Рузаевка (станция)
| Станция | |
| Рузаевка | |
|---|---|
| Кустаревка — Рузаевка Красный Узел — Рузаевка Рузаевка — Пенза-IV Рузаевка — Инза | |
| Куйбышевскяй машина кись | |
 | |
| 54°03′20″ с. ш. 44°56′59″ в. д.GЯO | |
| ДЦС | ДЦС-1 Пенза |
| Регион ж. д. | Пензенскяй |
| Операторсь | Российскяй машинакитне |
| Панжема шись | 1893-це |
| Типсь | пассажиронь, сталмонь |
| Классностсь | 1[1] |
| Платформань лувкссь | 4 |
| Китнень лувкссна | 40 |
| Платформань типсь | островной |
| Платформать формац | виде |
| Платформать кувалмоц, м |
500 метра — пассажирскяй 200 метра — ош ваксонь |
| Электрифицированнай | 1960[2] |
| Токсь | постояннай, =3кВ[2] |
| Лисеманза | Привокзальнай площадсь, Станционнай курось |
| Ащема вастоц | Рузаевка |
| Ладяф вайгяльбень ётамась | 615,8 |
| Вастти пачкодема ётксь Москути | 645 км |
| Вастти пачкодема ётксь Кустарёвка | 204 км |
| Вастти пачкодема ётксь Красного Узла |
56 км  |
| Расстояние до Пенза IV | 138 км |
| Вастти пачкодема ётксь Инза | 111 км |
| Станциянь кодсь | 69000[3] |
| Кодсь АСУЖТ-са | 640003 |
| Кодсь «Экспресс-3» | 2024550 |
 |
|
 Рузаевка | |
Руза́евка — Куйбышевскяй кшнинь кить Пензенскяй региононь кшнинь кинь станция, Транссибирскяй магистральть и Нижегородско-Харьковскяй молемать историческяй ширенц туркс ащи оцю машина кинь сюлмось. Ащи Мордовия Республикань Рузаевка ошса. Эрь шиня станцияста тушендыхть ичкоздень и ошень маласа сообщенияса 30-да лама пассажирскяй поезд.
Эрямопингоц
1856-це кизоня правительствась кемокстазе Рязанть, Рузаевкать, Сызранть пачк Московскяй-Саратовскяй кшнинь кинь линиять васенце вариантоц. Ульсь ладяф Московскяй-Саратовскяй машина кинь акционернай общества, конань вятезе Карл фон Мекк, сонь церац Николай и синь покоди ялгасна фон Дервиз. Обществась строясь Мосу — Рязань участка, но финансовай стакатнень-сталмотнень сюнеда тевсь лоткафтфоль. Но, тя участкась каннесь аф кальдяв ярмак, и фон Дервизсь сонць пуроптозе Московскяй-Рязанскяй (сяда меле Московскяй-Казанскяй) кшнинь кить обществанц. 1866-це кизоня Рязаньцта Сявомок Ряжскяи и сяда тов Козлову (Мичуринскяи) арнемась панчфоль.
1891-це кизоня кайгсь тяфтама теварьсефксть: Рязанть эзда Моску ошть и Казанть ёткса кшнинь кить сотоманц. Кить пуроптоманц максозь фон Меккань акционернай обществанцты. Экономическяй лувоматне кемокстазь вятемс сонь Рузаевкать, Саранскяйть, Алатырть пачк. Ули мяль, што кшнинь кинь оцю узелсь арьсевсь тиемс Саранск ошса, но сонь строяманцты эрявсь аерфтомс питни ошень питни модать[4]. Тяфта, станциясь строяфоль Саранскяйть эзда юго-западть шири 20 вайгяльбес шава вастса, Рузаевка велеть маласа, и сявозе эсь лемонц тя велеть эзда. 1893- це кизоня 1-це сентябрьста ульсь панчф Сасовть эзда сявомок Рузаевкати молемс пингонь-пингонь движения. Пяле кизода меле 1895- це кизоня Рузаевкать пачк панжевсь ки Пензав. 1898- це кизоня 28-це декабрьста поезттне ушедсть якама Сызрань — Рузаевка линиять пачк, а 1899- це кизоня панжевсь поездонь ардома Симбирскть и Инзать ёткса, сотомок Рузаевкать и Симбирскть. 1900- це кизоня машинатне тусть Рузаевкать эзда Тимирязевати (Якстерь Узел).
1905-це кизоня декабрь ковтса станциять видеса тиевсь пролетариатонь забастовка, кона лемдевсь Рузаевскяй республика. Сон арась Мордовияса фкя инь оцюкс стачечнай движениять историяса.
10 вайгяльбень вастса эздонза ащи Турксляй мокшень велесь.
Техническяй информациясь
Рузаевка станциясь покодеманц коряс моли сортировочнай станцияти, тиеви работать объемонц коряс канневи 1-це классти. Фалунь токса электрификацияц 3 кВ. Сувафтф Рузаевка — Кустарева участкань диспетчерскяй централизацияти. Ащи автономнай управленияса[К 1], стрелкань и сигналонь положениять контроленц мархта ДНЦ-ть пультса[5].
Станцияса лотксема тиендихть сембе категориянь поезттне. Пассажирскяй (Моску — Самара) и грузовой (Рыбное — Октябрьск) сообщениятнень локомотивнай бригадаснон обслуживаниянь оцю лафтувонзон инкса, тиендеви синь обязательнай полафтомасна.
Инфраструктурась
Станцияса улихть структурнай подразделеният, конат ащихть инфраструктурань Куйбышевскяй дирекциять видеса и тиендихть марстонь ваномат кшнинь кинь транспортонь сооружениятнень и устройстватнень техническяй обслуживанияснон мельге:
- Рузаевкань кинь ётксь (ПЧ-20 Рузаевка);
- Рузаевкань сигнализациянь, централизациянь и блокировкань дистанциясь (ШЧ-2 Рузаевка);
- Рузаевкань электроснабжениянь ётксь (ЭЧ-3 Рузаевка);
- Гражданскяй сооружениянь рузаевскяй ётксь (НГЧ-2 Рузаевка);
- Машинань ки лангонь станциясь (ПМС-146 Рузаевка).
Связень устройстватнень мельге ваныхть Пензань региональнай сотксонь центрась (РЦС-1).
Кинь паркне
- Центральнай парксь — пассажирскяй терминал мархта западнай парксь. Станцияса ащихть ТЧЭ-5 Рузаевкань эксплуатационнай и Рузаевкань ТЧ-7 моторвагоннай депотне. Паркса 16 кит, эздост 2-сь (№ 1, 2) - главнайхть, 13 приёмо-отправочнайхть (№ 3—13, 69—70) и 1 грузовой поездонь примамань (№ 14). Улихть ардомань кит: Рузаевкань вагононь ремонтнай депоти «ВРК-3» АО-ти (Рузаевка ВЧДр) и «Рузхиммаш»АО-ти. Паркса ащихть Рузаевка ВЧДЭ-2 вагононь техническяй ваномань пунктсь и ПЧ-20, ШЧ-2, ЭЧ-3 производственнай участкатне и Рузаевка ВП-16 оду тиф поездть производственнай участкасна. ЭЦ вастсь ащи аф чётнай горловинаса[5].
- Сортировочнай парксь — южнай парк. Паркса ащи автоматизированнай сортировочнай пандоня. Паркса 1 главнай ки (ЧАП) и 16 сортировочнай ки (1с—16с). Ащи аф ванови ётама фкя васта (3 вайгяльбет)[5].
- Пензенскяй парксь — восточнай парк. Паркса 15 кит, эздост 4-сь главнайхть (№ 1, 2, 3, 15), лядыкс примамань-прважамань (№ 5, 7-14, 17, 19). Подъездной кит аш. ЭЦ-нь постсь и учсемань залсь ащихть аф четнай горловинаса. Паркть эзда туй тарад участкати Пенза — Якстерь Узел. Паркть пачк сембе поездонь нолдаф скоростсь — 60 вайгяльбе/частти. Паркса ащи Голицино лоткамань пунктсь[5].
Станциянь границатне
Станциятненди границакс ащихть:
- Аф четнай шири:
626 вайгяльбе станциять ширде: I главнай кить эзга — сувамань «Н» светофорсь литерась, II главнай кить эзга — сувамань «НД» светофорсь литерась.
Од Полянкат станциять ширде: I главнай киге — сувамань светофор «НК» литерась.
- Четнай шири:
Пишля станциять ширде: I главнай кить эзга — сувамань «ЧВ» светофорть литерась, II главнай кить эзга — сувамань «Ч»светофорть литерась.
9 вайгяльбет станциять ширде: I главнай киге-сувамань «ЧП» светофорсь литерась.
Од Полянкат станциять ширде: II-це главнай киге-сувамань «ЧИО» светофорсь литерась[5].
Станциять маласа ащи переготтне
- Аф четнай шири:
- Рузаевка — Пишля — кафта кинь.
I главнай кить эзга — аф чётнай направлениянь пассажирскяй и грузовой поездтнень ардомаснонды фкя ширдень колмонь-крдань автоблокировкась.
II главнай кить эзга— фкя ширдень трехнозначнай автоблокировка четнай направлениянь пассажирскяй и грузовой поезттненди.
Перегонць пяшкотьф АЛСН-нь сигналхнень коряс аф виде киге поездонь вятемати устройстваса. - Рузаевка — 9 вайгяльбе — фкя кинь.
Пассажирскяй и грузовой поездонь кафта ширдень ардоманди кафта ширдень автоблокировка[5].
- Рузаевка — Пишля — кафта кинь.
- Чётнай шири:
- Рузаевка — 626 вайгяльбе — кафта кинь.
I главнай кить эзга — кафта ширдень колма номерса пассажирскяй и грузовой поездонь кафцьке ширдень ардоманди ётамань светофорфтома автоблокировка.
Кись лувондови видекс аф четнай поезттнень ардомаснонды.
II главнай кить эзга — кафта ширдень трёхначнай автоблокировка проходной светофорфтома пассажирскяй и грузовой поездонь кафцьке ширдень ардоманди.
Кись лувови видекс четнай поезттнень ардомаснонды. - Рузаевка — Од Полянкат — кафта кинь.
I главнай кить эзга — кафцьке ширдень пассажирскяй и грузовой поездтнень ардомаснонды кафта ширдень автоблокировкасна.
Движениясь киге мольфтеви фкя кинь перегононь правилатнень коряс.
II главнай кить эзга — кафта ширдень трёхначнай автоблокировка проходной светофорфтома грузовой поезттнень кафцьке ширдень молеманон инкса.
Киге молемась тиеви фкя ки лангонь перегононь правилатнень коряс[5].
- Рузаевка — 626 вайгяльбе — кафта кинь.
Станциянь вокзалсь
 | Объект культурного наследия России регионального значения рег. № 131510400570005 (ЕГРОКН) объект № 1300366000 (БД Викигида) |
1895-це кизоня Рузаевкаса строяф кшнинь ки вокзал, ошень архитектурань инь сире памятникнень эзда фкясь, кона кафксть петьфоль. Тяниень пингть ащи кшнинь кинь 3,2 тёжянь кв. м. лама площадьса структурнай подразделениякс. Пяшкотьф тяниень пингонь билетонь кассаса, кассовай залса, покоди сервис-центра, панчфт ваймамань комфортабельнай комнатат и гостиничнай номерхт, тяниень пингонь медицинскяй пункт. Фкя пингста вокзалсь может примамс 500 ломань. Вокзалть примамань и лихтемань 4 платформанза.
2017- 2018 кизотнень, футболть коряс миронь чемпионатть ётафтоманцты кшнинь кинь инфраструктурать анокламанц видеса вокзальнай комплекссь одкстоптф. Тиевсь озамовастонь платформатнень одкстоптомасна, ётафтовсть ремонтнай покодемат вокзалонь помещениятнень эса, строяф ялга молихненди модать вельхксса ётамоваста.
Вокзалонь адрес: Россия, 431440, Мордовия Республика, Рузаевка ошсь, Привокзальнай площадь, 2.
Пассажирскяй движениясь
Ош ваксонь пачфнема
Зубу, Инзав, Якстерь Сюлмоти и меки ош ваксонь пассажирскяй пачфнематнень тийсыне Башкортостанскяй ППК-нь ЭД4М и ЭТ2М электропоезттне ТЧ-7 Рузаевка сёрматфкс мархта.
Ичкоздень ардомань поезттне
2020 -це кизонь графикть коряс станциять пачк молихть ичкоздень ардомань тяфтама поезтт:
- Поезттнень арнемасна кизоньберьф
| Поездонь № | Ардомань маршрутсь | Поездонь № | Ардомань маршрутсь |
|---|---|---|---|
| 5 | Ташкент — Москва | 6 | Моску — Ташкент |
| 9 «Жигули» | Самара —Моску | 10 «Жигули» | Москва — Самара |
| 13 «Южный Урал» | Челяба — Моску | 14 «Южный Урал» | Моску — Челяба |
| 17 | Бишкек —Моску | 18 | Моску — Бишкек |
| 21 «Ульяновск» | Ульяновск — Моску | 22 «Ульяновск» | Моску — Ульяновск |
| 41 «Мордовия» | Саранск — Моску | 42 «Мордовия» | Моску — Саранск |
| 49 «Двухэтажный состав» | Самара — Моску | 50 «Двухэтажный состав» | Моску — Самара |
| 52/51 «Сура» | Пенза — Моску | 52/51 «Сура» | Моску — Пенза |
| 65 | Тольятти — Моску | 66 | Моску — Тольятти |
| 83 | Караганда — Моску | 84 | Моску — Караганда |
| 97 | Ульяновск —Моску | 98 | Моску — Ульяновск |
| 108/107 «Самара» | Самара — Санкт-Петербург | 108/107 «Самара» | Санкт-Петербург — Самара |
| 115 | Уфа — Моску | 116 | Моску —Уфа |
| 119 | Саранск — Моску | 120 | Моску — Саранск |
| 137 | Оренбург — Моску | 138 | Моску — Оренбург |
| 149 | Андижан — Моску | 150 | Моску — Андижан |
| 325 | Пермь — Новороссийск | 326 | Новороссийск — Пермь |
| 335 | Екатеринбург — Новороссийск | 336 | Новороссийск — Екатеринбург |
| 337/338 | Самара — Санкт-Петербург | 337/338 | Санкт-Петербург — Самара |
| 347/348 | Уфа — Санкт-Петербург | 347/348 | Санкт-Петербург — Уфа |
| 391 | Челябинск — Моску | 392 | Моску — Челябинск[6]. |
- Поезттнень сезоннай якамасна
| Поездонь № | Ардомань маршрутсь | поездонь № | Ардомань маршрутсь |
|---|---|---|---|
| 251 | Димитровград — Моску | 252 | Моску — Димитровград |
| 507 | Ижевск — Новороссийск | 508 | Новороссийск — Ижевск[6] |
Ки лангса зияттне
- 2001-це кизоня 27-це декабрьста шобдава 5 частть малава станцияса ульсь нолдаф эрьхтема 66 № пассажирскяй поездть, кона мольсь Моску— Тольятти маршрутть эзга, и 2235 № грузовой поездть мархта. Эрьхтемась лиссь грузовой поездть 20 вайгяльбе/частти и пассажирскяйть 22 вайгяльбе/частти поезттнень ардомань вишкомомаснон пингста. Поездонь срадомати туфталкс арась 2235 № грузовой поездонь локомотивнай бригадань Рузаевка (Центральнай парк) станцияса Н5 выходной светофорть кардамань показаниянь няфтемац. Эрьхтемать пингста токафтольхть и пачфтьфт больницяв 66 № поездонь машинистсь и лездыец[7].
- 2015-це кизоня 8-це августста 10 частса 36 минутаста пикетонь 2-це вайгяльбеса Пензенскяй и Центральнай паркнень потмонь 1-це соткссост Рузаевка станцияса 233 № Екатеринбург—Адлер пассажирскяй поездса 26 км/ч скоростьса,выбегонь режимса лиссь ингольдень ниле ваготтнень лисемасна. Зиянтть лисемста тёждяста токавсть 3 ломатть, тапавсть 75 метрань кувалмоса кись, деповскяй петемат эрявсть 4 пассажирскяй ваготт. Комиссионнай ваноматнень вельде азфоль, што зиянтти туфталкс арась рельсовай кемокстаматнень аф улемасна, кшнинь кинь покодемас аф законнайста сувамась, мезсь вятсь поездть аф виде кинц участкаса молемстонза кержи упорнай сюренц келемоманцты и ваготтнень валгомаснонды.Тя кить эзга ардомань лоткафтомась мольсь 14 част 56 минута[8].
Станциясь 2014-це кизоня
Тяни тяфтама, 2018 кизось
Лятфтамат
Комментарият
- ↑ ГОСТ Р 53431-2009: «...Автономнай управлениянь станциясь: диспетчерскяй централизациянь участкаса кшнинь кинь станция, конань вятеманц тиендьсы поезднай диспетчерть контроленц ала станцияса дежурнайсь....»
Источникне
- ↑ Перечень руководящих указаний к некоторым пунктам приложений ПТЭ
- ↑ 1 2 История электрификации железных дорог СССР. Дата обращения: 21 августста 2025. Архивировано 13 июльста 2012 года.
- ↑ 1 2 Архангельский А. С., Архангельский В. А. Железнодорожные станции СССР (Справочник, книга 2) // М.: Транспорт. — 1981. — 360 с. (С. 96).
- ↑ Как Саранск Рузаевке проиграл. Дата обращения: 21 августста 2025. Архивировано 22 сентябрьста 2013 года.
- ↑ 1 2 3 4 5 6 7 Техническо-распорядительный акт станции Рузаевка
- ↑ 1 2 Расписание поездов по вокзалу Рузаевка. Дата обращения: 21 августста 2025. Архивировано 12 декабрьста 2019 года.
- ↑ 27 декабря 2001 Крушение на ст. Рузаевка КБШ. Дата обращения: 21 августста 2025. Архивировано 20 октябрьста 2013 года.
- ↑ 27 декабря 2001 Вагоны поезда "Екатеринбург-Адлер" сошли с рельсов в Мордовии. Дата обращения: 21 августста 2025. Архивировано 9 апрельста 2017 года.
Ссылкатне
- Пенза, пригородная зона (Куйбышевская железная дорога). Архивировано 4 декабрьста 2012 года.
- Единая сетевая разметка: Рузаевка.
- Расписание поездов: Рузаевка.
- Станция Рузаевка на сайте www.translogist.ru.
Внешние изображения
