. Ламоц мацихне нолдайхть эсь лацонь вайгяль, а кда няихть пелькс или кяжияйхть, эста тжнайхть.
Прянь вятемасна
Мацихне эряйхть лугань или шяень вастова, кой конат ине ведь крайге; лац якайхть и ласькондихть; лиихть вишкста, но уихть и чёпафнихть ведти яксяркнень коряс сяда кальдявста. Ведьса пингта яксяркнень и локстихнень коряс ётафнихть сяда кржа, сяда лама пинге ётафнихть коське вастса. Лямбе шири мацихне лиихть пяк вяре и сатомшка вишкста, сяда сидетса веть.
Ярхцсихть
Ярхцайхть аньцек касыксонь ярхцамбяльда, сембода пяк касыксть сянгяря пяльксонц эзда и видьмонзон. Нярьснон вельде, конань эса крайге улихть пейнят, синь фатнихть тишеняда, сёроняда, капстада, сязендихть лопат, имошт, куфтолхт и колоскат.
Раштамасна-ламолгодомасна
Мацихне эряйхть ялга мархта, а лиема пингть кочксевихть оцю полгоняс. Пиза тиендихть шяй вастова, кой-конат шуфттнень лангса; сяда сидеста алдост нарвамс эряй 6—12. Атя мацись нарвама аф озси, сон ванфнесы и ваны мельганза ава мацить, а мзярда лефкскятне лисихть, якай вакссост и ванфты сембе семьять эса..
Литературась
- Mathurin Jacques Brisson (1760). Ornithologie, ou, Méthode Contenant la Division des Oiseaux en Ordres, Sections, Genres, Especes & leurs Variétés. Paris: Jean-Baptiste Bauche.
- Gill, Frank; Donsker, David, eds. (2019). Screamers, ducks, geese, swans. World Bird List Version 9.1. International Ornithologists' Union.
Лятфтамат
|
Маци РУВИКИ.медиа |
|---|
- ↑ Спиридонов С. Н., Лысенков Е. В., Кузнецов В. А., Водясова Л. П., Макушкина Л. И., Рузанкин Н. И., Лапшин А. С., Гришуткин Г. Ф., Ручин А. Б., Артаев О. Н. Мордовские названия птиц и млекопитающих Республики Мордовия // Труды Мордовского государственного природного заповедника им. П.Г. Смидовича. 2011. №9 С.201-218. (эрз.), (мокш.), (руз.)
- ↑ Иванова Г.С.Мокшень кяльса фаунань лепне: тонафнемань пособия. Мордов. гос. ун-т. – Саранск, 2015.(мокш.)(руз.)
|
Тя апак шумордак сёрматфкссь. Ули мяльце сонь петнемс и поладомс? Лезтт! |