Альтя
| Велесь | |
| Альтя, Альте, Алька | |
|---|---|
| Алька | |
| Мастор | Россиянь Федерациясь |
| Республика | Мордовия |
| Район | Лашмань |
| Историясь ди географиясь | |
| Ушетфоль | 1677 |
| Серец | 53 м |
| Этникань полгатне | мокша 90% (2002) |
| Идентификаторхне | |
| Код ОКАТО | 89229832004 |
Альтя (Альте, Алька) веле (руз.: Алькино) — мокшень велесь Мордовия республикса Мокша масторса, Ковылкинскяй районца.
Географиясь
Ащи Сеитьма ляйть лангса, 40 вайгяльбе Ковылкина руз.: Ковылкино ошть эзда.
Эрямопингсь
Велеть путомац-строямац : ушетф 17 векста, ушедомац моли Алякиттнень, Алькиттнень юромста Инсарань — Пензань засечнай чертань служилай мокшет. "Пензань губерниянь ошнень и велетнень лувксса (тяштьф 1869 к.) " — тя Алька веле, ащи 154 кудбирьфста, 1068 ломань. 1865 кизоня путф Никольскяй шуфтонь церькавсь. Ульсь поташень тиенди завод. 1914-це кизоня сувсесь Шадымскяй Шадым волостти, эста велеса лувондовь 336 кудбирьф. Эряйхне плхнесть седьвальмат.
Советскяй властть пингста Альтя велеса ульсь «Заря» совхоз, 10 классонь школа, медпункт, клуб.
Тяниень пингть Альтя велесь сувсь Красно-Шадымскяй руз.: Красно-Шадым велень Советти.
Эряйхне
Альтя велеса эряйхть мокша ломатть. Тяниень пингть ломаттнень лувкссна кирсь.
Культурась
Альтя велеса ётафневихть илат-праздникт: Авань позась руз.: Праздник национального напитка, Тундань прважамась руз.: Проводы весны, Очижись руз.: Пасха, Роштувась руз.: Рождество, «Кузьмась» руз.: Праздник Кузьмы и Демьяна и лият.
Содаф ломатть
Альтя велеть сонцень шнама ломаненза. Улихть ломанень и ракшань пчкафтыхть, тонафтыхть, художникт.
Альтя велеса покодсть тонафтыень династиятне: Кичкин С. А., Кичкина М. П., Кичкин А. А., Кичкина В. П., Кичкин П. А., Кичкина М. А., Кичкина М. П. и лият.
Валерий Матюшкин, велень хозяйствань руз.: сельскохозяйственнай наукань кандидатсь (1990), доцентсь (1994), докторсь, Огарёвскяй премиянь лауреатсь (1996). 45 лама научнай тевонь авторсь.
Коротков,Степан Фёдорович, художниксь, живописецсь, реставраторсь, Россиянь художниконь союзонь членць (1991), Государственнай премиянь лауреатсь (1999). Республиканскяй, зональнай, всероссийскяй, международнай выставкаса улись.
Валентина Рогожина, филологиянь наукань кандидатсь, доцентсь, мокшень тонафнихненди и тонафтыхненди учебниконь, учебнай пособиянь, валксонь, программань сёрмадысь.