А.С. Пушкинонь лемса национальнай библиотекась
| Мордовия Республикань А. С. Пушкинонь лемса национальнай библиотекась | |
|---|---|
 | |
.jpg) | |
| Россия | |
| Ащема вастсь |
Россия, Саранск ошсь, Б.Хмельницкяень, 26 курось |
| Ушетф | 14-це сентябрьста 1899-це кизоня |
| Фондсь | |
| Фондть мароц | 1 млн. малава ванфтомань единица[1] |
| Сувамась и тевс нолдамась | |
| Макссеви эрь кизоня | 900-да тёжяньда лама[1] |
| Мельге якамась | 40 000[1] |
| Лия информация | |
| Директорсь | Бакулина Анастасия Владимировна |
| Покодихне | 142[1] |
| Веб-сайтсь | natlibraryrm.ru |
 А.С. Пушкинонь лемса национальнай библиотекась | |
А. С. Пу́шкинонь лемса национа́льнай библиоте́кась(руз. Национальная библиотека имени А.С. Пушкина)— ащи Саранск ошса Мордовия Республикаса. Лувондови республикань пряфкс государственнай библиотекакс, тяса ванфневи сембода лама кочкаф печатнай изданияда[1].
Библиотекать эрямопингоц
1899-це кизоня 14-це сентябрьста ульсь панчф Саранскяееь питнефтома народнай библиотекась-читальнясь, конань эзда ушеды Мордовия Республикань А. С. Пушкинононь лемса национальнай библиотекась. Ошень оцюняти Саранск ошень интелигенциять эняльдемаснон эзда и ушедовсь библиотекать эвондамац. Библиотекась ульсь панчф А. С. Пушкинонь 100-кизонь юбилеенц топодеманцты и кемокстазе великай поэтть лемонц сембе векнень пингс Саранск ошса.[3]
Мзярда библиотекась панжевсь, ульсь эсонза 353 книга. Васенце ниле кофнень библиотекав морафтома сашендсь 450 ломань. Васенце эрь мзяра киза библиотекась ащесь ошень ломбардса. Меле — ладяфоль Ошень Управань кудса.
Вятемань и книгань макссема кизефкснень сявозь эсь лангозост сазорхне Е.Л. и Л.Л. Токареватне и Е. Д. Фалилеева и А. А. Масловская.
1919-1920-це кизотнень Питнефтома народная библиотекась-читальнясь поладови Публичной библиотекать мархта и арай Саранскяй центральнай уезднай библиотекакс.
1928-це кизоня библиотекась полафтсы лемонц Центральнай окружной лем лангс, 1930-це кизоня — Областной, а 1935-це кизоня — Республиканскяй. 1939-це кизоня библиотекати стяфтфоль специальнай куд (тячиень пингть тоса ащи Мордовскяй республиканскяй идень библиотекась)и тяка кизоста сявомок сон каннесы содаф рузонь поэтть Александр Сергеевич Пушкинонь лемонц.
Великай Отечественнай войнань васенце шистокиге библиотекась ладясы лиякс эсь покодеманц: библиотекань покодихне молихть госпитали, араламань предприятияв и торфонь таргама. Библиотекать видеса ладяф лямбе щамонь прьняндамань кужа.[3]
1942-це кизоня библиотекав сашендсь А. И. Солженицын.
1958-це кизоста сявомок СССР-нь Культуань министерствать 15№ Приказонц коряс библиотекать лангс путфт Книжнай палатань тевтиематне. Тя кизоста сявомок ушедовсь фалу вятема тевсь эрь кизонь государственнай библиографическяй указательть коряс «Мордовия Республикань печатень вятевомась кизос коре руз. «Летопись печати Республики Мордовия».
1970-це кизоня библиотекась тага ётась од кудс (Богдан Хмельницкяень курось), коса сон ащи тячиень шити самс[4].
1991-це кизонь 11-це мартста Мордовиянь Министронь Советть Постановлениянц коряс Республиканскяй библиотекати максови Национальнай статуссь[1]. Ладяфт соткст минцень масторонь и омба масторонь ( Венгрияса, Финляндияса, Эстонияса и лиятнень) финно-угорскяй библиотекатнень мархта фондть кастфоманкса эрь кодама документса и книагса мокшэрзятнень и лия финно-угорскяй нароттнень колга.
1999-це кизоня библиотекать 100 кизнонь топодеманцты аноклаф и нолдаф научнай кочкафкс «Путь длиной в 100 лет» мокшекс (Ки 100 кизонь кувалмоса). Тя кизоста сявомок библиотекась тии литературань электорннай каталогонь марс пуроптомань тевонь вятема руз. «Сводного электронного каталога литературы финно-угорскяй нароттнень»[3]
2009-це кизоня Лев Толстоень куроть ширде библиотекати стяфтфоль-полатфоль 9 этажень корпус, мезсь касфтозе библиотекать вастонц колмода ламоксть[5].
2011—2012-це кизотнень А. С. Пушкинонь лемса национальнай библиотекаса вятевихть одукс ладямань тефне. Пингонь вешфкснень коряс библиотекать потмоширдень ладяфксонзон эса тиевихть полафтомат. Национальнай и краеведениянь литературань отделса и финно-угорскяй литературань отделса ладяф-явфтф Финно-угорскяй литературань центра. Панчф Интернет-центра.
Сайтсонза библиотекарьхненди аноклаф Виртуальнай методическяй служба, кона покоди мокша, эрзя ломаттнень мархта, конат эряйхть ширдень вастса Мордовия Республикать эзда. Ушедовсь оцифровкасна шуроста васьфневи изданиятнень и краеведческяй материалхнень (2013).
2014-це кизонь апрельста сявомок библиотекась эрь кизоня вяти тефт "Библионочь" Всероссийскяй социокультурнай акцияса.
2019-це кизоня нолдафт тевс электроннай книгань максомась абонементонь отделса, Мордовия Республикань библиотекань сембонди фкя морафтыень билетонь нолдамась-максомась, библиотекань сайтть одкстоптомац.
Библиотекась кирди соткст Россиянь, РФ-нь субъектонь федеральнай и центральнай, Китаень, США-нь, Финляндиянь библиотекатнень, (Санкт-Петербургскяй культурань институтть) тонафнемань учреждениятнень, "ЭйВиДи-систем"ООО-ть мархта; регионца — министерстватнень, ведомстватнень, СМИ-нь, тонафнемань учреждениятнень мархта, шумбрашинь ванфты и культурань учреждениятнень, общественнай объединениятнень мархта. 2025-це кизонь сентябрь ковста библиотекать инголец сядонга мазомсь одкстоптф Тёжянь кизонь топодемати площадть одктоптоманц и мазоптоманц вельде. А.С. Пушкинонь лемса библиотекав сашенды Мордовияса лисенди сембе изданиятнень эзда обязательнай экземпляр[1].
Электроннай библиотекась
2021-це кизоня А. С. Пушкинонь лемса национальнай библиотекать эвондась сонцень электроннай библиотекац.
Эсонза ули кода сувамс и сонь коллекциянза улихть кода сявомс, кда ули электроннай морафтыень билетце. Электроннай библиотекать кочкафксонзон эса улихть: национальнай и краеведческяй литературань отделонь книгатне, библиотекать сонцень изданиянза, шуроста васьфневи отделста книгатне и книжнай памятник мархта работатне, республиканскяй «Красная Мордовия» 1941—1945 кизонь газетатне, «Эрзянь коммуна» газетась, а тяфта жа Мордовия Республикань райононь и Саранск ошень периодическяй изданиятне.
1. «Известия Мордовии»газетась
Сувафтф 946 оцифрованнай номерда «Красная Мордовия» газетаста 1941-це кизоста сявомок 1945-це кизоти самс.
2. «Эрзянь правда» газетась
Сувафтф 2318 оцифрованнай номерда «Эрзянь коммуна» газетать эзда 1935 кизоста сявомок 1947-це кизоти самс.
Библиотекать отделонза
Статистикань, сёрматфтомань и сувайхнень лувксснон кирдемань отделсь
Отделть основной задачац – лувихнень сёрматфтомасна библиотекав. Отделонь сотрудникне содафнесазь сайхнень структурать и пользованиянь правилатнень, отделхнень покодемань режимснон и синь вастснон мархта. Улемок самостоятельнай структурнай подразделениякс, отделсь тиендьсы библиотекать первичнай и своднай статистическяй учетонц.
Фондонь пуроптомань-кочкамань отделсь
Отделсь тиенди Россиянь и мокшэрзянь народонь историянь, этнографиянь, культурань, искусствань кизефкснень, омба масторонь и национальнай кяльса литературать коряс кочкама-пуроптома. Активнайста пуропневи финно-угорскяй литературань фондсь.
Ванфтомань ибиблиотекань фондонь консервациянь секторсь
Библиотекань фондонь ванфтомань и консервациянь секторсь вишкста вяти покодема библиотекань фондонь физическяй ванфтомань пяшкодемать коряс: ванфтомань режимть мониторингоц, документонь переплётсь, фазовай консервациясь, дезинфекциясь, документонь физическяй состоянияти питнень максомась, документонь фондонь состояниять ванондомац, методическяй, практическяй и консультационнай лезксонь максомась Мордовия Республикань культурань учреждениятнень эса документонь консервациянь сембе аспекттнень коряс.
Библиотекатнень ёткса абонементонь, полафнемань-резервнай и международнай книгань полафнемань секторсь
библиотекатнень ёткса абонементсь (МБА) ладяф лезксонь максоманди лувити эрявикс книгань мумаса, кона аш Саранскяень библиотекаса, но сон ули лия ошень библиотекаса.
Полафтомань-резервнай фондсь (ОРФ) няфни документонь универсальнай собрания, кона тиф аф профильнай изданияста, литератураста, конанди ашельхть вешфкст лувихнень ширде, вельф оцю дублетнай экземплярхт, конат паньфт основной фондста. Полафтомань фондсь пуроптф региононь и Российскяй Федерациянь лия субъектонь библиотекатнень мархта документтнень полафтоманкса, а стане жа библиотекатнень мархта аф вешфкснень кемокстаманкса.
Международнай книггань полафнемась – сонь основной задачац ащи книжнай фондть зарубежнай изданиятнень мархта пяшкодемаса. Приоритетнай ширекс лувондови фондть пяшкодемац омба масторонь «Мордовикаса», лиякс мярьгомс, мокшэрзянь крайть, мокшэрзянь народть колга изданияса, мокшэрзянь писательхнень сёрматфса, конат нолдафт омба масторса. Полафтомань партнёркс ащихть Китайса Конфуциянь Институтсь, Финляндияса «Валонь фондсь» (руз. «Фонд слова»), Индиянь Посольствась, Молдова Республикась, финно-угрань народонь странатне.
Научно-исследовательскяй и методическяй работань отделсь
Отделсь ётафни регионть библиотечнай тевонц коряс мониторинг и анализ, Мордовия Республикань библиотекатнень виензамаснонды прогнозирования; библиотекатнень работаса практикати инновациянь тонафнема и сувафтома; библиотечнай работать эрь кодама ширензон коряс научно-исследовательскяй тев.
Ширдень сотксонь кирдемань и социокультурноай тевонь тиемань отделсь
Отделсь тиенди ширдень сотксонь кирдемат, маркетинговай и социокультурнай тевтиемат, сотрудничендама лия учреждениятнень и организациятнень мархта.
Отделти сувси маркетингонь секторсь, конань тевтиемац шарфтф библиотекать цебярь имидженц тиеманц, азорондамань оргаттнень, общественнай организациятнень, СМИ-тнень, партнёрхнень мяльснон шарфтомаснонды.
Информационно-библиографическяй обслуживаниянь отделсь
Отделсь вишкста и лац тиенди сувайхнень эрь кодама вешфксснон, аноклай библиографическяй пособият; максси методическяй и консультационнай лезкс республикань библиотекатненди.
Основной фондонь ванфтома отделсь
Отделсь тиенди документонь организация, ванфтома и макссема сембе читальнай залхнень эса тевс ноляманкса, МБА-нь максома, библиотечнай фондонь сохранностень ванфтома и пользовательхнень информационнай вешфксснон пяшкодема, республикань библиотекатненди фондонь ладямань и ванфтомань кизефкснень коряс методическяй лезксонь максома.
Библиотечно-информационнай технологиянь отделсь
Библиотекать основной подразделенияц автоматизированнай технологиятнень сувафтомаснон коряс библиотечнай процесснень пяшкодемаснонды. Отделсь максси аудио -, видео-и компьютернай обслуживания презентациятнень, семинархнень, конференциятнень, выставкатнень, лия мероприятиятнень эса, конат ётафневихть библиотекаса.
Редакционно-издательскяй отделсь
Отделть вельде ноляви продукциясь Мордовия Республикань А.С. Пушкинонь лемса национальнай библиотекать «визитнай карточкац». Изданиятнень репертуарсна фалу келемкшни и тиендеви тяфтама основной тематнень коряс: библиотечнай тевсь, рузонь кяльсь и морафтомась, краеведениясь, патриотическяй воспитаниясь, шумбра эряфсь и лиятне.
Гуманитарнай литературань отделсь
Библиотекань инь сире отделхнень эзда фкясь. Отделсь ащи содамошинь тяфтама отрасляста, кода историясь, философиясь, религиясь, демографиясь, социологиясь и педагогикась, психологиясь и правась, политологиясь и литературоведениясь, языкознаниясь и юридическяй наукатне, художественнай литературась и спортсь.
Естественнонаучнай и производственнай литературань отделсь
Библиотекать инь лама профилень отделонзон эзда фкясь. Отделонь книжнай фондсь ащи научнай, производственно-практическяй, научно-популярнай, учебнай, справочнай литературань электроннай изданияста содамошинь тяфтама отраслятнень коряс: техникать и техническяй наукатнень, велень и вирень хозяйствать, экономикать и экономическяй наукатнень, медицинать и естественнай наукатнень.
Национальнай и краеведениянь литературань отделсь
Мокшэрзянь народть питнидонга питни информационнай, культурно-историческяй документальнай наследиянц кочкаец-ванфтыец, краеведческяй информациянь кочкамань, пуроптомань и ванфтомань центрац, краеведческяй документонь депозитарийсь.
Искусствать коряс литературань отделсь
Отделсь лувондови литературань специализированнай отделкс сембе видонь и жанрань мировой и национальнай искусствать коряс.
Книжнай палата отделсь
Мордовия Республикань книжнай палатась получси обязательнай экземпляр тястонь печатнай изданиятнень издательснон и собственностень сембе формань ноляй организациятнень эзда.
Шуроста васьфневи книгань и книгань памятникнень мархта покодемань отделсь
Отделсь тии работань комплекс шуроста васьфневи книгатнень кочкамаснон, обработкаснон и ванфтомаснон коряс и лувихнень лувихнень меьге якамнь коряс; тиенди и максси пользовательхненди библиографическяй информация.
Тяса кородозь ванфтовихть кунардонь печатнай эсь лацонь книгатне, XVIII–XX веконь наукань и культурань деятельхнень репринтнайсна, факсимильнай, миниатюрнай и эрямопингонь изданиятне.
Периодическяй нолдафксонь отделсь
Отделть фондоц — тяниень периодикань фондсь — мекольдень кизонь центральнай газетат и журналхт. Периодикать кочкамац моли васендакиге пользовательхнень вешфксснон мяльс сявозь, а тяфта жа региональнай экономикать и промышленностть, образовательнай учреждениятнень, республикать социальнай и культурнай ширензон эсь лацонь ширеснон кирдемаснон мяльса кирдезь.
Абонементонь отделсь
Абонементсь — библиотекать инь сире и тяка отделоц, коса лувихненди мярьгондеви кочкамс изданият фондти панжада доступонь условияса и ули кода сявомс синь морафтоманди куду.
Омба масторонь кяльса литературань отделсь
Отделсь ётафни оцю работа Мордовия Республикань и омба масторонь вузонь студенттнень, школань тонафнихнень, омба масторонь кялень преподавательхнень, эрь кодама ширень специалисттнень и сятнень мархта, кит синць тонафнесазь омба масторонь кяльхнень.
Культурань министерствань марсасотф архивсь
Пуроптф архивсь ащи ведомственнай архивокс документальнай материалхнень полафневи составснон мархта. 2014-це кизонь февральста сявомокЮ покоди кода библиотекать структурнай подразделениянц.
Культурань и искусствань покодихнень квалификациянь кеподемань отделсь
Отделса ётафневихть квалификациянь касомань курсат ниле направлениява (библиотекат, музейхть, культурань и искусствань образовательнай и культурна-ваймамань организацият), конат сувафнихть тевс дополнительнай профессиональнай 18 программат направлениянь и видонь коряс.
Фотогалереясь
Лятфтамат
- ↑ 1 2 3 4 5 6 7 Статья о библиотеке на сайте «Саранск Online».
- ↑ http://www.library.saransk.ru/about/contacts.php
- ↑ 1 2 3 Library1318. История - Национальная библиотека им. А. С. Пушкина Республики Мордовия, Национальная библиотека им. А. С. Пушкина Республики Мордовия (10 сентябрьста 2019). Дата обращения: 10 сентябрьста 2025.
- ↑ Информация с веб-сайта библиотеки. Дата обращения: 10 сентябрьста 2025. Архивировано из оригинала 11 февральста 2018 года.
- ↑ Градостроительные ориентиры российских столиц: Саранск: монография / В. Ф. Вавилин, В. А. Моисеенко, В. В. Вавилин; под общ. ред. В. Ф. Вавилина. — Саранск: Изд-во Мордов. ун-та, 2009. — С. 490—492. — 604 с. — ISBN 978-5-7103-2133-1.